جايب لكم معايا مفاجأة .... عودة موديست ملك السيف

[sendrella119]

موديست

احنا ما نعرفش عنك غير

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

و

موديست ملك الذوق والادب وابو الجنتله

لاني لسة جديدة

اهلا بيك..معااااااااااااااااااااااااااااااااانا

امضي انت بقي :unsure:

[ناصر الملك و الملكية]

مرحباً بعودتك إلي الشبكة العنكبوتية أخي مودست :unsure:

[Tafshan]

صاحبي و صاحب غلاوة في القلب من جوه

عِشرة ما تهونش و ان هانت ماتهونش عليه هو

اخ ما كانش من امى و لا شفته بعيونى

بس الغلا في القلب ما يلزمه اخوة

حمد الله على السلامة يا عم مودست و ما تحرمناش من وجودك معانا

[Blue_mind]

المروحة بتسلم عليك :unsure:

[Modest]

وأخيرااااااااااااا ... كفارة يازينة الرجاله

وظهرت تاني على الشاشه ...

أخي وحبيبي موديست ...

بجد بجد نورت ... ;) ;)

بس برضه معلش .... أهلا وسهلا وحمد الله على السلامه حاجه وماتش يوم الأحد حاجه تانيه :D :D

بالمناسبه .. أنت مش عليك أتنين قهوه وواحد كابتشينو .... ولاحظ إنك وقعت تحت أيدي :lol: ;)

مش قصدي تحت أيدي في المحاورات لا سمح الله .... إنت فاهم وأنا فاهم

حتدفع ولاااااااااااااااااااااااااااااااااااااا ( وش واحد شراني )

حبيبي داروين :wub: :wub:

أهو انت اللي زينة الرجالة و نص ... و كمان صاحب صاحبك و رجل المواقف الصعبة الشهم

ربنا يديم محبتنا ..... و يارب تنسى الموضوع إياه .. مش موضوع الكابتشينو ... لأ .. الموضوع التاني

لو أعرف إنك لسه فاكر القهوة و الكابوتشينو كنت أخَّرت عودتي شوية لغاية ماتنسى ;)

عموماً نلتقي بعد الماتش و اللي يتغلب لو أهلاوي يدفع الحساب :P

[Modest]

مودست .... الصراحة انا لسة ماتشرفتش بمعرفة حضرتك

بس بما ان كان من نصيبك كل الترحيب الحاااااااااااااااار دة ;)

يبقى انا كمان لازم ولابد ارحب بيك و اقولك حمدلله ع السلامة و نورت

وياريت اشوفلك مواضيع كتير كتيير كتييير كتيييييييييرررررررر تمتعنا بيها .... :P

الا قولى ... انت اسكندرانى :wub: ؟؟ ولا لأ :wub: ؟؟؟

عشان بس اعرف احدد موقفى

:lol:

نورية نوَّارتنا المنوَّرة :D

الشرف لي أنا بوجودك و تشريفك .. و علشان خاطرك هاعتبر نفسي اسكندراني الانتماء لإن نص حبايبي اسكندرانية و كمان لا يُعلى على اسكندرية عروس البحر المتوسط و عروس مدن مصر كلها .... مهما تعددت المدن الساحلية تظل الاسكندرية ذات طابع خاص من الصعب تقليدُه

بخصوص الانقلاب .. بلّغيني بس بالتفاصيل وهاتلاقيني ملبّي نداء الوطن و جايب الرجالة و جايين......

علشان نتفرج ;)

[Modest]

جئت لكم من الهند بفيل خطير

ليرحب معي باخونا الكبير

ليعود بنا الي زمن الاساطير

ولا يكون هناك مجال بعد ذلك للتأخير

.............................................

شعر وفيل ....ايه ده كله

............................................

