عيد ميلاد سعيد يا سيلفر سوان

[disappointed]

يوافق اليوم عيد ميلاد العزيزة سيلفر سوان , فكل عام و هى بخير و صحة و سعادة

[nashwa]

كنت لسه حفتح موضوع لتهنئه الجميلة Silver swan :

محبط سبق وعملها ... ماعلينا :closedeyes:

المهم ... كل سنه وأنت طيبة .. وعيد ميلاد سعيد

أتمنى دائما أيامك أعياد

ورضا من الله ... وتوفيق بالسعادة دائما

:ph34r:

[eastsoul]

سنة حلوة يا جميل سنة حلوة يا Silver swan.

كل سنه و انت بألف خير...

[Sherief AbdelWahab]

كل سنة وانتي يا سيلفر بصحة وسعادة .. وكمان متواجدة في وسطينا ومنورانا.. :blink:

بالمناسبة .. أناشد مناشدة حارة أبو المحابيط بالعودة .. بصراحة الواحد بيزعل لما ما بيشوفش مداخلة طويلة ماركة ديسابوينتد! :closedeyes:

خلص الكلام

[yasovinas]

سلفورة الشطورة كبرت كمان وكمان كل سنة وانت طيبة يا ست البنات وعقبال خمسة وسبعين سنة فرح وسعاده وراحة بال (بعد كده انا ما اضمنش ) معلش بقى النهارده ما فيش ورد وبلالين لكن انا جبت التورتة اهي

دي كنت جايبها معايا بس طارت معلش

فقلت دي حلوة للبنت الحلوة سلفورة الامورة

[khedr]

عيد ميلاد سعيد

وكل عام وحضرتك بخير

[disappointed]

بالمناسبة .. أناشد مناشدة حارة أبو المحابيط بالعودة .. بصراحة الواحد بيزعل لما ما بيشوفش مداخلة طويلة ماركة ديسابوينتد! :D

خلص الكلام

شريف باشا :D

البيت بيتى و أنا إبن بار مش ضال :D و بأشقر كل شوية على حبايبى و أهل بيتى :D غيرش بس الواحد مشغول لشوشته فى شغله و مع أسرته و كذلك فى منتدى الواحة الذى طرحناه كبديل عن هايد بارك للم شمل الباركاويّة :D , و كذلك الإنشغال الشديد فى مجلة الواحة الإلكترونية الوليدة......بس بينك و بينك ( ما تقولش لحد يعنى :D ) الواحد بيزعل لما يلاقى إن المحاورات - و هى بيته - ما حدّش من القائمين عليها - و هم أصدقاء ....كسى السيّد و داروين و الباقيين جميعاً - بادر مش حأقول بالتنويه عن طرح الواحة على الشبكة كبديل عن البارك حتى يعلم بذلك الهايدباركاويّة اللى بيدوّروا على بعض , و إنما حأقول فقط و لو مجرّد مبادرة بتهنئة ولو حتى خجولة :P أو من تحت الضرس :angry: ......حاجة بس كده كمجاملة و لذر الرماد فى العيون....و....مش حنقول إن الواحد زعل من عدم التنويه....بس حقيقى الواحد بيزعل من....التتويه :P

و مع ذلك.....ما حدّش بيزعل من أهل بيته بجد... و حتى إن قالها فبتكون من وراء قلبه...... و زى ما إنت عارف..... على قد المعزّة بيكون العتاب :D

خلص الكلام

[se_ Elsyed]

[......بس بينك و بينك ( ما تقولش لحد يعنى :wub: ) الواحد بيزعل لما يلاقى إن المحاورات - و هى بيته - ما حدّش من القائمين عليها - و هم أصدقاء ....كسى السيّد و داروين و الباقيين جميعاً - بادر مش حأقول بالتنويه عن طرح الواحة على الشبكة كبديل عن البارك حتى يعلم بذلك الهايدباركاويّة اللى بيدوّروا على بعض , و إنما حأقول فقط و لو مجرّد مبادرة بتهنئة ولو حتى خجولة :blink: أو من تحت الضرس :unsure: ......حاجة بس كده كمجاملة و لذر الرماد فى العيون....و....مش حنقول إن الواحد زعل من عدم التنويه....بس حقيقى الواحد بيزعل من....التتويه :wub:

إنت كده ظلمتني يا محبط ..

لإني لو إنت متابع هاتعرف إن بقى لي حوالي شهر معجون عجنة ما يعلم بها إلا ربنا في الشغل وأساساً لا كت بأدخل على المحاورات أو النت من أساسة اللهم إلا لو مرة صادفت من الموبيل ...