النهارده عيد العمال - كل سنة وانتم طيبين

[واحد تاني]

تعودنا فى مصر كل اول مايو (ولانه يوم اجازة) اننا نصحى من النوم براحتنا على خطبة طوييييييلة وفى خلفيتها صوت بعض الهتافات واللى كان من اشهرها "المنحة يا ريس" كلمة عجيبة بس كانت لازم تتقال كل سنة والناس تبقى فرحانة بتهيص وتزيط... لانه يوم عيد كل العمال والشغيلة اللى فى البلد. وقصة عيد العمال دى ترجع تقريبا الى سنة 1886 عندما اعلن حوالى 350 ألف عامل أمريكى فى اول مايو الاضراب العام تحت شعار " 8 ساعات عمل ، 8 ساعات نوم ، 8 ساعات راحة " وقد تم محاكمة قادة العمال و إعدام اربعة منهم وقتها ولكن يا ترى اليوم وبعد مرور كل هذه السنوات هل تمتع العمال فى مصر بفرص عمل لائقة تسمح لهم ب 8 ساعات نوم ، و 8 ساعات راحة؟ او هل تمتعوا بفرص عمل من الاساس فى ظل الخصخصة والمصمصة اللى حاصلة؟

على اي حال انا قلت اقولكم كل سنة وانتم طيبين وخلاص