إزاي تعرف انك اتربيت في بيت مصري

[Guest النسر المصري]

أنا بقى قصتي قصة...بس مختلفة عنكم نوهائيا

اصل بابا وماما بيتكلموا عرايشي...وانا واخواتي بنكلمهم مصري

ودي كانت حالة غريبة جدا....لدرجة احنا مش فاهمين طلعنا كده ازاي...وازاي عرفنا ان احنا مصريين لان الكلام العرايشي زي الشامي بالظبط..وطبعا احنا طفولتنا كانت في الكويت..وده اللي نيل الموضوع اكتر

المهم اكتر كلمه كانت بتثبت ان البيت ده مصري كانت كلمة

اللي بتااع هادا

وحيث انك لمة بتاع كلمة مصرية المنشأ والمنطق...وحيث انها لا تستخدم الا في مصر فقط...وايضا لعدم وجود معنى محدد لها...فهي تستخدم كناية عن حدث ما او شيء ما...او كتاب ما..أو صرصار دخل فجأه جوه رغيف العيش..او جارنا ابو عبدالله لما كان يجعر

أهو كله بتاااااااااع

المهم كلمات كثيره كانت بتتقال من بابا وماما وبنفهم معناها ولكنها ليست مصرية بالمره

وفقط كلمه بتاع هي القاسم المشترك

حد يقولي بقى هو البتاع لما يكون في البتاع بيقى شكله زي البتاع التاني كده وولا البتاع الغالي ده بيبقى احسن من البتاتيع كلها :blink: :rolleyes:

[واحد تاني]

للرفع ...

هات مارش رير من أول سطر :)

[إيزيس]

إبقي قابليني لو نفعتي

و لما تتجوزي هتاكلوا كتب اتعلمي لك طبخة تنفعك

تقديرك إيه جيد أمال كنت عايزة تجيبي مقبول

ماباخدش منك غير فلسفة

الخواجة لما يفلس حيث إني كنت أخلص مصروفي ومكافأة الجامعة واستلف من إخواتي و أحيانا أبيع لهم بعض مقتنياتي بأبخس الأثمان من شرايط وكتب لأني إيدي مخرومة ( دي ماما اللي قالت )

[semsema]

نفس الكلام اللي قاله الاستاذ سين سين

مالكيش دعوة وقومي ذاكري يا أبله ياللي في ثانوية عامية ... الماتش مش هايجيلك في الإنتحانات أخر السنة ولا حسن شحاته هاينفعك في أمتحان الكيميا .

بابا سين سين

قومي إفتحي لك كتاب ... وأبقي قابليني لو نفعتي من كترة الفرجة عالتليفزيون ... وخلي سوزي بنت البواب اللي في نفس سنك تجيب اكتر منك يا ست هانم ياللي بتاخدي مصروف وبيتصرف عليكي قدها 10 مرات

واضيف عليها..

انا لما كنت قدك كنت باكل الكتب اكل...

خلي فلانة الفلانية تنفعك..

انا اللي استاهل اني اجبلك المدعوق ده..

اقفلي اللي يتكسر ده وقومي ذاكريلك كلمتين ينفعوكي..

ومش فاكرة بقى حاجة تانية......الزهايمر شكله اشتغل :)

تم تعديل 13 فبراير 2008 بواسطة semsema

[se_ Elsyed]

إنتوا ناسسين أهم حاجه

" ده أنا حارم نفسي ومش راضي أشتري منطلون جديد عشان أكفي مصاريفكو "

كنت باتضايق قوي من الجُملة اللي كل شوية يكررها بابا الله يرحمه وأقول في عقل بالي ( يا عم أرحمنا بقى واشتري المنطلون وكفاية ذُل )

" حرام عليك قوم ذاكر ده أحنا عشانكو بنطلع اللقمه من بؤنا وندهالكو "

يعععععع .... مش للدرجة دي يا بابا .. في امراض وحاجات ممكن تحصل نتيجة لذلك .

س س : بابا ... شوفت نتيجة التيرم الأولاني .. إبنك طلع الخمستائر على الفصل ( الفصل كان تلتاشر أساساً )

بابا : أما نشوف نتيجة التيرم التاني يا فالح

( يا راجل طب قول لي كلمة حلوه تبل بيها ريقي ... بسبوسة ... كونافه .. اي حاجه حلوه )

------------------

س س : ماما ... مافيش لحمه النهاردة ليه ؟

ماما : إحنا اخر الشهر .. واحمد ربنا ... البطن ما بتشكرش

كنت هاموت وأعرف يعني إيه البطن ما بتشكرش دي ؟

فهمت بعدين بقى في منتصف التسعينات إن البطن مالهاش لسان ... يعني تديها فول .. شغاله ... تديها لحمه فلتو برضوا شغاله

---------------

[نانو]

نانو يا نانو قومي علشان الفطار

الفطار هايبرد يا حبيبتي

الفطااااااااااااار

الفطار برد يا &*&%%$%^

طفي النور وراكي يا بنتي حرام عليكي النور المولع علي الفاضي ده

يا بنتي الأكل بره ده كل قرف مافيش احلي ولا انظف من أكل البيت

هيا الفلوس في إيديكي عليها عفريت ....مش معقول كده ..هو أنا قاعدلكم علي بنك

[م.سامح المصرى]

الي بياكل علي درسة بينفع نفسة

بالليل ابل ما ننام

ماما : قوم اقفل باب الشقة

سامح : ما انا لسة قافلة ..... حاضر

ماما : قفلت باب الشقة

سامح : اة يا امي

ماما : طب قوم اكد علية كدا

سامح : يا ماما ما انا قفلته

ماما : قوم اكد علية ..... :baby:

سامح : حاضر ......:)

لا واية ممكن نلاقى الاخوات بتخنق كمان ..... ( ال اية علشان هما كبار )

اخويا : حاسس بسقعة .... انتا قفلت الباب

سامح : اة والله واكدت علية كمان

اخويا : امال الساقعة دى جاية منين ( واساسا هوا نايم تحت الشباك ) ...... طب قوم شوف الباب كدة مقفول

سامح : فى سرى (الله يقطع الباب وسنينة السودا ما انا كنت اتخمدت وكانوا هما ولعوا في الباب حتى :blink: ) حاضر يا سيدي

[إيزيس]

أما أنا فكان عندي مشكلة فزيييييييييعة

دي أختك الكبيرة لما تبقي أدها

ودي أصغر منك هتعملي زيها..؟

أيوة بكل أسف و لأول مرة أقولكم اللي كاتماه في قلبي من 88 سنة :unsure: :lol: أنا الوسطانية

[nash]

أقعدي وأنتي بتاكلي..الأكل هاينزل في رجلك.....حتي وانا في الجامعه كانت بتتقالي...والغريبه بصدق..

ناش تعالي بسرعه....وأروح مهروله الاقي مافيش حاجه إرجينت..

اللي داخل البيت يقلع الجزمه ويمشي علي طراطيف صوابعه...وإلا..تووووووووووووووووت...مشفر

طب مانتوش خارجين النهارده إلا لما توضبوا الأوضه اللي************توووووووووووووووت أكيد برضه مشفر

خليكوا واقفين قدام المرايه كده لما هاتتجنوا أكتر مانتم مجانين....

أهالينا دول كانوا عليهم شويه تحكمات تجيب الضغط...

[vipwithyou]

هههههههههه

بجد ردودكم فى الموضوع الجميل دة ضحكتنى

وهأرد زيكم انتم كمان

ماما كانت تيجى تصحينى من الساعة 7 الصبح

ياتامر اصحى مش عندك محاضرات

حاضر يا ماما

يا تامر قوم بقى الساعة 8 يابنى

حاضر ..

يا تامر الساعة 9

حاضر اهه قمت .. وانا فى سابع نومة

يا تامر هو انت مش رايح النهاردة الكليه الساعة 1 يابنى

ياماما حاضر

مفيش محاضرات النهاردة مش رايح الكليه

خلاص يابنى كمل نوم

حاضر يا ماما

ههههههه

الكلام دة من يجى 7 سنين

لكن لما سافرت واشتغلت

كان ابن الجزمة القديمة المنبه يزن فى ودنى وأقوم زى الجزمة برضوا اروح الشغل آه يانا ايام

فين ايامك يا ماما لما كنت بأقولك حاضررررر

[eva]

