هل تقبلون بمحاورات عربية ؟

[أسير الشوق]

السلام عليكم ورحمة من الله تعالى ،،

إخوتي أقلام الحرية ، أصوات الحق ، أسعدتم مساءً ،، :unsure:

سعدت جداً بهذا الموقع ، أو بالأحرى المنبر الحر ، ولدي سؤال : هل تقبلون بمحاورين عرب في قضايا العرب ؟ أم أن الباب مصري فقط ؟ :blink:

تحياتي لكم .

[yasovinas]

الغالي اسير الشوق

اهلاً بيك وسط اخوانك العرب المصريين الموقع عربي مصري حر واذا بحثت في ابواب المحاورات سوف تجد ان هناك ابواب للقضية الفلسطسنسة وباب للعراق وللوطن العرب ي كله مرحباً بيك وبمحاوراتك العربية المحليه كمان

وفي النهايه اقول لك {ربنا يفك اسرك} يا اسير الشوق

ودي جايبهالك من عند اختنا بنت المغرب الشقيق الغاليه على قلوبنا جميعا مصرية يعني مصريه

وكما نعرف ان من عادات العرب ان الضيف ينزل معزز مكرم كما يحلو له ولا يسأل عن طلب ولا من اين اتى الا اذا حكى بنفسه

[أسير الشوق]

شكرا جزيلا لك ، أخجلني تواجدك الرائع ،، :unsure:

أنا أسير الشوق ، من ليبيا أعشق كلمة الحق والحرية ، أعشق الأقلام الغيورة ، أعشق عروبتي ،،

وللحديث بقية ،،

[Advisor]

سيدى الفاضل

محاورات المصريين قامت منذ أكثر من ست سنوات على أنها تعنى بشئون مصر و المصريين و ذلك حسما و منعا من الدخول فى دوامات المشاكل الداخلية لأوطان أخرى أوطان لها منا كل الإعزاز و لكن يظل دائما أهل مكة أدرى بشعابها.

لا نستطيع أن ندخل أو أقصد نتدخل فى قضايا تخص دول أخرى و مجتمعات أخرى لأننا حتى لا نستطيع أن نوفى قضايا مصر و المصريين حقها من الجهد و المتابعة و التمحيص.

أما عن محاورات المصريين فى شقها الثقافى فمرحبا بالجميع

أرجو أن أكون أوضحت من النواحى الداخلية محاورات المصريين لشئون مصر و المصريين و من النواحى الثقافية و الإجتماعية فمرحبا بالجميع

[nancy]

اقترح عمل باب مستقل للعرب ومحاورتهم مع المصريين بحيث لا تختلط الامور

[النسر المصري]

هلا والله يا اسير

حياك ابن عروبتي يا أسير الشوق...والله حنا مانمانع وجودك وياينا يابو العرب

بس يعني يانانسي ليه نملهم باب لوحدهم.ماهم مننا علينا يعني..وبعدين الرجل نفسه في الحواووشي..نقوله لأ :angry:

[مصرية الهوى]

اقترح عمل باب مستقل للعرب ومحاورتهم مع المصريين بحيث لا تختلط الامور

يعني هتبني الجدار العازل يا نانسي الله يسامحك :angry:

بس برضه هنط من فوق السور واجيلكم :lol:

نعمل ايه بقى ... بنحبكو مش بايدنا غصب عننا :angry:

أهلا فيك يا أسير الشوق ..

أنت تقرأ لأسير الشوق (نواف بن فيصل ) :angry: ؟؟

[khedr]

يا رجل......فينك من زمان وفين الليبيين الابطال

قينكم يا أحفاد المختار

صاحب صوت الحق والسيف البطار

اين انتم

نحن في انتظاركم وانتظار الامه كلها

والموقع ده هديتك

موقع المعارضه الليبيه

[nancy]

يا جماعة انتم فهمتونى غلط

انا اقصد باب جديد للحوارات العربية

هو لو دخل معانا حد عربى دمة خفيف وابن بلد وعندة موضوعات تهمنا كلنا حنقولة اطلع برة طبعا لا الف اهلا وسهلا طبعا

ومحدش يقدر يحجر على حد

وبعدين يا جيجى انت مش باحس غير انك اختى الصغنونة الشقيه الطيبة ومحستش خالص بغير كدة نحيتك

حتى سهام المغربية برضة عزيزة عليا جدا وملفتش نظرى غير حبها للمصرين عامتا ولينا كلنا خاصتا

[مصرية الهوى]

أنا فاهماكي كويس جدا يا نانسي يا حبيبتي ..

بس حبيت انكشك عشان تقوليلي حساكي زي اختي الصغنونة وانا اقولك حساكي زي تيته :lol:

يا بنت حتتي <_<

[nancy]

كدة يا جيجى تيتة .. :P

طيب ال انا فكركى طيبة دة انت مصيبة :)

[عصفور طاير]

أهلا يا أسير الشوق

مرحب بيك يا باشا وبدون شروط.

بالطبع كلنا عرب.. فانعم بك وأكرم، لكن ياريت بلاش تتكلم في السياسة ولا الاقتصاد ولا الثقافة ولا الفن ولا الدين ولا القضايا الاجتماعية، وياريت الكورة كمان بلاشها عشان بتعمل مشاكل. :)

لكن عموما إحنا بنرحب بيك تقول كل اللي انت عايزة. :P

تبي سبسه؟ :D

يا عم الأسير البيت بيتك ;)