تعددت الاشكال والـ واحدـــــزواج

[yasovinas]

تحدد لك خطيبتك موعد للقائها في النادي حتى تعرفك على صديقتها الأنتيم من ايام ثانوي ،، تذهب للنادي في موعدك ،،، تركن السيارة وتجد فتاه ذي القمر بتركن سيارتها جنبك ؛؛؛ تغلس عليها شويه وتبصلك ؛؛؛ تبتسم وتسبل شويه ؛؛ تبتسم الفتاه ابتساه مبهمه لا تعرف اذا كانت تبادلك الابتسامه ولا بتبتسم على خيبتك ؛؛؛؛ فبعد ثواني تكتشف انها هي صديقة خطيبتك المزعومه :sad: :sad:

[Cleo]

تحدد لك خطيبتك موعد للقائها في النادي حتى تعرفك على صديقتها الأنتيم من ايام ثانوي ،،:sad: :sad:

احترس عزيزى العريس قائد السيارة من مثل هذه اللقاءات.. ففى الأغلب فإن خطيبتك ليس بنيتها أن "تعرفك على صاحبتها" وإنما أن "تستعين بصديق" وتعمل عليك كونسلتو معاينة لكى تحدد إذا ماكان عليا أن تطلب "تغيير السؤال" mfb:

[yasovinas]

تقود سيارتك وبجوارك خطيبتك - عروسة المستقبل - وفي لحظه تجدها تصرخ باعلى صوتها {بص اودة الليفينج اللي في الفاترينه دي بص} وتكرر بص عشرملتاشر مرة فتضطر لان تلتفت لثواني الى الافترينه وهوب

بووووم تصطدم بالسيارة التي امامك وينزل صاحبها (المعلم حلاوة العنتبلي ) وهو فاتح الجاعورة على اعلى طبقه في وجهك وانت محتار بعينك بين المعلم حلاوة وبين وجه خطيبتك

تم تعديل 4 مايو 2006 بواسطة yasovinas

[Cleo]

تقود سيارتك وبجوارك خطيبتك - عروسة المستقبل - وفي لحظه تجدها تصرخ باعلى صوتها {بص اودة الليفينج اللي في الفاترينه دي بص} وتكرر بص عشرملتاشر مرة فتضطر لان تلتفت لثواني الى الافترينه وهوب

بووووم تصطدم بالسيارة التي امامك وينزل صاحبها (المعلم حلاوة العنتبلي ) وهو فاتح الجاعورة على اعلى طبقه في وجهك وانت محتار بعينك بين المعلم حلاوة وبين وجه خطيبتك

مرة واحدة صاحبتى عملت معايا نفس الموقف ده..

راكبة جنبى بعدين أنا بعدى الشارع عشان ألف الصينية بتاعة ميدان الحجاز (وطبعا انتم عارفين المرور فى القاهرة عامل ازاى خصوصا مصر الجديدة بالليل فى الصيف)... المهم مركزة جدا وأنا سايقة والعربيات حواليا من كل حدب وصوب ...

وأنا فى وسط الميدان بالظبط...

فجأة....

صاحبتى صرخت...

هى فى دهشة: بصى العربية الحمرا اللى هناك دى.... :o

أنا باصة الناحية التانية وبحاول أفادى العربيات: إمم

هى فى إصرار: أهيه أهيه

أنا فى نفس الوضع: أيوة أيوة

هى فى غضب: يابنتى أهيه انتى بتبصى فين

أنا بعلو حسى فى وسط الشارع: يعنى أخبط فى اللى قدامى عشان العربية بتاعتك :D

(إفففففف... ملينا البلد صحيح :o )

[مصرية يعني مصرية]

:D

نفسي أشوفك أوي يا كليو :o

هااااااااااااااا.....و بعدين يا ياسو..

تم تعديل 4 مايو 2006 بواسطة مصرية يعني مصرية

[yasovinas]

:closedeyes:

نفسي أشوفك أوي يا كليو :angry:

هااااااااااااااا.....و بعدين يا ياسو..

ما تشوفيش وحش يا مصريه ليه كدا بس ما تخلي الطابق مستور

[عبيد الله]

من أجمل المواضيع الخفيفة التي قرأتها في المنتدى حتى تاريخه