الابداع

[Tafshan]

طموحنا جميعاً هو ان يكون لدينا طفل مبدع ، طفل عبقرى يصبح عالماً مرموق او سياسي نزيه (وسعت شوية ) او رياضى محترف او فنان موهوب ...

و لكن ماذا نفعل لكى يكون لنا مثل هذا الطفل ؟؟؟

اسمع " دوشة" و كلها تسب و تلعن في السياسات التعليمية في مصر ... و اقول لهم هو ده الموجود ، هل نستسلم ؟؟؟

اسمع نفس الدوشة تقول : نحفظهم القرآن .....

جميل ... لكن بعد حفظ القرآن ، هل سيصبحوا مبدعين ؟؟ (طبعاً انا مش ضد تحفيظ القرآن خالص و لكنى لا اعتبره الحل الوحيد )

اسمع اصوات ناعمة نسائية تنادى بتعليم الرسم و الموسيقى ....

ممتاذ ، لكن ماذا لو كانوا ليسوا موهوبين في الرسم و الموسيقى ؟؟؟؟

اسمع اصوات خشنه رجالية تنادى بالقراءة ...

رائع ، لكن اذاى ؟؟؟

قبل ان "يمسك في خناقى الجميع " ابدأ اسألكم جميعاً :

ما هو حجم الوقت الذى تقضيه مع اولادك ؟؟؟

ما هو اخر تاريخ شاركت اولادك هواياتهم ؟؟

ماذا يفعل اولادك في الاجازة ؟؟؟ و هل انت راضى عما يفعل ؟؟؟

على فكرة انا سنه اولى اب و بنتى عندها 5 سنين و مغلبانى في كل حاجة و فعلاً عاوز استفيد من تجاربكم ، و نعمل ورشة عمل على اهم مشروع في حياتنا ... اولادنا ... ايه رأيكم ؟؟؟؟

[فنكوش]

[

على فكرة انا سنه اولى اب و بنتى عندها 5 سنين و مغلبانى في كل حاجة و فعلاً عاوز استفيد من تجاربكم ، و نعمل ورشة عمل على اهم مشروع في حياتنا ... اولادنا ... ايه رأيكم ؟؟؟؟

انا كمان سنه اولى اب وابنى عندة سنتان

يمكن يكون من الافضل ان احنا نسيب الولد يكتشف بنفسة مفيش مانع يمسك ريموت التلفزيون وشخبط القنوات ولما يفك حاجة ويخربها نعديها نقوله ايه رائيك نعمل كذا طيب نحل المشكله دى ازاى

ممكن نقارن بين شابين واحد اهله يعملوا كل حاجة يكون خام غير مبدع غير قادر على التفاعل واخر اهله سابوا له الفرصه مش مشكله الغلط ودى مهمة الرقابه للتصليح وليس المنع

[White heart]

فنكوش كتب:

يمكن يكون من الافضل ان احنا نسيب الولد يكتشف بنفسة ...

فعلا ..أنا أتفق مع هذا الرأى ....

أعتقد ان على الوالدين فتح كل الأبواب ... و طرح كل هو مستطاع من أنشطة سواء كانت فنية ... او علمية .. أو ثقافية .... أو يدوية .. الخ .. الخ .... منذ بدايات عمر الطفل و التدرج فى مدى التنوع و الحجم بطريقة تتناسب مع عمر الطفل .... و بعدها نتركه يختار .. أو نلاحظ أى نشاط يميل اليه بدرجة أكثر من غيره ... و من ثم محاولة التركيز على هذا النشاط أكثر و التعمق فى وسائله و مصادره المختلفة ..... و بكل التأكيد بذل من الجهد و الوقت الكثير لمساعدته على التمرن فى وسائل الإختيار و الممارسة سواء بإتباع الطرق النظرية و بعدها بالطرق التطبيقية ... و أعتقد انه بعدها و على مر السنين ( و مع إكتمال توفر باقى العناصر ) يمكن أن يصبح الطفل بذلك مبدعا فى مجال ما مستقبلا ......

مع أن هناك الكثيرين من المبدعين لم يحتاجوا فى طفولتهم لأى شئ من ذلك ..... و ربما يعود هذا من وجهه نظرى الى " عامل المنافسة " الذى كان فى السابق أقل نسبيا من ناحية ... و لبطء خطى التطور فى جميع القطاعات من ناحية أخرى .....

تحياتى.

[محمود الشاعر]

أولا أحيك طفشان على مواضيعك أنا بقالي اربع ايام تقريبا مكتشف الموقع ده و بصراحة انبهرت بيه جدا

ثانيا انا سنة تانية اب عندي ولد عمره 7 سنين و بنت عمرها سنة ونص

تجربتي معاهم

1 ) مفيش ضرب ولا شتيمة أو اهانة من اي نوع مهما كان الغلط طب العقاب أزاي العقاب بيكون اني ازعل منه و حسب نوع الغلط يعني مثلا لو أتاخر فى كتابة الواجب يبقى مالهوش فسحة الاسبوع ده وهكذا العقاب و الحرمان من شئ يكون مقابل الخطأ .

2 ) مشاركتهم فى الحوار يعني بتفأ انا و امهم فى بعض الاوقات اننا نفتح حوار وليكن مثلا عوزين نوضب الشقة ونغيرها وابدا أخليه يديني أراء و اسجلها ( طبعا انا مش هغير حاجة دلوقتي بس انا بقوله لو هنغير نعمل ايه ) مهم جدا انك تسجل اللى بيقوله و صدقني هتلاقي عندهم افكار حلوة كتير جدا

3 ) انا شاعر أو بكتب شعر المهم بجبهم كلهم واعمل لهم حلقة عزاب اقصد حلقة استماع وباخد رايهم كلهم

4 ) على قدر المستطاع توفير الوان و كراسات رسم

5 ) عدم التقليل من اهمية ما يراه صائبا حتى لو كان كذلك ( مرة ابني جاب زلطة من الحديقة اللي كنا فيها شكلها غريب شوية المهم انا شايلها له وكل ما يسئل عنها يلاقيها يفرح اني شايلها

و ارجو اني ماكنش تقلت عليكم وكفايا كدة وعاوزكم تقولولي رأيكم اية

[khedr]

التربيه والابداع والاطفال

النبوغ والموهبه عند الاطفال علي ما اظن هبات من عند الله

دور الاب والام في اكتشاف الميول والنبوغ الفطري للطفل

ولا انكر انه يحتاج الي اسره واعيه فاهمه متعلمه

ولكن ليس معظم المبدعين نشأوا داخل اسر بهذه المقومات

لكن مع التطور الذي نحياه في جميع مجالات الحياه ...النبوغ والموهبه اصبحت اسهل

واسهل في اكتشافها وصقلها واعدادها لتأخذ مكانها في الحياه

..... ..... ..... ..... .....

اما عن واولادنا وتربيتهم ومتابعتهم وملاحظتهم والقرب منهم وتوجيههم ومراعاتهم

فهذه هي ..... .....

المعاناه

وتقسيم المراحل العمريه للانسان

وكل مرحله لها وعليها من الولاده الي الرجوله

في هذا كله لا نجد الا الحديث النبوي المعروف (لاعبو اولادكم لسبع.......

فهنا تم تقسيم التربيه والتعامل مع الاطفال الي مراحل اللعب والتربيه والمصاحبه

وهناك من في المنتدي اقدر مني علي تفسيره وشرحه وفهم معانيه للجميع

[sendrella119]

عليك بالقرآن لانه معجزة في لغته

ومعجزة للغات العالم

فاذا استطعت ان تجعل ابنك يحفظه

انا رأيي ان هذا هو الابداع

لانه بتركيزه بحفظه لتعلم القرآن ......اهم شئ

التركيز

وهذا هو ما يفتقده الطفل العالمي مش المصري

[Tafshan]

[

يمكن يكون من الافضل ان احنا نسيب الولد يكتشف بنفسة

عشان يكتشف بنفسه محتاج لحاجات اقدمها له و اسيبه يكتشفها ... زي ايه :P

أعتقد ان على الوالدين فتح كل الأبواب ... و طرح كل هو مستطاع من أنشطة سواء كانت فنية ... او علمية .. أو ثقافية .... أو يدوية .. الخ .. الخ .... منذ بدايات عمر الطفل و التدرج فى مدى التنوع و الحجم بطريقة تتناسب مع عمر الطفل .... و بعدها نتركه يختار .. أو نلاحظ أى نشاط يميل اليه بدرجة أكثر من غيره ... و من ثم محاولة التركيز على هذا النشاط أكثر و التعمق فى وسائله و مصادره المختلفة ..... و بكل التأكيد بذل من الجهد و الوقت الكثير لمساعدته على التمرن فى وسائل الإختيار و الممارسة سواء بإتباع الطرق النظرية و بعدها بالطرق التطبيقية ... و أعتقد انه بعدها و على مر السنين ( و مع إكتمال توفر باقى العناصر ) يمكن أن يصبح الطفل بذلك مبدعا فى مجال ما مستقبلا ......

.

هى دى الحاجات اللى كنت بأقصدها ... لكن ازاي ح اقدر اوفر له كل ده ؟؟

ثانيا انا سنة تانية اب عندي ولد عمره 7 سنين و بنت عمرها سنة ونص

تجربتي معاهم

1 ) مفيش ضرب ولا شتيمة أو اهانة من اي نوع مهما كان الغلط طب العقاب أزاي العقاب بيكون اني ازعل منه و حسب نوع الغلط يعني مثلا لو أتاخر فى كتابة الواجب يبقى مالهوش فسحة الاسبوع ده وهكذا العقاب و الحرمان من شئ يكون مقابل الخطأ .

2 ) مشاركتهم فى الحوار يعني بتفأ انا و امهم فى بعض الاوقات اننا نفتح حوار وليكن مثلا عوزين نوضب الشقة ونغيرها وابدا أخليه يديني أراء و اسجلها ( طبعا انا مش هغير حاجة دلوقتي بس انا بقوله لو هنغير نعمل ايه ) مهم جدا انك تسجل اللى بيقوله و صدقني هتلاقي عندهم افكار حلوة كتير جدا

3 ) انا شاعر أو بكتب شعر المهم بجبهم كلهم واعمل لهم حلقة عزاب اقصد حلقة استماع وباخد رايهم كلهم

4 ) على قدر المستطاع توفير الوان و كراسات رسم

5 ) عدم التقليل من اهمية ما يراه صائبا حتى لو كان كذلك ( مرة ابني جاب زلطة من الحديقة اللي كنا فيها شكلها غريب شوية المهم انا شايلها له وكل ما يسئل عنها يلاقيها يفرح اني شايلها

و ارجو اني ماكنش تقلت عليكم وكفايا كدة وعاوزكم تقولولي رأيكم اية

عجبانى طريقتك جداً و فيها توصيف للوسائل التى تتبعها ... اشكرك جداً

اما عن واولادنا وتربيتهم ومتابعتهم وملاحظتهم والقرب منهم وتوجيههم ومراعاتهم

فهذه هي ..... .....

المعاناه

وتقسيم المراحل العمريه للانسان

وكل مرحله لها وعليها من الولاده الي الرجوله

في هذا كله لا نجد الا الحديث النبوي المعروف (لاعبو اولادكم لسبع.......

