نصائح للبنات

[مصريه بالكويت]

آنستي العزيزة.. .. إليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس.. قصدي قفص الزوجية السعيد..

أجمل ما في الخطوبة العزومات الرومانسية .. على أحلى محلات أكل ف البلد.. واللي عمرك مانتي شايفاها بعد الجواز..

المهم نصائحي لك عند أي عزومة مع ختيبك.. قلنا رقَّه ....

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا

من فوق طبعًااا

2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع

بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا

وبعدين لما تروَّحي.. إبقي حِفِّي زي مانتِ عايزه... .

3- الشوووربة.. أبوس ايديك يا شيخه..

بند الشوربة ده مهم جدًاااا.. الشوربة تتشرب من غير صوت خالص. . ومن غير ماتقعدي تنفخي فيها.. زي القهوجي

اللي بينفخ ف الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على

روحك..

بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر

نقطة.....

4- الرز طبعاً .. بيتاكل بالشوكة.. أوعي إيدك تتمد ع المعلقة. . وتغرفي من طبق الرز وتعبي.. إوعي.. الرز بالشوكة..

وكأنك بتبوسيه مش بتاكليه..

5- المكرونة.. الاسباكتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات..

مش تشفطي المكرونة عود عود..

6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي

اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف

جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص..

قولي مابحبش السمك وخلصي نفسك..

7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر

أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة..

أنا ف عرضك إنسي المصمصة دلوقت..

8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي

ما تكوني هاتعيطي من كتر ما البطاطس صعبانة عليكي..

9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي

ع الترابيزه.. أوعي ياحبيبتي من نظام التفتفة للبذر.. إنسي....

10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش

ممكن.. أنا عمري ما اتفجعت كدة.. أنا أودامي أسبوع.. هابطل أكل فيه.....

وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها..

آل يعني بتمسحي بؤك..

وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية

اللي جايباها معاكي.. وبالهنا والشفااااااااااااا

[yasovinas]

بصراحه شوية نصائح ممتازة وفعلاً محتاجينها يا مصرية بالكويت على الونيت وعلى فكرة النصائح دي قابلة للتطبيق في كل الاوقات مش ايام الخطوبه فقط

ايام الجامعه والشقاوة رحنا مطعم نادي الشرطه في اسكندريه وكان يومها معايا ابن القرموطي ووالده ايامها كان عميد ومأمور سجن الحضرة المهم كن معانا بنوتين امامير وطعمين قوي خالص ويومها كان الغدا سمك ايوه سمك وطبعا احنا الاربعه جلسنا نتفرج على بعض ومش عارفين نعمل ايه في السمك والناس حوالينا شغاله الله ينور

يومها تجرأت ودخلت بقلب جامد وقلت لهم يا جماعه السمك ما ينفعش يتاكل بالشوكه والسكينه ومديت ايدي وبعدها يا محترم اتفرج على المكان والناس يمكن اربع ترابيزات او خمسه ما صدقوا واحد اكل بايده وكله اشتغل بايده

حقيقي انا على قناعه شديده ان السمك والحمام لا ينفع معهم الشوكه والسكينه

[nancy]

حلو الموضوع دة يا مصرية

بس دة فن الاتكيت على السفرة يعنى مفيد فى كل وقت ومع اى حد

مش بس مع العريس

وبعدين ميمكن هو ميعرفش الكلام دة ويطلع مقلب ويفتكر انها بتتكبر علية

فينهى الموضوع بدرى بدرى

[عطر]

طيب والمسكين اللي حتسيبه بره هو كمان ميت من الجوع

المفروض تديله سندويتش فول هو كمان ياكله في التواليت :angry:

رهيبة يا مصرية والله مت ضحك على طريقتك في الشرح :closedeyes:

[khedr]

مش تشفطي المكرونة عود عود..

كله الا دي

فينك يا جي جي (مصريه الهوي)

الموضوع ده عايزك

وياسلام الله يرجعها لنا بالف سلامه الدكتوره صفاء..........كنا اتفرجنا

لكن انتم برضه ياسيدات المنتدي الكرام.............هتقوموا بالواجب

[sendrella119]

ولو ان البنات بصراحة المخطوبين وغيرهم قايمين بالواجب

وزياده في المواضيع دي

لكن متهيألي اهم نصيحة هي :

تبطلي لوكلوك لوكلوك ............رغي يعني :unsure:

فكرتيني بماما لما حكتلي عن ايام خطوبتها وموقفها مع اكل المنجي بالسكينة والمعلقة

انا عن نفسي ما اعرفش اكل المنجي الا بفضايح.........

واللي عاجبه عاجبه

واللي مش عاجبه هو اللي خسران

[احمد هادي]

آنستي العزيزة.. .. إليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس.. قصدي قفص الزوجية السعيد..

يا أخت مصريه

الحاجات دي لا مؤاخذه ماتخيلش الا علي الشباب الكروديات والهفأ اللي عمرهم ما شافو بنت في حياتهم :excl: :wub:

والفصيلة دي - علي حد علمي - انقرضت أو علي وشك الانقراض

أما الشباب اللي بيفهم شويه ............بس شويه -_-

هيعرف الحقيقة من التمثيل مع أول غلطه :D

وساعتها هيبقي شكلك بااااااااااييييخ :wub:

يا بنات حواء

ما تستنصحوش علينا

لأن ده هو اللي جايبكو ورا mfb:

عايزاه يدخل القفص .....

خليكي طبيعية

عجبتيه...... أهلا وسهلا

معجبتيهوش

طبعا هو الخسران B)

والأرزاق علي الله

[eastsoul]

آنستي العزيزة.. .. إليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه.. إلى

مثوااااه الأخير في قفص النسانيس.. قصدي قفص الزوجية السعيد..

يا بنات حواء

ما تستنصحوش علينا

لأن ده هو اللي جايبكو ورا :excl:

عايزاه يدخل القفص .....

خليكي طبيعية

عجبتيه...... أهلا وسهلا

معجبتيهوش

طبعا هو الخسران :wub:

والأرزاق علي الله

حلوة اوي حكاية "والأرزاق على الله"

[otaka]

انا لو واحده عملت معايا كده مش هعرفها اصلا

يا جماعه اللى عايز يتبسط مع البنت اللى يعرفها خطيبته مراته اى حاجه يوديها مطرح ما بياكل هو و اصحابه

عربيه فول ماشى زيزو ولا بابا عبده ميضرش و اذا كان ابن ناس و بيروح مطاعم يوديها

لان اللى بتحب واحد بتحب تعيش حياته و اللى مش عاجبها تبقى مبتحبوش و ملهاش عازاه الجوازه

[عنبو]

يلا كله بثوابه هنعمل ايه بس

للرففففففففففففففففففففففففففع

[mama nona]

يلا كله بثوابه هنعمل ايه بس

قاعد تنعكش ورا البنات

اشى خطوبة

وشوية فالاكل

وشوية فالاتكيت

اشوفك مخطوب ياااااااااااااااااااااااااااااااااااارب :blink: :lol:

ونشوف توبيكاتك بعدها wst:: hypr: :lol:

للرففففففففففففففففففففففففففع

[عنبو]

mama nona مشاركة بتاريخ اليوم, 11:51 AM

إقتباس(محمد العنبى @ Sep 29 2009, 10:39 AM)

يلا كله بثوابه هنعمل ايه بس

قاعد تنعكش ورا البنات

اشى خطوبة

وشوية فالاكل

وشوية فالاتكيت

اشوفك مخطوب ياااااااااااااااااااااااااااااااااااارب

ونشوف توبيكاتك بعدها

للرففففففففففففففففففففففففففع

اميييييييييييين

دانا اخطب بس وهعمل توبيك اسمه يوميات خااااااااااااااااااااااااطب بالتلاته ؟؟

[mama nona]

بلاش بس تدعبس ورا البنات

عشان لما تخطب متقعدش تفلى خطيبتك

ده انت كده هتحطها تحت الميكرسكوب علشان تطبق التوبكس بتاعتك دى

وف الاخر ان شاء الله هتخطب

وهتقع على بوزك wst:: hypr: :lol: :lol:

ولو ان النوع ال زيك ده لازم يتخطب مش يخطب

:blink: :lol:

و

[الباشمهندس ياسر]

ولو ان النوع ال زيك ده لازم يتخطب مش يخطب

:blush2: :lol:

و

الله يسهله يا سيدى ... و شهد شاهد من اهلها كمان

انما ربنا يستر و تقف على انك تتخطب بس

و متوصلش اننا نزفوك ليها كمااااااااااااااااان

[MZohairy]

فعلا

اي محاوله تمثيليه لاعطاء مكانه اجتماعيه اعلى من الحقيقه ستفشل فشل زريع

خصوصا لو كان الطرف الآخر اعلى اجتماعيا

اما لو كان زوج المستقبل من نفس المكانه ...فعيشي يا زوجة المستقبل و اعملي اللي انتي عايزاه طالما محدش فيكم انتو الاتنين فاهم ايه اللي بتمثليه

[doudy]

مفيش احسن من الطبيعة يا بنات

عيشى حياتك مع خطيبك على طبيعتك لا تمثلى و لا تصطنعى

طيب هتمثلوا فى الخطوبة و بعد الحواز هتعملوا ايه بقى؟؟؟؟؟

و لو عجبتيه اوكيه ما عجبتيهوش يبقى خير برضه و مسيرك تلاقى اللى

يستاهلك و على راى المثل : كل فولة و لها كيال :blush2:

[عنبو]

mama nona مشاركة بتاريخ أمس, 12:21 PM

بلاش بس تدعبس ورا البنات

عشان لما تخطب متقعدش تفلى خطيبتك

ده انت كده هتحطها تحت الميكرسكوب علشان تطبق التوبكس بتاعتك دى

وف الاخر ان شاء الله هتخطب

وهتقع على بوزك

ولو ان النوع ال زيك ده لازم يتخطب مش يخطب

فعلاً بجد دى مشكله ان الواحد يكون بيدقق فى كل حاجه اكيد هنعمل ايه ربنا يهدينا ؟؟

الباشمهندس ياسر مشاركة بتاريخ أمس, 06:01 PM

إقتباس(mama nona @ Sep 29 2009, 11:21 AM)

ولو ان النوع ال زيك ده لازم يتخطب مش يخطب

و

الله يسهله يا سيدى ... و شهد شاهد من اهلها كمان

انما ربنا يستر و تقف على انك تتخطب بس

و متوصلش اننا نزفوك ليها كمااااااااااااااااان

لا متخفش هم بس ياخدوا اول خطوه وانا هكمل بعد كده

mzohairy مشاركة بتاريخ أمس, 06:21 PM

فعلا

اي محاوله تمثيليه لاعطاء مكانه اجتماعيه اعلى من الحقيقه ستفشل فشل زريع

خصوصا لو كان الطرف الآخر اعلى اجتماعيا

اما لو كان زوج المستقبل من نفس المكانه ...فعيشي يا زوجة المستقبل و اعملي اللي انتي عايزاه طالما محدش فيكم انتو الاتنين فاهم ايه اللي بتمثليه

اخويا الكبير زوهيرى بجد ممسكتش نفسى من الضحك وقعدت اتخيل الموقف لا ده فاهم ولا دى فاهمه وطبعاً هتلاقى مواقف غريبه وكل واحد فاكر التانى ايه ؟؟ بيطير فى الجو

doudy مشاركة بتاريخ أمس, 06:49 PM

مفيش احسن من الطبيعة يا بنات

عيشى حياتك مع خطيبك على طبيعتك لا تمثلى و لا تصطنعى

طيب هتمثلوا فى الخطوبة و بعد الحواز هتعملوا ايه بقى؟؟؟؟؟

و لو عجبتيه اوكيه ما عجبتيهوش يبقى خير برضه و مسيرك تلاقى اللى

يستاهلك و على راى المثل : كل فولة و لها كيال

بس برده مافيش مانع ان الواحد يحاول يحسن من نفسه شويه ودائماً يسعى للتميز يعنى مثلاً اذا كان بياكل برطيقه معينه وعرف انها ليست ظريفه لازم يحاول انه يغيرها او لبسه او طريقة كلامه فيه حاجات الواحد لو اكتشف انها وحشه لازم يغيرها ويتعلم الاحسن وهكذا ؟؟

[رضوي]

مافيش مانع ان الانسان يحاول يحسن من تصرفاته بس بشرط انه يحسنها علي طول مش قدام الناس بس

لان الطبع يغلب التطبع

ومماهو جدير بالذكر ان سبب فشل معظم الزيجات هو تمثيل الطرفين علي بعض

والموضوع دة نوقش في البرامج الاعلامية عدة مرات سابقة دة حتي اتعمله فيلم

لما كل واحد من الطرفين يكتشف انه ارتبط بحد تاني خالص غير الي عرفه بتبدأ المشاكل الي حلها دايما بيكون الانفصال وبدل لما نحل المشكلة وندخل العريس القفص حيبقي فيه مشكلة اكبر وهي الطلاق

وتبقي فترة الخطوبة مش للتعارف وفهم كل واحد للتاني لا دي حتبقي فترة احسن ممثل

كل طرف لازم يعرف عيوب الطرف الآخر فاما يتقبلها وتمشي المركب بسلام

او لايتقبلها وتمشي برضه بسلام بس كل واحد في طريقه وربنا يوفقه مع الي يناسبه

وربنا يوفق الجميع :rolleyes:

[se_ Elsyed]

وكتاب الله لو خطيبتي عملت معايا كده واحنا قاعدين بناكل لأقوم اضربها واقول لها : قومي إخفي من هنا يا بت

إيه اللي تمسك الشوكه بطرف اديها وتاكل بيها الرز ؟!!!!

الرز يا سادة اذا ما كانش يتاكل بالكبشه ما بيبقاش له طعم

وبعدين هو الطبيخ يحلى الا لما الواحد يلغوص نفسه ويلهلط كده

طب هاضحككم

لما كنت خاطب الحاجه ... كانت لسه في تانية كليه ... فعملت فيها عبد الحميد حافظ وروحت استنتها قدام الكلية ... وهي رحبت بالفكرة وقالت كمان عشان افرج صحباتي عليك .. هههههههه

المهم كُليتها كانت في روكسي فقلت اتوكل على الله وعزمها في ا كنتاكي وقلت نضرب وركين فراخ فرايد تشيكن ...

ودي عملت فيها مستحيه ولا انا مش جحانه ..

قلت لها مش جحانه مش جحانه والله ما متنيها ( وفرت )

وقعدت انا اضرب فراخ وهي تبص لي وفعلاً كنت جعان

تصدقوا بالله ؟

مرت على تلك الحادثة نيف وعشرون عاماً ومازالت تتحسر على تلك الفرصة الضائعه وتقول لي : كنتي فين يا ايوه لما قلت لا

----------

النفر والنفاريه لازم يبقوا على سجيتهم ...

ايوه سجيتهم مش يقربع الشوربه ويشفط المكرونه

لكن ياكل زي البني آدمين العاقلين بدون تكلُف

وبعدين أختي المخطوبة اعملي حسابك ان بعد الجواز .. سي الافندي هايشوفك وانتي بالجلبية الجبردين والمنديل ابو ايوه اللي قامطه بيه راسك .... وبالصلاتو عالنبي سيادتك قاعدة على الطبلية و رافعه حلة البسلة على بؤك وبتزحيها بالهنا والشفا .. وبتاكل الجمبريايه حتى ذيلها - ده اذا اسعدك الحظ وكلتو جمبري في مره

تخيلي نفسك كنتي عامله فيها مريم فخر الدين وايام الخطوبة بتاكلي الرز بالعصيان الصيني وبتبصي للاكل بقرف وخلاص بقى البت نواعم قوي ... هايقولك : انتي غشتيني يا ام ابراهيم .. كان فين عقلي عشان اشوف الوحش الكاسر ده ؟

---------------

[HDarwish]

والله الواحد بيستغرب ... (فينك يا حسام إنت ولولا)

لما بشوف إثنين مخطوبين والواد باين على ملامحه القشف وكثيره قوي صبي ميكانيكي ولا البنت اللي يبان عليها لسه قايمة من قدام الفرن وتقريص العيش ووشها مهبب من هباب الفرن .. وتلاقيهم يعيني ماشيين عالكورنيش وده لابس الحتة اللي على الحبل ولو قربت شوية ممكن تلاحظ تكت السعر لسه ما شالوش .. وماسك المنديل اللي عمله مثلثات علشان ما يبئاش منظر المنديل مش ظريف وتلاقيه ماشي بطريقة غريبة تدل إنها مش ماشيته الطبيعية خالص ولو قربت شوية تسمع نبرة صوت أقرب ما تكون إلى الصوت الخشن اللي هو الصوت الرجولي بحشرجته وترقيق في الكلام إلى أبعد الحدود .. ولا البنت بئا يا سلام .. دي عايزه موال تاني ..

أفتكر وأنا في أيام الخطوبة وتقريبا في أول أيام نخرج فيها مع بعض وقابلتني عربية تين شوكي .. وأنا بئا مع التين الشوكي ما بقدرش امسك نفسي ولازم أقف قدامه والراجل يقشر وأنا أزلط قصدي أخد من أيد عمو يعني .. ده غير إني كنت زهقت من محلات كنتاكي وماكدونالدز و كوك دور وبيتزا هت وكل مطاعم الورق قصدي الأكل دي .. وقولت لخطيبتي النهارده بئا هاوديكي مكان مفاجأة والمفاجأة إظاهر ما كانتش مفاجأة لذيذة ..لإنها كانت مطعم شعبي كباب وكفته من اللي انا كنت بضرب عنده أنا وصحابي .. بس أنا كنت فاكر إن ده تمثيل بس إظاهر طلع ده الطبيعي ..

الحاجه اللي نفسي بئا أغيرها في حكاية الأكل دي بجد إني ماعرفش أشرب الشوربة نهائي بالمعلقة لازم أرفع طبق الشوربة واشربه كله في بداية الأكل .. ومش في البيت بس حتى في المطاعم .. هي بيبئا شكلها بايخ قوي يا جماعة لما تشوف حد بيشرب الشوربة بالطريقة دي وتقولوا عليها فلاح وكلام من ده؟؟؟!!! عايز إجابتكم

لازم الإنسان يكون على طبيعته في التعامل وبدون تكلف .. ونسمع بئا إسمه إيه ده .. دبور .. ما تحاولش تبئا أي حد إلا نفسك ...