تهنئه للاخوة الاقباط ولكن مجرد سؤال

[مصرى فى دبى]

كل عام والاخوة الاقباط بخير ومصر كلها فى تقدم ووحدة

ولكن لى عتاب بسيط

لماذا كل هذا التصفيق للسفير الامريكى فى احتفال الاخوة الاقباط بقداس عيد القيامه

مجرد سؤال

[قهوجى]

و أنت طيب يا حبيبى و ربنا يجعلها سنه أموره و لذيذه علينا و عليكم .. بصراحه من أول اٍمبارح و أصحابى المسلمين قايمين معايا بأحلى واجب تماما زى ما بأوجب معاهم فى أعيادهم .. أمال .. ما هو جارى المسلم اللى الحيطه فى الحيطه أقرب لى من أخويا أميل اللى ساكن فى آخر الدنيا و كمان مراته خنيقه و قطعاه عننا ..

أما بالنسبة لسؤالك فالرد عليه محرج حبتين خاصة فى الظروف اللى أحنا فيها دى ..

ربنا يسترها علينا و يديم المحبة و السلام .. و كل عام و أنتم بخير بمناسبة شم الفسيخ ..

[الأفوكاتو]

لا نريد تصفيق السفير الأمريكى للترحيب بعيد أخوتى المصريين,

فعندنا إكتفاء ذاتى, و حب لمصر, و كل المصريين.

كل سنة و الجميع بخير,

و كل شم النسيم , و الملانة و الفسيخ, , و الحدائق و الزهور, بخير.

تحياتى.

تم تعديل 24 أبريل 2006 بواسطة الأفوكاتو

[حفيد إخناتون]

لا نريد تصفيق السفير الأمريكى للترحيب بعيد أخوتى المصريين,

فعندنا إكتفاء ذاتى, و حب لمصر, و كل المصريين.

كل سنة و الجميع بخير,

و كل شم النسيم , و الملانة و الفسيخ, , و الحدائق و الزهور, بخير.

تحياتى.

طبعا .. سباق دائما يا استاذنا .. ودى التهنئة الثانية .. لأننا بنهنى أهلنا وجيرانا .. بس أنت نسيت حاجة مهمة يا متر .. لازم الناس تأكل الخس .. وافيد وأجدع خس تلاقينى كاتب عنه فى المشاركة الرابعة بموضوع من مذكرات جدى إخناتون ..

http://www.egyptiantalks.org/invb/index.ph...topic=19860&hl=

تحياتى واطيب تمنياتى لجميع المسيحين ..

تم تعديل 24 أبريل 2006 بواسطة حفيد إخناتون

[سهيلة]

تهنئة من القلب للاخوة الاقباط ف عيدهم

وكل سنة وانتم طيبين

ومصر كلها يد واحدة اقباط ومسلمين