فهنا تم تقسيم التربيه والتعامل مع الاطفال الي مراحل اللعب والتربيه والمصاحبه

اكيد صح لأنه من رسول الله (ص) ز كلنا حافظين الحديث ، لكن ازاي اطبقه ؟؟ اعتقد الحديث ده يخص الصلاة .. مش كده ؟؟ اكيد الصلاة من المسلمات لكن ازاي اخليه مع الصلاة شخص مبدع ؟؟؟

عليك بالقرآن لانه معجزة في لغته

ومعجزة للغات العالم

فاذا استطعت ان تجعل ابنك يحفظه

انا رأيي ان هذا هو الابداع

لانه بتركيزه بحفظه لتعلم القرآن ......اهم شئ

التركيز

وهذا هو ما يفتقده الطفل العالمي مش المصري

سؤال : هل لكِ تجربة شخصية في هذا ؟؟

تحفيظ القرآن هو من اولوياتى طبعاً ... لكن لاحظت ان غالباً الاطفال تحفظ القرآن دون فهم معنى ما يحفظون و بالتالى لا اعتقد انهم يستفيدون منه في نفس المرحلة العمرية و انما سيستفيدون منه في مرحلة لاحقة عندما يفقهوا ما حفظوا ...

اما عن غياب التركيز يكون مع غياب الدافع بمعنى :

لو افترضنا ان طفل لا يركز في الفصل مع المدرس ... فماذا يدل ذلك ؟؟

لو فكرنا بعقل الطفل لوجدنا ان الدراسه بشكل عام ليس لها جدوى ... هى بمثابة عقاب يومى يجب ان يبذل ... اما عن الاطفال المتفوقين دراسياً فدافعهم يكون شخصى و هو محاولة اثبات كفائته على اقرانه و محاولة لأشباع غروره في ان يكون الافضل و الاذكى و ما الى ذلك و ليس الاستفادة الحقيقية من ما تعلمه و في النهاية ينسى مثله مثل الطفل الغير متفوق .. اذا الدراسة و التركيز فيها ليست مقياس :angry: بل بالعكس .. اذكر ايام المدرسه كان الشخص المتفوق غالباً فاشل اجتماعياً و غير سعيد و بعد تخرجنا الى الحياة العملية كثير منهم فشل لأنه غير قادر اجتماعياً على التكيف ...

اذاً ما الحل ؟؟؟

قرأت في كتاب رأي في موضوع الذكاء ده اعتقد انه مدخل جيد لموضوع الابداع :

يصنف الذكاء الى 4 اقسام :

ذكاء عقلى IQ

ذكاء عاطفي او اجتماعى SQ

ذكاء جسدي PQ

ذكاء روحانى SQ

و للحديث بقية ...

[nancy]

الاطفال مبدائيا لازم يحسوا انك قادر انك تعقبهم يعنى تلعب معاهم وتسمع حكايتهم عن المدرسة والاصحاب والمدرسين وتحسن اسلوب تعاملتهم بنصايح داخل حوارك معاهم وهما بيحكولك

العقاب يكون بالتحذير اولا وبعدين بتوضيح ان لو حصل كذا حيكون العقاب كذا لى هو حرمانة من حاجة يكون بيحبها اوى زى الكارتون او الكمبيوتر او زى بنتى انها متجيش جنب التليفون وتكلم زميلتها فى المدرسة

او بالغاء اى فسح اخر الاسبوع

منفعش كل دة الحبس فى غرفتهم وكل مشكلة تزود الحبس تص ساعة

مع عدم استعمال للعب الموجودة بالغرفة ولا اى حاجة تخلى الوقت يجرى ويبقى ممتع فى الحبس

اخر حل الضرب مش طحن خبطة صغيرة ومش على الوش والمقصود بيها انة يحس ان دى اهانة كبيرة مش لازم يوصلها

ويكون الموضوع دة مرة فى الشهر مش عمال على بطال لان حتى الرسول (ص) قال اضربوهم من 7 الى14

لانهم فى الفترة دى بيكونوا عندهم عند وردود تفرس فلازم يكون فية حد للتصرفات الاوفر

بالنسبة للنشاطات

انت مستحيل حتعرف هو هوايتهم اية الا بالممارسة

فكل هواية ولها سن ممكن نبتدى منة

بمعنى نبتدى بالهوايات الرياضية

السباحة والجمباز من سن اربع سنوات والاجاد ة بتحتاج لسنتين وممكن كمان تضيف البالية لو بنات

على سن ست سنوات ممكن تنس على ثمان سنوات ممكن هاند بول او باسكيت بول

دة حسب استيعاب جسمهم وقدرتهم على دفع كورة زى الهاند او الفولى او الباسكيت

الطول كمان

دة لو انت بتبحث وهكا ماستقروش على حاجة

بعد تسعة ممكن فروسية او سكواش او العاب دفاع عن النفس او العاب قوة

على عشر سنوات يكونوا مارسوا العاب كتير وقدر يقول انا باحب اية وممكن سعتها يستمر فى حاجة واحدة يكون هى دى الى عوزها فعلا

بالنسبة للميول الفنية

الرسم دة ممكن ترميلة ورق والوان من خمس سنين واقل

بس تجيب الوان نوع شمع بلاستك لانه مش حتعورة زى الوان الخشب ومش حتبوظ البيت لانة حيلون على كل حاجة فالوان المياة اوالجواش او الفلوماستر او اى خامة تانية حتسبب خساير كبيرة

فية الوان الى بيحط الاصابع فى العلبة ويرسم بالاصابع بس لازم يكون فى المطبخ مثلا ولابس المريلة الخاصة البلاستيك وتحت اشراف الاهل وعلى فكرة احساسة انة بيلعب بالاوان وايدة فى العلبة كلها

بتفتح فى مشاعرة ودماغة احساس الفنى الى فى اللعب فبيحبها اكتر

بعد ما يرسم اى خطوط وتعلق لوحتة وتشيد بيها ادام الاهل والاصحاب حيحاول يديك اكتر ويبدع اكتر

لما يوصل لست سنوات

تبتدى تشوفة بيرسم الدنيا ازى اهلة واصحابة وممكن تحلل الرسم ومنة تعرف هو بيحب اية وبيكرة اية ومين عندة مثل اعلى

ومين مهم اوى بالنسبة لة وهو يحب يكون اية لما يكبر ونظرتة للحياة والانسان والحيوان

كل ميكبر سنة ندخلة خامة فى الرسم محتاجة دقة اكتر وكل مايرسم حاجة تفهمها لحد تمان سنوات

بعد كدة بيكون بيعرف يعبر بالكلام كويس وعندة مواضيع كاملة فى دماغة

ندخل على مواضيع كاملة فى الرسم

وممكن نعلمة يعنى اية موضوع ومشاركة

وناس على بعد وناس قريبة وحركة الشخص فى الكدر الى بتقول هو بيعمل اية

يعنى ممكن تبتدى تفهمة وتصلح لة النسب

وبعدين نغير خامة اللون وندخل فى حاجت محتاجة فرش ومياة

ونبتدى بفرش متوسطة لحد ما يفهمها وندخل بعد كدة على سماكات خطوط متنوعة من اول فرش زيرو لحد 12 مثلا

وندخلة على اعمال فنية بشكل محتاج دقة من تمانية برضة زى النحت مش الصلصال الصلصال بعد 4 سنين اصغر من كدة حياكلة

الصلصال من 4 الى 8 النحت وانة يعمل من الطين الاصوانى وشغاة يدخل افران ويلونة بعد كدة او يعملة جليز وحطة فى اوضتة حتديلة احساس جميل

على تمانية او اكتر شوية ممكن يرسم على الحرير او على القماش فيرسم تى شرت حيلبسها

يعمل اعمال تنفع غرفتة زى برنيطة الاباجورة او لوحة بالصداف والحبال

او صندوق الاسراروهكذا وبردة على عشرة او اتناشر حتعرف هو عاوز اية او مش عاوز يرسم

نيجى للموسيقى

العزف من اول ست سنوات والبداية لازم تكون ودنة موسيقية وبيعرف يعيد النغمات بالسقفة واة بطريقة تاتاتا

البادية بتكون بيانوا الاول سماعى وعلى سابعة يتعلم النوتة

من اول ثمانية ممكن يبتدى فيولينا هى مقاسات فية نص او ربع او واحد كامل

حسب ذراع الطفل

حطة ودنة دى على الفيولينا بتخلية يحس بالقوس وطريقة ماسكة القوس والفيولينة بتخلية يتعامل معاها باحترام بتفتح جواة حاجات جديدة

على 12 ممكن جيتار او عود لانهم كبار شوية وعيزين ماسكة محددة

نيجى للقراية

دة بقى مشكلة مش صغيرة وفيها جزء كبير جدا على الاهل

يعنى لازم تحكى لهم كتير حتى من وهما سنتين من كتاب

لازم يحسوا ان الكتاب دة فى ايد الام زى ملاعق الطبيخ زى اديها الى الكمبيوتر

لازم يفهموا ان الكتاب ددة جزء من التعامل العادى

حدوتة قبل النوم من كتاب مهمة جدا

لحد ما يتعلموا يقراو على سبعة يقراو الحدوتة لنفسهم بصوت عالى ولاختالاكبرتقراء للاصغر

قبل النوم وبعدين نبتدى نكافىء بالكتب وناقش القصص

ونقراء القصص قبلهم علشان لما يحكولنا نكمل معاهم ونعمل حوار وهكذا

قصص صغيرة ونفضل نزود فى الصفحات ونصغر فى الرسومات ونجيب الكلام يكون اكتر

لحد ما يوصلوا انهم يقروا قصة من غير صور

وبعدبن كتب صغيرة وبعدين الغاز وبعدين روايات على 12 سانة ممكن هارى بوتر

فيدخلوا على نجيب محفوظ وعبد الحميد جودة الصحار وكتاب الستينات

وازجال جاهين والابنودى وبيرم من 13 سنة

الشعر وكتب التاريخ والفلسفة بعد 15

مفتاح دة انك انت تكون بتقراء والام وتناقش وتفكر معاهم

دة راى وطريقتى مع بناتى

[واحد تاني]

تجارب من ارض الواقع اجدها مفيدة تلك التي طرحها محمود الشاعر وطرحتها nancy واعجبني الترتيب والتدرج واهتمامها بنقطتي الرياضة والفن, كذلك ما اورده Tafshan وانا متشوق لقراءة بقية حديثة عن انواع الذكاء , احببت فقط واستكمالا للمداخلات القيمة السابقة ان اضيف هنا بعض الافكار من خلال قراءاتي حول هذا الموضوع.

تعالو اولا نعرف ما الابداع ومن هو المبدع

الإبداع هو إيجاد علاقات بين اشياء لم يسبق أن قيل أن بينها علاقات

والمبدع هو الشخص المرن صاحب الأفكار الأصلية الذي يتمتع بالقدرة على إعادة تعريف الأشياء أو إعادة تنظيمها ، والذي يمكنه التوصل إلى استخدام الأشياء المعروفة ولكن بطرق وأساليب جديدة تعطيها معان مختلفة عما هو متعارف عليه بين الناس.

ولكن ....

بداية الطريق للابداع من وجهة نظري هي التربية الصحيحة لطفل ذكي يتمتع بجانب ذكائه الى حبه للحياه والاخرين ومشاركتهم, قادر على التواصل معهم وقادر على نيل حبهم واحترامهم.

اذن فالذكاء هنا ليس مجرد ذكاء دراسي تحصيلي فقط بهدف التفوق فى التعليم وانما هو ذكاء اجتماعي حياتي يهدف لتكوين فرد يعلم انه جزء من هذا العالم المحيط به ويعرف جيدا كيف يتفاعل معه ويتميز من خلاله.

السؤال الان كيف اربي طفلي ليصبح ذكيا؟ ومتى ابدأ ؟

اجابة "كيف" طويلة الى حد ما و تحتاج لعدة مداخلات ابدأها هنا "باللعب"..... فاللعب هو وسيلة الطفل لفهم العالم من حوله-وانا اتكلم عن الطفل هنا من لحظة ميلاده- ولعب الطفل هو تنمية لقدراته المختلفة من خلال فكرة المحاولة والتكرار و هو تمرين على حل المشاكل يطور مبدأ التنسيق لدى الطفل بتكرار محاولة ما -مسك أصابع قدمه مثلا- ورغم أنه قد لا ينجح عدة مرات، إلا أنه يحاول تصحيح الخطأ الذي يقع فيه لاستكمال مغامرته.اذن فعندما نعلم أي نوع من اللعب والألعاب تبني قدرات طفلنا، يمكننا عندئذ أن نوجد في البيت بيئة محفزة لقدرات الطفل.

اما اجابة "متى نبدأ" فيجب ان تكون البداية من لحظة ولادة الطفل ويذكر المختصون ان الأطفال حديثى الولادة يستطيعون تمييز ألالوان الزاهية ، وبالقطع يستطيعون سماع الأصوات المحيطة بهم وعليه, فمن المفيد وضع لعبة زاهية الألوان فوق فراش الطفل منذ اليوم الأول.و اسماعه اصواتنا وكذلك بعض الموسيقى قد يفيد. فكلما كان محيط الطفل غنيًا، حتى منذ أيامه الأولى، كلما زادت فرصة نموه العقلي.

اسف على الاطالة وللحديث بقية (ان كان لكم الرغبة فى الاستماع للمزيد)

[Tafshan]

العزيزة نانسي ..

اولاً ربنا يخلى لكِ بناتك .. و الحقيقة انا حاسس انك كنت جاهزة قوى للسؤال كأنه همك في بيتك بالفعل ... مجهود يستحق الثناء ..

موضوع التربية بالتجربة و الخطأ الذى تتبعيه اكثر من جيد و لكن يتطلب مجهود و وقت كبيـــــــــــــــــــــــــــر جداً بالاضافة الى قدرة شخصية بمعنى انى انا شخصياً لن استطيع ان انفذه لأفتقادى للوقت و القدرة .. و هناك مشكلة اخرى :

عندما كنت في سن اولادك .. و ده من فترة طويلة شوية .. ما علينا :unsure: .. كان اكثر ما يضايقنى ان يتحكم في ابي و امى بهذا الشكل و كنت في المقابل اقابل ذلك بالتمرد التـــــــــام بمعنى انى حتى لو عجبنى اي شئ مما طرحوا كنت "اعند " و لا اتقبله ...

العزيز واحد تانى ..

استخدام " اللعب " في تنمية قدرات الطفل وسيلة فعالة جداً و تستحق التحليل .. هل عناك برنامج محدد - مثلاً - وضع على هذه الفرضية ؟؟ بمعنى هل هناك العاب محددة تنمى قدرات محددة ؟؟

في انتظار باقى حديثك ...

يصنف الذكاء الى 4 اقسام :

ذكاء عقلى IQ

ذكاء عاطفي او اجتماعى SQ

ذكاء جسدي PQ

ذكاء روحانى SQ

نؤجل الحديث عن هذه النقاط حتى نتم نقاشنا في كل الطروحات ...

و للحديث بقية ..

[واحد تاني]

اعتذر عن التاخير

لضيق الوقت

ولكني جمعت كل ما يخص موضوع النقاش

فى الملف المرفق

احسبه مفيد لكل من لديه اطفال

ومهتم بمعرفة بعض الطرق الحديثة لتربيتهم

من دراسات المختصين

وبارك الله لكم فى اطفالكم

احترامي

________________________.doc