طلعتوا لى منين ؟؟!!!

[قهوجى]

يا خبر أسود و منيل عليكى يا مصر يا اللى مش بتبطلى لا حبل و لا ولاده !!!!

أنتم أيه يا جماعه و طلعتوا لى منين ؟؟؟!!

أنا اللى قضيت عشرميت ألف ساعه على النت بأتنقل من منتدى لمنتدى لمواقع فاضحة لأماكن مشبوهه بعد ما يأست من العثور على مكان محترم و بشر فاهمين اللى بيحصل أخيرا لآقيتكم يا ولاد الأيه و عليا النعمه من نعمة ربى ما أنا سايبكم لحد لما نشوف آخرتها معاكم يا مصريين يا اللى تتحطوا على جرحى يطيب و يا اللى بأحبكم أوى أوى ..

أيه الزخم الفكرى و الثقافى و الاٍنسانى اللى أنتم فيه ده ؟؟ جبتوه منين وسط شلالات الحزن و الاٍكتئاب اللى غرقونا فيه ؟؟ و اْزاى لسه فيه ناس بتعرف تتكلم الكلام الموزون ده اللى شعلل حب الوطن فى وجدانى من تانى ؟؟

سايق عليكم الحبيب النبى ما تسيبونيش لوحدى تانى غريب و وحيد و مكتئب و حاسس أن اللصوص ما سابوليش حتى ننى العين .. عاوز أحتمى فيكم و أتونس بيكم يا مصاروه علشان بجد بجد أنا ضاااااااااااااااااااااااااااااااااايع ..

[سهيلة]

اولااااااااااااااااا

اهلا ومرحبا بيك عضو جديد هنا بيناااااااااااااا

احنا هنا موش مجرد اعضاء ف منتدى لاااااااااااا

احنا اخوات وعيلة واحدة وانت هتحس بدة ان شاء اللة

وعشان نعمل الواجب معاك من ترحيب وخلافة لازم الاول تدخل المنتدى من بابة الرءيسى

وهوة باب الاجتماعيات

هناك هنعملك حفلة كبيرة

ف موضوع حفل استقبال للاعضاء الجدد هتعرف نفسك للجميع

واهلا بيك مرة تانية

[قهوجى]

مشكوره يا سهيله يا جميله .. و يا ستى أنا يكفينى ترحيبك بوجودى بينكم بالأصاله عن نفسك و بالنيابه عن الأعضاء .. و حتشوفوا منى العجب :lol:

[yacho]

من ناحية حنشوف العجب فده باين .. من الدخله .. لا .. بجد

ربنا يستر

نورتنا يا قهوجى :lol:

[الأفوكاتو]

عزيزى قهوجى,

و فعت, و تلقيناك, بأيد حنينة, و قلوب فى صفاء الماء.

هنا سترى المصرى الأصيل, الذى يحبك بدون حاجة لمعرفتك, بل لمجرد وجودك هنا فى بيت كل المصريين.

مرحبا بك, و أهلا و سهلا, فقد حللت أخيرا ببيتك.

تقبل تحياتى., و تمنياتى بوقت ممتع.

[وليد صفوت]

اهلاً و سهلاً بيك نورت بيتك محاورات المصريين

اتمنى ليك اقامة طيبة و ان شاء الله تفيد و تستفيد مع اسرة المحاورات .....

[nancy]

اهلا بيك معانا هنا واضح انك من ذوى ... خفة الدم بس الفولت عالى شوية .. ونبى بشويش علينا لحسن حنتكهرب كدة

يلا افتح موضوع ونتناقش ونعرف بتفكر ازاى

[kokowawa1979]

مرحبا وأهلا وسهلا بأخونا الجديد قهوجي

من الآخر كدة باعتبار إنك متستجد فالمشاريب كلها الليلة على حسابك :lol:

[Guest النسر المصري]

وعندك واحد شرباااااات ياعم قهوجي....أقصدي لعم قهوجي

يقهلا ياقهلا ومرحبا ...نورت المحاورات يا قهوجي

شد الكرسي الليج نبك ده اقعد نلعبلنا عشرتين طاولة

:lol: :angry2:

[الرافعي]

الأخ العزيز قهوجي

ترحيب سريع لا يليق بك نظراً لظروف خاصة وقاهرة تمنعني من الإطالة في الكتابة .. يمكن واضحة من المداخلات الكريمة للأعضاء

لكن رأيت من الواجب أن أرحب بك بين أهلك وإخوتك

واسمح لي أعبر لك عن إحترامي الشديد لما كتبته اليوم من مداخلات تنم عن عقلية واعية وانتماء جميل لمصر بدون أي عصبية أو تأثيرات خارجية ... رجعتنا للأصل ببساطة ومن غير عقد وتشنج ومن أي طرف ..

شجاعتك .. أهنيك عليها ..

وسامحني .... إن شاء الله نقوم معاك بالواجب .. بس لما الظروف تعدي

تحياتي

أخوك الصغير حلاوة العنتبلي :lol:

[kokowawa1979]

ياترى أخبار إبننا يوسف إيه دلوقت ياكبير المعلمين؟ ربنا يعجل بشفاه

[tarek_almeghallawy]

الأخ قهوجي

يا مرحب بيك

أحببت مداخلتك العفوية المنطلقة

ووصلت لقلوبنا بنفس سرعة انطلاقها

اتمنى لك اقامة سعيدة بالمحاورات

وعايزين نشوف العجب العجاب

تم تعديل 24 أبريل 2006 بواسطة tarek_almeghallawy

[الرافعي]

ياترى أخبار إبننا يوسف إيه دلوقت ياكبير المعلمين؟ ربنا يعجل بشفاه

كتر خيرك يا حبيبي، هو بخير والحمد لله، المشكلة إنه لازم يعيد العملية مرة تانية،

التفاصيل هاحطها في موضوع الدعاء للابن يوسف ..

ربنا يكرمكم ويحفظ لك أهلك جميعاً

حلاوة

[متفائل]

:blink: :) دمك زي العسل يا قوهوجي

وكويس انك لقيتنا علشان زي مانتا شايف القاعدة ناشفة ومفيش حد بيجيب مشاريب ولا شيش ولا طاوله

:blink: يعني جيت في وقتك

يالا اشتغل ....

ورينا موضيع حلوة :blush: