إمتحان الهندسة التحليلية

[maksoof]

[لخبطه]

عالم رخمه هو يعني مش عارف فين مكان X علشان يعقد الطالبه بسؤال زي كدا

بس ظريفه والله الاجابه

[mohmaher]

حلوة جدا جدا

[Guest النسر المصري]

عجبتني اوي الإجابة بصراحة....بس في مشكلة

دة سؤال هندسة فراغية يامكسوف...مش تحليلية :) ...يادي الكسوووووف :rolleyes:

[yacho]

عجبتني اوي الإجابة بصراحة....بس في مشكلة

دة سؤال هندسة فراغية يامكسوف...مش تحليلية :) ...يادي الكسوووووف :rolleyes:

وايه الفرق حضرتك بين الاتنين اصل انا كنت ادبى :blink:

[Guest النسر المصري]

على فكره ياياشو أنا كمان كنت أدبي.....وورغم ان الكلام ده درسته ايام أولى ثانوي.....بس لسه فاكره

وأنا هأقولك إيه الفرق لإنها حكايه طريفة...وهأقولها بصراحة وبدون كسوف...أنا كنت ساقط تحليلية والأول في الفراغية..شفتم التناقض

الفراغية كانت لها قواعد ثابته وكانت بتعتمد على رياضيات المجسمات والأبعاد...فكان لازم يكون عندك تخيل جيد عشان تقدر تحل الأشكال المجسمة ..وتوجد الإسقاطات

وكنت أنا الأول بلا منازع في الفراغية ...ومقفل الدرجة النهائية فيها...في حين ان تلاتة ارباع المدرسة كانت ساقطة فيها :rolleyes:

أما الهندسة التحليلية فهي هندسة عقيمة مريضة ضعيفة ملهاش أي لازمة في الحياة من وجهة نظري...وهي لاتعتمد على الاشكال...ولا يوجد لها معادلات وقوانين ثابته...بل هي عبارة عن طرق لحل المساءل التحليلية

والغريب اني انا سقطت فيها واخدت دور تاني حيث اني كتبت في الامتحان...

(بسم الله ...توكلنا على الله......تم بحمد الله) وبوسه عاليمين وبوسه عالشمال وسلمت ورقة الإجابة بالكلمتين دول ولبست الدور التاني...

في حين العكس تماما المدرسة كلها مش معظمها...كلها تقريبا نجحت في التحليلية...وده غريب..بل اصحابي بقوا مستغربين مني....يابني انت جاي من كوكب اوسلو...كلنا ساقطين فراغي وانت الاول...وكل المدرسة ناجحة تحليلية وانت ساقط ازاي :)

وبعدين عزمت اني لازم افهم التحليلية ...وفعلا اخدت درس عند مدرس فلسطيني في العريش.....وقعدت وراه اسأله وادبح فيه من ذات اليمين والشمال لغاية لما فهمني ودار الحوار ده اللي لايمكن أنساه

- الله الله ...طب يااستاذ احمد على كده كل سؤال وليه قانون غير التاني.....يعني مفيش قانون واحد او مجموعة قوانين أقدر أحل بيها المسائل التحليلية كلها

- ماهو ايوه ده صح...انت لازم تحفظ الخمسين مثال اللي في آخر الكتاب....ومفيش مثال هيخرج عنهم لانهم هم دول اسئلة التحليلية...بس الرقام هي اللي بتتغير

- ياسلاااام..احفظ ...بقى انا باخد رياضة عشان احفظ ولا افهم

-ماهي دي الحقيقة ياني...شو ببدي اساويلك

- طب ياخويا ماتعمليش حاجة هاحفظ هاحفظ....المهم انكم تخترعوا رياضة وخلاص...بوليكة يعني

- طب ياحبيبي بوليكة بس انجح الأول

وفعلا...حفظت الخمسين مثال....ودخلت الامتحان...وحليتهم كلهم (فوول مااارك) بس حليتهم وانا لحد النهاردة فوق راسي علامة استفهام كبيرة..

هو اللي عمل التحليلية دة....عملها ليييه :blink: :blink:

و

[yacho]

مششششششششششكرين

مشششششششششششكرين يا نسر .. الغريب انك بتقول اولى ثانوى :huh: .. حاجه غريبه

انا كنت بانجح ازاى مش عارفه :sad: ..انا ولا فاكرة فراغيه ولا تحليليه .. هو انت دفعة كام

انا اخري كان جبر وهندسه B) وب الوش B)

[maksoof]

دة سؤال هندسة فراغية يامكسوف...مش تحليلية :huh: ...يادي الكسوووووف :sad:

لا يا أستاذنا

الهندسة الفراغية دى بتاعة إعدادى هندسة اللى بتتكلم عن تقاطع الأسطح و المستويات و إسقاط مونج و الإسقاط المرقوم الخ..

الهندسة التحليلية هى اللى يدخل فيها حساب المثلثات

مش كده و اللا إيه؟

[Guest النسر المصري]

ايه ياعم مكسوف..هي خناقة...أولا حساب المثلثات على أيامنا كان كتاب لوحده..وكانت الهندسة التحليلية كتاب لوحدها ..والهندسة الفراغية كتاب لوحدة (معرفش ان الهندسة الفراغي بقت تتدرس في الجامعة ..لاني انا درستها في اولى ثانوي)

واذا كانت المسأله دي حساب مثلثات ...يبقى هي اسمها حساب مثلثات...ولا علاقة لها بالتحليلية

عموما أنا شاكك انهم غيروا المناهج أو شيء من هذا القبيل

أنا درست اولى ثانوي عام 89 ...انت بدفعة كام عشان اعرف؟؟؟؟....ولا اقولك احنا نحتكم لكبار المحايبين هنا في المنتدى

سي السيد وزوهيري وحشيش....وهم يحكموا :sad:

[وليد صفوت]

ولع فى الجرجير .... بقولك ولع فى الجرجييييييير :sad: ( وش علاء ولى الدين فى الناظر )

[maksoof]

...انت بدفعة كام عشان اعرف؟؟؟؟

ثانوية عامة 1961

بكالوريوس هندسة 1966

كله من اسكندرية (و إيوه عارف .. ملينا البلد :sad: )

[Farida]

لا يا أستاذنا

الهندسة الفراغية دى بتاعة إعدادى هندسة اللى بتتكلم عن تقاطع الأسطح و المستويات و إسقاط مونج و الإسقاط المرقوم الخ..

أستاذ مكسوف دوكهه اسمها هندسه وصفيه لكن دولهمه اسمها فراغيه .......

[محمد عبدالعزيز]

يا جماعة انتم بتتخانقوا على إيه بس

صلوا على النبى كده وروقوا إنتم مالكوش إلا بعض

تحليلية إيه وفراغية إيه وحساب مثلثات إيه ووصفية إيه

إيه علاقة السؤال بالهندسة أصلاً, هو عشان راسم مثلث بقى سؤال هندسة خلاص

الحكاية كلها إنه فى واحد تايه عاوز يروح حتة اسمها X واﻷخ اللى جاوب الله يكرمه رسمله خريطة وبيعرفه يروح ل X منين

أدى كل الحكاية ولا هندسة ولا يحزنون.

لا بجد بقى

مفيش أى معلومة تقدر تحدد دى مسألة إيه

كل الحكاية مثلث قائم الزاوية وطول ضلعى القائمة 3 و 4 سم ودمتم, أعتقد الحكاية من أولاها ﻵخرها اتنين بيرخموا على بعض ووجعوا دماغنا احنا.

[Guest النسر المصري]

طب ماتللنا الموضوع انت يابشمهندس محمد

بما إنك ضريع في الهندزة :sad:

(ملاحظة هامه: انا مارخمتش على حد...احنا بننكش بس....وبعدين انا لازم احترم رأيه....لان مكسوف استاذ كبير وقديم جدا....وانا من دور واحد من عياله (رغم ان الشيب شاب على شعري) :huh: B)

[maksoof]

لا يا أستاذنا

الهندسة الفراغية دى بتاعة إعدادى هندسة اللى بتتكلم عن تقاطع الأسطح و المستويات و إسقاط مونج و الإسقاط المرقوم الخ..

أستاذ مكسوف دوكهه اسمها هندسه وصفيه لكن دولهمه اسمها فراغيه .......

يا سلام .. و الله عنك حق يا أستاذنا

أهه أنا من دلوقت حغير إسمى إلى "مكسوف جدا" :huh:

و حقك علينا يا أستاذ نسر .. لك عندى واحد شاى كشرى :sad:

[Guest النسر المصري]

لولوولولولولويي

- بتزغرطي ليه يام فاروووق

- الواد ابن حارتنا ياختي بقى استااااذ

- ازاي ده حصل يختي

-ابدا ...اتاذ كبير أوي قال عليه ده انت استاذ

-ولولولوولولولولي ...الف مبروك يختي عالأستاذية :sad:

- لاوكمان ايييية.عزموا على واحد كشري وشاي

-ياألف نهار أبيض ياألف نهار أبيض...وأنا أقول الغسيل طالع أبيض ف ابيض كده ليييه...عجايب ياجدوعااان

(ملحوظه انا مش عايز شاي كشري...انا عايز شاي وكشري.... تفرق اوي مع اخوك ياحاج مكسوف.....وياريت سوجارطين توشكا فرط)

[محمد عبدالعزيز]

طب ماتللنا الموضوع انت يابشمهندس محمد

بما إنك ضريع في الهندزة :sad:

(ملاحظة هامه: انا مارخمتش على حد...احنا بننكش بس....وبعدين انا لازم احترم رأيه....لان مكسوف استاذ كبير وقديم جدا....وانا من دور واحد من عياله (رغم ان الشيب شاب على شعري) :huh: B)

أنا مش قصدى حد من اللى بيشاركوا فى الموضوع

أنا قصدى إن حكاية الصورة فى رأيى كده: إن فى اتنين بيرخموا على بعض واحد حط سؤال خزعبلى والتانى رد عليه بحل خزعبلى برضه

يعنى زى كده اللى بيسأل واحد بيقوله تعرف عدد النجوم فى السماء قد إيه قاله 6532154 قاله مش مصدقك قاله طب عدهم وإنت تصدق

معلش يا جماعة أنا مش قصدى حد منكم والله