Sherief AbdelWahab بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 سؤال غريب الشكل كان في جمجمتي قبل يومين بالتمام والكمال وأنا مروح البيت.. بمناسبة اللي قاله صديقي ياسو في موضوع ما في الزاوية دي عن جواز الصالونات.. زمان .. كان كل الجواز جواز صالونات.. كانت معارف - ومش حقول تجارب- الرجالة مع الجنس الآخر معدومة.. وكان المجتمع شبه محافظ ومقفول.. ومع ذلك كانت الزيجات مستقرة.. دلوقت كله انفتح على البحري.. رقعة الاختلاط اتسعت.. ومع ذلك نسب الطلاق في ارتفاع مستمر.. تيجي إزاي؟ خلص الكلام Sherief El Ghandour<br /><br />a furious Egyptian رابط هذا التعليق شارك المزيد من خيارات المشاركة
ATHENA بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 (معدل) صحيح جواز الصالونات بيبقى مستقر أكتر إلى حد ما لأنه بيكون مبني على العقل أكثر..بس له عيوبه برضه و مفيهموش تجربة حب جميلة بيتمنى أي شخص يعيشها لأانه بيكون حاجه مترتبة شوية و زي اداء واجب..و مفيهوش وسيلة لمعرفة عيوب و مميزات الطرف الىخر و معايشته .. أما عن مجتمعنا حاليا و البحري فده لأن مجتمعنا مزدوج العقلية و الجنسية و النفساوية... يعني بسلامته مش عايز جوازه صالونات و عايز يعرف حبيبته قبلها و يفهموا بعض و القرع ده...و لما يعرفها يقول إزاي عرفتني و كلمتني قبل الجواز :blush: و لما يروح يخطب ويتجوز بطريقة الصالونات التقليدية بعد شوية يزهق و يفضل يقول لبعد عشرين سنه جواز و بعد مليون تجربة خارج الجواز إن السبب هو انها إتجوزها بطريقة رسمية و القرع ده برضه...و ده بجد اللي شفته و لاحظته مع ناس كتير في مصر.. نرجع للشخص اللي عايز حبيبته متعرفهوش قبل الجواز نلاقيه راح بلد اوروبي و إتجوز واحدة أروبية بشروط مجتمعها البحري البحري و بيبوس إيده وش و ضهر و آخر رضا.. :blush: و دوخيني يا لمونه :blink: تم تعديل 22 أبريل 2006 بواسطة ATHENA رابط هذا التعليق شارك المزيد من خيارات المشاركة
سهيلة بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 ولا لغز ولا حاجة يا استاذ شريف كل الموضوع ان الجواز زمان كان مستقر رغم انو جواز صالونات بس مش معنى انو مستقر انو الزوجين عايشين سعداء لااااااااااا طبعا اكيد انهم موش كدة ولكن الابواب المغلقة دى كانت مغلقة على كثير من المشاكل والتباعد بين الزوجين ويمكن يكون كرة احدهما للاخر ولكن احدهما اوكلاهما صامت وساكت وبيقول اهة حياة وخلاص اهوة يوم وبيعدى تفتكر لية لان كان فى حاجة مهمة جدااا كانوا مؤمنين بيهااااااااااا وهية قدسية الحياة الزوجية ومسولية الزواج والخوف على مستقبل الاولاد لو وجدوا ودة اللى مفقود دلوقتى تلاقى من اول او تانى خلاف يحدث الطلاق لعدم وجود معنى راسخ جوا الطرفين وهوة معنى قدسية الحياة الزوجية والبيت اللى عملوا سوااااااا هتسالنى طب لية كان اغلب الزواج زمان فاشل بس من غير طلاق لانعدام الحوار ايام زمان متهيالى ان فى حوار دلوقتى وحرية ف التعبير عن الراى عن زمان اذاااااااااااا احنا ناقصنا دلوقتى عشان نقلل حالات الطلاق مسولية الزوجين ومحاولاتهم الجدية ف حل مشاكلهم لانجاح هذة الموسسة الاجتماعية اللى بنوها سواااااااااا وزى ما هما شركا ف البناء لازم يكون الطرفان شركا ف النهاية يعنى ما يجيش طرف لوحدوا وينهى الموسسة دى لوحدو بدون التفاعل مع الطرف الاخر اذا اردت ان تعرف نعم اللة عليك............ اغمض عينيك.] رابط هذا التعليق شارك المزيد من خيارات المشاركة
yasovinas بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 اللغز حلة بسيط يا هشام وموجود امامنا كلنا هنا في المنتدى زمان جواز الصالونات او حتى جواز الحب كان في له نقطة اساسية ومهمه جدا وهي ان الراجل زمان كان راجل والست كانت ست كل واحد له حدود وله مكانه لا الست عايزة تاخد مكان الراجل ولا الراجل عاوز ياخد مكان الست الراجل زمان كان بيحب مراته ويقدرها وهي في المقابل كانت تحترم زوجها وتبجله كانت العلاقه بينهم حتى لو ما كنتش مبنية على الحب فهي مبنيه على الاحترام والموده وكان في الغالب تجد الرجل اكبر سناً وثقافه ودخلاً ومن هنا كان دايماً الميزان معتدل فلا نجد من تقارن نفسها بزوجها ولا من تطالبه بان يشاركها في كل شيء حتى في شرب السيجارة ولا تجد من لا تحفظ له مكانته واحترامه في بيته ووسط اولاده ومعارفه مما يعني ان الزوج دائما يحاول ان يثبت وجوده واحترامه الطبيعي ولكن مع تنمر الزوجه يختفي عطفه عليها وحبة لها وتظهر علالامات القسوة التي تؤدي بالتالي الى انعدام احترامها له وكذلك المحبة بينهما وهكذا ينتهي الزواج الى مباراة او خناقه او معركة لتكسير العظام واثبات ايهما اقوى ،،،، وللدليل على كلامي اقرأ مواضيع عروسة المحاورات شانا وصويحباتها نانسي وسهيلة وفريق المصريات بكافه انواعهم (يعني مصري، الهوى، من الكويت ،،،،،،،،) تحياتي رابط هذا التعليق شارك المزيد من خيارات المشاركة
nancy بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 ياسو انت متحفز للستات عموما بشكل غريب جدا بس عموما انا بالذات معترضتش الا على ان الست لازم تشتغل علشان تكون لاقية نفسها وتعلمها دة بفيدة غير كدة لو قريت كل ردوى حتلاقى انى بتكلم على الزواج والزوج بمنتهى الاحترام لانى عايشة دة شخصيا فمتخلطش كل الامور ببعض والست لما تكون عندها شخصيتها دة مبيالغيش الراجل لما تكون كافة الميزان متساوية دة جميل مش معناه ان فية خلل وبعدين جواز الصالونات انا لا اعتقد انة الامثل بعد كل احتكاك الناس بالعالم الخارجى ولو دلوقت نسبة الانفصال وعدم الرضا عليا لان محدش من الاتنين بيحاول يرضى التانى وكتير من الزوجين اى تنازل من الاخر بيعتبرة امتياز من حقة منتهى الرجوع علية وانا باقول للمرة العاشرة زى ما فى راجل وحش فية ست لاتطاق ان باتكلم على تعامل لانسان مع الانسان وانا شخصيا بتعامل على الجملة الى انت كنت كتبها كونى لة امة يكن لكى عبدا وكمان انا كتبت قبل كدة كن جميلا ترى الوجود جميلا احترام الزوجين وحبهم هو الى بيدى الحياة الزوجية معنى جميل انما انت بتتكلم على الزواج من زاوية تخصك وغيرك بيتكلم عن الجواز من زاوية تخصة وكل واحد بيعتبر راية شىء مسلم بية ودة مش صحيح كل زواج هو حالة خاصة جدا لا يصحح ان تعمم وبعدين كل بنات وستات المنتدى مفهمش حد كاره النظام الاجتماعى للجواز ولا بيتكلموا عنة انة سىء معلش يا ياسو انت مكبر الموضوع اوى رابط هذا التعليق شارك المزيد من خيارات المشاركة
ATHENA بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 (معدل) الراجل زمان كان بيحب مراته ويقدرها وهي في المقابل كانت تحترم زوجها وتبجله كانت العلاقه بينهم حتى لو ما كنتش مبنية على الحب فهي مبنيه على الاحترام والموده وكان في الغالب تجد الرجل اكبر سناً وثقافه ودخلاً ومن هنا كان دايماً الميزان معتدل فلا نجد من تقارن نفسها بزوجها يا سلام يا ياسو..إنت جبت المفيد بجد :blush: زمان.. زمان يعني... زمان و كده :blush: كان الراجل راجل و الزوجة زوجة... يعني مكنتش مثلا مضطرة زي دلوقتي تحيط نفسها بكل الحرص و الحذر و الخوف ده من المقالب اللي بتاخدها و الي بتضطرها تبقى شرسة حريصة متوجسة...كان الرجل رجل بكل معنى الكلمة و بكل ما تحمل كلمة رجل و رجولة من مفاهيم و تحمل للمسؤولية لكل تصرف و خوف على المرأة و تقدير لها و إحترام لأنوثتها..بالتالي كانت المرأة بتتصرف بشكل مشابهه تجاه زوجها..دلوقتي بتبقى واقفة في المواصلات و هو رجل على رجل قاعد و ده أبسط مثال ... هو ده اللي لازم تبجله زي سي السيد بتاع زمان؟ زمان... زمان يعني... زمان وكده.... كان الراجل أكبر من الست بشكل كبير فكان التبجيل وكده يعني..دلوقتي سنهم متقارب و كتير مفيش فرق سنة و لا سنتين بينهم..برضه بلاش تدي لنفسها حق المقارنة و المطالبة بالإحترام؟ زمان... زمان يعني.. زمان وكده... كان الرجل أعلى دخلا و بيصرف على بيته بشكل كامل...دلوقتي اللي زيه دول ميجوش خمسة في المية من مجتمع الأزواج و الغالب عايز الهانم بتشتغل عشان تصرف معاه و يبقى أحلى لو صرفت عليه ..برضه ملهاش حق المقارنة و التساوي؟ و أخيرا زي ما قالت مدام نانسي كده في ناس مضروبة من الطرف ده و ناس من الطرف ده تم تعديل 22 أبريل 2006 بواسطة ATHENA رابط هذا التعليق شارك المزيد من خيارات المشاركة
yasovinas بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 مش عارف الظاهر اني لما قلت اسماء على سبيل المثال غلطت فعلا عموما حقك عليه يا نانسي (تاني مرة في يوم واحد :blush: ) انا لم اقصد ان يكون كلامي او راي منطبق على اي اخت من اخواتي الغالين في المنتدى ولكن انا ذكرت ان فكرة الندية والمساواه واضحه جداً في كل ردودكم في اي موضوع يذكر فيه الرجل والمرأه وهو "في رايي الشخصي" من اكثر اسباب الخلافات الزوجيه فالرجل اي رجل ليس فقط الشرقي [size=7](الرجل ) في اي مكان في العالم لن يقبل ان تكون زوجته التي تعيش في "كنفه" ند له، راس براس وفعل بفعل وكلمه بكلمه واحيانا الكلمه بعشرة (حسب مكيال الست حماته :blush: ) وعلى فكرة انا مش متحامل اطلاقا على بنات حوا فهن اجمل مخلوقات الله على الارض ولكن {وآه من لكن} اذا اعترفن بانوثتهن تحياتي رابط هذا التعليق شارك المزيد من خيارات المشاركة
بنت شعنونة بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 عشان الزوج المناسب ما بيجيش الا بعد الجواز!!!! والزوجة البيرفكت ما بتظهرش الا لما الفاس تقع في الراس....؟!؟!؟ لو عرفت تفك الطلسم دا ها تفهم حل اللغز لو ما عرفتوش قولولي افكه ليكم :blush: وانا من البلد ديييييييييييي رابط هذا التعليق شارك المزيد من خيارات المشاركة
ocha بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 عشان الزوج المناسب ما بيجيش الا بعد الجواز!!!!والزوجة البيرفكت ما بتظهرش الا لما الفاس تقع في الراس....؟!؟!؟ لو عرفت تفك الطلسم دا ها تفهم حل اللغز لو ما عرفتوش قولولي افكه ليكم :blush: انا بس عاوزه قبل ما احل اللغز تقوليلى زوجه برفكت بمعنى ايه رابط هذا التعليق شارك المزيد من خيارات المشاركة