حمد الله علي سلامتك

وسط اهلك وناسك واخواتك

شكراً للمهاتما خضر على تشريفه و على الفيل الهدية ;)

هدية مقبولة يا خضر ... دلوقتي أقدر أعمل مهراجا و أعيش بقى :lol:

[Farida]

موديست نفسى اسأل سؤال و من غير زعل و حياة كريم ....مافيش اخبار عن الباك اب بتاع البارك؟ :lol: ;)

[Modest]

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

مبروك علينا جميعا عودة موديست لعالم المنتديات...

فعلا كأن كان فيه ركن مظلم فى النت وأضاء بعودة موديست...

أختي الغالية جداً cleo :lol:

مبروك لي أنا و شرف كبير أن أتواجد مرة أخرى في مكان واحد مع هذه الكوكبة الرائعة .. شكراً على ترحيبك (و لو إن لا شكر على واجب ;) )

يا دشلوين اهلا وسهلا ومرحبا

اشرقت الأنور

وغنت الأطيار

نورتنا يا استاذنا

الأخت العزيزة شهد

أشكرك شكراً جزيلاً على شعورك الجميل و أتمنى أن أكون عند حسن ظنك و الجميع ;)

تم تعديل 13 مايو 2006 بواسطة Modest

[Modest]

الحقيقة الأخ العزيز مودست من القلائل الذين يعرفون بأنهم ( آخر الرجال المحترمين) ..... أنا سعيد بعودته إلينا من جديد وعايز أحط ورد وفل وياسمين لكن للأسف الصور التعبيرية والألوان مش شغالة معايا مش عارف ليه ! ... ولولا أننى عارف إن تكملة كصتى البوليسية (الساعات الأخيرة) قد يضايقه ويعيد إليه ذكريات الحلم الجميل لكنت قد أكملتها إبتهاجاً وترحيباً به

أخي الحبيب حشيش

لا أدري بماذا أرد على مداخلتك المؤثرة إلا بأن أقول أنني أحبك في الله..

تعلم كم أحببناك و "أدمنَّا" القراءة لك يا شيشو و شرف لي أن أكون معك في أي مكان .. أكمل ما تريد إكماله إن أحببت و أمتعنا كما عودتنا في كل "كصصك" و مداخلاتك.. ما أحوَجنا للبَسمة التي ترسمها على وجوهنا :wub:

عايز بقى تعرف شكلنا ايه و احنا بنقرأ لأديبنا العالمي حشيش .. أنظر الصورة التالية (فضلاً إنتظر حتى يكتمل تحميلها) :P

مع حبي و احترامي و تقديري لك يا أخي الحبيب.

واللي جديد بشوكه وما يعرفش موديست .. يبقى لازم نعرفوه

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

حكاية هايد بارك الله يرحمها مش مظبوطه , المفروض هايد بارك الله يقومها بالسلامة

أستاذي الحبيب صاحب القلب الطيب محمد أبو زيد

كل شيء بأوان يا أستاذ محمد و ربنا يقدم اللي فيه الخير للجميع :D

عودة موديست ... الأخ الغائب

كفاره يا معلمى

;) ;) :D

عمي الحاج ماجد الشهير بابو طاقية

ماينفعش أشكرك هنا كده .. لازم اشوفك إن شاء الله في الأجازة و نتكلم كتييييييير :D

بس تكون مجهز لي قفص عنب بناتي من عندك في المزرعة يا حاج .. آه اللي أوله شرط أخره نور :lol:

مرحبا بعودة أخي الفاضل موديست. وحشتنا ياراجل.

أخي الحبيب و رفيق الدرب لينوكس ;)

وحشتني جداً و وحشتوني كلكم :wub:

دي كلها ترحيبات عشان أخونا موديست....

و على فكرة

حقوق السرقة محفوظة لياسو و س س ;)

وعشان ماحدش يزعل... ;)

حقوق السرقة محفوظة لكل أعضاء منتداي العزيز

الأخت العزيزة "مصرية يعني مصرية" صاحبة توكيل الزهور و الورود و الترحيبات الرقيقة

شكراً جزيلاً على ذوقك الفائق

[محمود الشاعر]

صديقي Modest شوف يا سيدي أنا جديد معرفكش بس ادام عمنا ياسو عمل المهرجان ده يبقى اكيد فى حاجة ثم توالت التهنئة برجوعك من اثر من شخص له مصداقية وتاثير فى المنتدى طبعا عيب قوي اني ارحب بيك فى بيتك ( معلش واحد جديد حاسس ان البيت بيته )

[Modest]

موديست ... أيها العزيز ..

*... المحاورات .. إمتنعت عن الفتح تمام ... وفتحت معي عن طريق ( حاجه ماعرفهاش كده ) ... لمدة أسبوع وراحت .

* وأحاول بعدها .. مافيش .. مافيش ..

* اليوم ... فيه حد بلغني .. إن موديست .. موجود في المحاورات ... رحت عل اللينك .. وضغطت بقوة .. كأنها ( أمر) .

*... لقيته ... فنح ... !! ... ماقدرش يكسر بخاطرى ... عارف إن قد إيه إنت واحشني ... ماقدرشي يبلضم .

* أنا فرحان .. فرحان قوى .. والحمد لله .. حمد الله علي السلامه .

========

( إقتباس : موديست ) ...

كل ده كوم و بإننا هانغلبكم يوم الحد ده كوم تاني

اتفضل كارت زمالكاوي مخصوص علشانك .

==============

أما ... لـــو ... ؟ ؟ ( الفنط أبيض .. وبخطين ) ..

أستاذي الحبيب kanayat

الإنسان الحكيم ذو القلب الكبير الذي سعدت بمعرفته و أتمنى أن أسعد أكثر بلقاءه :wub:

إن شاء الله هانغلبهم في موقعة بكرة .. أصلهم بصراحة زودوها قوي :lol:

العزيز موديست

كنت مخليه فرحتى بوجودك هنا ... جوايا والحمد لله أنك بخير

بس بصراحة طمعت فى كارت من الكروت اللى عمالة تنزل ترف على الناس

قلت أدخل .. وألحقلى واحد

كارت لو سمحت ;)

عود أحمد (ماعرفش مين أحمد) ;)

ودول تحت الحساب ...

الغالية نشوى أم الغالية جنة :wub:

اسمحي لي الكارتين لمدموازيل جنة و انتي اتصرفي معاها خليها تفرجك عليهم :P

تم تعديل 13 مايو 2006 بواسطة Modest

[Modest]

.

الأخ و الصديق العزيز مودست :

و مرحباً بعودة البحّار إلى أمواج الشبكة العنكبوتية , و تذكّر أنك لم تكن أبداً وحيداً , فقد كنا دائماً معك بقلوبنا

;)

أخي و صديقي العزيز محبط :lol:

اشكرك على نبل شعورك و هو شيء ليس بالغريب عنك ;)

[Modest]

موديست

احنا ما نعرفش عنك غير

الرقة = موديست

الجدعنة = موديست

الأخلاق العالية = موديست

هايد بارك ( الله يرحمها ) = موديست

الخبرة الفنية والحاجات المستخبية = موديست

و

موديست ملك الذوق والادب وابو الجنتله

لاني لسة جديدة

اهلا بيك..معااااااااااااااااااااااااااااااااانا

امضي انت بقي :wub:

أهلاً بكي يا سندريلا .. و متشكر جداً جداً على ذوقك

أنا مش بامضي بس ممكن أبصم

أخى الحبيب موديست ............

يسعدنى و يشرفنى أن اتواجد معك فى أى مكان و أى زمان ...

و تكتمل سعادتى بالعودة معا لبيت الأسرة الكبير

مش عارف انا اللى ارحب بيك و لا انت اللى ترحب بيا ....

بجد بجد .... مشتاقين جوى جوى

ياسو .... يسلم اديك و عنيك .... هدية مقبولة

أستاذي و حبيبي كفاية ;)

الإنسان الجميل الذي تشرفت وسعدت بلقاؤه و تمنيت و مازلت أتمنى أن تدوم علاقتنا الجميلة طول العمر.

مش مهم مين يرحب بالتاني .. المهم نكون مع بعض دايماً يارب :wub:

مرحباً بعودتك إلي الشبكة العنكبوتية أخي مودست ;)

متشكر جداً على ذوقك يا أخي العزيز ناصر

صاحبي و صاحب غلاوة في القلب من جوه

عِشرة ما تهونش و ان هانت ماتهونش عليه هو

اخ ما كانش من امى و لا شفته بعيونى

بس الغلا في القلب ما يلزمه اخوة

حمد الله على السلامة يا عم مودست و ما تحرمناش من وجودك معانا

حبيبي طفطف

كان نفسي أكون شاعر و أرد عليك

و أقول لك قد إيه محبتي ليك

كل يوم باحبك أكتر من اللي قبلُه

و عايز أطبع على جبينك ألف قُبلة

يعني اللي في قلبي ناحيتك مليون محبة

مستحيل ينقص منها حبة

كده أنا بقيت شاعر يا طفطف؟ :lol:

[se_ Elsyed]

الجدع ده بيعمل الحاجات دي إزاي

كروت موبيل

وكروت تفك شفرات القنوات المشفرة

وهنود راكبين أفيال

وورد

وعيال بتهيص وتزقطط

؟!!!!!!

الظاهر إني لازم أعيد الإبتدائية وأذاكر من تاني عشان أتقوى في المايكروسوفت وورد

-----

بس أحسن كرت إرهاب عجبني هو ده

فكرني بحلاوة عندنا في مصر كان إسمها " شيكو بون " شبه البرشام كده

وهنا بيسموها M & M

كنت أجيب الكيس من دول وأقوم سفه مره واحده ...

موديست .... إنت مُرتبط ؟

[yasovinas]

مش عارف اقول ايه

بس حقيقي اللي ربنا بيحبه بيحبب في خلقه

[بنت شعنونة]

موديست

حمدالله ع السلامة

وعودا احمد

حقيقي فرحت جدا لما لقيت اسمك هنا

حمدالله على السلامة من كل قلبي...

[maksoof]

العزيز مودست

تحية -من القلب بجد- و ألف حمد لله على السلامة و أرجو أن نقرأ مداخلاتك قريبا

[إبن مصر]

والله وعملوها الرجاله.....

وبعد مرور 45 سنه على العمليه الناجحه الى قام بيها ابننا الفدائى سى السيد.... يبقى واجب علينا ان العالم كله يعرف ازاى نجحت عمليه الارنب المشروخ.

وهى العمليه الى استطاع بيها سى السيد الشهير بقلب البصل انه يحرر ابننا المناضل موديست من كازبلانكا ويرجعه فى عمليه نضيفه نضيفه صحيح.....

لا والاكاده ان العمليه كان فيها تمويه وكابوتشينو ودارون ( الحمد لله ربنا فك سجنه ورجعتله الذاكره )

موديست

الحمد لله على سلامتك ولو ناس اصحابنا عندهم ضمير يبقوا وصلوا لك سلامى ولو ما عندهمش.... يقوا هما الى وقعوا تحت ضرسى وسنتى وكل طقم السنان...

سى السيد ارجو انك تفصح عن تفاصيل العمليه.....

ابن مصر

دكتوراه الترحيب المقارن من جامعه شيروود بسفط اللبن و سحلاج فرن بلدى

[وليد صفوت]

ايه الزحمة اللى هنا دى ؟ :blink: هما بيوزعوا فراخ مش مصابة و لا ايه ؟ :angry2:

:blink:

موديييييييييييييييييييييييييييييســـــت

يــــــــــــا 638736846143 مليون مرحبـــــــــــاً .... و عود أحمــــد يا غالى علينا كلنا ....

وجودك لوحده معانا فى مكان واحد فعلاً زى ما قالت كليو .... و الحمد لله على رجوعك بالسلامة, و ربنا يخليك لينا و تعملنا كروت كتير تانى ( واخد بالك يا ابيه من الحتة دى mfb: )