ما سبب تغيير عنوان موضوعي؟؟

[ATHENA]

قمت بكتابة موضوع ظهر اليوم بعنوان رأيته الأكثر مناسبة لمحتواه باللغة الإنجليزية حيث أن الموضوع ذاته يحتوي على فلاش باللغة الإنجليزية و بعض الجمل كذلك....و كان العنوان the other side of the coin , don't complain!

http://www.egyptiantalks.org/invb/index.ph...=0entry209600

منذ قليل دخلت المحاورات ففوجئت بالأخ advisor قد قام بترجمة العنوان و تغييره و وضع ملاحظة صغيرة بالتغيير في أخر مشاركتي... :closedeyes:

بصراحة فوجئت من هذا الإجراء كما لو أني قد كتبت ما يعيب او يشين و يستدعي تدخل الإدارة بدون إستشارتي أو مراسلتي كأبسط مظهر للإحترام لصاحب الموضوع و قيامها بتغيير العنوان بدون سبب واضح...

هل كتابة العناوين باللغة الإنجليزية ممنوع في المنتدى و أنا لست على علم بذلك؟ و ما السبب الصريح لهذا التغيير غير الرأي الشخصي للمشرف الذي لم يحظ العنوان بإعجابه أو رضاه؟

للتوضيح أكتر حينما وضعت الموضوع فكرت فعلا في كتابة العنوان باللغة العربية و لكن الجملة التي وضعتها نالت إعجابي أكثر و أحسست أنها المناسبة فقمت بوضعها...

لو كان هناك ما يخالف لقوانين المنتدى أعتقد أنه من أبسط حقوقي أن يتم إستشارتي في تغيير العنوان أو حتى إخطاري بدلا من إظهاري امام الجميع كمن وضع ما يخالف الذوق العام أو ما يشين و يستدعي تدخلا فوريا كما حدث معي خلافا عن التغيير الغير مبرر أساسا...

أرجو التوضيح

شكرا

[yasovinas]

مش الراجل كتب لك {اشكر الله ولا تتذمر :sad: }

خلاص بقى بتتذمري ليه :sad:

بصراحه وبدون زعل ؛؛؛؛؛؛ ولا بلاش

[الاسكندرنى]

ده الجديد يا اثينا

تغير موضوع تغير اسم موضوع غلق موضوع عادى جدا ماهو الاخ advisor

صاحب الموقع يعمل اللى هو عاوزه من وجهة نظره بدون توضيح اسباب او استشاره او اعلان لصاحب الموضوع و بعدين لو حس ان انتى زعلتى ممكن رساله خاصه يعتذر فيها و خلاص ينتهى الموضوع و تفضلى انتى امام الاعضاء فى صوره مش اللى هى

عموما انا كنت فى فتره من انشط اعضاء المحاورات و بنفس السبب بتاعك اللى حصل معيه و من الاخ المحترم advisor قرارت اكون متفرج ولا ارد غير فى المواضيع الضروريه فقظ

تم تعديل 3 مايو 2006 بواسطة الاسكندرنى

[yacho]

بصى يا اتينا .. ماتنرفزيش نفسك رولاكس كده .. ولو ان شكلك عصبيه قوى :sad:

انا عن نفسى كقارئه للموضوع لما قريت ان فى تغيير ف العنوان ماجاش ف بالى انه بسبب

انك كاتبه حاجه وحشه .. اول حاجه طرات على بالى انهم فكروا انه يمكن احسن يكون بالعربى مش باى بلغه تانيه

وخلاص .. عشان الكل يفهم .

معلش عندى القهوه دى :sad:

تم تعديل 3 مايو 2006 بواسطة yacho

[الاسكندرنى]

طيب يا ياشو حتقولى ايه بقه فى موضوعى انا لما الاخ المحترم advisor اغلقه

الموضوع كان اسمه استفسار دينى فى باب هدى الاسلام

انا اسف يا اتينا بخرج عن موضوعك شويه بس لانى لحد الان مش لاقى سبب مقنع لغلق موضوعى

[Cleo]

أنا كمان كنت زيكم كدة.. لحد ما مرة دخلت بدور على موضوع ليا مالقيتهوش :o

يمين شمال مش لاقياه... :blink:

لحد ما اكتشفت ان الموضوع عنوانه اتغير من "أحاديث موضوعة" إلى عنوان أخر أظن "أحاديث ضعيفة" حاجة كدة... وبرضه بدون إخطار..

