سلسلة انفجارات تهز منتجع دهب في مصر

[nashwa]

أفادت أنباء بحدوث سلسلة من الانفجارات في منتجع دهب على ساحل البحر الأحمر في مصر.

وقال شاهد عيان إن ثلاث انفجارات متلاحقة وقعت بالقرب من مخفر للشرطة كما حدثت إصابات.

وقال إنه شاهد جثثا على الأرض في منطقة مأهولة بالسياح والمطاعم والمتاجر.

>>>>>>>>>>>>

الله يخرب بيتك وبيت اللى حوليك زى ماخربتها ... يورينى فيك يوم أسود من طين البرك :wub: :D :wub:

[وليد صفوت]

ورد فى خبر عاجل على الجزيرة انه ثلاث إنفجارات وقعت فى مدينة دهب السياحية و التى تبعد 100 كيلو متر شمال مدينة شرم الشيخ ....

و هناك 20 سيارة إسعاف تتجه الأن الى هناك ... و لم يحص حتى الآن عدد المصابين أو القتلى ( إن وجد ) ....

و هناك اعمدة دخان تتصاعد من اماكن الإنفجارات الثلاثة حتى الأن ....

اللهم عافنا ....

أكثر من 100 قتيل و جريح نقلاً عن الجزيرة التى بدورها نقلت عن مصادر اخبارية اجنبية ....

اللهم عافنا .

[kokowawa1979]

أكثر من مائة قتيل وجريح في هذه الإنفجارات حتى الآن !!!

أغبى أمن على مستوى العالم موجود في مصر في العام الماضي حدثت حادثة إرهابية في نفس التاريخ ( غدا عيد سيناء ؟ )

وأغلب الظن ستكون هناك عمليات أخرى في إحتفال ثورة يوليو !!! مثل العام الماضي لإن غباء رجال الأمن يعتمد على طريقة قر واعترف يابن الكلب وقول أنا ديب !!!!!!

فينك ياأحمد يارشدي قضيت وقت طويل في وزارة الداخلية ولم نسمع طلقة رصاص واحدة طوال عهدك !!!

منك لله ياللي حولت البلد لحريقة في كل مكان !!!

[وليد صفوت]

احد الإنفجارات استهدف فندق ( المشربية ) ....

و الثانى استهدف سوبر ماركت ( غزالة ) .. و الثالث على ما يبدو استهدف ( الكوبرى الخشب ) فى المنطقة السياحية

تبعد الأماكن المستهدفة عن بعضها البعض بضعة كيلو مترات ....

[kokowawa1979]

17 قتيل و150 جريح حتى الآن !!!!

[Cleo]

حسب قناة العربية 17 قتيل و160 جريح حتى الأن

[وليد صفوت]

ميناء إيلات الإسرائيلية ترفع حالة الإستنفار الى الحالة ( ج ) تحسباً لوجود مصابين او قتلى اسرائيليين ....

والسلطات المصرية تمنع السائحين من مغادرة المدينة !!

[kokowawa1979]

عدد القتلى أصبح 22 والمصابون 150

التليفزيون المصري أوضح أنها عبوات ناسفة وليست عملية انتحارية !!!

الراجل وزير الداخلية ده أكتر وزير وقعت في عهده عمليات جامدة ولسة الكرسي لاصق فيه مش عارف ليه ؟؟؟

مع إن حادثة الاقصر اللي جابت داغ حسن الألفي كان الحبيب هو رئيس جهاز أمن الدولة !!! ومع ذلك اترقى وزير !!

الناس المتخلفة مشغلة طبل وزمر ورقص على الفضائية المصرية !!!

آه ياولاد ال............. ياللي ماعندكمش دم

[محمد عبدالعزيز]

والله يا جماعة أحداث تشيب أنا مش عارف مستنين إيه بقى تانى

يارب أعنا على التخلص من هؤلاء الظلمة والمفسدين

يارب الشعب يفوق من غيبوبته عشان يلحق ماتبقى

[Sherief AbdelWahab]

أتمنى إن اللي حصل دة يعمل جرس إنذار على أوضاع كثيرة سياسية واقتصادية ودينية واجتماعية في مصر لازم تتعالج ، وأخطاء سياسية وحزبية لازم تتصلح ، بدل ما ييجي وزير الداخلية ويقول قبضنا على كذا وعشرين بني آدم ويخلص الموضوع على كدة..

