هيكل وايزمان ---- سليمان سابقا

[ezzat afifi kotb]

هيكل وايزمان ---- سليمان سابقا

اخر تقرير كان ع الاقصى ...... نمت ويومها النوم استعصى

قمت ازور دارس للاحصا .... ونرصد فى مواكب الجنازات

عندك حزمة من الستات .... وادى حزمة صبيان وبنات

مع حزمة شباب القيادات .... بالميات وف ظرف ساعات

كان الكشف برصنا زاخر .... قبر وبابه مفتوح ع الاخر

جثمان لرفات بيقول اتاخر .... الشهدا ورانا بالاولوفات

قلنا نصنف فيه كام حزمة ... مين استشهد جوة الازمة

ومين بميوعة اخد بالجزمة .... وحصن نفسه بالحراسات

قمنا لقينا صنفين م الناس ....صنف ووطنه فوق الراس

والثانى مات فيه الاحساس .... ردة فعله خرس وسكات

ومع البلوة بليد بيهزر .... والبيانات تشجب وتحذر

والشهدا ترجع م المجزر .... ادفن واترحم بايات

نستجدى فى رياسة الكون .... حبل الصبر مهوش مضمون

داب الحبل ف ايد ميمون .... ونسى الرقصة والحركات

ميمون ف الشارع بيزمجر .... وف طوابير العيش بيغجر

وازاى ح نحافظ ع المنظر .... فى امان وبدون انفلاتات

الاستجداء دا شغل خطير .... رؤسائها خبرا التخدير

شجب وتنديد الشغل كثير .... حقنة تخدير قبل البيانات

بعد التخدير يزرعوا فهامة .... عصب استنكار باشعة جاما

ونعارض حكومات فى باهاما .... ونطاوع اسوأ حكومات

وبرامج ضد الفيروس .... موضوعه بفكر الهكسوس

واللقمة تحتاج لغموس ....غمسها بحبر معاهدات

وقالوا لنا هيكل سليمان .... كان مبنى بايادى الجان

قوم بخر حبة خلونجان ... شمهورش يجيب الرسومات

لو يبنى الهيكل انسان .... صار هيكل نسل وايزمان

ما حيبقى هيكل سليمان .... والتحريف شغل الحاخامات

ونزمر ونهايته بطيط ....فين عقد مقاولة عفريت

مع سابقة اعمال البيت .... والخبرة ف شغل مقاولات

والجن الاحمر والازرق .... فى القدس بيبنى ويسترزق

ونضخ البترول ونفرق ..... ثروتنا ف بنوك اشتات

والهيكل تسليم مفتاح .... والمفتاح عند الاشباح

والاشباح عايزة الارواح ....ارواح اطفال الانتفاضات

وشعوبنا فيها مناضلين ....فاهمين فى سياسة وف الدين

لوتاهت حبة فلسطين .... ف عيون الامة حتبات

عزت عفيفى قطب

[abla]

[b:post_uid0]لا فض فوك يااستاذ عزت[/b:post_uid0]

[ragab2]

أحسنت يا عم عزت

كلمات جميلة ومعبرة

الله ينور

أين أنت من مدة متغيب عنا

[ezzat afifi kotb]

جزاك الله خيرا يا دكتورة عبلة ...ويا اخويا رجب اعتذر عن الاحتجاب لبعض الوقت ..

[solimano]

الله ينور يا استاذ عزت

قول كمان وكمان

[ragab2]

هيكل وايزمان من غيرعظام

وليه أجنحة بيطير زى الحمام

عم شارون الجزار ع الجثث بينام

من تخنة مابيلاقيش على قده حزام

قفاه كبير ومسلطح من الخلف والأمام

عشاه تسليك زورخروف وجوزين حمام

وفطاره  طفل فلسطينى ويطلب كمان

كرشة الكبيريوزن ميتين كيلوجرام

شمعون بيريز شغال لشارون خدام

بعد الضهر يشيل العيال ويسوق للمدام

شارون لما كان عيان وكان عنده جزام

قالوا له نام على بطنك واتغطى بالحرام

واركب معزة  سودة بخطين وشد اللجام

عشان دة راجل مفترى ولا  يعرفش الالتزام

طمعان فى الضفة والقدس ويحب الحرام

وطول عمره يحب القتل ويكره السلام

يقتل طول  الليل وفى  الصبح  ينام

ودة راجل  كداب  ومش تمام

[Imhotep]

 شكلها كده دوتو من بتوع زمان بين اخويه رجب و اخويه عزت... وحشتنا الحاجات الحلوه دى.... الله ينور عليكم.

[abla]

كان ياما كان في سالف العصر والأوان

مجلس بيقولوا عليه مجلس الامن والامان

مهمته حماية الغلابة من الحيتان

صحينا يوم لقيناه مجلس الامريكان

قالوا العربي هان على السيد وايزمان

قلنا على وشك يبان يامضاغ اللبان

من امتي الجبان بيدور ع الغلبان

لسه عندكم امل في مجلس الامريكان

ح تفضلوا لامتي غافلين عن اللئام

وتصبحوا وتتمسوا عايشين ع الاوهام

تاكلوا اماني وتحلوا بأحلام

ياخلق فوقوا وإصحوا من المنام

[ragab2]

مجلس الأمن كان زمان

دلولقت مجلس وايزمان

فى ايد اسرائيل العوبان

أمريكا انسحبت من  دربان

شعرت فى المؤتمر بهذيان

وعشان اسرائيل جالها جنان

الخالة جولدا مرات سمعان

خلفوا واد أهبل سموه دايان

ينتفض م الانتفاضة لانه جبان

خاف على نفسه وهاجر لليابان

و بعد الانتفاضة ما فيش أمان

الواد كوهين ابن عم خرفان

عنده ايدز وحصبة كمان

متخلف وبنص لسان

ينطق حرف وياكل حرفان

ويقولك  سالون  حَيلان

عسان الفلسطينيين سُجعان

وبيضلبوا  حُجالة فى  المليان

(Edited by ragab2 at 7:38 am on Sep. 6, 2001)

[ragab2]

(Edited by ragab2 at 2:28 pm on Sep. 7, 2001)