فتره الخطوبه

[NoorJehan]

بعد الإستخاره وسماع رأى الأهل..،

الواحد يعرف إزاى من فتره الخطوبه إن كل شئ على ما يرام ويبتدى يحدد ميعاد الزواج؟

ما هى بعض العوامل المحدده الى جانب الأسس المعروفه من دين وخلق ونسب طيب؟

هل السؤال فى حد نفسه مؤشر خطر يعكس تردد وقلق لأى من الأسباب؟

الناس اللى إتخطبت قبل كده وصلت إزاى لمرحله الزواج؟

ماذا ينبغى ان تحققه الخطوبه؟

ايه المتوقع من الطرفين ؟

هل هناك شعور ما مثلا ينتاب القلب من راحه وطمأنينه؟

ما رأيكم دام فضلكم حول هذه الأسئله العابره للغايه :closedeyes:

[khedr]

الكذب والكذاب

احذريهم...ووتيقني منهم

..... ..... ..... .....

ولا اعرف كيف ...

انني لا اكذب ولكن اتجمل

[Posted by 81.10.96.9

[New]

رأيي الشخصى... كلنا عارفين ان مافيش حد فينا شخصيته كامله... وكل واحد فينا عنده عيوبه.... بس فيه عيوب عن عيوب ..حاجات ممكن الواحد يصلحها او يتعايش معاها وحاجات لا يمكن قبولها . و لما الانسان يحب يختار شريكة حياته او الانسانة تحب تختار شريك حياتها يبقى المفروض العيوب دى تبقي تحت المجهر ... وهى دى فايدة فترة الخطوبة... دراسة شخصية الطرف الاخر

ويبقى السؤال الدائم اثناء فترة الخطوبة... يا ترى فيه او فيها عيوب لا يمكن اصلاحها و لايمكن قبولها؟؟ وايه العيوب اللى ممكن قبولها او ممكن اصلاحها...

وبعد كده يكون قرار الارتباط الدائم

تمنياتى لك بالتوفيق :closedeyes:

تم تعديل 3 مايو 2006 بواسطة New

[bogy]

جميل كلامكم يا خضر ونيو. فعلا فترة الخطوبة فترة مش سهلة زي ما معظم الناس متصورين. وفي أسر بتبقى عاوزة تخلص من البنت وتجوزها والسلام وأهو ظل راجل ولا ظل حيطة :ph34r:

بيبقوا خايفين لا البنت تعنيس وما تلاقيش حد يتجوزها. ولا كأن في حاجة اسمها التوكل على الله المفروض الناس تكون فاهماها!!! ولا كأن في أي حاجة اسمها ربنا عارف الخير للإنسان وبيهديه للخير!!!!!!!!! لا حول ولا قوة إلا بالله.

المهم يا ستنا نور ولا جيهان مش عارف!! طيب يا ستنا المخطوبة :lol: أهم حاجة يكون إنسان متدين ومتفتح في نفس الوقت يعني مش متدين مظهر وبس لكن يكون فهماااااااااااان وبيفهم وكمان يكون عنده قدرة على التواصل والمناقشة مش كل حاجة بياخدها بالعضلات والدراع ولازم يكون كريم مش بخيل علشان ما يقرفكيش بعد الجواز. بالمختصر لازم تطلعي على عيوبه كويس جدا وتكوني واثقة إنها إن شاء الله ممكن تتحل أو إنك ممكن تستحمليها. ومهم أوي إنك تكوني واثقة إنك تستحمليها علشان ممكن بعد الجواز ما تستحملهاش. وتكوني واثقة إن فيه من المميزات ما يزيد على العيوب بتكيييييييير.

وفي الآخر كلنا فينا عيوب لكن المهم إننا نكون قادرين على التعايش معها. وربنا يوفقك.