سياسة المسكنات اللي عمال على بطال استخفاف فاضح بعقولنا.. :wub:

الأمن مش كل حاجة في مكافحة الإرهاب..

وصلت؟؟

متن الخبر من الجزيرة :

عشرات القتلى والجرحى في تفجيرات بمنتجع مصري

قتل وجرح نحو 100 شخص في ثلاثة تفجيرات بمنتجع دهب السياحي على ساحل خليج العقبة جنوب سيناء بمصر.

وقعت التفجيرات بشكل متزامن في البلدة، وذكر شاهد عيان أن هناك دخانا يتصاعد من المنطقةK وقال إنه رأn أناسا يفرون في جميع الاتجاهات.

وقال مراسل الجزيرة إن عمليات إنقاذ الضحايا جارية مع عمليات بحث عن مزيد من المتفجرات.

وأشارت أنباء إلى أن أكثر من 20 سيارة إسعاف توجهت إلى مواقع الانفجارات. وتزدحم المنتجعات السياحية المصرية في مثل هذا الوقت من العام من أجل قضاء فترة الأعياد المسيحية السنوية في مصر وأيضا لقضاء إجازة شم النسيم وذكرى تحرير سيناء اليوم وغدا.

وتقع دهب على بعد نحو 100 كلم شمال مدينة شرم الشيخ التي شهدت في يوليو/تموز الماضي تفجيرات قتل وجرح فيها العشرات.

المصدر: الجزيرة + وكالات

http://www.aljazeera.net/NR/exeres/5979745...41F33BDCEBC.htm

خلص الكلام

[kokowawa1979]

ياترى هايلبسوا القضية لمين دلوقت ؟؟؟

كل شباب شمال وجنوب سيناء الآن في المعتقلات ؟؟؟

مع إن أنا رأيي إسرائيل هي وراء كل الحوادث التي وقعت في جنوب سيناء في السنوات الأخيرة !!!!

بس إحنا الجبن راكب المسئولين ومش قادرين حتى يلمحوا !!!!

أسود علينا وقدام أولمرت نعامة !!!!

[Sherief AbdelWahab]

ما نقله كوكواوا عن التليفزيون المصري يؤكد أن تليفزيوننا بقى مذهل ل ل ل ل ل ل طحن..

عدد القتلى أصبح 22 والمصابون 150

التليفزيون المصري أوضح أنها عبوات ناسفة وليست عملية انتحارية !!!

أقول إيه..

أقول إيه..

أقول إيه...

تليفزيون الملوخية .. منتهي الصلاحية .. اقرأوا عليه الفاتحة ، فلا تجوز عليه غير الرحمة..

:wub:

خلص الكلام

[kokowawa1979]

30 قتيل وأكثر من مائتي جريح !!!

رفع حالة الطوارئ في جميع مديريات الأمن للقبض على البقية الباقية من شباب مصر !!!!

مراقبة جميع المطارات والموانئ؟؟؟؟

حبيب العادلي لسة وزير للداخلية !!!!!!!

الداخلية :

10 قتلى -4 أجانب و6 مصريين !!!!

70 جريح المصابين !!!

نصدق الوزير واللا التليفزيون !!!!!

[Cleo]

33 قتيل حتى الأن..