قدمت شكوى... :sad:

أحد الزملاء الأفاضل من المشرفين رد عليا بعد 10 أيام ووعدنى إنهم هيبحثوا الموضوع ويشوفوا ايه السبب B)

لحد النهاردة محدش سأل فيا ولا عبرنى ولا رد (بالبلدى سابونى أهوهو mfb: )

الكلام ده كان من حوالى سنة فاتت mfb:

من يومها اتعلمت إنى أكتب وأنا ساكتة :sad:

[yacho]

طيب يا ياشو حتقولى ايه بقه فى موضوعى انا لما الاخ المحترم advisor اغلقه

الموضوع كان اسمه استفسار دينى فى باب هدى الاسلام

انا اسف يا اتينا بخرج عن موضوعك شويه بس لانى لحد الان مش لاقى سبب مقنع لغلق موضوعى

حاجه غريبه فعلا .. والله يا اسكندرانى انا يمكن عشان جديده ف المنتدى لسه ماتعرضتش لمواقف مشابهه

اذا ما عنديش خبره قوى ف الموضوع ده .. لكن المفروض ان الاخ ADVISOR يطبق على نفسه اسم

المنتدى .. يعنى هو ليه اسمه محاورات المصريين .. مش عشان نتحاور وناخد كده وندى مع بعض .

انا قريت موضوعك صراحه .. وما حسيتش انه كان فيه حاجه تدعو لقفله .. وحكايه التغيير والحذف والتعديل

بدون ابداء اسباب مقنعه حاجه مزعجه وفيها شئ من الاستخفاف بالاعضاء ..

انا شايفه بصراحه انه من الافضل اضافة بند جديد فى قائمه قواعد المشاركه فى المحاورات يحتم على كل من

له سلطه فى الاداره او الاشراف انه يفسر اسباب الحذف او التعديل .. الخ للعضو المختص مش بعد يوم واللا

يومين .. لا .. فى نفس وقت اتخاذ القرار عن طريق ارسال رساله خاصه له .. وللعضو بعد كده حرية الاختيار .

ملحوظه \ انا عمرى ما قريت قواعد المشاركه اصلا .. يعنى ممكن الكلام ده يكون موجود فيها وانا مش واخده بالى :sad:

بس انا كده اول ما حاجه تهجم على مخى لازم اكتبها.

[Cleo]

عفوا... الأخ أحمد محمود رد عليا مشكورا تانى يوم مش بعد 10 أيام.... لذا وجب التنويه :sad:

http://www.egyptiantalks.org/invb/index.ph...c=15703&hl=cleo

:sad:

تم تعديل 3 مايو 2006 بواسطة Cleo

[White heart]

ودت أن أشارككم الرأى ... و أرجو أن لا أتسبب فى أى ضيق لأى طرف .....

أنا شخصيا لم أشاهد اسم الموضوع باللغه الإنجليزية ... لقد شاهدته فقط على ما هو عليه الأن ....

و ربما إعتمد من قام بالتغيير على انه بالفعل هناك نسخة معربة لنفس الفلاش ..... و على نفس الموقع المقتبس منه الرابط .. بل حتى الأسم أعتقد انه لم يقم هو بترجمته بل إعتمد على النسخة المعربة الأصلية بالموقع ..... فلماذا لا نفترض حسن النية من انه إعتبر ان الباب الذى إخترتيه و هو باب " التكافل الإجتماعى " أى يخاطبنا نحن المصريين .. أو المتحدثين باللغة العربية ... و بما ان جميعنا هنا بالفعل نكتب و نتحدث بالعربية ... بل انه فى بدايات المحاورات قررت الإدارة حصر الكتابة و تفاعل الأعضاء على صفحات الموقع باللغة العربية ( خاصة عند توافرها ) ..... ويمكن مراجعة الكثير من الموضوعات و المواقف بين أعضاء قدامى و أعضاء فريق الإدارة أو الإشراف فى مواضيع قديمة .... أنا شخصيا لى بعض المواضيع فى باب " دعوة للإبتسام " تحمل أسماء بالإنجليزية مثل : Falsh و Video و Power point و Exel ... وهى بالطبع اهدافها لا تقارن بمثل الهدف الجميل و الرائع لموضوعك هذا موضوع الخلاف ... و لكنها جمعت مواد تعمل بالفعل تحت أسماء هذه البرامج الشهيرة .... و حتى عندما فكرت فى إختيار اسم لموضوع ايران و الأتوميك ... كنت قد فكرت اولا كتابته ايران و الـــ Atomic .. و السبب الذى دعانى الى التراجع هو نقطتين ::: الاولى هى " خاصية البحث " ... و التى لاحظت صعوبة تذكر اسم الموضوع أو الخطأ الذى يمكن بببساطة الوقوع فيه عند كتابة الأسم بلغة مغايرة .. مما يتسبب فى ضياع الكثير من الوقت فى البحث و ربما الفشل بعدها فى العثور عليه .. اما السبب الثانى فهو عدم اللياقة ... أى المزج بين حروف لغتين فى عبارة واحدة وما قد يمكن أن يتسسب فيه من ضيق لدى أى من الأعضاء الاعزاء ........ و كمحاولة لإرضاء الجميع من سيقرأون العنوان و إرضاء نفسى لتمسكى بهذا الاسم ( كعامل جذب ) قررت ببساطة كتابته بحروف عربية !!!! و لا أعلم اذا كان قد تضرر أحدا من هذا الشكل الذى وقع إختيارى عليه ... وبكل تأكيد لم اكن لاتضايق اذا قام أى من أعضاء فريق التنسيق أو الــ Advisor بتغييره ... بصراحة بعد كل هذا الكم من المواضيع التى تناولت نقطة " إختيار " اسم للموضوع ... لم اعد أجد صعوبة فى تقبل أو تفهم هذا الأمر ( طالما لا يوجد سبب أو شبهة تعمد أو إستأقصاد أو مضايقة .. الخ . الخ ... ) و هو بكل تأكيد ما لا اراه هنا فى حالتك ... فما هو السبب الذى دفع من غير العنوان فى وجهه نظرك الى تغييره ؟ أى مصلحة مباشرة ستعود عليه؟ انا إعتبرت هذه النقطة كحق من حقوق "رئيس التحرير " اذ يستطيع أى كاتب صحفى أن يكتب مقالته و يختار عنوان لها بكامل حريته ... ولكن يمكن ببساطة أن يتدخل رئيس التحرير ليغير هذا العنوان و يستبدله بمانشيت يراه أصلح لجريدته ... ومه هذا فحق الصحفى و مجهودة بكل تأكيد محفوظ .....

لا أريد التحيز لطرف على حساب طرف آخر .. و لا أريد بكل تأكيد التحدث بالإنابة عن فريق الإشراف .. أو الـــ Advisor .. ولكن فقط أردت أن أعبر عن وجهه نظر قد تكون صحيحة و قد تكون خاطئة ( لكن كلمة فى ودنكم راجعوا البند الــ 18 و الأخير من قواعد وشروط الكتابة بالمحاورات ) ... هذه القائمة موجودة على نفس الموقع و بالضغط عليها سنحصل على نفس " الفيلم " و لكن باللغة العربية ...

و مرة ثانية أشكر العزيزة ATHENA على هذا الفيلم المؤثر .... و اتمنى لو قمنا بتناول فكرته كموضوع فى باب الموضوعات الجادة ....

مع تحياتى للجميع ... :sad:

تم تعديل 3 مايو 2006 بواسطة White heart

[وليد صفوت]

عفوا... الأخ أحمد محمود رد عليا مشكورا تانى يوم مش بعد 10 أيام.... لذا وجب التنويه :sad:

http://www.egyptiantalks.org/invb/index.ph...c=15703&hl=cleo

mfb:

يا سااااااااتشر على الناس :sad:

يولعوها حريقة و فى الآخر يقولوا وجب التنويه :blink:

:D

------------

اخونا الأسكندرنى ...

كان ممكن انت كمان ببساطة تطالب بتفسير للموضوع ده بدلاً من انك تولع النفوس و تلقى بالزيت على النار .....

بتهيألى هتبقى اشيك بكتير لو طالبت انت كمان بتفسير للموضوع ... مش كده ؟؟؟ :)

------------

اثينا ....

اولاً انتى عارفة انا بعزك قد ايه و بعتبرك من اخف الأرواح اللى زارت المحاورات ( اشتاتاً اشتوت mfb: يجعل كلامنا خفيف عليهم ) ....

شوفى يا سيدتى الجميلة ...طبعاً انتى عارفة ان هناك عدد غير قليل من الزائرين كل يوم و على مدار 24 ساعة ... و بنظرة سريعة على الصفحة الرئيسية ستجدى انه فى اى وقت من اليوم لن تجدى الزائرين اقل من عشرة على الأقل ... و احياناً يصلوا الى 500 زائر و عضو فى لحظة واحدة ( كما حدث فى 15 من الشهر اللى فات ) ...

إذن هناك شريحة ليست قليلة من الناس .. و بالتالى ليسوا جميعهم من المُلمين باللغات الأجنبية ...

و هدف الإدارة الأساسى هو الاستفادة القصوى من الموضوعات بدون اى عقبة امام القارئ ... و عشان كده تلاقى فى قواعد المحاورات المبادئ التالية :

4 يجب الإلتزام بكتابة المواضيع في الابواب المخصصة لها ومراعاة عدم تكرار الموضوع في اكثر من باب قدر الامكان.

5- يجب اختيار العنوان المناسب للموضوع وعدم إشتماله لعبارات إستفزازية أو تعريض بالآخرين.

6- يمنع تغيير مجرى الحوار في المواضيع أو محاولة تشتيت الأفكار التي يناقشها كاتب الموضوع أو تحويل المواضيع الى مهاترات شخصية وسيتم تحرير او حذف مثل هذه التعقيبات.

7- إدارة منتدى حوارات المصريين تشجع على الحوار الحر والهادف وتشجع على التفاعل بين روادها وتسعى بأن تجعل التعقيبات مفيدة ، ومشاركات الأعضاء المتكررة التي لا بقصد الإثراء بها والإفادة و الإستفادة و إنما لزيادة عدد مشاركاته سيكون مصيرها الحذف ، وبالذات إذا كانت ضمن مواضيع جادة وهادفة لما تشكله من إعاقة في سير الحوار الموضوعي.

و حتى هتلاحظى حاجة جديدة هنا ..... انك لما تكتبى مداخلتين ورا بعضهم فى موضوع واحد ... هتلاقيهم انضموا لبعض فى مداخلة واحدة ..و دى الهدف منها عدم ارسال مداخلات قصيرة عديدة مقصود منها مجاملات أو بعض الوجوه التعبيرية ... او بعض التعليقات القصيرة أو حتى يكون الغرض منها زيادة عدد المداخلات و بس ...

المهم ...

نرجع لموضوعنا , العنوان اللى مكتوب بلغة اجنبية بلا شك هتلاقى شريحة من الناس مش فاهمة معناه ... ضيفى كمان على كده ان كتيييييييييير شغالين بنظام الدايل آب ... يعنى النت بطييييييئ ... اكيييييييييد يا اثينا الراجل اللى داخل يتصفح الموضوعات مش هيغامر بدخول موضوع ( ممكن الدخول يستغرق اكتر من دقيقة .. يعنى الراجل ممكن يتشل فيها B) ) و هو مش عارف بيتكلم عن ايه !!

او على اقل تقدير هيجأل دخول الموضوع لبعد زيارة كل الموضوعات .... :)

يعنى الخلاصة يا اثينا ان الغرض مش التدخل فى التعديل و خلاص ... يعنى مش تسلط .. الموضوع كله تنسيق فى تنسيق

عااااااااااارف .........عارف انك هتقولى طب و ما قاليش انا ليه الأول :o

هقولك بس اهم حاجة انك على الأقل تفهمتى سبب التعديل السريع اللى حصل لعنوان الموضوع ... اما اجابة السؤال التانى .. فأنا اتركه لأستاذ عادل او الأدفايزر شخصياً للإجابة عنه لأنه ادرى بالتأكيد ....

سلاماتى و تحياتى ...

[الاسكندرنى]

اوكى يا وليد انا معك انه احسن انى اطلب استفسار خاص بى فى موضوع منفصل

بس انتى تضمن ان محدش حيقول احنا بقينا فى الروضه و كل واحد عاوز استفسار لوحده فى موضوع لوحده

يا وليد انا بعت رساله للاخ المحترم advisor بشتكيله من عضو رد عليه و قالى انا قفلت الموضوع لانه غير مفيد بالمرة بالرغم ان الموضوع اساسا استفسار يعنى بسال عن حاجه و محتاج اجابة ليها الاقى الموضوع اتقفل بعتله رساله تانيه ولحد يومنا هذا لم اجد رد عليها يعنى حصل حوار بينى و بينه ولم اجد الرد المناسب

ثانيا يا اخ وليد

انا لا بولعها ولا حاجه انا بطلب بحقى زى اتينا بتطلب بحقها باسلوب محترم

و عن نفسى انا مش عاوز اسمع عندى القهوة ديه او امسحها فيه المره ديه او حصل خير

اسف انا مش عاوز عبارة مصريه قديمه ينتج عنها افظع نتائج انما انا اريد رد موضوعى فى مناقشه عاقله بينى و بين الادارة المتمثل فيها الان الاخ advisor

اريد تلك المناقشه

تم تعديل 3 مايو 2006 بواسطة الاسكندرنى

[الاسكندرنى]

خامس مرة اشوف الاخ المحترم advisor يدخل على الموضوع ولم يقل كلمه واحده

فهل معنى ذلك انه لا يجد ما يقول ام لغه الاعتذار ليست لغته ام ماذا

اظن هذة المدخله كافيه لاثارته فى المره القادمه و سوف يكتب ردا اى كان

[الاسكندرنى]

انظروا معى كيفيه غلق موضوع مع ابداء السبب هذا نص لكلام الاخ المحترم adviso

الموضوع من بدايته ليس إلا مسألة جدلية لا عائد و لا مردود من ورائها اللهم إلا ربما مسألة خاصة جدا.

أغلق الموضوع لأنه ليس من مزيد يقال

الإدارة

يا استاذى لو انها مساله خاصه فاعتقد اننى لم اخظاء فى السوال عنها و وضع عنوانها بشكل يظهر محتوها استفسار دينى يعنى استفسار لى يعنى سوال و احتاج اجابه

و غلقك للموضوع اعتبره مصادره لحقى الشخصى فى المعرفه و ياستاذى الامور الشخصيه هى بداية المعرفه العامه و الاستفاده العامه و بكده يتحقق هدف المحاورات فى افاده الاخرين

ثانيا حضرتك بتقول اغلق الموضوع لانه ليس من مزيد يقال

يعنى ايه هو حضرتك عرفت ان مافيش اى عضو تانى ممكن كان يكتب او يقول اى شيى اضافى

تم تعديل 3 مايو 2006 بواسطة الاسكندرنى

[وليد صفوت]

خامس مرة اشوف الاخ المحترم advisor يدخل على الموضوع ولم يقل كلمه واحده

فهل معنى ذلك انه لا يجد ما يقول ام لغه الاعتذار ليست لغته ام ماذا

اظن هذة المدخله كافيه لاثارته فى المره القادمه و سوف يكتب ردا اى كان

ارجوك يا اخ اسكندرنى ... كفاك استفزازاً للرجل ....

هذة ليست طريقة لائقة لطلب تفسير ... لو سمحت راجع نفسك...

تحياتى ...

[الاسكندرنى]

اعمل ايه يا وليد يعنى

انصحنى ما هو افضل اسلوب قالى بالحرف الواحد اعمل ايه و انا حنفذه

ثانيا يا وليد بلاش تقول كفاك استفزازاً للرجل لانى لم استفذه ولم اقل شيئا مستفزا و انما انا اسجل حاله فقط ( يعنى يا وليد انا مستغرب واحد صاحب موقع و الكلام كله موجه ليه له لحد دلوقتى لم يقل شيى )(طيب اقولك على حاجه قولى انت اقولها ازى )

ثالثا ليه بتحكم على معنى كلامى بالستفزازيه

انا اسف لظهور كلامى بالمعنى ده بس انا بجد يا advisor لم اقصد استفزاز او سخريه انما انا اقصد من كلامى اثارتك و ادخالك معى فى مناقشه

رابعا يا وليد انت بتقول راجع نفسك يا اسكندرنى

طيب عاوزنى احذف المدخله بنفسى او اعدل فيها اوكى بس ازى و انت اخدها اقتباس يعنى باى شكل الاخ المحترمadvisor حيشوف انا كتبت ايه

فا انا افضل ان اتركها لاكون مسؤلا عن ما قولت يعنى بمعنى تانى انا شايف ان نصيحتك ب مراجعه نفسى مش حيجيب نتيجه طالما انت مقتبس كلامى مش عارف صح ولا ايه

تم تعديل 3 مايو 2006 بواسطة الاسكندرنى

[واحد تاني]

بِسْمِ اللّهِ الرَّحْمنِ الرَّحِيمِ

"ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ "

صَدَقَ اللّهُ الْعَظِيمِ

[yasovinas]

ارجوا ان لا يتحول الموضوع الى نقاش او جدل او مسأله شخصية بين عضو ومشرف بخصوص حالة خاصه جداً لكن ارجوا ان يكون الموضوع عام ومناقشة وضع عام وهو احترام فكر الاعضاء واحترام تواجدهم وافكارهم انا طبعا لا اتهم الاستاذ عادل بعدم احترام الاعضاء لا سمح الله فهو انسان محترم وكلنا نحترمه ونعتبرة اخ لينا الا انني ارى ومن وجهة نظري البسيطه ان غلق اي موضوع مادام لا يتعارض مع الاديان يجب ان يتم بعد اخبار صاحبة لعل ووعسى تكون له وجهة نظر يوضحها

ايضا تغيير العنوان لن يضر الاخوة المشرفين شيء اذا تواصلوا مع صاحب الموضوع ليغير هو العنوان بنفسه او على الاقل يختار اسم مناسب لافكارة

والا اصبح لا فرق بين المنتدى وبين رئيس مصر الذي نصب نفسه وصيا شرعيا على كل شعب مصر يختار له ما يقول وما ياكل وما يفعل

[عصام]

الزملاء الأعزاء

وُجدت الإدارة لكى تدير ..

عمل الإدارة هو عمل تنظيمى بحت .. وبالتأكيد ليس بين الأدفايزر والزميلة أثينا أى مشكلات من أى نوع ..

لكن جرى العرف على استخدام اللغة العربية فى كتابة العناوين والمحتويات لكل الموضوعات .. حتى أنه قد تم ترجمة بعض المداخلات التى كتبها أصحابها بالإنجليزية إلى العربية .. وذلك من باب تطبيق أسلوب واحد فى الكتابة مما يسهل عمليات البحث التى نقوم بها جميعا من آن لآخر ..

أخيرا .. لفت نظرى أن الموضوع حظى بــ 15 مداخلة فى زمن قصير جدا .. ما شاء الله لو كانت المشاركة بهذه الغزارة فى الموضوعات الجادة لاستطعنا حل كل مشكلاتنا فى زمن قياسى !!

ولفت نظرى أيضا أنه كلما أثار أحد الأعضاء مشكلة ما تخص احد موضوعاته .. يمتلىء نفس الموضوع بذكريات أليمة لموضوعات غطتها الأتربة فى أعماق المحاورات .. اللى كان من سنة واللى كان من تلاتة .. لكن الشيء الغريب حقا أن إثارة مثل تلك الشجون لن يغير من الأمر شيء فالمسألة قد انتهت بالفعل منذ زمن .. فلماذا يتم إثارتها من جديد؟ اللهم إلا كان الهدف هو الاستثارة والتأليب ..؟

أعتقد إحنا أكبر من كدا

عموما .. جرى العرف أيضا على عدم طرح الإجراءات الإدارية الدورية والعادية للمناقشات العلنية .. وبناءا عليه أستأذن الجميع فى إغلاق الموضوع .. كالعادة..

[Cleo]

إثارة مثل تلك الشجون لن يغير من الأمر شيء فالمسألة قد انتهت بالفعل منذ زمن .. فلماذا يتم إثارتها من جديد؟ اللهم إلا كان الهدف هو الاستثارة والتأليب ..؟

يعنى يا ناخد على دماغنا واحنا ساكتين يا نبقى خونة و جواسيس :sad:

[عصام]

إثارة مثل تلك الشجون لن يغير من الأمر شيء فالمسألة قد انتهت بالفعل منذ زمن .. فلماذا يتم إثارتها من جديد؟ اللهم إلا كان الهدف هو الاستثارة والتأليب ..؟

يعنى يا ناخد على دماغنا واحنا ساكتين يا نبقى خونة و جواسيس :sad:

:sad:

mfb:

جامدين أوى الكلمتين دول .. :blink:

كتير شوية على موضوع يخص عنوان كان بالانجليزى وبقى عربى .. mfb: