طلب مساعدة من اﻷخوة المصريين فى اﻹمارات

[محمد عبدالعزيز]

هذا طلب ﻷخ لى يريد السفر للإمارات

في شركة مصرية عندها شغل فى اﻹمارات وطالبين أمن وهو شاكك فى العقد بتاعهم وعايزين لو حد منكم يقدر يقولنا إيه مواصفات العقد السليم

يعنى هل شرط مثلاً يكون مختوم من الغرفة التجارية فى اﻹمارات ولا ممكن بعد التوقيع يتختم من هناك

معلش أنا ماعنديش خبرة قوى بس باحاول أوصل لكم أنا عاوز أعرف إيه

يعنى عاوز أعرف إيه مواصفات العقد المضمون بحيث أخونا ده يروح هناك يشتغل وياخد حقوقه مظبوط

عشان هو عنده بيت وأولاد وطبعاً إنتم عارفين الحالة هنا إزاى ومش عاوز يغامر ويروح هناك يكتشف إنه منصوب عليه وهتبقى صدمة كبيرة جداً له ولبيته

شكراً مقدماً

[الرافعي]

الأخ محمد

لو سمحت أرسل لي تفاصيل الموضوع (تفاصيل كاملة) مع الأجر المعروض، وإن كان قد رأى نسخة من العقد أم لا، وأين العمل، ونشاط الشركة واسمها ... كل شيء في رسالة خاصة

حتى نرسل لك الرأي من الناحية القانونية، والعملية أيضاً ...

والأمر كذلك معروض على الأخوة الأقدم والأكثر دراية بالبلد .. ياسوفيناس وطفشان وأمير وهومر ...

تحياتي، وإن شاء الله بالتوفيق

[Tafshan]

يا ريت لو تعمل Scan للعقد و ترفقه في مداخله و خلينا نبص عليه ... الاهم من عقد العمل نفسه هو الراتب المتفق عليه مكتوب فيه و لا لأ ، ايه الوظيفة اللى مكتوبه لأن ممكن الوظيفة تمنعه انه يسطحب زوجته مثلاً في المستقبل .. و ربنا يوفق

[محمد عبدالعزيز]

شكراً على الاستجابة السريعة سرعة البرق

بإذن الله اليوم سأزوره لمعرفة هذه التفاصيل وأوافيكم بها اليوم أو غداً

أشكركم مرة أخرى

[yasovinas]

على قدر خبرتي في الامارات ما فيش حاجه اسمها عقد قبل الحضور للامارات ممكن يكون في عرض عمل ودا اللي ممكن يكون مختوم وموثق ايضا من السفارة المصريه ودي احدث الاجراءات المطلوبه حاليا عند السفر اول مرة من مصر والتقديم لاستخراج تصريح العمل اما ان تكون صورة من تاشيرة العمل ودي بيطلبوا انها تكون مختومه من السفارة هنا والسفارة في الحاله دي بتطلب عرض العمل ويكون متوثق من وزارة العمل والعمال اما لو ارسلوا اليه اصل الفيزا فبيستخرج التصريح من غير كل ما سبق

عموما اذا كانت الوظيفه ضابط امن او موظف امن عادي فدي راتبها بيتراوح من 1500 الى 2000 درهم بالاضافه الى سكن عذابي ويونيفورم وفي الغالب بيكون في تذكرة سفر كل سنتين ايضا لازم يؤكد على التامين الصحي وتوفير وسيلة مواصلات من السكن الى مكان العمل

ضروري يعرف مكان العمل فين يعني يكون في مكان مغلق وليش مكان مكشوف لان الجو في الاماكن المكشوفه بعد شهر من الآن لا يطاق

اما اذا كانت الوظيفه مسؤول امن او رئيس مجموعه فدي راتبها بيكون من 4الاف درهم فما فوق حسب الشركة وايضا سكن عذابي او عائلي دي بتبقى حسب الاتفاق وضروري انه يعرف قبل ما يوصل ظروف تذاكر السفر والعلاج والسكن وما الى ذلك

على كل الاحوال الراتب اذا كان 3الاف درهم وسكن عائلي يستطيع ان يحضر اولاده او 4 الاف بدون سكن دا قانون احضار الاسرة

لو ممكن انه يبعت لي اسم الشركهع وفي اي امارة ممكن اتحرى له عنها كما حدث مع اخ عزيز سابقاً هو حضر الى هنا بالفعل واشتغل واتصل بي مرة واحده وبعدها اختفى مش عارف ليه :blink:

[محمد عبدالعزيز]

أشكر كل الأخوة الذين ردوا فى هذا الموضوع:

حلاوة العنتبلى

Tafshan

yasovinas

وفقكم الله جميعاً