اكسبني ولا تفقدني....لتكن سياسه المحاورات

[khedr]

اكسبني ولا تفقدني

لتكن سياستنا في الحوار

...........................................................

عندما يكون هناك حوار او نقاش في اي موضوع مطروح علينا جميعا

ليه دائما النقاش بيروح لبعيد ويأخذ شكل مش مضبوط...يكون شخصي حاد

مع كل الاحترام لكل اخواني واحبائي واساتذتي في المنتدي

اكسبني ولا تفقدني مهما كان رأيك في افكاري

............................................................

بالكلام البسيط والكلام الجميل قد لا اشترك معك في رأيك لكن لا افقد احترامك وحبك ابدا

قد اختلف معك اليوم في وجهه نظر ...ولكن غدا قد تتغير الامور معي و تجدني بجوارك

ادافع عنك وعن افكارك الي حد لا تصدقه

...........................................................

علمني من تجاربك بالراحه...وخذني الي عالمك وارفق بي

..........................................................

لا تجعلونا نفقد عضو ولا صديق ولا زميل لنا في المحاورات وتتحول المحاورات الي .........

[yasovinas]

خضر كلامك جميل جدا واصاب كبد الحقيقة وايضا وضع يده على الجرح واظهر لنا المشكله والعلاج زمان كانولا بيرفعوا البرنيطة فلو كنت قابلتك زمان كنت رفعت لك البرنيطه وبما اني ما عنديش برنيطه

اسمح لي ارفع لك الطربوش

[nancy]

المشكلة يا خضر ان فية ناس مستفزة ومنين متروح اى موضوع تفضل وراك تغلس

حتى لو حسوا ان الى بيعملوة بايخ يستمروا دول المفروض يتعمل معاهم اية

بس بشكل عام انا ضد ان الحوار يدخل فى شكل خناقة

لاننا فى الاخر بس بنتحاور دى مش قرارات واجبة التنفيذ

انا من الكلام والرد بحس ان فية ناس مش بتحب بعض وبرضة يدخل يرد علية

والعملية تتحول مين الى يخلى التانى يفقد اعصابة

صحيح دول افراد محدودين بس بيحصل

[وليد صفوت]

يا تاتسى الحكاية مش كده ....

Its not personal affair عشان كده مافيش حد بيكره التانى .... الموضوع هو كره لفكر معين . و اللى بيخلى الأشخاص دول يرجعوا يناقشوا بعض من تانى هو الدفاع عن الفكر اللى هو بيؤمن بيه مش حباً او كرها او رغبة فى الغلاسة على الشخص التانى ....

و عموماً المشكلة دى هتفضل موجودة طول ما فى فكر و فكر آخر ... و ربنا يعلى كلمة الحق و يزهق كلمة الباطل ....

تحياتى ...

[yasovinas]

اكيد في اختلاف في الافكار وفي الرؤى :) (مش عارف كتبتها اذاي دي ) ودا اساس التحاور والنقاش لان لو في اتفاق في كل الافكار وكل القضايا سوف ينتهي النقاش ويذبل {ايه يا عم الكلام الكبير دا :P } المطلوب هو الا نفقد عضو وزميل ومحاور جيد او سيء اياً كان المحاور لا يجب ان نفقده لان فقدان عضو او زميل يعني فقدان مساحه من الحرية وزاوية جديدة من التفكير {ورحمة خالتي نزاكة الكلام بقولة وانا سايب ايدية اهو }

رجاء حااااار للجميع اكسبني ولا تخسرني ؛؛؛؛ ناقشني واختلف معي ولكن لا تخاصمني او تتشاجر معي ؛؛؛؛انقض افكاري وحللها بل وشرحها لكن لا تنال من كرامتي ولا من شخصي ولا من خصوصيتي

[وليد صفوت]

مع احترامى يا ياسو ... بس انا بكرر تانى انا مش بكره حد لشخصة .... و لكن انا بكره فكر معين ..و لن اكف عن مطاردة هذا الفكر .... هذا حقى الحوارى ( من حوار مش جمع حارة :P ) و عشان كده انا موجود هنا و عشان كده كلنا - اعتقد - موجودين هنا .

و لو وصل بنا الأمر الى إعلاء الصداقة و العلاقة الجميلة ( الشيك ) فوق ما نؤمن به من افكار يبقى قول على بلدنا السلام ...( برضو بكتب اهو و انا شايل ايدى )

بس طبعاً انا معاك فى الا يتحول اى حوار الى خناقة او مشاجرة ... فى فرق بين الحوار و بين الخوار :)

تحياتشى ....

[yasovinas]

يكاد المريب ان يقول خذوني :P - "النهارده انا متغدي كسكس مغربي "

يا عم وليد ورحمة خالتي نزاكة انا ما قصدت شخص بعينة انا فعلا كلامي كان على العموم وليس على الشخوص وبعدين الجدع سيدنا الخضر ابو جلابية خضرا دا هو السبب

ه\عموما يا وليد انت من الناس اللي بستمتع بحواراتهم ونقاشاتهم بسش برضه ساعات بتشطح شويه معلش يعني احنا بنتكلم اهو والرسول علية الصلاة والسلام قال انصر اخاك ظالماًً او مظلوماًً

[وليد صفوت]

انا مريييييييييييييييب !!! ليه يا ياسو بقى ان شاء الله ؟ شايفنى لابس طرطور و لا لابس طرطور ( وش واحد بيحسس على دماغه لا يكون لابس طرطور و لا حاجة )

انا عارف و الله ان كلامك عام يا عمى بس برضو يعنى انا بتكلم بوجه عام انا كمان ( إشمعنى انت )

و اخيرا ً ميرسى على مجاملتك الرقيقة دى انا ماستحقهاش ( مش اوى يعنى ) ... و بالنسبة للآراء الشاطحة فكلوا يعنى كنتوا كده فى فترة المراهقة ( و لا اييييييييييه ؟ )

[khedr]

http://www.asmilies.com/smiliespic/FAWASEL/001.gif' alt='a>'>

الي وليد وياسو ونانسي

والي جميع المتحاورين والمتحاورات عايز صوتهم وكلامهم

ومش ها اسكت في الكتابه في الموضوع ده الا لما اسمع رأي واحد

واحد حبيب قلبي

واول ما اشوف اسمه

اتوقع معركه عاليه الوطيس حاميه النقاش

[وليد صفوت]

لا يا عمى خضر ... هو مش جاى فى الموضوع ده ..

اسألنى انا :P

[هادي]

لا يا عمى خضر ... هو مش جاى فى الموضوع ده ..

اسألنى انا :D

أخي الاستاذ وليد الغالي

لم أتمالك نفسي من الابتسام فعلا وأنا أقرأ هذه العبارة

فجأة خطر على بالي سؤال ..

:P

معقوله !!! معقول النت والمنتديات و لوحة مفاتيح

ممكن تقرب الناس بالشكل ده

لدرجة ان كل واحد منهم يعرف التاني بيفكر ف ايه ..

معقوله !!!

ورجعت أرد على نفسي و أقول : معقول .. ومعقول جدا كمان

ده احنا مصريين ياجدع ..

نفهمها وهي .. إيه ..

امال مصريين ازاي

:)

ربنا لا يحرمنا من هذه الروح الاخوية بين كل الاعضاء

وهذا الود والاحترام

واشكر اخي الحبيب khedr الذي بدأ هذا الخاطر الرائع

فهو كما عهدناه

" إنسان " بكل ما تعنيه الكلمة

ودي و احترامي

[وليد صفوت]

اخويا الغالى هادى ...

فعلاً النت بيقرب الناس من بعضها و بيجعلهم فى تواصل مستمر و ده بدوره بيخليهم يتعرفوا على بعض اكتر ..... زيها زى التليفون بالضبط ....

بس ده موضوع تانى :P :) .....

تقديرى ....

[khedr]

عم وليد

هوه فيه معاه شويه حاورات يخلصهم ويخش علينا

بس ادعي معايا....ما يتأخرش عن كده

عم هادي

" إنسان "

انت كنت فاكرني من اي فصيله .................

.قووووووووووووووووووول

اوعي ابو زلومه

[mickey_egp73]

شكرا يا اخ khedr

و للاستاذ وليد

و ربنا يعلى كلمة الحق و يزهق كلمة الباطل ....

امــــين

[محمود الشاعر]

أساتذة الافاضل أخواني و اخوتي أهلى واصحابي وجراني وناسي وكل حاجة حلوة

بحب روح الشباب اللي جريت فى عروق الواحد من تاني ( رغم اني عندي 34 سنة ) بس فعلا من ساعة ما دخلت المنتدى مش عاوز أطلع يمكن معرفش اسامي ناس كتير يمكن كتير حسين ان دمي بايخ وبدخل فى مواضيع مش بتاعتي بس الواحد لما يكون فى غربة جوا الوطن يبقى حضن الصديق وطن ويساعي الف حبيب ربنا يزيدكوا ولا ينقصكوا

على فكرة يا عمنا خضر انت قلبك كبير قوي

ربنا يكرمك

[الرافعي]

أساتذة الافاضل أخواني و اخوتي أهلى واصحابي وجراني وناسي وكل حاجة حلوة

بحب روح الشباب اللي جريت فى عروق الواحد من تاني ( رغم اني عندي 34 سنة ) بس فعلا من ساعة ما دخلت المنتدى مش عاوز أطلع يمكن معرفش اسامي ناس كتير يمكن كتير حسين ان دمي بايخ وبدخل فى مواضيع مش بتاعتي بس الواحد لما يكون فى غربة جوا الوطن يبقى حضن الصديق وطن ويساعي الف حبيب ربنا يزيدكوا ولا ينقصكوا

على فكرة يا عمنا خضر انت قلبك كبير قوي

ربنا يكرمك

الأخ الكريم محمود

تداخلت معك في موضوع واحد،

في الحقيقة إنت إنسان محترم ومسئول

تحياتي

[yasovinas]

أساتذة الافاضل أخواني و اخوتي أهلى واصحابي وجراني وناسي وكل حاجة حلوة

بحب روح الشباب اللي جريت فى عروق الواحد من تاني ( رغم اني عندي 34 سنة )

محمود يا شاعر هو انت حاسس ان 34 مش شباب :huh: ليه كده انت حسستني اني خلاص في خريف العمر يا ابني حرام عليك

يللا يا شباب يا مواليد الستينات نلم العده ونروح نشوف لنا حتى نتاوى فيها محمود الشاعر ابن ال34 سنة بيقول انه عدى الشباب :rolleyes: :ninja:

[محمود الشاعر]

أخي و صديقي الكريم حلاوة العنتبلي

أنا اتعلمت منكم كتير فى الفترة الصغيرة اللي فاتت فى ناس اكبر مني و ناس اصغر مني بس الواحد حاسس أن الاقنعة وقعت و مفضلش غير الوش الانساني بدون اسم أو ملامح فقط انسان بكل المشاعر البكر و الاحساس الحقيقي

مدخلتك معايا فى موضوع معلومات عن القرأن لفتت نظري لحجات كتير كان لازم اخد بالي منها

و يا ريت كل المنتدي يكونوا زيك يضيئ شمعة وميضربش بالنبوت

أخي ياسو

وحياة خالتك نزاكة اللي ما بحلف بيها كدب

أنت مش حاسس انك عجزت يا بختك

عموما يا عم أنت حسستني أن 34 سنة واحد لسه فى أولة ابتدائي أشكرك ( مش زعل بالعكس لأول مرة من فترة أحس أني عيل ( بلاش عيل خلاينا شباب أحسن حد يفهمها غلط ) شكرا على كلامك الجميل

[khedr]

يا نهار ابيض

علي هذه المجموعه التي التقت بدون اي ميعاد

وأخرجت لنا الانسان المصري ذو المعدن النفيس

وأعادت لنا الثقه في الانسان المصري

ورفعت رأسنا عاليه وسط الدنيا

انه لمن فخري وسروري ان اكون وسط اخواتي واخوتي في هذا المنتدي

واقل وصف هو انه بيت العائله

العائله المصريه الاصيله الكريمه الحقيقيه

اذكر اسماء اخاف ان انسي واحد وعندها لن اسامح نفسي

بارك لكم جميعا في عقولكم وفي ارائكم وفي حبكم

وفي مصركم

ايوه لسه ما دخلش في الموضوع ...برضه منتظرينه

[ابن بلد]

الاخوه محاورى المنتدى

اولا

يعد هذا المنتدى بالاخص اهم نوافذ الثقافه والاطلاع لدى

على شبكه الانترنت

ثانيا

استمتع بتلك الخلطه المصريه

من افكار واراء

سواء متفقه او مختلفه

ثالثا

شخصيات المنتدى ومع هذا التنوع الثقافى

تمتلىء بالحيويه وخفه الظل

والروح الدراميه

والتى ازعم بانها قماشه جيده ومغريه لاى مؤلف مسرحى

ان بنسجهم داخل نص مسرحى

يحمل اسم المنتدى

وهذا ما اود فى الايام المقبله

عرضه كافكار على بعض اصدقائى

من كتاب المسرح

وللاخ سين سين

فى احد ابواب المنتدى

شىء من هذا القبيل

فى الايام الماضيه القريبه

حقيقي الاشترك فى المنتدى

او حتى مجرد الاطلاع على مداخلاته

يجعل من الصعب على اى عاقل

ان يفتقد تلك الصحبه

واكاد اؤكد انى اصبحت

من مدمنى منتدى (محاورات المصريين)

ويحزننى كثيرا حينما اجد محاورا ينسحب

لاى ظروف سواء لانشغاله او لظروف خارجه عن ارادته او تجاه موقف

ولكن يسعدنى كثيرا

اهتمام المحاورين وانشغالهم

على هذا العضو والسؤال عنه

ويملا قلبى فرحا اكثر واكثر

عوده العضو

تمنياتى الا نفتقد اى عضو

بل على العكس ان يكون هناك مكسب اكثر لاعضاء اكثر