أظن أن مرتكبى الحادث مختلين عقليا :wub:

[kokowawa1979]

كليو كتبت :

أظن أن مرتكبى الحادث مختلين عقليا

إنت بتقولي فيها ياكليو ده البيان المنتظر بالفعل

[se_ Elsyed]

يوماً بعد يوم يُثبت لنا الرئيس القائد بإن اختيار المسئولين لدينا يخضع لخفة الدم وليس للكفاءة

-======

هذا الحادث الاجرامي يُثبت فشل القوات الامنية لدينا كالعادة

------

وكأني ارى مرتكبي الحادث وهما بيطلعوا لنا لسانهم وبيقولوا لنا " كل يوم من ده

======

تفجيرات طابا كانت في 6 اكتوبر

وتفجيرات الشرم كامت في 23 يوليو

والنهاردة في عيد تحرير سينا

يعني التوقيت بقى معروف للكفيف

والعسس نايمين في العسل وفالحين بس في اعتقال الاخوان المسلمين كل يوم

-------=

سينا ما بقاش فيها حد من السكان عشان يعمل تفجيرات بعد ما البشمرجة الفرعونية لموا حتى النساء والاطفال

---------

في خبر عاجل دلوقت بيقول ان الرئيس مبارك صرح بان هذا العمل هو عمل ارهابي

تسمحوا لي ازغرط

يعني صحوه من النوم عشان يقول البؤين دول جزاه الله الف خير

وجت لك على الطبطاب يا مولانا عشان ترزعنا كمان 20 سنة طواريء

=========

السؤال هنا للجميع وياريت نجاوب عليه

لو زوجتك واولادك مرميين في المعتقل منذ اكثر من سنة بدون ذنب وكل ذنبهم انهم سيناويه ؟

تعمل ايه ؟

لما تجاوبوا هاتعرفوا مين فينا الارهابي

[مـؤنـس فـرحـان]

السلام عليكم

دى أول مشاركة ليا .. :wub:

الله يرحم الموتى فى الحادث ويصبر اهاليهم ان شاءالله

بالنسبة للمقارنة بين اعلامنا وبين الفضائيات التانية انسووو .. الجزيرة والعربية بتجيب الاخبار أول بأول واحنا بنسجلها منهم ونذيعها تانى يوم :wub:

من غير استغراب للى حصل واللى بيحصل وحيحصل من الأمن فى سينا ... زى ماحصل ايام تفجيرات شرم الشيخ .. اعتقالات ومطاردات واعترافات .. الخ الخ .. وحصار أمنى ... شهرين تلاتة و المسألة تنام وترجع ريما لعادتها القديمة

ترجع ريما وتتمسك بمصريتها .. ومن أهم صفات الانسان المصرى .. الإهمال .. اللامبالاة .. الإتكالية .. إحيينى النهاردة وموتنى بكرة .. ياعم قول يا بااااسط

ويا عالم مين اللى بجد ورا الموضوع دا .. فعلا هو فرصة لإسكات المطالبين بإلغاء قانون الطوارئ .. اللى سيتم استبداله بقانون الارهاب .. فرصة لإلهاء الناس عن حاجات كتير حصلت الفترة دى

بلاوى انتخابات الرياسة اللى ابتدت تظهر ..... العبارة ... موقف القضاة ... النشاط الواضح لبعض النواب فى مجلس الشعب فى عدة أمور وبلاوى مستخبية للحكومة بتظهر فسادها

ربنا يعين الجميع

[nancy]

فى العربية حالاالساعة 11 ونص بتوقيت مصر

القتلى 16 منهم 12 مصريين

والمصابين 72 منهم 50 مصريين

ربنا يستر

[maksoof]

الله يرحم الأموات و يلهم ذويهم الصبر

اللهم أنزل لعنتك على الإرهابيين و كل من يؤيدهم و كل ينشر سمومهم من "مجاهدى الإنترنت" و على كل من يفرح فى مصائب مصر و المصريين.

[Cleo]

الله يرحم الأموات و يلهم ذويهم الصبر

اللهم أنزل لعنتك على الإرهابيين و كل من يؤيدهم و كل ينشر سمومهم من "مجاهدى الإنترنت" و على كل من يفرح فى مصائب مصر و المصريين.

آمين..

اللهم إنك وليت أمرنا شرورنا ممن لا يخافك ولا يرحمنا.. اللهم فأعذنا من تجبرهم وأرنا فيهم قدرتك التى قدرت فى فرعون وهامان وقارون

اللهم آمين