اذا الشعب يوما ..على طول ..نام

[عمر عباس]

نقلا عن شاعر الرصاص "أحمد مطر" (مع التصرف):

يعوي الكلب إن أوجعه الضرب، فلماذا لا يصحو الشعب !!؟؟

لماذا لا يصحو وعلي وجهه يبصق كلب ويضربه كلب ويبول عليه أيضا كلب

يخاف أن يعوي يخاف أن يصرخ يخاف أن يشكو كي لا يقال اعتراض أو شجب

يخاف علي عيشه يخاف علي ولده ناسيا أن فوق الجميع رب ..

إن فوق الجميع رب

لا تقولوا أننا عيلة قليلو الحيلة أغلب من الغلب

لا تقولوا أننا مستضعفون في الأرض ليس علينا أثم أو ذنب

أستخفوكم فأطعتم .. وهذا أقبح من ذنب

فحق عليكم الذبح كالنعاج .. لا مجرد إهانة أو ضرب

لأنكم نسيتم أن فوق الجميع رب

إن فوق الجميع رب

[وليد صفوت]

هذا جلد ذات لا اكثر

[محمد عبدالعزيز]

هذا جلد ذات لا اكثر

عروستى :wub:

لا مؤاخذة يا أستاذ وليد مش فاهم, يعنى إيه جلد ذات لا أكثر؟ كلام هجايص يعنى ولا مبالغة ولا إيه مش فاهم؟

الراجل بينبه لنقطة فعلاً مهمة وسبب قوى جداً فى الوضع السئ الذى نعيشه

ألا وهى ضعف اﻹيمان

هو مش كل اللى ساكت خايف برضه ولا ده كمان جلد ذات؟

أنا رأيى إن كل اللى ساكت ساكت بسبب الخوف ومش ﻷى سبب تانى

يعنى مثلاً هتقولى لا ده ساكت يأس أقولك مفيش حاجة اسمها يأس ﻷن التغيير سنة الحياة وربنا أمرنا على لسان نبيه صلى الله عليه وسلم بتغيير المنكر على قدر الاستطاعة, وكمان احنا مأمورين بالأخذ بالأسباب والتوكل على الله يعنى أنا مش شغلتى إذا كانت النتيجة المأمولة تحدث ولا لا تحدث ﻷن فى أسباب وفى مسبب اﻷسباب.

هتقولى خايف على عمره هأقولك إن اﻷمة كلها إنسها وجنها لو اجتمعت على أن يضروك بشئ لن يضروك إلا بشئ قد كتبه الله عليك

هتقولى خايف على أكل عيشه هأقولك إن الله هو الرزاق ذو القوة المتين, وهأقولك كمان لن تموت نفس قبل أن تستوفى رزقها

هتقولى خايف من البهدلة هأقولك مفيش واحد فينا يأمن على نفسه فى الظروف الحالية وشوف اللى حصل للقاضى حمزة

هتقولى مفيش فى إيده حاجة يعملها هأقولك على اﻷقل ينكر المنكر بقلبه وهأفكرك برضه إن ده أضعف اﻹيمان

يبقى اللى مش بينكر حتى بقلبه إيمانه شكله إيه؟

تم تعديل 5 مايو 2006 بواسطة محمد عبدالعزيز