ocha بتاريخ: 22 أبريل 2006 تقديم بلاغ مشاركة بتاريخ: 22 أبريل 2006 يا جماعه حقيقى انتو تعبتونى وشيلتونى هم الزوج والزوجه لان انا فىرائى وببساطه ان مفيش لارجل ولا امراة بيقدمو على الزواج الا وبداخلهم رغبه حقيقيه فى بناء اسره متكافئه وسعيده ولكن ومع الاسف لا يحدس هذا بسب الضغوط التى نواجها جميعا سواء ماديه او معنويه فالعيب ليس فينا بل فى مجتمعنا الله لا يسمحه رابط هذا التعليق شارك المزيد من خيارات المشاركة
Ahmed Mohsen بتاريخ: 23 أبريل 2006 تقديم بلاغ مشاركة بتاريخ: 23 أبريل 2006 بدايو أتفق مع الأخت سهيلة في معظم رأيها ... خصوصا بالنسة لزواج زمان ... زواج الصالونات زمان كان ناجح لأنه كان قائم علي رغبة كلا الطرفين في إقامة أسرة مستقرة ... وكان كلا الطرفين عنده الإحساس العالي بالمسئولية الواقعة عليه لإقامة هذه الأسرة ... وكان كلا الطرفين عنده الوعي الكافي بالالتزامات المترتبة علي هذا القرار ... وبالتالي كان كلا الطرفين يتحمل أي خلافات قائمة وأي تعارض موجود بين الطرفين فقط من أجل الحفاظ علي هذه الأسرة التي كونوها بأي شكل ... هذا كله كان ناتج عن طبيعة المجتمع في هذا الوقت والذي كان يغلب عليه تقديس عاداتنا الشرقية الأصيلة والحفاظ علي قيم مجتمعنا الشرقي الجميل .... وأيضا كان ناتج عن قلة الوعي النسبي عند الطرفين بخصوص حقوق المرأة ... حيث في هذه الفترة كانت النزعة الذكورية شبه مسيطرة علي المجتمع ككل وكانت المرأة شبه مهمشة في معظم المجالات .... أما اليوم ... فللأسف انقلبت الآية ... حيث زاد الوعي وأخذت المرأة الكثير من حقوقها ... وفي نفس الوقت نقص الإحساس بمسئولية بناء أسرة ونقص الوعي بالالتزامات المترتبة علي بناء هذه الأسرة وزادت الحساسية ما بين الزوجين ..... وبناءا علي واقع حياتي وتجربتي الشخصية في زواجي وزواج العديد من أصدقائي المقربين .... أستطيع أن أقول أنه لو توافر الإحساس بمسئولية بناء أسرة وتوافر الوعي بإلتزامات تكوين هذه الأسرة وتوافر الوعي الكامل بين الطرفين بحقوق الطرف الآخر ... لكان هذا الزواج ناجحا بغض النظر عن طريقة التعارف في البداية .. وهذا طبعا إلى جانب الاختيار الواعي من كلا الطرفين للطرف الآخر وتوافقهما الثقافي والاجتماعي والنفسي باختصار شديد ... حل هذا اللغز يكمن في المعادلة التالية: (إختيار سليم + تحمل مسئولية + وعي بالالتزامات + وعي بحقوق الطرف الآخر) من كلا الطرفين = زواج ناجح تحياتي الحل لكل مشاكلنا في الحياة هو: "عامل الناس كما تحب أن تعامل" رابط هذا التعليق شارك المزيد من خيارات المشاركة
بنت شعنونة بتاريخ: 23 أبريل 2006 تقديم بلاغ مشاركة بتاريخ: 23 أبريل 2006 اوشا البيرفكت اللي هيا فتاة احلامه طوووووووول عمره فك الطلسم اللي قلته الراجل المحترم بيكون مش عارف يعني ايه جواز و البنت كمان بعد الجواز بيبقوا عرفوه من جميييييييع الوجوه يبتدي يبص للناس بنظرة مختلفة تماما وتبتدي فتاة احلامه تتغير على المعطيات الجديدة وهيا كمان وعشان احنا مجتمع مفتوح ف نقي واختار يا عبد الستار واللي ما جاش من النشان الأول يجي من النشان التاني حد فاهم حاجا؟ وانا من البلد ديييييييييييي رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان