منورانا .. يا أحلى ذات وشاح في الدنيا ..

[مصرية الهوى]

أهلا وسهلا بيكي يا ذات الوشاح ...

نورتينا يا حبيبتي ..

رحبوا معايا بصاحبتي وحبيبتي ذات الوشاح ..

:closedeyes:

معليش بقى يا ايمى حقك عليا عشان اتأخرت في عمل الحفلة ..

شايفه لما قلتلك على الماسنجر هامشي وارجع ..

اكتشفت ان ورايا شغل متلتل :huh:

تقريبا خلصته وانا نايمة :P

[yasovinas]

كويس ادي 3 معلومات عرفناهم في شروة واحده

ذات الوشاح اسمها ايمي

ومن السعودية

وكمان صديقة جيجي :huh:

نصيحه يا ذات الوشاح اعلني تبرأك منها والا :P

وقد ازعر من فنظر

نرجع للجد التقيت بالغاليه ذات الوشاح في اول رد لها في موضوع قاسم امين وكان رد اكثر من رائع يدل على عقل كبير وافق واسع

اهلاً بيكي يا ايمي "بناء على كلمات جيجي" ولحين اشعار اخر

دي لسه مطلعهالك طازة من المصنع بتاع الترحيبات

وكمان شوية ورد من الغالي بالدورار كمان

[مصرية الهوى]

ماشي يا ياسو :huh:

حسابك معايا بعدين ...

مش عايزين نتخانق قدام البنية ...

احسن تفتكر انها دخلت في بيت اشباح مجانين والا حاجه ..

بعدين تقوم تاخد بعضها وتهج :P

واحنا لسا بنقول يا هادي

ومن السعودية

بس المعلومة دي مضروبة ..

انت جبتها منين :closedeyes:

ايمى دي مصرية واسكندرانية كمان

<_<

[yacho]

منوره يا ذات الوشاح ..

معاكى ياشو .. اسكندرانيه برضه .. اهلا بيكى

[nancy]

ازيك يا ايمى

مرحبا بيكى فى عش ... العقلين

طبعا ردك عجب ياسو مهوا من اعداء قاسم امين

بس انا خلصت الخناقة معاه وتصحبنا تناى

بغض النظر عن اختلاف الراى

وبعدين مدام اسكندرنية يعنى زيى انا وياشو وياسو

يلا انضمى للمجموعة

مرحبا بيكى تانى معانا

[yasovinas]

اية ده :D لا شوية كده افهم الوضع :huh:

ايمي واسكندرانية :P هو انت ايمي اللي كانت في البارك ايمي اللي عايشة في دبي :D

ولا ايمي اسكندرانية وعايشة في اسكندرية <_< يعني ايمي غير ايمي التانية :P اللي هي برضه اسكندرانية وعايشة في دبي :D

ايه في ايه :closedeyes: طاااايييييب : يا اااا :blush: حسن انا جاي اهو

[ATHENA]

أهلا أهلا يا إيمي منورانا :huh:

[eastsoul]

ايمي اهلا بيكي ... نورتي محاورات :huh:

[ذات الوشاح]

بسم الله الرحمن الرحيم

:wub: :wub:

هوا ايه الى حصل

انا اتخضيت جدا لما لقيت اسمى في موضوع و بعدين افتكرت جيجي قلت اكيد هيا الى عامله الفضيحة ديه

ربنا يكرمك يا جيجي على التقديم الخطير ده :huh:

و بصراحه جيجي هيا الى قالت لى على المنتدى الرائع ده و كمان هيا الى ساعدتنى انى ادخله _ لانكم طبعا عارفين انه محجوب _

على فكرة انا مولودة في السعودية و عشت فيها كتير جدا و معتبراها وطنى زيها زي مصر و خصوصا انى كنت مرتاحه فيها جدا عن مصر يمكن برضه عشان كنت صغيرة

انا عمرى ما رحت دبى و الله منين المعلومات الغريبة ديه ؟؟_ اكيد فيه خلط بينى و بين ايمي سابقة _

على ايه حال يا ياسو ربنا يكرمك رفعت روحى المعنوية

و شكرا على الورد و الحاجات الجميلة ديه _ اما الحق احطها في مايه قبل ما تذبل _

حبيبتى ياشو اظاهر ان المنتدى كله اسكندرنية و انا مش واخده بالى و لا ايه

ياشو المنتدى منور باصحابه :o

حبيبتى نانسى على فكرة ردودك بتعجبنى و انا بحب جدا ان الناس تكون مختلفة في الرأى عشان نقدر نفكر و نوصل للاصح و مش بحب ابدا اتخانق مع حد لمجرد انه مثلا مختلف معايا

و ادينى انضميت معاكم و شكرا على الاستقبال الجميل ده :o

ATHENA

و

eastsoul

محاورات منورة بوجودكم :wub: :wub:

تم تعديل 28 أبريل 2006 بواسطة ذات الوشاح