الحقيقه الامهات خصوصا كان لهم كلام مميز

موضوع الصحيان الصبح على الاخص حتى في الاجازات

و الاكل اللي بينزل في الرجلين و للا لو فكرت في الرجيم

الجيبه هتقع منك و بتلقي في الهدوم

[se_ Elsyed]

س س يدخل حجرة والده وهو مرتدياً الشورت والطربوش أبو زر على جنب : يا بابا أنا قررت أتخصص " ثانوي أدبي "

بابا : ياخراب بيتك يا حاج أبو س س .. إبنك باظ ومستقبله ضاع

س س : ليه يا بابا لا سمح الله .. هو أنا قلت لك إني بأشرب بوظه أو سبارس - زمان ما كانش في بانجو على أيامنا ؟

بابا : يابني حرام عليك هاتجيبلي السكر والضغط .. إنت مش عارف إن الأدبي ده ما بيخشوش الا العيال البايظين والفاقدين ؟

س س : أيوه يا والدي لكن أنا مش بأحب الرياضة ولا الفيزيا

بابا : يا بني أنا عايزك تدخل علمي علوم عشان تطلع دكتور زي تمر حنه بنت عمك .

س س : يا بابا هو أنا اللي هادرس ولا تمر حنه ؟ ... أنا هادخل أدبي يعني أدبي .

( بابا ما أقتنعش إلا لما راح سأل حما اختي الكبيرة وكان راجل زي العسل من الظباط الأحرار القدام الله يرحمه )

----------------------

وبعد 3 سنوات

يدخل س س حجره والدة مرتدياً بدلة كاملة قصيرة وطربوشاً بزر من الخلف حيث أنه قد أصبح لدية 16 عاماً الأن : مساء الخير يا نينه .. قصدي يا بابا .. أنا نجحت في التوجيهي وجبت مجموع كبير بس أنا عايز أدخل كلية التجارة

بابا : يا خراب بيتك يا حاج أبو س س ... إبنك عايز يدخل كلية الفشلة والعواطلية

س س : ليه يا بابا دي التجارة شطارة وبعدين دي الكلية الوحيدة اللي كل اللي بيتخرجوا منها بيشتغلوا كل حاجه .. طب ده أنا مره شوفت دكتور امراض نسا وهو خريج تجارة لإنه كان شاطر وجاب تقدير حلو ..

بابا : يا بني حرام عليك هاتجيبلي السكر والضغط .. أنا عايزك تدخل كلية التربية زي غزل البنات بنت خالك ... وتطلع تدي دروس خصوصية وتقب على وش الدُنيا ..

س س : أيوه يا دادي بس انا مش باحب التدريس واللي أبات فيه أصبح فيه واللي أقوله في تالته رابع أعيده في تالتة سادس ...ماليش دعوة أنا هادخل تجارة يعني هادخل تجارة وبكرة تشوفني محامي قد الدنيا .

[nash]

والله العظيم داخله التوبيك وبشرب القهوة وقعت علي الكي بورد...

ليه بتعمل فينا كده....ده حرام ....هاتروح فين من ربنا ....مين هايدفع تمن الكي بورد دلوقتي؟؟ اقول ايه لابو ياسر وهو بيقولي عملتي زي العيال ووقعتي علي نفسك؟؟

طب أداري وشي فين من العيال وهو بيقولولي نجيبلك سوبر بيبي بافيته؟؟ الكلمه اللي دايما بتريق عليهم فيها...

[se_ Elsyed]

والله العظيم داخله التوبيك وبشرب القهوة وقعت علي الكي بورد...

ليه بتعمل فينا كده....ده حرام ....هاتروح فين من ربنا ....مين هايدفع تمن الكي بورد دلوقتي؟؟ اقول ايه لابو ياسر وهو بيقولي عملتي زي العيال ووقعتي علي نفسك؟؟

طب أداري وشي فين من العيال وهو بيقولولي نجيبلك سوبر بيبي بافيته؟؟ الكلمه اللي دايما بتريق عليهم فيها...

ماليش دعوة أني ما عملتيش حاجه

وبعدين خدي الحتتين دول اللي ضد الميه وضد النار وضد الحشرة وضد الفار

[nash]

أنا مش هاعلق علي التعقيد ده بس هاعمل زي ماما لما نغيظها...سوري قصدي نقوم بما يضايقها ...

ترفع أيدها للسما وتقول كلام مش مفهوم قال يعني بتدعي علينا.....بس اكيد بالهدايه يعني وبرضه الباقي مشفر...

المفروض التوبيك ده يبأة كله مشفر...

[amani]

والله الموضوع جميل جدا

الاظرف ان احنا بنلاقى نفسنا بنقول نفس الكلام دة لولادنا دلوقتى

ويقعدوا ماما وبابا يضحكوا ويقولوا شفتى بقى

انا كنت بطاطا صوابعى كتير جدا بشكل هستيرى

وطول ما هما قاعدين يابنتى بس طاطاة كفاية

صوابعك هتتعوج وتبوظ

والغريبة ان صوابعى سليمة لحد دلوقتى

بس الايفيه بقى

ان بنتى بتعمل نفس الحاجة وانا فعلا بتغاظ منها جدا ولا ارادى بقول نفس الجملة

حاجة غريبة

ناهيكم بقى عن القعدة والاتب اللى هيطلع ولازم تفردى ظهرك والبنت لما تقعد لازم تقفل رجليها والخ الخ الخ...........................

وانا بردة بقول نفس الكلام لبنتى والتريقة من ماما وبابا على ودنها

[Sameha]

أما أنا فكان عندي مشكلة فزيييييييييعة

دي أختك الكبيرة لما تبقي أدها

ودي أصغر منك هتعملي زيها..؟

أيوة بكل أسف و لأول مرة أقولكم اللي كاتماه في قلبي من 88 سنة أنا الوسطانية

انا كنت " وان بيفور ذا جيم" ... من ضمن الاخوات الوسطانية بين البكرى و ديل العنقود وعارفة الشعور ده بتاع ان الواحد مالوش تصنيف.

بس انا ملاحظة ان كل الذكريات المكتوبة كلها عبارات تانيب وتوبيخ .... كله كلام مفيش اى حاجات طايرة فى الهوا ?

[amani]

افتكرت حاجة كمان

كنت دايما بذاكر على اغانى عبد الحليم وكدة مكانش فى mp 3 ولا mp 4 ما احنا من زمان

وكنت دايما اسمعها تقول

هو الامتحان هييجى فى انهى فيلم فيهم

ابقى قابلينى لو فلحتى ياحلوة

يا بنتى اطفى ال........... دة واقرى كلمتين ينفعوكى يوم الامتحان

حرام عليكى الدروس واللى بيتصرف فيها

هتجننونى

[nash]

بس انا ملاحظة ان كل الذكريات المكتوبة كلها عبارات تانيب وتوبيخ .... كله كلام مفيش اى حاجات طايرة فى الهوا ?

لا فيه.....

شيلي الشعر من علي عينيكي ..هاتتحولي...

وشك أحمر؟؟؟ ومنور؟؟ يبأة هاتسخني وتنامي في السرير يومين

ماما ....ماااااامااااااااااا

جبت عشرة علي عشرة في الإمتحان.....برافوا يا حبيبتي....مين جاب أعلي منك؟؟؟ tot:: نعم؟؟؟ قصدي كام واحده جابت عشرة ...علشان تعرف الإمتحان كان سهل ولا صعب يعني.....

[سيف الدين جلال]

كصه واكعيه

سنه اولى في الجامعه اتصلت بصاحبى اساله على النتيجة قال لى شايل 3 مواد :lol: مرضيش يقول اربعة تخفيفا للصدمة

رحت قلت لامى عندى مادتين تخفيفا للصدمه :lol:

امى قالت لابى عنده مادة واحدة بردوا تخفيفا md2: للصدة

قبل الامتحان باسبوع ابويا عرف الكيكة معرفش ازاى وكانت ليله مجندله :lol: :lol:

دخات الدور الثانى وسقطت وكانت وا......................

ساعتها الكليه اللى انا كنت فيها تسمح بالدور التانى ب4 مواد حد يعرف يخمن هي ايه الكليه دى؟؟؟؟؟؟؟؟

بعدها الله يرحمه صالحنى بساعه لسه معايا للان ولا اظن انى اقدر اغيرها

الله يرحمه

بتهيألى عرفتها......