مصروف الشابة 100 ألف دولار شهريا ... بس

[kfaya]

فى أهرام اليوم ... خبر لذيذ عن فرض الحراسة على أبنة وكيل وزارة الأسكان المتهم بأختلاس الملايين و التى هى طالبة بالجامعة الأمريكية حيث تبين من فحص المستندات المضبوطة أن والدها كان يحول لها كل شهر 100 ألف دولار الى حسابها فى البنوك لزوم البنزين و السندوتشات و الحاجة الساقعة حيث معروف أن كافيتريا الجامعة الأمريكية من أغلى كافتيريات مصر قاطبة ....

كما أقطعها شاليهين فى مارينا و بضعة فيلات فى التجمعين الخامس و السادس و بعض قطع الأراضى فى أماكن متناثرة ..

بس خلاص ... :wub:

تم تعديل 5 مايو 2006 بواسطة kfaya

[White heart]

مصروف الشابة 100 دولار شهريا ... بس

بس عنوان الموضوع بالشكل دة لا يعبر عن مضمونه يا kfaya ... :blink:

و بعدين انت بتقول:

بس خلاص ... :wub:

مش بس ! بس ايه ..... ؟؟!!!

100 الف دولار فى الشهر ؟؟؟؟!!!!

يعملوا كام النهاردة دول بالمصري ؟؟

و اذا كان دول بس مصاريف الإبنة .... أمال باقى المصاريف كام ؟؟؟!!!!

الا صحيح يا جماعة ممكن فعلا الأرقام دى تكون حقيقية .. مش متحبشة شويتين ؟؟ :wub:

تم تعديل 5 مايو 2006 بواسطة White heart

[nancy]

مبالش المواضيع الى تشل دى هو دة مصروف برضة دة مبلغ ينغنغ ملجا ايتام فية 500 طفل مش حتة بت فى الجامعة

مهى لو الفلوس دى حلال مكنتش تتحط كدة

عموما حنفترض انها دعابة

طيب متيجوا نفتكر ايام الكلية كنا بناخد كام مصروف واحنا دلوقت بندى ولادنا كام مصروف

[ATHENA]

فى أهرام اليوم ... خبر لذيذ عن فرض الحراسة على أبنة وكيل وزارة الأسكان المتهم بأختلاس الملايين و التى هى طالبة بالجامعة الأمريكية حيث تبين من فحص المستندات المضبوطة أن والدها كان يحول لها كل شهر 100 ألف دولار الى حسابها فى البنوك لزوم البنزين و السندوتشات و الحاجة الساقعة حيث معروف أن كافيتريا الجامعة الأمريكية من أغلى كافتيريات مصر قاطبة ....

كما أقطعها شاليهين فى مارينا و بضعة فيلات فى التجمعين الخامس و السادس و بعض قطع الأراضى فى أماكن متناثرة ..

بس خلاص ... :wub:

منور يا عم كفاية :wub:

فعلا زي ما قال العزيز وايت الموضوع بعنوان مية دولار بس مية الف دي صعبة اوي يا عم كفاية

تكونش بتاخد خمسين ألف دولار بس و دي الأوشاعات

بس بجد معقوله تكون بتاخد مبلغ زي ده ؟:

تم تعديل 5 مايو 2006 بواسطة ATHENA

[khedr]

الكلام ده صحيح

....

....

....

...

...

...

ارجوكم حديتأكد انا مش ناقص

[Posted by 81.10.96.9 via ]

[هيثم نافع]

يا ناس يا مقشــــفين ............> جمع مقشف ......> و القشف هو بتاع بيتكون على الجلد من شده الفقر و قله الإستحمام

المهم يا ناس يا مقشفين أيه المشكله لما البنت حبيبه باباها تاخد مصروف100.000.00 $ في الشهر

أيه يعني ميت ألف و دول يا خوتي بيعملوا أيه في الزمن المهبب ده

خللو البنت تتفسح و تنبسط و تزءطط ...

و يا ناش يا شر كفاية قر

[kfaya]

وايت ... ليك حق , صلحت العنوان

أثينا ... لو مش مصدقة الرابط أهوه و من الصفحة الأولى كمان

http://www.ahram.org.eg/Index.asp?CurFN=fron12.htm&DID=8842

[ATHENA]

أثينا ... لو مش مصدقة الرابط أهوه و من الصفحة الأولى كمان

http://www.ahram.org.eg/Index.asp?CurFN=fron12.htm&DID=8842

أستاذي العزيز كفاية الموضوع مستفز لدرجة رهيبة....أصل لو مجرد وكيل وزير الإسكان بيهبش و ينهب مبالغ طائلة بالشكل ده يبقى باقي الكبار في جيوبهم قد إيه؟

و على كده اد إيه من فلوس الشعب منهوبة..مبلغ فلكي على كده

معقول الفقر اللي فيه مر ده و سبعين مليون شخص عشان بضع أشخاص لا يتعدون المئات؟

أقطعها شاليهين فى مارينا و بضعة فيلات فى التجمعين الخامس و السادس و بعض قطع الأراضى فى أماكن متناثرة

بعدين الجملة اللي فوق دي مستفزة أوي..بضعة فيلات؟؟؟؟؟؟؟؟؟؟؟؟؟؟ قطع أراضي متناثرة؟؟؟؟؟؟؟؟؟؟ زي ما يكون الكلام عن ألعاب أطفال

:wub:

[khedr]

عمي كفايه

الخبر مش كاتب ارقام

مش يمكن الرقم اللي انت كتبته مش مضبوط

يمكن 99 الف بس

وكده ظلمنا البنيه....

.زي ما ظلمنا بهيه

وكل الحكايه.....100 الفايه

وعيـــــــــــــــــــــــــــــون بهيه

[Posted by 81.10.96.9 via

[محمد عبدالعزيز]

أكيد هو بيحول الفلوس دى كلها باسم بنته ويكتبلها فيلات وأراضى عشان يتهرب من المسئولية

بس الخوف بقى ماحدش يكفى القدرة على فمها تقوم البنت تطلع ﻷبوها وتطمع فى القرشنات

[Tafshan]

اولاً : وحشتنى جداً جداً يا فندم :blush:

______________________________________

موضوع ال 100 الف دولار دول انا مش شايف فيهم بروبلم .. خلى البنت تنبسط و ان شاء الله ما حد حوش :closedeyes:

[مصرية الهوى]

ياجماعة بالراحة على البنوتة الغلبانة ..

انتو مش عارفين ان سعر الشنطة من Serpui Marie بقى دلوقتي بـ450 دولار :closedeyes:

[سهيلة]

حبيبتى مصرية شنطة اية دول يا دوبك يكا فوها لبان وبيبسى

وتبقى تعمل جمعيات عشان تجيب كسوة الصيف

حاجة تنرفزززززززززززززززززززز

[khedr]

فين الاداره ..فين المشرفيين

الموضوع ده عملي تخاريف

ارحموني ...انا مش كده

انا مش قصير وقزعه انا طويل واهب.........

[محسن فؤاد]

اللى هيتجوز البنت دى تبقى امه داعيةله وهى ........................

تم حذف كلمة خارجة عن طريق الادارة .

رجاء مراعاة اختيار الكلمة قبل كتابتها ..

شكرا..

الادارة ..

[الأفوكاتو]

إذا كانت الكلمة الأخيرة من رد السيد محسن فؤاد مقصودة, و ليست غلطة مطبعية, فأنى أرجو من الإدارة حذف هذه الكلمة.

[Salwa]

استاذنا الفاضل الأفوكاتو .

نأسف للتأخر فى حذف هذه الكلمة الغير لائقة...من العضومحسن فؤاد... فى الوقت المناسب ..

كما نلاحظ هو له مداخلة واحدة ويظهر انه دخل فقط للتهريج ...

تحياتى ..

[سيزيف]

الاخ محسن فؤاد

لاحظت انها مشاركتك الاولى

و يبدو ان اول القصيده " حذف "

:sad:

مرحبا بك فى المحاورات

و بالراحه شويه يا عم محسن الله يخليك :lol:

-----------

لا اعتقد ان الاب كان يحول مائه الف دولار شهريا باسم ابنته كمصروف شهرى فهو امر غير منطقى

و الارجح انه كان يخفى الكسب الحرام الذى تحصل عليه بتلك الوسيله

و هو امر شائع بين الفاسدين ان يخفوا الاموال باسماء زوجاتهم او ابنائهم

و السؤال الذى طرحته الاخت العزيزه اثينا هو اول ما تبادر الى ذهنى

كم مثل هذا الرجل من الفاسدين فى مواقع حساسه ؟

وكم ينهبون من اموال البلد ؟

لك الله يا مصر

[رمضان]

بطلوا قر على الناس بقى

يعني الالف دولار يعملوا ايه في الايام دي

بالامانة بنزين سيارة ووجبة الغداء فقط

وسجاير

اسحبها كده معي بنزين سيارة بكام

الاكل بكام والسجاير بكام واللبس بكام والفسح بكام

ودي لسه عيلة عاوزة تفرح بشبابها