جايب لكم معايا مفاجأة .... عودة موديست ملك السيف

[Modest]

الف حمدلله على السلامة للأخ العزيز مودست...... نورت النت :blink:

واحشنا و الله ياخى العزيز

تحياتى

الله يسلمك يا بطل :huh: .. النت منورة بكم جميعاً -_-

متشكر جداً على ذوقك و آسف على التأخير في الرد لانشغالي الشديد اليومين الماضيين.

أخي الحبيب محمود

أعتذر عن تأخيري في التهنئة بعودتك، لكن ظروفي تعلمها، وكذلك ما في قلبي تعلمه ... أنا فقط اسم الفيلم قصدي الموضوع ذكرني بفيلم قديم نسبياً كان اسمه عودة "... " ملك السيف ، وكان في السبيعينيات .. وأتخيل إنك لسه بشعرك والحمد لله

حمداً لله على سلامتك مرات ومرات

فقط لي رجاء ترد علي ولو في رسالة خاصة ... مين البطل اللي واقف على الدبابة في الصورة .. إنت ؟؟ ولا مين ... البريه الأزرق اللي لابسينه بيقول إنهم حرس جمهوري ويمكن في السبيعنات .. لكن ما أظنش أن دي من أيام أكتوبر 73

يا ريت تصحح لي

أخوك الرافعي (حلاوة سابقاً)

بداية لا اعتذار بين الأخوة و انت تعلم أن معزّتك عندي كبيرة جداً جداً يا أخي الحبيب .. و ربنا يطمنَّا على يوسف و يُتم شفاه بإذنه تعالى.

اسمح لي أن أرد على سؤالك علناً لأن البطل الموجود في الصورة زميل عزيز علينا جميعاً و يشرفني أن أكون معه في مكان واحد و هو البطل Hassan صاحب مداخلة الترحيب و أحد أبطال حرب أكتوبر.

وجدت أن صورته أجمل من أي كارت يمكن أن اشكره به و على ذلك وضعت الصورة مع التركيز عليه لأن ذلك شيء يشرفني.

توقيت الصورة أيام حرب أكتوبر 73 بالفعل و البيريه الأزرق للقوات الدولية التي كانت موجودة في تلك الأيام.

كنت أتمنى أكون في الصورة لكن للأسف ايامها كان عندي 9 سنين (إلا كام يوم يعني :) )

لازم تخليني اصرّح بإني عجوز يعني؟ :)

-------------------------------------------------------------------------------------------------------------------------

هو ما فيش غير مودست في البلد دى و لا ايه :)

بلد بتاعة شهادات صحيح :rolleyes:

يابني امسك لك كتاب و اقعد ذاكر

.

تم تعديل 31 مايو 2006 بواسطة Modest

[واحد تاني]

موديست ... موديست

لسه فاضل كروت ؟؟؟

حمدلله على السلامة ... هه :blush:

[elhondos]

حمد الله على سلامة الرجوع استاذ مودسيت

[الرافعي]

فقط لي رجاء ترد علي ولو في رسالة خاصة ... مين البطل اللي واقف على الدبابة في الصورة .. إنت ؟؟ ولا مين ... البريه الأزرق اللي لابسينه بيقول إنهم حرس جمهوري ويمكن في السبيعنات .. لكن ما أظنش أن دي من أيام أكتوبر 73

يا ريت تصحح لي

ده اخونا حسن أبو علي يا معلم رافعي وكان من أبطال حرب أكتوبر ( صاحب المدلخلة رقم 94 في الموضوع )

أما موديست فمن أبطال حروب البلاي إستيشن وياما كان له صولات وجولات في هذا المضمار

لا مؤاخذة يا أستاذ .. هوحضرتك مين ؟؟

[Cleo]

لأ بجد بقى..

أطالب بتحويل هذا الموضوع إلى الأرشيف لاتيفاء الغرض منه :huh:

أو شطبه لما يحتويه من كروت وهدايا وغيرها من بدع الضلالة :blush:

وإلغاء عضوية المدعو موديست واتهامه بالخيانة العظمى (فاكرين لما راح فتح دكان تانى جنب دكانكم؟؟) :)

وكل ده مش عشانى.. ده عشان مصر ولله :blush:

[kfaya]

معلش بقى الموضوع كبر و عامل رد فعل جامد... ووصل لجهات رسمية حساسة

و حيث أنه غير مسموح باظهار المشاعر و العواتف الحميمه لغير أعضاء الحزب الوطنى ..

و لجنة السياسات بالذات .. و أمين اللجنة على الأخص

و أى واحد بيأب انتوا عارفين بنعمل فيه ايه ؟؟

و طبقا لتعديلات المادة 76 من الدستور و التى أقرهأ مجلسنا الموقر فى العام المنصرم

تقرر :

مادة واحد ..

وضع اسم المدعو موديست ملك السيف على قوائم الترقب فى كافة منافذ الوطن

و التأكد من أنه لن يستغل المادة 76 من الدستور

مادة اثنين ..

يحال الى التحقيق كل من كتب مداخلة تهنئة فى هذا الموضوع

مادة ثلاثة ..

يعمل به من تاريخ نشره

... القاهرة .. قصر عابدين

[زعلان]

B) حمدا لله ع السلامة يا مودست :wub: ويا ريت تشرفنا في دبي الاسبوع القادم :happy:

:) حمدا لله ع السلامة يا مودست -_- ويا ريت تشرفنا في دبي الاسبوع القادم :blink: