ما سبب تغيير عنوان موضوعي؟؟

[Ahmed Mohsen]

خاصيمك النبي يا عصام ياخويا ماتقفلش الموضوع ....

جرب كده المرة دي وماتقفلش الموضوع ...

طيب عشان خاطر العربيات اللي بتسخن وانت بتقولنا حلول ماتنفعش .. ماتقفلش الموضوع ...

جرب المرة دي ... المرة دي بس

ورجاء خاص للأستاذ عادل إنه يحضر بنفسه ويتناقش بنفسه مع المتسائلين ... أتمنى هذا

[yasovinas]

عمنا عصام باشا طبعا كما قلت ان الموضوع منتهي وتم تغيير العنوان واللي حصل حصل لكن اي واحد كتب هنا - او على الاقل عن نفسي - لم اكتب بهدق الاثارة او الشوشرة وربنا عالم بما في القلوب وايضا لم اكتب من اجل اعادة العنوان الاصلي ولا اظن انها تفرق كتير ولكني علقت على الموضوع من باب رؤية مستقبلية يعني اقتراح - مجرد اقتراح- للمرات القادمه وللادارة الحق في ان تقبله او ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛تقبله برضه :sad:

اما موضوع ان المشاركات في الموضوع كتير وفي وقت قصير فدا لان الجميع بيحب المكان وعايز له الخير وعلى كل حال اوعدك الا اتدخل في الموضوع مرة تانيه

ما شاء الله لو كانت المشاركة بهذه الغزارة فى الموضوعات الجادة لاستطعنا حل كل مشكلاتنا فى زمن قياسى !!

يعني تفتكر ان المشكله دي هتتحل :sad:

[Advisor]

هناك دعوة للمشاركة فى تطوير محاورات المصريين فى موضوع مستقل مثبت و هناك أكثر من دعوة للتوصل إلى حل لمشكلة تراكم المواضيع الأحدث على موضوعات ربما أكثر أهمية و هناك دعوة للمشاركة فى مشكلة إختيار العناوين

ما سبق كان إستهلالا لابد منه

قبل مزيد من الإستطراد رجاء ملاحظة أن هناك أكثر من 1500 مداخلة جديدة أسبوعيا و حوالى ما يقرب من ال 150 موضوع جديد أسبوعيا و أن أعضاء فريق الإشراف و التنسيق غير متفرغين بمعنى أن لهم أعبائهم الحياتية هذه الملاحظة يجب أن نأخذها فى الإعتبار عند إقتراح أى حلول لأى مسألة تتعلق بتطوير محاورات المصريين.

و قبل المزيد من الإستطراد أعتقد من حقنا جميعا أن نفخر بمحاورات المصريين و نعتبرها إنجازا راقيا لقطاع من أرقى مثقفى مصر إنجازا مستمرا منذ أكثر من ست سنوات.

إسمحوا لى لى أن أحيى و أشكر - بالنيابة عن الجميع - الأفاضل أعضاء فريق التنسيق و الإشراف على الجهد الذى يبذلونه طوال الأربع و العشرون ساعة .... باقة أزهار و خطاب تقدير لكل واحد منكم.

عنوان أى موضوع حق أصيل للقارئ لا يجوز تحت أى مسمى و أى سبب أن نضع عنوانا لايعبر صراحة عن محتوى الموضوع ، أعرف تماما صعوبة إختيار عنوان يعبر صراحة عن محتوى الموضوع ...... منذ شهور كان هناك موضوع عن طلب بيانات عن مستشفى عيون من عضوة مقيمة فى الصعيد و بقى الموضوع تقريبا أسبوعين دون أن يحظى بقراءة واحدة و عندما تم تغيير العنوان تم إضافة ما يزيد عن عشر تعقيبات كلها فى صميم الموضوع.

مسألة أخرى و هى لغة محاورات المصريين و هى اللغة العربية فقط

بالنسبة لعدم كتابة رسالة للعضو حال تغيير العنوان أو نقل الموضوع أحيلكم إلى حجم العمل المشار إليه فى بداية هذه المداخلة و نبحث حاليا إمكانية تعديل البرمجيات ليكون هذا الإبلاغ تلقائيا.

و بالنسبة لموضوع إستفسار دينى الذى تم إغلاقه كنت أتصور أنك من نفسك فهمت السبب ، أولا الموضوع خارج نطاق محاورات المصريين إذا كنت فعلا تعتقد أنه يجوز أن تقول أنك مسيحى و أنك يهودى فهذه مسألة لا تناقش هنا و لكن عليك بجهات فتوى متخصصة و قد تلقيت أنت فعلا قدر من الإسائة من أحد الأعضاء و لو ترك الموضوع لتلقيت المزيد من الإساءات بالإضافة أن الحديث عن كيفية إستدراج شخص غير مسلم ليغير دينه - حتى لو كانت زوجة صديقك - يعتبر غير مقبول فى محاورات المصريين .... أنت الذى ألححت فى بيان السبب على رؤوس الأشهاد.

أرجو أن أكون أجبت على تساؤلاتكم كما أرجو أن أكون نجحت فى توصيل رسالتى إليكم ، و أرجو ألا نستدرج إلى الجدل حول ما ليس له مردود إيجابى و دعونا نركز على تطوير و تحسين محاورات المصريين (أرسلت هذه الدعوة لكل الأعضاء).

سيتم إغلاق الموضوع و أى شكوى خاصة تكون عن طريق الرسائل الخاصة. فقط

[عصام]

حبيب الكل عمى (ولو انى أكبر ببتاع 10 سنين) أحمد محسن .. وحشتنى :sad: وألف مبروك على جونيور ولو ان زمانه فى الجامعة دلوقتى .. ربنا يبارك لك فيه

عمونا وحبيبنا وحبيب الشعب ياسو ابن فيناس ..

أنا يا اخوانا ما قفلتش الموضوع لسه .. لاحظوا إنى كتبت "أستأذنكم" .. يعنى لسه مستنى الإذن .. يعنى غير لما باقول أستأذنكم وهوب أقوم ساحب الباب ورايا ..\

أنا يا اخوانا كنت اقصد كليو والاسكندرنى :blink: (صريح انا مش كدا؟) :sad:

يا اخوانا أنا وضحت الفكرة لأثينا .. ومن قبلها وضحتها لزملاء كتير .. ولم يزل هناك اعتراض وسيظل ما دامت المحاورات وغيرها من المنتديات قائمة.. دا شيء طبيعى واحنا كإدارة لازم نتقبل رد الفعل دا والأعضاء كمان لازم يتقبلوا رد الفعل التانى mfb:

أنا متأكد إن الأدفايز هايضيف توضيح .. لكن بس طمعان إن مش كل توضيح يقابله اعتراض وبعدين توضيح للاعتراض وبعدين اعتراض تانى وهكذا .. المسألة أبسط من كدا بكتير ..

والله !!

أضفت تلك المداخلة دون أن ألاحظ وجود مداخلة للأدفايزر ..

تم تعديل 4 مايو 2006 بواسطة عصام شوقى

[Ahmed Mohsen]

شكر واجب للأستاذ عادل أبو زيد أدفايزر المحاورات على استجابته للنداءات العديدة ورده على استفسارات الأعضاء ...

وعتاب صغير جدا من ابن لأبيه على التأخير في الرد .... مع تقدير للمسئوليات الكثيرة الملقاة على كتفه ...

تحياتي

[الاسكندرنى]

السلام عليكم

اولا اعتذر الى كل من اساءة فهم وجهة نظرى و اعتذر عن اسلوبى قد نبهنى اليه الاخ وليد صفوت

استاذ عادل حضرتك قولت

هناك دعوة للمشاركة فى تطوير محاورات المصريين فى موضوع مستقل مثبت نعم انا معك الموضوع مستقل و مثيت ولكن لم يثبت اى فعاليه فى التطوير لانه مع مرور الزمن بيتنسى الموضوع حتى لو كان مثبت بدليل ان اخر مشاركه فيه من شهر معنى كده احنا مش حنعرف نطور غير لما نضع ايدينا على المشكله و نتناقش فيها لحين الوصول الى الاحل الامثل و بذلك نكون قد طورنا فى المحاورات يعنى المعالجه من اصل المشكله

مشكله زى بتاعت موضوعى و زى تغير عنوان موضوع العضوة اثينا يلتزم على من فى يديه التنفيذ فى التطوير على المشاركه فى النقاش حتى يستمع و يقول افكاره التى هى فى مقدرته تنفيذها و بذلك نصل الى حل يرضى جميع االاطراف استاذى انا صح ولا غلط

-- حضرتك كان ردك على موضوعى هو

و بالنسبة لموضوع إستفسار دينى الذى تم إغلاقه كنت أتصور أنك من نفسك فهمت السبب ، أولا الموضوع خارج نطاق محاورات المصريين إذا كنت فعلا تعتقد أنه يجوز أن تقول أنك مسيحى و أنك يهودى فهذه مسألة لا تناقش هنا و لكن عليك بجهات فتوى متخصصة و قد تلقيت أنت فعلا قدر من الإسائة من أحد الأعضاء و لو ترك الموضوع لتلقيت المزيد من الإساءات بالإضافة أن الحديث عن كيفية إستدراج شخص غير مسلم ليغير دينه - حتى لو كانت زوجة صديقك - يعتبر غير مقبول فى محاورات المصريين .... أنت الذى ألححت فى بيان السبب على رؤوس الأشهاد.

حضرتك بتقول الموضوع خارج نطاق محاورات المصريين فا انا افهم من ذلك وجود قصور فى المحاورات بعدم وجود اهل فتوى بين اعضاء المحاورات

( اذا اثيت لحضرتك اهميه مناقشه المشكله فى نفس وقت حدوثها ) بمعنى لو حضرتك كنت ذكرت ردك ده فى موضوعى بمشاركه كامله و بعد ذلك تتفضل بغلق الموضوع تكون قد جنبت نفسك السوال وليه و علشان ايه استاذى انا صح ولا غلط

و بالنسبه للاساءة احد الاعضاء لى فقد كان على لغتى العربيه و كيف اكتب و وقوعى فى اخطاء املاءيه كثيرة و لم تكن اساءه على الموضوع و محتواه اعتقد ولست متاكد اننى امتلك قدرا من الاحترام من اعضاء المنتدى فهم يحترموننى فبذلك لم اجد احدا اخر يسى اليه مره اخرى

فى حاجه كمان يعنى لو فى قصور فى المحاورات هل من الممكن استدعاء مفتى او داعيه اومن يكون على علم بامور الفتوى بعمل عضويه شرفيه له فى المحاورات و بكده نكون قد واجهنا قصور المحاورات بتواجد من على علم بالفتوى بين اهل و اعضاء المنتدى ده اقتراح اتركه لحضرتك لانك من فى يدك التنفيذ

استاذى الفاضل انا فى وقت فراغى لا اجد اكثر من المحاورات مكانا لى شعرت بقمه الاساءة لى عندما ارسلت لك رسالتى و كان ردك على غير وفى او بمعنى اخر ردك كان كما تريد ان تهمشنى او تقلل من قدرى قلت لك انا لم اشارك فى المحاورات ولكنك لم تعرنى اى اهتمام بمعنى الكلاب تعوى و القافله تسير كان فى ذلك اثر لم استطيع مسحه او انسه وارجوا منك الاهتمام بمشاعر الاخريين

ارجوا ان تتذكر اننى اكثر عضو احببت المحاورات و قولت الانتماء لهذا المكان

استاذ عصام شوقى ازيك عامل ايه و ايه اخبارك

بعد اذن حضرتك اتقل شويه و متقفلش دلوقتى يمكن ربنا يكرمنا

وكله توته على كبوته او راس فى راس بالغه تجار السيارات يا كبير

[عصام]

وكله توته على كبوته او راس فى راس بالغه تجار السيارات يا كبير

:D

:o

:o إيه يا عم اسكندرنى؟ أنا مش ميكانيكى !!

ما تقولوا له يا جدعان ..

[Advisor]

الفاضل الإسكندرنى

لا لا يوجد قصور فى محاورات المصريين و لن أستعمل اللغة الرمادية و بأدب أرد عليك بأننا لا نستطيع و لكنى ببساطة حتى لو كان بإمكاننا فلن ننفذه لأنه ببساطة خارج نطاق محاورات المصريين ، لم ندعى أبدا أننا مكان فتوى أو مكان مفتوح للحوار الدينى هذه مسئولية لا ندعيها و لا نتحملها.

الأفاضل وصلتكم جميعا دعوة للمشاركة فى تطوير محاورات المصريين .....

[ATHENA]

بصى يا اتينا .. ماتنرفزيش نفسك رولاكس كده .. ولو ان شكلك عصبيه قوى

انا عن نفسى كقارئه للموضوع لما قريت ان فى تغيير ف العنوان ماجاش ف بالى انه بسبب

انك كاتبه حاجه وحشه .. اول حاجه طرات على بالى انهم فكروا انه يمكن احسن يكون بالعربى مش باى بلغه تانيه

وخلاص .. عشان الكل يفهم .

ياشو يا جميلة إزيك

أنا ريلاكس يا ياشو بس حطي نفسك في مكاني...بالظبط زي طفل اشترى أكل من بره و دخل البيت راحت الماما خدته منه و حطت له صحن خضار عشان صحي أكتر

أنا مش الطفل و لا الإدارة الماما :wub: و بالمناسبة بجد ميرسي على توصيل معنى الصور لنانسي اللي لحد دلوقتي مش عارفه ليه مش ظاهر عندها حاجه :o :wub:

ف

ما هو السبب الذى دفع من غير العنوان فى وجهه نظرك الى تغييره ؟ أى مصلحة مباشرة ستعود عليه؟ انا إعتبرت هذه النقطة كحق من حقوق "رئيس التحرير " اذ يستطيع أى كاتب صحفى أن يكتب مقالته و يختار عنوان لها بكامل حريته ولكن يمكن ببساطة أن يتدخل رئيس التحرير ليغير هذا العنوان و يستبدله بمانشيت يراه أصلح لجريدته ... ومه هذا فحق الصحفى و مجهودة بكل تأكيد محفوظ .....

عزيزي وايت هارت شكرا على ردك او شرحك بس لاحظ إننا مش في صحيفة و رئيس تحرير و كتاب و لا المنتدى جريدة خاصة برئيس التحرير.يضع بها الأصلح..المنتدى مكون من أعضاء بعضهم تطوع للإشراف لتنظيم المنتدى و ليس تحرير أنا موظفة في جريدته..في فرق تشبيه كبير يا وايت...

يا عزيزي الأخ أدفايزر وضح إن من قوانين الكتابة بالعربي و أنا فعلا في شكوتي كنت سألت عن كده و إن كنت لا أعلم ذلك...يبقى الموضوع فعلا خلص و مفيش مانع يتغير العنوان للعربي عندي نهائي و لاحظ إني ممطالبتش نهائي برجوع العنوان القديم

المسألة ببساطة شديدة كان هيتم تقبلها بطريقة اظرف من طرفي و من طرف أي شخص في محلي لو كان الأخ أرسلي رسالة يخبرني بالسبب مثلا و يطلب مني عنوان جديد بالعربي...كنت هقدر جدا لو عمل كده و أشكره و أطلب منه سرعة التغيير..لكن ادخل المنتدى أدور على موضوعي ألاقيه بالصدفة البحته و جايز ملاقهوش زي كليو عشان الاخ قرر يغير العنوان و حتى لم يكلف نفسه بإرسال رسالة أو حتى على أقل تقدير يضع مبرر التغيير في أسفل مداخلتي عشان أكون في الصورة...تفتكر ده مش مستفز شوية؟

تحياتي لك

عااااااااااارف .........عارف انك هتقولى طب و ما قاليش انا ليه الأول

وليد شكرا جدا على ردك و شرحك لكن كما أخبرت العزيز وايت الموضوع ليس موضوع عربي و إيطالي لكن موضوع إظهار بعض الإحترام لصاحب الموضوع و على الأقل مراسلته للتغير...مش يدخل يضرب الودع عشان يلاقي الموضوع اللي كان فاكر إنه حطه بعنوان معين أتغير و هو آخر من يعلم :blink:

تحياتي

مشكله زى بتاعت موضوعى و زى تغير عنوان موضوع العضوة اثينا يلتزم على من فى يديه التنفيذ فى التطوير على المشاركه فى النقاش حتى يستمع و يقول افكاره التى هى فى مقدرته تنفيذها و بذلك نصل الى حل يرضى جميع االاطراف استاذى انا صح ولا غلط

صح تماما يا أخ إسكندراني و هذا ما كنت أقصده من الشكوى بشكل فعلي على الرغم من فهم البعض للشكوى على أنها إعتراض على مجرد التغيير

عمل الإدارة هو عمل تنظيمى بحت .. وبالتأكيد ليس بين الأدفايزر والزميلة أثينا أى مشكلات من أى نوع

اكيد يا اخ عصام الكلام ده..ده أنا حتى لسه بتوه في المحاورات و بين أبوبها :P

و أتمنى لو تقوم بإيصال إقتراحي للإدارة بمراسلة أصحاب الشأن حين تنوون تغيير عنوان او ترجمة رد لأن سيكون له أثر أفضل كثيرا من أثر التغيير و صاحب الشأن أخر من يعلم و يظهر الإدارة بمظهر ديكتاتوري مستفز للغاية و لو كان الهدف مصلحة المنتدى فالمنتدى أولا و أخيرا مكون من الأعضاء اللذين يجب أن يكون لهم صوت مسموع و يصل للإدارة..أعتذر عن صراحتي و لكنه مجرد إقتراح فربما لا يعلم بعض الأخوة الأفاضل في الادارة ذلك و يقومون بأداء عملهم بتلقائية و مفيش فيد باك يوصل لهم ما يشعر به بعض الأعضاء..

تحياتي

مسألة أخرى و هى لغة محاورات المصريين و هى اللغة العربية فقط

بالنسبة لعدم كتابة رسالة للعضو حال تغيير العنوان أو نقل الموضوع أحيلكم إلى حجم العمل المشار إليه فى بداية هذه المداخلة و نبحث حاليا إمكانية تعديل البرمجيات ليكون هذا الإبلاغ تلقائيا.

الأاخ أدفايزر شكرا على ردك و لكن ألم يكن من الممكن حينما تفضلت و كتبت التغيير في ذيل المداخلة أن تذكر بإختصار شديد سبب التغيير و أن القوانين تنص على أن لغة المحاورات هي العربية؟ لو كان هذا حدث لكنت أحسست بإحترام لي كصاحبة الموضوع..و أذكر للمرة الأخيرة ضع نفسك في مكاني

وضعت موضوع حينما عدت لم أجده او وجدته بالصدفة البحته لقيام مشرف بالتغيير بدون حتى ذكر السبب أسفل المداخلة مقلناش رسالة عشان وقتكم المشغول بالعم في المحاورات جزاك لله كل خير طبعا :blink:

أرجو فعلا و في سياق خطة تطوير المحاورات أن يتم الإرسال بشكل آلي كما ذكرت في ردك

تحياتي

و شكرا لجميع من قدر و فهم معنى شكوتي و شكرا للإدارة على شرح الموقف أيضا

تم تعديل 5 مايو 2006 بواسطة ATHENA