مصريه بالكويت بتاريخ: 21 أبريل 2006 تقديم بلاغ مشاركة بتاريخ: 21 أبريل 2006 من طرائف يوميات الحياة الزوجية كيف يكون حال المتزوجين بعد ستة اسابيع ثم ستة اشهر ثم ستة سنوات ؟ 1- طريقة الكلام :- بعد ستة اسابيع : بحبك ، بحبك ، بحبك بعد ستة اشهر : طبعا بحبك بعد ستة سنوات : وانا اذا ماكنتش بحبك كنت حتجوزك ليه ؟ 2- بعد العودة من العمل :- بعد ستة اسابيع : حبيبتى انا رجعت بعد ستة اشهر : انا رجعت بعد ستة سنوات : انت طبخت ايه النهاردة ؟ 3- الهدايا :- بعد ستة اسابيع : روح قلبى يارب يكون الخاتم عجبك بعد ستة اشهر : انا جبت لك لوحة ينفع نعلقها فى الصالون هدية عملية مش كده ؟ بعد ستة سنوات : انا سايب لك فلوس علشان تشترى اللى يعجبك ! 4- التليفون يرن :- بعد ستة اسابيع : حبيبتى تليفون لك بعد ستة اشهر : تعالى ده علشانك بعد ستة سنوات : مش سامعة التليفون ما تردى ؟ 5- الطعام :- بعد ستة اسابيع : ماكنتش اعرف ان الاكل ممكن يبقى " لذيذ " كده بعد ستة اشهر : حناكل ايه النهاردة ؟ بعد ستة سنوات : تانى احنا مش اكلنا نفس الاكل ده من يومين ؟ هنتظر تعليقاتكم وردودكم اقتباس اللهم انك سلطت علينا عدوا عليما بعيوبنا - يرانا هو وقبيله من حيث لا نراهم -- اللهم آيسه منا كما آيستـه من رحمتك وقنطه منا كما قنطـته من عـفوك -- وباعــد بيننا وبينه كما باعـدت بينه وبين رحمتك وجنتك رابط هذا التعليق شارك المزيد من خيارات المشاركة
بنت شعنونة بتاريخ: 21 أبريل 2006 تقديم بلاغ مشاركة بتاريخ: 21 أبريل 2006 انا ها اقولك اللي حصل معايا.. في عيد الحب بعد 6 شهور جواز وبعد وعييييييييييد شديد انه لازم يجيبلي هدية حلوة :D الهدية = دبدوب + كارت مكتوب فيه... سبع شهور جواز ولسة بحبك!!!!!!!!!!؟؟؟؟؟؟؟؟ اااااااااااااااااااااااااااااااااااااااااااااه :blush: ;) مقارنة تانية.,.. اول اسبوع جواز... الله تسلم ايديكي حلو الأكل اووووي اول شهرين... ياعيني طباخة بريموا... اممممممم اممممممم بعد سبع شهور... اه كويس...!!!!!! لازم نعزم اخواتي عشان يدوقوه :lol: اول اسبوع جواز... جبتلك هدية بسيطة... " شريط كاسيت كان نفسي فيه" بعد شهرين جواز... ممكن تجيبلي شوكلاته هدية؟؟ من نفسي يعني... - حاضر انتي تؤمري... بعد 7 شهور جواز... جابلي باكو كيت كات كادو عشان دكتور السنان كان مديني بنج ومش عارفا اكل ف كلها هوااااااااااااااااااا ;) اقتباس وانا من البلد ديييييييييييي رابط هذا التعليق شارك المزيد من خيارات المشاركة
ocha بتاريخ: 21 أبريل 2006 تقديم بلاغ مشاركة بتاريخ: 21 أبريل 2006 اول اسبوع جواز انتى ايلى عوزه من الدنيا ثانى اسبوع جواز نفس الشئ ثامن اسبوع جواز يا سلام فى حتتت بيبي يملا علينا فرحتنا وبعد 44 اسبوع جواز يدخل البيت بيقول حبيب بابا فين ا كل استحمى نام شويه وانبى اصحيه وخد من ده كتير وطبعن انتو عارفين الباقى اقتباس رابط هذا التعليق شارك المزيد من خيارات المشاركة
yasovinas بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 اول اسبوع ابتسامه عريضه من الاذن اليمين للاذن الشمال ،، ملابس ورديه وزاهية ،، مكياج كامل وفي ابهى صورة ،، انت ملك متوج على قلبها بعد ستة اشهر ابتسامه باهته ،، ملابس كاجول ،، ماسك اسود من خلطة البيض مع الطين السوداني على كامل الوجه ،، والمكياج فقط عند الخروج من البيت ؛؛ انت حبيب قلبها بعد تسعة اشهر وش مكفهر بيصرخ من الالم ؛؛ مش طايقه تبص في وجهك لان انت السبب في اللي هي فيه وطبعا الملابس مش هقول لك على الشوال اياه :unsure: بعد سنة :blink: ريحة البصل والثوم بتهفهف على البيت من كل مكان ، لا صوت يعلوا على صوت المدام :blink: ،، انت صعلوك ومتهرب من الخدمه المنزليه كمان :blink: ،، طبعا الجلابيه الكستور هي الزي الرسمي طوال الاربعه وعشرين ساعه غير البوكليتات والخمسمائه وتسعه وعشرون بنسه في شعرها ولو عايز حاجه ،،، ابقى فكهم الاول :P اقتباس رابط هذا التعليق شارك المزيد من خيارات المشاركة
nancy بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 هو اول الجواز بيكون الزوج متقبل كل حاجة من الزوجة بيكونا بيكتشفوا بعض بعد سنة الزوج بيزعل لما تهتم بالبيبي اكتر منة بعد 14 سنة زى حلاتى لسة زى ماهو بس الى زاد انة مكنش بيدخل فى اى حاجة فى البيت دلوقت بيحب يدلى بدلوة وعلى فكرة انا بكرة الست الى تلف شعرها وتحط ماسك على وشها وتلبس لبس البيت طول النهار لان دة بيخليها مش زوجة حاجة تانية مفيش داعى اقولها لحسن حد يزعلوكمان الرجال الى بيسيب نفسة ويبقى عندة كرش عظيم اوى اوحش حاجة انهم بيتعودوا على بعض ومبيعملوش اى تجديد انا احتمال افتح موضوع عن التجيد فى الحاياة الزوجية بس لما نشوف اخرتها اية :unsure: اقتباس رابط هذا التعليق شارك المزيد من خيارات المشاركة
kokowawa1979 بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 شعنن كتبت : ا ها اقولك اللي حصل معايا..في عيد الحب بعد 6 شهور جواز وبعد وعييييييييييد شديد انه لازم يجيبلي هدية حلوة الهدية = دبدوب + كارت مكتوب فيه... سبع شهور جواز ولسة بحبك!!!!!!!!!!؟؟؟؟؟؟؟؟ اااااااااااااااااااااااااااااااااااااااااااااه مقارنة تانية.,.. اول اسبوع جواز... الله تسلم ايديكي حلو الأكل اووووي اول شهرين... ياعيني طباخة بريموا... اممممممم اممممممم بعد سبع شهور... اه كويس...!!!!!! لازم نعزم اخواتي عشان يدوقوه اول اسبوع جواز... جبتلك هدية بسيطة... " شريط كاسيت كان نفسي فيه" بعد شهرين جواز... ممكن تجيبلي شوكلاته هدية؟؟ من نفسي يعني... - حاضر انتي تؤمري... بعد 7 شهور جواز... جابلي باكو كيت كات كادو عشان دكتور السنان كان مديني بنج ومش عارفا اكل ف كلها هوااااااااااااااااااا :unsure: على فكرة الكوميديا الراقية تفتقدك ككاتبة بارعة يادكتورة شعنن اقتباس اسألوا الأيام .......... اسألوا الآلام من الملام إذا ......... وكلنا لوام رابط هذا التعليق شارك المزيد من خيارات المشاركة
مصرية الهوى بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 (معدل) المشهد الأول : جناح فخم في أحد فنادق الخمسة نجوم .. عريس وعروسته يقضيان شهر العسل .. العروس وفي أثناء سيرها في الغرفة .. تتكعبل في طرف السجادة .. دررررردب .. (مشهد سقوط مؤثر :blush: ) .. يقفز حبيب القلب والروح العاشق الولهان من مكانه :wub: ... ليأتي لانقاذ حبيبته : اسم الله عليكي يا حبيبتي .. جرالك حاجه يا روح قلبي .. ياريتها فيني ولا فيكي يا حياتي :wub: .. المشهد الثاني : جناح فخم في أحد فنادق الخمسة نجوم .. رجل وزوجته (عاملين فيها رومانسيين) وجايين يقضوا يوم في هذا الفندق .. بمناسبة مرور عام على زواجهم ... الست وفي أثناء سيرها في الغرفة .. تتكعبل في طرف السجادة .. دررررردب .. (مشهد سقوط مؤثر :blush: ) .. صوت ذكوري اجش يصرخ فيها وهو متمدد على الاريكة : ايه يا ست انتي .. انتي اتعمتي والا ايه .. مش شايفه قدامك .. ثم صوت ضحكة مجلجلة :huh: .. - - - - - - - - - - - - - - - - - - - - - المشهد الأول : صرخة في قلب الليل .. ينهض الرجل من نومه مذعورا .. وينظر الى زوجته التي تتألم بجواره .. - مالك يا روحي ؟؟ - انا هأولد .. وديني المستشفى .. عاوزه ماما .. اهئ اهئ اهئ :sad: .. بملابس النوم .. يحمل الرجل زوجته ويذهب بها الى المستشفى وهو يقود السيارة بسرعة جنونية ... في احد ممرات المستشفى .. نفس الرجل بملابس نومه .. يقطع المكان جيئة وذهابا .. يجلس على احد الكراسي تارة .. ثم ينهض تارة اخرى .. الدموع تتحجر في مقلتيه .. بعد انتظار ثلاث ساعات .. تخرج احد الممرضات لتخبره .. انه جاله بنت زي القمر .. ينفجر بالبكاء :sad: ... المشهد الثاني .. بعد عشرة اعوام .. صرخة في قلب الليل .. ينهض الرجل من نومه مذعورا .. وينظر الى زوجته التي تتألم بجواره .. - فيه ايه .. خضيتيني ؟؟ - انا هأولد .. وديني المستشفى .. عاوزه ماما .. اهئ اهئ اهئ .. - طيب بالراحة .. لزمته ايه الزعيق ده .. وبعدين دي مش اول مرة تولدي .. ده الرابع mfb: .. يقوم من سريره ببطء .. يدخل الحمام ساعة .. يخرج ليرتدي ملابسه بهدوء وروقان .. يدخل المطبخ .. يفتح الثلاجة .. يبحث عن بقايا أكل .. يلتهمه على عجل وينزل ... في السيارة .. سيدة تتألم .. ورجل يقزقز لب .. وصوت نانسي الحالم ينبعث من مسجل السيارة .. في المستشفى .. سيدة على السرير الأبيض تشكو من ألم المخاض .. يأتي زوجها ويقول : - أنا هأروح البيت عشان العيال .. خايف يصحوا ميلاقوش حد ..وكمان انا ورايا شغل بكرى .. لما تقومي بالسلامة .. اديني رنة .. سلام mfb: .. (المشاهد حقيقية :blink: ) تم تعديل 22 أبريل 2006 بواسطة مصرية الهوى اقتباس جيجي ... سعودية الجنسية ... مصرية الهوى ... رابط هذا التعليق شارك المزيد من خيارات المشاركة
سهيلة بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 مصرية بالكويت شعنونة ياسوووووووو مصرية الهوى اوشا بصراحة حرام عليكم تعقدوا الناس اللى لسة ما دخلتش د نيا بكلامكم دة اكيد الحاجات دى ليها اسبابها يا ريت الازواج اللى معانا ف المنتدى يقولولنا اية اسباب تغير المشاعر دى او البخل ف المشاعر بعد الزواج واية اسباب الملل الزوجىىىىىىى؟؟؟ ومتشكرة ليكى يا نانسى لانك فتحتى طاقة امل بحكاية التجديد الزوجى دى نمسك الخشب يعنى 14 سنة وبتقولى تجديد يبقى لازم تقوللنا على سر التجديد ازاااااااااااااااى؟؟ اقتباس اذا اردت ان تعرف نعم اللة عليك............ اغمض عينيك.] رابط هذا التعليق شارك المزيد من خيارات المشاركة
صلاح ضحا بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 من الملاحظ أن أغلب المشاركات في هذا الموضوع من الجنس اللطيف وكأن التغير للرجل فقط والسيدات عشرة علي عشرة ارجوا من كافة السيدات أن يبحثوا عن التجديد في حياتهم اليومية والزوجة في منزلها تعتبر رئيسة للوزراء أما الرجل أو الزوج فهو وزير الأشغال العمومية والشاقة . نظرة بعين الرضا لوزراء الاشغال يارئيسات الوزراء مع تحياتي اقتباس رابط هذا التعليق شارك المزيد من خيارات المشاركة
Recommended Posts
انضم إلى المناقشة
You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.