اكسبني ولا تفقدني....لتكن سياسه المحاورات

[محمود الشاعر]

عزيزي ابن بلد

تحية تقدير واعزاز لك

انا فعلا معرفتش المنتدى الا من كام يوم للاسف بس فعلا اصبحت مدمن عليه بشكل غريب

ولما بتأخر شوية فى الدخول ببقى مشتاق أني اخش اشوف صحابي

[سيزيف]

سلام مصرى حاير طاير

معبق برائحه الفول المدمس من عربيه عم عبده اللى واقف فى ميدان سيدنا الحسين

سلام صعيدى بطول السلام

مرشوش بميه النيل الاصيل

الى الغالى العزيز على قلبى

خضر

و اعلن من موقعى هذا

انضمامى اليه فى مبادرته الجميله بنزع الاسلحه الكلاميه الثقيله من المنتدى

و ربنا يجعل كلامنا خفيف على مفتشى الاسلحه

واللى يحبنا مايضربش نار

:)

[khedr]

كلمااشتعلت نار ا لحرب الكلاميه

أطفأها الله بنسمات الحب

بين قلوب اعضاء المنتدي

..........................................

فبارك الله في كل عضو من الاعضاء يتحمل السؤليه في ذلك المكان الجميل

ويسعي الي مد جسور الود والترابط بين الاخوه جميعا

ويمنح الحب والسعاده والاحترام الي اخوته

..........................................

العلاقات الانسانيه الجميله والروح الودوده بين اعضاء المنتدي ستستمر الي ما بقي الود بين الجميع

وستزيد تلك العلاقه من حب وود واحترام بيننا جميعا علي مر الايام

.......................................

ونعود

ونتحاور

ونتجاذب

ونتبادل

ونختلف

ولا نتشاجر

ويبقي الحب والود والاحترام ما بقي الحوار بيننا

[yasovinas]

خضر ؛؛؛؛؛؛؛؛؛؛؛؛؛؛؛؛؛ انا بحبك في الله

[khedr]

خضر ؛؛؛؛؛؛؛؛؛؛؛؛؛؛؛؛؛ انا بحبك في الله

وأنا كمااااااااااااااااااااااااااان

[فولان بن علان]

ما أروع هذه المشاعر الجميلة الرائعة بين اثنين تحب أن يكونوا اخوانك وأصدقائك الخلص

ياسر وخضر أنا أشكركم شكرا بالغا في هذا اليوم وهذه اللحظة

وأشعر أني ارتويت وانا أسير ظامئا في صحراء الحياة القاحلة

دمتم لنا بكل المعزة والوداد

[khedr]

ما أروع هذه المشاعر الجميلة الرائعة

بين

ياسر

وخضر

وانا

[dr khaled]

خضر ؛؛؛؛؛؛؛؛؛؛؛؛؛؛؛؛؛ انا بحبك في الله

وأنا كمااااااااااااااااااااااااااان

و انا كمان و الله يا khedr بحبك في الله

وبدون حلفان بحس كتير اوي ان النسر المصري و عم حلاوه و موسيقار المنتدي عمنا كلنا عم زهيري كاننا اصحاب من زمان

تحياتي

د.خالد

[محمد عبدالعزيز]

عنوان جميل وموضوع أجمل

ياريت كل الناس اللى بتخانق دبان وشها تفكر شوية قبل ماتكتب أو ترد فى أى موضوع وماتتسرعش وتعقل الرد قبل ماتكتبه

وياريت كلنا نفتكر قوله تعالى:

"وجادلهم بالتى هى أحسن"

أشكر كل اﻷخوة المشاركين فى الموضوع وبالأخص اﻷستاذ خضر

تم تعديل 4 يونيو 2006 بواسطة محمد عبدالعزيز

[khedr]

ياريت كل الناس اللى بتخانق دبان وشها

هو كده

حتي ان مكانش فيه دبان وشه

يمسك في نفسه

[sendrella119]

@ Jun 4 2006, 10:50 AM)

ياريت كل الناس اللى بتخانق دبان وشها

هو كده

حتي ان مكانش فيه دبان وشه

يمسك في نفسه

--------------------

فعلا يا خضر طول عمرك حمامة سلام بين الاعضاء

ودي شهادة لازم اقولها في حقك

رسالة في الصميم :wub:

[khedr]

حمامة سلام

خليها عصفوره سلام

[El-Masri]

بالفعل فيه ناس تجيب الشلل، تخيل الحوار ده.

برعى: شفت اللى حصل فى المظاهرات؟

توتو: أيوه ، ياعينى أخد سنه سجن ، بس الكويس إنه مع إيقاف التنفيذ.

برعى: القاضى اللى دافع عن حقوقنا أخد سجن؟

توتو: قاضى مين ده مغنى

برعى: متقولش عليه مغنى ده راجل وطنى

توتو: طب والله مغنى طب إسمع الأغنية دى.

برعى: لا حول ولا قوة إلا بالله، عليه العوض ومنه العوض.