الشباب حديثى الزواج اية جرى للرجالة؟

[ابو محمود]

بسم اللة الرحمن الرحيم

فىحاجة تلفت فى عقول الشباب اليومين دول شىءغريب الواحد من دول يكون راجل حمش واول مايدخل دنيا احوالة تتبدل ؟قولو ازاى ازاى انتو معايا

انا لية شوية تجارب ومواقف مع هذا الجيل المنيل سامحونى انا اعمل فى الحقل الصناعى يعنى صاحب عمل الواد يخويا يبقى راجل ملو هدومة شغال معاك وانت فرحان بية لانة بياكل الشغل وزى الساعة ومشى حياتة 100 على100

وتصرفاتة معظمها تمام يعنى انت لما تيجى تنصحة فى الاصول والصح والغلط تلقية راجل

اللة امال اية اللى بيشاءلب حالة دى مش فزورة واللة انا بتكلم جد جيل منيل بنيلة ونيلة سودة مش زرقة

الواد يبقى بيساعد اهلة فى المعيشة اة ابوة وامة احنا كلنا كدة واول مالهانم تتجوزة الواد ينام جنبها على المخدة وربنا مايوريك اول حاجة تقلة احنا لازم نكون صرحا مع بعض ماشى؟ومنخبيش حاجة عن بعض برضة ماشى؟كويس ةانا هبقى النص التانى بتاعك واى مشوار تروحة لازم تعرفنى انت ريحة لية ومع مين وكمان لازم تاعرف يخويا انت بتدى امك وابوك كام من المرتب الواد من دول يقولك بس دى بنت حلال واصل الحمد للةوالواد ياحول اللة ميكدبش خبريروح زى الج ر د ل خارر مدلوق وهى تلم انا باءبض فى الاسبوع كذا وبدى امى وابويا كذا وصاحبى وزميلى فى الورشة بياخد كذا والمعلم بتاعى بيصرف فى كذا وكذا وسعات بيجيب لنا كذا وهلم جرا واول ميقع الرطل تعرف عنة كل حاجة هوا بقى عرف هية بتساءلة كدة لية غبى مابيفكرش المخدة تشتغل ومفيش شهر الاقى الواد من دول اتغير حالة يبص فى الساعة اقلة يفلان عدى عليا بعد الشغل خد حجات علشان تنفعة فىبيتة الاقى الواد وشة يلون ويتهته ؟اجى اساءل زمايلة الواد دة عندة مشكلة ولا حاجة؟يضحكو من جواهم اصلة ياحاج مشوارة بعيد اسكت يوم والتانى كان فى ماتش واحنا معندناش شغل قلت ياض خرجهم وفسحهم وقلت اوديهم الاستاد ركبنا العربية واحنا من الحسين الى العباسية قبل الاستاد وكام واحد من اللى بنحكى عليهم عندى قاولى ممكن تركن ياحج قلت لية قالو فلان عايز يعمل تليفون فية اية يابنى ابدا ياحاج اكلم مراتى علشان اقول لها انا مع الحاج فى مشواروالنبى دة راجل دة جيل ربنا يخدهم ويريحنا من الاشكال دى وربنا يسترها علينا

[nancy]

جرى اية ياحج محمود .. اية المشكلة ان اى زوج يعرف مراتة هو رايح فين مهوا دة شىء طبيعى ان كل واحد فيهم يعرف التانى فين

وخصوصا لو عريس جديد بيكون فية احساس مختلف ان عندة حد فى البيت مستنى رجوعة

وبعدين لو الراجل مش سرة مراتة حيكون قلبة مفتوح مع مين غيرها

[khedr]

وخصوصا لو عريس جديد

[ابو محمود]

مساء الخير انستى العزيزة

على مايبدو ان حضرتك قريتى الموضوع بعين المراة الزوجة وليس الام او الاخت وفى راي ان هاذا غير عادل انا لست ضد المراة الزوجة ولكنى اريد من الشباب ان تكون لة روايا فى الحياة وعدل وانصاف وكلا من الاثنين لايجير على حق الاخرلان كلا لة دور فى الحياةالرجل لة ان يقوم بالانفاق على والدية حين يكونو نستحقون لذلك هذا رايى اما ان تكون مسيطرة ومستبدة هذا شيىء لايرضاة اللة وانا اريد من الرجل ان يعامل زوجتة باخلاص ولاكن فى حدود الرجولة

مين يخاف من مين مين لما يخرج يستاءزن مش كدة ولا اية

محمود مصطفى

[otaka]

الصراحه انا من الجيل ده

العيال لما بتتجوز بتتغير 180درجه

الحريم ركباهم تعالى روح اعمل متكلمش فلان علان بلاش لما الواحد فقد البوصله العيال كانوا غايه فى الجدعنه و بقوا خسعين كده

[محمود الشاعر]

الصراحه انا من الجيل ده

العيال لما بتتجوز بتتغير 180درجه

الحريم ركباهم تعالى روح اعمل متكلمش فلان علان بلاش لما الواحد فقد البوصله العيال كانوا غايه فى الجدعنه و بقوا خسعين كده

أولا انا اسف جدا على اللغة المتدنية اللي مالهاش وصف بصراحة انا معرفش انت مين ولا سنك ايه بس بصراحة متزعلش فى ناس هنا محترمة متحبش الاسلوب ده انا بكرر اسفي على لهجة الشديدة ( رغم انها مش كدة ) و بكرر اسفي لكل انسان محترم دخل الموضوع ده

شكرا

[otaka]

ايه علاقه الاحترام بالمفردات بتاعتى

ده طريقتى فى التعبير و ما دام الرساله وصلتلك بدون تشويش يبقى انا عرفت اعبر لان المفترض فى اللغه انها اداه توصيل معلومه مش اكتر

انا مجرحتش حياء حد ولا قليت ادبى على حد

انا استخدمت الكلام اللى اى مواطن بسيط هيستخدمه

دى الطريقه اللى الناس بتتكلم بيها فى الشارع

و مفيش داعى للاعتذار عن ما لم ترتكب يا سيدى الفاضل و شكرا

[nancy]

اشكرك يا محمود مصطفى على انسة دى :P

وبعدين فعلا انا معاك ان الى يكون بيساعد اهلة مش صح ان مراتة تخلية يسبهم لانها تبقى بجد مش اصيلة

وانا مصره ان الزوجة فى حاجاتين مش من حقها تدخل فيهم وتعدلهم ان تعرف عنهم اه

وهما علاقة جوزها باهلة بيديهم اية وبيسعدهم فى اية وعلاقتة باصحابة لان دى مساحة الحرية بتاعتة علشان يفضلوا يحبوا بعض

انما الى يكون خارج من البيت لازم يكون التانى عارف هو فين سواء الزوج او الزوجة او الاولاد طبعا

من باب العلم واطمئنان علية مش حجر ولهى

خضر عيب يا خضر :rolleyes: فهمنى :huh:

محمود متتنرفزش اوى كدة اكيد otaka ميقصدش حاجة وحشة

بس طبعا الكلام يضايق ( بهدى النفوس على طريقة زوهيرى) :lol:

[محمود الشاعر]

خلاص يا نانسي هسيب otaka المرة دي خلاص يا عم فهمنا وجهة نظرك حقك علينا

بس نانسي انت سمعتي اغنية

شعللها شعللهها فين

[ابو على المصرى]

السلام عليكم

بحييك على كلامك استاذ محمود وانا بئيدك فى المعنى الى انت تقصده بس مش بعممه.....وفى النهايه الحريم مش زى بعض وحرمه عن حرمه تفرق وبعدين يعنى المفروض مراتك فى ايدك ......والسلام ختام

[nancy]

استاذ على

اية حريم وحرمة عن حرمة تفرق انت شايف ان الاسلوب دة صح :rolleyes:

وبعدين ان كانت مراتك فى ايدك المفروض انت كمان فى ايدها او بالاصح اديكم فى ايد بعض علشان مصلحة البيت

[المدهش]

بصراحة الموضوع ده مهم فعلاً ..والسؤال ده بيلح عليا منذ فترة طويلة ..ليه معظم الرجالة اليومين دول ..بل وقبل كده بسنوات ليست قريبة أصبحوا"شورة الست" أو لعبة الست على رأي نجيب الريحاني في فيلمه الجميل..طبعاً أنا أعرف أن الرجولة ليست شخط ونطر ومنظرة فاضية لأن الرجل الذي يسلك مثل هذا السلوك هو في الحقيقة مريض نفسي أو ناقص تربية ..إنما ما أتحدث عنه هو الانصياع التام من جانب الزوج هذه الأيام لكلام المدام ..حتى لو بدأ الموضوع بالزعيق والعصبية تجده ينتهي بسماع كلام الست ولحس كل ما قاله..وهناك مواقف كثيرة أذكر منها زميل ظل يهاجمني لأيام بسبب اشتراكي في أحد النوادي ويتهمني بأشياء كثيرة ، ثم فوجئت به يبلع كل هجومه وحججه التي هاجمني بسببها بل ويشترك في نفس النادي لأن المدام ضغطت عليه وأقنعته..وأعتقد أن "المخدة" ليست وحدها المسؤولة عن انقلاب الدفة لصالح المرأة ، فهناك أسباب كثيرة منها الظروف الاقتصادية وصعوبة الزواج من أخرى لو كان الرجل غير مرتاح مع زوجته خصوصا لو كان عنده أولاد ..ومنها سفر الرجل للخارج لجمع المال وترك أسرته في مصر..لكن بصراحة أنا أحس أن الموضوع تحول إلى ظاهرة وأن الرجل تم تهميشه في كثير من البيوت..وتحول سي السيد إلى سي السيدة!

[سيزيف]

انا غير متزوج

ولكننى لا ارى ان فى اتصال الرجل بزوجته ليخبرها انه سيتاخر فى العمل او انه متوجه الى مكان معين ما ينتقص من رجولته

فهل مجرد الاتصال يعنى انه يتصل لياخذ اذنها ؟؟

الا يجوز ان الرجل كان يبغى ان يجنب زوجته مشقه القلق على تاخيره ؟

اوليس هذا من قبيل الموده و الرحمه الواجبه بين الزوجين ؟

طب بالقياس كده 0000

ماذا لو سالت الزوجه زوجها اذا تاخر اين كان ؟

هل يضربها و يبهدل كرامتها لانها سالت ؟

هل يحذرها من تكرار مثل هذا السؤال ؟

هل يخبرها اين كان بالفعل طالما انه لم يكن فى مكان مشين او يفعل ما يخجل منه ؟

يا ساده

لقد تغير الزمن

ولم يعد سى السيد هو النموذج الامثل للرجال

[ابو محمود]

بسم اللة الرحمن الرحيم

اصدقائى المحترمين رواد هذا المنتدى المحترم *

قرات ردودكم واشكركم على اضافاتكم واتمنى ان نكون جميعا بصدق ان نفيد هذا المنتدى ونستفيدمن اراء نا وتجاربنا فى هذة الحياة ولاكن؟ ربما لم اوفق فى شرح وجة نظرى بصورة اوضح ولكن ؟

انا لم اقصد هجوم او اقلال من دور المراءة على العكس انا اؤمن بان المجتمع المتقدم حضاريا لابد ان تلعب المراءةدورها على اكمل وجة وان تتحمل المسؤلية فى هذا الدور مع الرجل جنبا الى جنب ولاكن ؟

مااراة اليوم شىء وما اؤمن بة شىء اخر اعطاء المراءة حقوقها ليس بجعلها تتحكم فى كل امور الرجل مثلا

دور المراءة هو انشاء الرجل وصناعتة وليس التحكم بة فهى الام والاخت والبنت والزوجة *

اذا اعددنا هذة المعلمة صحيح الاعداد ارتقى مجتمعنا ونضج واصبح لنا درع واق من التشرزم الاْممى وتقدم مجتمعنا

اذاحافظنا على هذة المعلمة واكسبناها . رباية سليمة خالقيا وادبيا ودينيا (كلا بثقافتة .فلا فارق)

كنت اتمنى ان نناقش سويا كيف نغير من عادات الجهل الموروثة لدى كثير من نسائنا فى كيفية تربية بناتنا على هذا النحو ان وجود مثل هذة الافكارلدى بناتنا عن كيفية ان تتملك المراءة زوجها وتكون كل مناحى حياة زوجا تحت منظارها

ويكون هذا الموروث كل همها انها مشكلة تؤدى الى فتور العلاقة بين الاثنين ويبدا الرجل فى الهروب الى حلول ولاكن اغلب هذة الحلول تكون (الكذب,الاهمال بالواجبات,النفور من البيت,اللا مبالة والخنوع )

(1)الكذب اول طريق مواجة عندما يكتشف الرجل سيطرة زوجتة على كل تصرفاتة ومعة تكون نهاية العلاقة السليمة

(2)الاهمال بالواجبات ينسحب الرجل من كل مسؤلية لة كرجل فى ادارة بيتة وتسيطر زوجتة على تسير البيت من تربية اولادة وادارة عجلة الرقابة على سلوكهم ونشاءتهم من ذكور او اناث

(3)واخيرا يصاب الرجل بمرض النفور من البيت فيهرب الى المقاهى والى كل مكان يشعر فية بانة يجد فية من يكون لة متنفس اوملجاء بعد ما اصبح لا دور لة الا الانفاق او تنفيذ تعليمات ولو لم يرضى بها واخيرا وليس اخرا اتمنى ان نكون جميعا على قدر من المسؤلية فى ادارة حياتنا ولكم منى الشكر .

[otaka]

عصر سى السيد و تبعاته بالاضافه للقوانين الحديثه عملوا حاجتين

الاولى الست مش مامنه للراجل يا مامن الرجال و دى حاجه ثابته فى الموروث الثقافى بتاعنا

التانيه القوانين اللى ادت الست حقوقها المسلوبه منها فى العصر السى سيد الشقه من حق الزوجه الخلع و محاكم الاسره الست لانها اصلا حاسه بالقهر الاجتماعى بقت هيه الاقوى

بالرغم من تلك القوه فهى كائن سلبى لا يشارك و للاسف نجحوا فى تخريج اجيال كامله من المواطن السلبى اللى ماشى فى كل حته

للاسف المراه فى المجتمع العربى كائن على ما تفرج

طبعا مش كلهم لكن المعظم

كيف للمراه ان تشارك فى بناء المجتمع و مصر مثلا الدوله التالته فى العالم من حيث ختان البنات تقرير دولى منشور 2005

فين دور السيدات فى موضوع زى ده مفيش

الاخت اللى اعترضت على كلمه حريم الكلمه ملهاش معنى مسف و لا مخجل على ما ازعم

و فى سيدات افاضل بتقول على نفسها حرم السيد فلان

ماما سوزان اسمها حرم السيد الرئيس

[ابو محمود]

السيد اوتاكا ممكن تقول وجهة نظرك ولاكن بدون ما تكون عصبى الكتابة بتاعتك فيها عصبية شديدة ياسيدى الموضوع اللى يعصبك بلاش منة اتكلم فى اى حاجة تانية ممكن تكتب لنا اى موضوع ونشوف انت بتحب يترد عليك زى انت مابترد علينا المهم انا اشكرك على ردك واشكر كلا من اسهم وتعطف بابداء راية ولكم منى الشكر وفقنا اللة جميعا الى مايحبة ويرضاة (امين)

[Hammer]

موضوع مين ياخد الكنترول هو الشغل الشاغل للمتزوجين حديثاً ولهذا السبب تكثر المشاكل في بدايات الزواج .

و يعتمد فيها الرجل علي ثقافة السيطرة الذكورية و تعتمد فيها المرأة علي دهاء النساء .

و غالباً ما تكسب المرأة هذه المعركة ( و هي بالمناسبة تسمية دقيقة ) إذا بعدت عن المواجهه ( المناطحة )المباشرة و عمدت إلي أساليب إنثوية مستمدة من ضعفها ( ظاهرياً بس طبعاً <_< ) أو بمعني أصح , أجادت ان تاكل بعقل رجلها حلاوة ... يعني تدي له الإميج إنه الراجل وصاحب الكلمة و بسههنة تاخد الكنترول ...

طبعاً الرجالة قليلة الخبرة, ضعيفة الشخصية أو اللي ستاتها تعرف مفاتيحها هي الضحايا دائماّ ... و ينجح الرجل الذي يستخدم عقله أكثر مما يستخدم جعورته .