أريد نصيحه من اللذين هاجروا لأمريكا - مع الشكر مقدماً

[ihabso]

اخواني المصريين في أمريكا - اتمني لكم الصحة والعافية ؛

آنا عمري في مشارف الأربعينات وأعمل في مجال الدعم الفني لأجهزة كومبيوتر أبل ماكنتوش .لديّ فرصة (أن أراد الله) أن أهاجر مع أسرتي قريباً (زوجة وطفلين ? و?سنوات) الي أمريكا ك DV2006 winer. القرار صعب معنوياً ونفسياً ومكلف مادياً أيضاً ، و أنا متردد وفي حيره.

رجاء محبة من كل من يريد عمل خير ويكون قد مر بشبه أو مثل هذه التجربة ( لأمريكا) أن يساعدني برأيه الشخصي( علي مسؤليتي مع علمي بأن ظروف كل شخص تختلف و أن التوفيق من عند الله) حيث أني لم أجد في المنتدي معلومات كافية عن هجرة أمريكا مثل تلك التي تفضل بها أخواني وأخت من كندا عن الهجرة لكندا : هل قرار الهجرة (لامريكا خصوصاً) هو في نظركم مٌجدي وصائب؟

هل - بأمانة وصراحة - ندمتم عليه أم كان قراراً موفقاً ؟

ماذا عن فرص العمل عندكم؟

ماهي الولايات أو المدن اللتي تنصحون بالأستقرار فيها ؟

مالذي يأخذه معه المهاجر وبماذا تنصحونه؟

ماللذي يفعله - حسب الأولويات - بعد الوصول؟ وكيف يجد سكناً له ولأسرته؟

كم - تقريباً ... تقريباً - سيتكلف من الدولارات للحياة حتي يجد عملآً ؟

......اللي آخر كل هذه التساؤلات القلقة اللتي أعتقد أن معظمكم فكر بها قبل الهجرة وتمني نصيحة مخلصة ممن مر بمثل ظروفه قبله. فهل من أجابة أمينة و مٌفصلة قدر الأمكان لي ولمن هم مثلي ؟ شكراً مني ويكرمكم الله ويعوضكم خيراً علي تعبكم ووقتكم في الرد علي الأسئلة.

[الرافعي]

اخواني المصريين في أمريكا - اتمني لكم الصحة والعافية ؛

آنا عمري في مشارف الأربعينات وأعمل في مجال الدعم الفني لأجهزة كومبيوتر أبل ماكنتوش .لديّ فرصة (أن أراد الله) أن أهاجر مع أسرتي قريباً (زوجة وطفلين ? و?سنوات) الي أمريكا ك DV2006 winer. القرار صعب معنوياً ونفسياً ومكلف مادياً أيضاً ، و أنا متردد وفي حيره.

رجاء محبة من كل من يريد عمل خير ويكون قد مر بشبه أو مثل هذه التجربة ( لأمريكا) أن يساعدني برأيه الشخصي( علي مسؤليتي مع علمي بأن ظروف كل شخص تختلف و أن التوفيق من عند الله) حيث أني لم أجد في المنتدي معلومات كافية عن هجرة أمريكا مثل تلك التي تفضل بها أخواني وأخت من كندا عن الهجرة لكندا : هل قرار الهجرة (لامريكا خصوصاً) هو في نظركم مٌجدي وصائب؟

هل - بأمانة وصراحة - ندمتم عليه أم كان قراراً موفقاً ؟

ماذا عن فرص العمل عندكم؟

ماهي الولايات أو المدن اللتي تنصحون بالأستقرار فيها ؟

مالذي يأخذه معه المهاجر وبماذا تنصحونه؟

ماللذي يفعله - حسب الأولويات - بعد الوصول؟ وكيف يجد سكناً له ولأسرته؟

كم - تقريباً ... تقريباً - سيتكلف من الدولارات للحياة حتي يجد عملآً ؟

......اللي آخر كل هذه التساؤلات القلقة اللتي أعتقد أن معظمكم فكر بها قبل الهجرة وتمني نصيحة مخلصة ممن مر بمثل ظروفه قبله. فهل من أجابة أمينة و مٌفصلة قدر الأمكان لي ولمن هم مثلي ؟ شكراً مني ويكرمكم الله ويعوضكم خيراً علي تعبكم ووقتكم في الرد علي الأسئلة.

