أنا داخل هنا على طمع بصراحة & مسموح ولا مش مسموح

[فولان بن علان]

أنا داخل أكتب براحتي

ومشه ها أزعل حد مني إلا يعني الأمر ما يسلمش

عايز أكتب كلام جد جداً

وكلام هزل جداً جداً

وكلام بين بين

عايز أفضي كل اللي جوايا

عايز أقولكم حاجة في سركم

أنا عارفكم ومراقبكم من زمان

كل واحد يخليه في مكانه

زي ما انتم

مش عايز اتعب حد

اللي موافق يرفع صباع رجله الصغير

مسموح ولا مش

[عصام]

أنا عارفكم ومراقبكم من زمان

كل واحد يخليه في مكانه

ماعرفهمش يا باشا .. :huh:

ولا عمرى شوفتهم .. :o

أنا إيه اللى جابنى فى المكان الغـِـريب دا؟ :P

مش قولت لكم متراقب ,,؟ ما صدقتونيش .. :P قابلوا بقى !!

[yasovinas]

مش :P هو احنا بتوع مش :o لا طبعا احنا ما عندناش حد يقول مش :P

اهلاً بيك يا فلان يا ابن علان واذيك كده واذي الحاج علان دا راجل معرفه قديمه قوي ياااااه والله انا فرحت اني قابلت فلان ابن حبيبي الغالي علان

صحيح يا ولاد اللي خلف ما ماتش :huh:

[eastsoul]

يا اهلا بفولان بن علان ...

بس بلاش حكاية "كل واحد يخليه في مكانه" خلينا نقوم بالواجب معاك .. و ادي فنجان قهوة و سلة عيش عشان يبقى عيش و قهوة :wub:

تم تعديل 30 أبريل 2006 بواسطة eastsoul

[tmtm]

معرفهمش يابيه..... :wub:

انا مش باجي هنا غير اول كل شهر الم الايراد بس...... :wub:

[فولان بن علان]

الناس ما لها كده خافت واترعشت

هو لا سمح الله انتم بتعملوا حاجة بطالة

كل اللي أنا شايفه انكم بتبرطموا بشوية كلام مزنوقين فيهم

بس برضه متراقبين

وعندي ملف لكل واحد وواحدة فيكم

وأنا مش باهدد

أنا با اتوعد

ما حدش يقرب مني ولا يزعلني وإلا

يعني كل أما أكتب أي كلام

ما حدش يقولي أنا باختلف معاك

وأنا رأي غير رأيك والكلام ده

وأنا حر وأنت حر قال يعني احنا أحرار

الشكر الموصول الكريم للأستاذ عصام شوقي السوبر ممبر المتراقب

والأستاذ ياسو بن فيناس شقيق الحاج علان الروح بالروح ياما حكالي عنك

وروح الشرق المعبقة بريحة القهوة التركي وقضمات الخبز الفرنسي

والباشمهندسة طماطم المسجلة هنا على طول وبتنكر

كله متراقب

[khatabmohammed]

أنا ثابت فى مكانى اهوه ومش ها أتحرك بس تعالى انت عندى سر مخبراتى يرفعك الى وزير الداخلية مباشرة وياريت تتعلموا بقه والكاتب معروف الكنية والصفة مخلص لمصر والله وبنحبها قوى بس حرام عليهم حرمونا منها ويمكن لا نجد بها قبر ندفن فيه .

ومرحبا بك يا باشمهندس

[سهيلة]

عايز أكتب كلام جد جداً

وكلام هزل جداً جداً

فولان بن علان مشاركة بتاريخ اليوم, 03:48

يا قهلا وسهلا بالاستاذ فلان

قول الجد وقول الهزل بس كلن فى مكانة

احنا كلنا اذان صاغية

اهلا بيك معانا

[مصريه بالكويت]

مش انا يا سعادة البيه

والله دى البت سنيه هى اللى بعتتنى هنا

اجيب لها شوية محاورات

قام الوقت سرقنى فى الكلام والحديت مع البت مصريه والبت مصريه التانيه واوشا هى طيبه بس

ممكن اجرجرها فى التحقيق

واثينا كمان ولا كليووووووو يا نهار دانا باين هعترف :o

وبص بقى انا هعترف عليهم كلهم

من اول الاستاذ عادل والمهندس زهيرى وياسو مقولكش عليه وعلى خبصه

وهقول على الاستاذ نسر(بس هو مسموش نسر ولا حاجه) دا سمه عمرو وانا ممكن اجيبهولك من بيتهم دلوقت دا جارنا

وحياتك انت كله لله ف للله ( وامد ايدى واخد الفلوس و احطها ف جيبى :blush: )

لا بلاش بقى اجيب فى سيرة حد

والنبى يا بيه انا عندى عيال وجوزى طيب وملوش غيرى ولو قبضت عليا هيلوص بالواد ابنى

[nancy]

اول مرة اشوف واحد داخل يلبش فى وقت ملبش بطريقة ملبشة

يابنى قول دستور كدة وادخل برجلك اليمين وسلم بشويش

وعرف بنفسك كدة وقول كلام حلو

لحسن نعمل معاك موقف جماعى بدل ترحيب جماعى

وللتك تزرق من قبل ما تقول بسم الله

ادخل فى الموضوع الى انت جاى علشانة .. احسنلك :blush: