مشروعات السكك الحديدية في مصر

[عادل أبوزيد]

 

الناس متلخبطة في موضوع القطار السريع فحبيت ألخص لكم الحكاية : 
في 5 منظومات للسكة الحديد في مصر جاري العمل فيهم
1- القطار السريع
2- القطار الكهربائي
3- المونوريل
4- مترو الأنفاق  
5- القطار التقليدي ( الديزل )

⁦⁩ * القطار السريع *
 ده اللي تم التعاقد عليه مؤخرا مع تحالف سيمنز ، ودي منظومة متكاملة لقطار كهربائي سريع ( بيوصل لـ ٢٥٠ كم / ساعة ) لنقل الأفراد  والبضائع وبتمتد المنظومة 1750 كم وهي عبارة عن 4 مراحل : 
۱- خط السخنة - العلمين ( من ميناء العين السخنة لميناء جرجوب غرب العلمين مرورا بالعاصمة الإدارية وبفروع في موانئ اسكندرية وبرج العرب ) بواقع 15 محطة وطول 460 كم يشتغل في ٢٠٢٣
 ۲- خط الغردقة - الأقصر مرورا بسفاجا وقنا 
٣- خط أكتوبر - أسوان ( غرب النيل )
 ٤- مد الخط الأول للوصول لمطروح بطول ۲۰۰ کم @ كان في كلام كتير عن تكاليف المشروع فحابب أوضحها : تم التعاقد على أول 1000 كم بـ 360 مليار جنيه منهم ۸ ٫ ۲ مليار دولار للخط الأول بواقع 3 مليار دولار لشركة لسيمنز الألمانية وبالإضافة لما يعادل ٥,٢ مليار دولار هيتسددوا للشركات المحلية بالجنيه المصري ، وهي ممولة بقرض يسدد على ٢٠ سنة منهم أول 6 سنوات سماح و 14 سنة أقساط شاملة الصيانة والعمرات 15 سنة
المنظومة رابطة كل الموانئ الرئيسية والمدن الجديدة والمحاور ، وهتربط دول الجوار مع تنفيذ خطين ديزل واحد هيروح من مطروح للسلوم لبني غازي في ليبيا والثاني من أسوان لتوشكي لوادي حلفا في السودان .

 ⁦⁩ * القطار الكهربائي الخفيف LRT *
 القطار الخفيف هو خط طوله 66 كم وبسرعة ١٢٠ كم / ساعة لربط العاصمة الإدارية بمحطة عدلي منصور التبادلية ( مدينة السلام مرورا بالعاشر من رمضان ) وبواقع 11 محطة واللي بينفذه تحالف AVIC و China Railway Group الصينيين مع شركات مصرية 

⁦⁩* المونوريل *
وهو عبارة عن قطار معلق ذاتي القيادة وجاري تنفيذ خطين على التوازي : خط من العاصمة الإدارية لاستاد القاهرة ٢٢ محطة بطول ٥٢ كم وخط من 6 أكتوبر للمهندسين ۱۲ محطة بطول ٤٢ كم والمشروع تنفيذ تحالف بومباردير Bombardier الكندية مع شركات مصرية 

⁦⁩  * مترو الأنفاق *  
منظومة مترو الأنفاق القاهرة مخطط لها الوصول لـ 6 خطوط ( الخريطة النهائية مرفقة ) بإضافة الخط الرابع ( الرحاب - حي الأشجار ) والخامس ( الخلفاوي - الوفاء والأمل ) والسادس ( الخصوص - المعادي الجديدة مع استكمال الخط الثالث وفي مشروع مترو اسكندرية وده بدايته تحويل قطار أبو قير لمترو والوصول للكيلو ٢١ بتنفيذ المنظومة على 3 مراحل : مرحلة أولى بطول ٢٢ كم وعدد ١٨ محطة كلهم سطحي وعلوي ، ومرحلة ثانية من محطة مصر للماكس بطول 8 كم وعدد 6 محطات نفقية وأخيرا من الماكس للكيلو ٢١ بطول ۱۳ كم وعدد 6 محطات نفقية و 3 محطات علوية مع العلم أن المترو بيتقابل مع القطار السريع في برج العرب 

⁦⁩* القطار التقليدي *
مصر فيها 10 آلاف كم سكة حديد تقليدية بالديزل بيتم تطويرها شاملة جرارات وعربيات جديدة وتطوير الإشارات والتقاطعات لرفع كفاءة المنظومة وتحسين معدلات الأمان
اللهم احفظ مصر واهلها