عزيزي ihabso

نصيحتي الشخصية أن تتريث انتظاراً للنتيجة التي يفترض أن تعلن في شهري مايو إلى يوليو الحاليين، وذلك حيث تصل النتيجة الأولى (التي يفترض أن تقوم بعدها بتجهيز كافة الأوراق والمستندات المطلوبة، ومن ثم تدخل إلى المقابلة الشخصية لو كان هناك نصيب إن شاء الله.

فقط .. أود معرفة إن كان قد تم إرسال الخطاب الأول لك أم لا ؟؟ لأن الرد والنصائح التي ستصلك من الزملاء الأفاضل ستتأثر كثيراً بهذا الموضوع..

إن كانت الرسالة الأولى قد وصلتك، فحسناً ، ويمكنك الاطلاع على هذا الموضوع DV Lottery والذي وضعته في أكتوبر الماضي ، ويمكنك الاستفادة أكثر من الأخ New، وهو كبقية الأخوة الأفاضل هنا .. لا يبخلون أبداً بأي نصيحة..

ونصيحتي الشخصية ... إن لم تكن قد تسلمت الرسالة الأولى التي تفيد باختيارك مبدئياً، فأرى أن تتحرك كأنك لم تقدم على هذه الهجرة، حتى لا تتأثر نفسياً لو لم يكن هناك نصيب فيها ... هناك طبعاً ملايين كما تعلم تقدمت، والمسألة يانصيب، والصلاحية والمفاضلة تظهر أكثر بعد المرحلة الأولى، فتعامل مع الأمر كأنه ألقيت صنارتك في الماء، والله أعلم بما ستأتي .... قد تصيد شيئاً عظيماً من أول فرصة، وقد تنتظر حتى يأتي الفرج، وقد لا توفق ...

أرجو أن تتشجع ولا تيأس،واستثمر الوقت في تمتين إمكانياتك وإمكانيات زوجتك، وتوفير أي شهادات دراسية قد لا تكون موجودة .. وهذا ينفع ولا يضر حتى ولو لم تفز في السحب.

تحياتي وتمنياتي بالتوفيق

[ihabso]

شكراً أخي حلاوة علي سرعة الأستجابة - أنا (يبقي DV2005 Winner) جالي الجواب الأول و التاني و المقابلة في شهر يونيو ده(الرسوم حوالي 4500جنيه لكل فرد !! تدفع قبل (نعم قبل)المقابلة و لاترد - لاترد - حتي لو أترفضت في الinterview) والورق - بحمد الله وأن شاء الله -جاهز ، ولوشاء الله و عديت interview هيكون لازم أسافر قبل ديسمبر الجاي - علشان كده أنا بأسأل بجد - ومنتظر خبرات الأخوة اللي هاجروا فعلاً - وشكرا جزيلاً.

[rihamzaki]

بسم الله الرحمن الرحيم

اول حاجه يارب بل توفيق وبأذن الله لو تحلم بل سفر اوتتمنى السفر وفيه خير لك سوف يتحقق انا بقول هذا الكلام لانى مررت بهذة التجربه لانى سافرت الى امريكا مع زوجى وكان معى ابنى وكنا مثك مرعوبين من السفر لكن كان السفر بل نسبا لنا هو الحل الوحيد ومكنش عندنا حتى اختيار غيرة لان انا زوجى كان عندة مصنع نسيج وكان مصنع وعمله بعدغربه هو واهله بس طبعا كتنوا فى دول عربيه وبعدماحاطوا راس مالهم وكان مهنه النسيج ولم تكن مهنه جديدة عليهم بل كل اسمهم كاعيله فى مجال ا لنسيج كان معروف ولكن كل دة المهم راح ظروف البلد وكان مافيش غير السفر ويكن قصدى من الحكايه ديه انى اقول ان موضع السفر كان صعب لان نحن كاسرة بنسافر ونحن كنا فى وقت من الاوقات مرتحين مدينا جدااا وزوجى وانا وطفلى سوف نسافر ونحن ليس معنا غير 3000-ثلاثه ألف دولار يعى شيى مرعب جداا لمكان مش عرفينه خالص وكان بس فكرنا مختلف اردنا ان نذهب الى مكان مفهوش عرب كتير عشان كان زوجى بيسمع من اصحابه كلام ان مافش شغل و ان وان وان يعنى المهم ذهبنا الىcharlotte-وكات فيها عرب بس مش كتير وكانت بلد هاديه جدااا المهم بعد دة كله من الاخر اسهل حاجه انك تلقى شغل وادم بتشتغل بجد صاحب العمل سوف يعرف وبل طبع سوف تأخذ ساعات عمل كتير وبعدين من سهل تعمل معادله للشهادة وممكن كمانتعمل تقيم للمستوى بتاعك وتشوف اى مجال سوف تدرسه وتشتغل فيه وبرضه دة سهل وكان فى الولايه التى انا فيها من غير فلوسونا ذهبت وحدت مستوى واغلب الناس بيدرسوا لمدة سنتين بس مجرد بس تعرف انت ناوى تشتغل فى ايه وعلى فكرة دة ونت بتشتغل ومش بل وصف الى بتطلع فى التلفزيون لكن الى صعب بجد ومشكله الشهادات مثل الطب والهندسه لما بتعدلها وبتعمل وبتسرف عليها وكمان بتاخد سنين طويله لكن بل نسبه لسعر الشقه فى الشهر ممكن على حسب المكان فى المعقول 500 دولار وبتكون شقه كبيرة وفى كاندمنيم تحفه بس كلام دة فى الولايه الى انا فيها لكن من ناس فى ولايات تانيه ممكن 700 تاخد يعنى حجرة وصاله بل نسبه للعيشه فى امريكا دة برضه عادى وعشان ابنأك بتروح فى مكا حكومه معروف بس تكون اخت السكن وبتقدم وهما بعد كدة بيعملوا كل حاجه حتى لو مبيعرفوش انجليزى بيدخلوهم حصص زيادة وكل حاجه بتكوسهله وبل نسبه للشغل سهل انك تعمل فى بدايه فى الاسبوع500 دولار وبعدين كل حاجه سهله جدااا ونت بتعرفها بس مجرد شهر حاتتعب من التفكير والقلق لكن بعد كدة حاتكتشف ان كله سهل جداااا والشغل ادام انت جد برضه كتير ولو عندك هدف بسهوله تتميز والله دة الحقيقه يعنى حتى لو اشتغلت تغسل صحون ونت وخدة مجرد بس مرحله تتعرف على الحياة الجديدة وتجيب فلوس بسرعه ممكن تكون مدير المكان بس قسها على اى حاجه وعلى فكرة زوجى فقط هو الى بيشتغل ونا مش بشتغل ونا كمان سبت امريكا خالص من حوالى 4شهور مش عشان حاجه خالص بس انا كنت انا وزوجى متفقين ان نسيب امريكا قبل ما ابنى يفهم شويه ان الحياة هناك سهله لان لو دخل ثانوى وسهل يشتغل وهو فى ثانوى سهل يعمل فلوس وبرضه حايتعلم المشكله انهعشان الحياة هناك كدة لازم حايبعد عنا ويمكن اكون متاخرة شويه لكن انا مش عاوزة يبعد اوى عشان كدة اول فرصه تيجى نروح دول عربيه وفقنا على طول ودة كان برضه احنا عوزينه اتكل على الله وسافر والله كله سهل من مكان حكومى مثل تقديم المدار س سوف يدلوك ازى تعمل تأمين مجانى للاطفال ولو مدلكش فى المدرسه تملى اثتمارة تاخد العلاج بل مجان وكما أكل اطفالك فى المدرسه مجانى والله كله سهل بس اهم حاجه عياللك خد بالك منهم وان شاء الله تححقق كل امنيكم

[Arabisc]

سلام عليكم

طبعا لن أضيف كثيرا لما ذكره الأعزاء

1) لابد أن تحدد أين ستذهب في أمريكا علشان هتفرق كتير معاك . برغم كل اللي بتسمعه عن المصرين وخلافه كونك تعرف أسرة أو أكتر مكان ما أنت رايح هايسهللك حاجات كتير جدا من الافضل ليك تنزل ولو مؤقتا في مدينة فيها حد تعرفه

2) تكلفة الحياة و لمعيشة تتفاوت بشكل صارخ من مكان لآخر . فممكن تشتري بيت على بعضه في Flint, Michegan ب $15,000 لكن إيجار شقة متوسطة في مانهاتن ب 2500$ - في الشهر - غني عن الذكر ان فرص العمل و مستوى الدخل بتتفاوت بصورة كبيرة أيضا

3) اعمل حسابك يكون معاك مبلغ يكفيك على الاقل شهرين لأي طواريء 4000-5000$

4) أو ماتوصل إعمل Social Security Number . و بعدين إعمل Medicaid

5) خلليك على اتصال بالمسجد القريب منك > هاتتعرف منه على ناس ممكن يساعدوك في حاجات كتير

6) أغلب الشركات هنا مابتطلبش معادلة لشهادات التخرج لمن يعمل في مجال الحاسب > لكن اذا قدرت خد كام Certificate (MS, Cisco, UNIX, etc) ده هايفيدك جدا على الأقل توصل للمقابلة

7) نصيحة مني > إياك تشتغل أي حاجة . اللي شايفه حاولية ان اللي بيبدأ في سكة مابغيرهاش

8) لغة - لغة - لغة > لو الانجليزي بتاعك نص نص فرصتك في وظيفة كويسة هاتتأثر .

انا تحت امرك في أي معلومة تانية

سلام عليكم

تم تعديل 15 مايو 2006 بواسطة Arabisc

[ihabso]

شكراً جزيلاً ٍRiham & Arabisc

كيف إعمل Medicaid?وماذا يكلف ( لأسرة 4 أفراد) وهل يغطي الكشف والأدوية وأي أجراءات طبية أو عمليات لاقدر الله ؟

سمعت أن الMedical insurance بيكلف مبلغ كبير شهرياً لدرجة أن بعض الأمريكان أنفسهم اللي عملهم لايوفر لهم هذا ضمن مميزات عملهم لايستطيعوا أن يدفعوه لأنفسهم وتتراكم عليهم الديون لو عملوه - أمبارح كنت أتفرج علي برنامج " أوبرا"( Oprah Winfrey) مستضيف أمريكان ( مولدين أمريكان مش حتي مهاجرين) و يعملوا في وظائف حول 7 - 9$ في الساعة ولايستطعون إعاشة أسرهم (بعضها كمان أسر صغيرة يعني أم وبنتها فقط - راجل لوحده وهكذا ) أو علي الأفضل كما قال أحدهم أنهم بالكاد يعيشوا " Pay cheaque to pay cheaque " وقالت أوبرا أن حوالي 30% من الأمريكان يقتربون من حدود الفقر هذه . آيه حقيقة الموضوع ياجماعة؟ ياريت حد يستفييـــــــــــــض في الشرح زي جماعتنا الجدعان بتوع كندا مابيشرحوا ويحكوا وينصحوا عن كندا - من فضلكم.

[New]

شكرآ يا حلاوة بيه ربنا يكرمك على كلامك الحلو وظنك الجميل ويارب نكون عند حسن ظنك دائمآ...

انا اعتذر عن هذا الرد القصير نظرآ لانشغالى ولكننى سأعود بأذن الله لأناقش معك ومع بقية الاخوة هذا الموضوع...

لحين عودتى ارجو منك الاطلاع على هذا الرابط ... فيه كتيب عن المعلومات الاساسية للمهاجرين... بعدة لغات منها العربية...

http://www.uscis.gov/graphics/citizenship/...guide/index.htm

قرار الهجرة يختلف من شخص لأخر... لابد من النظر للهجرة نظرة شاملة.. اللغة الجيدة ومجال العمل المطلوب والرغبة فى العمل من اهم مقومات نجاح الهجرة...

ارجوا ايضآ الاطلاع على مواقع البحث عن عمل واهمها:

http://www.monster.com

http://www.hotjobs.com

http://careerbuilder.com

http://www.jobsearch.org/seeker/jobsearch/quick

نصيحة منى تعالى الاول وبعد استقرارك ابعت لباقى الاسرة...

تحياتى وان شاء الله بالتوفيق

تم تعديل 15 مايو 2006 بواسطة New

[Arabisc]

Salam Alykum

Medicaid is a Federal-State program that is co-funded by both and administrated by the states. check the below links for more information

US Department of Health and Human Services

Example of New York State Medicaid system

New York State Department of Health

There are other state-sponsored low cost medical insurance that are specific for each state and covers people who do not qualify for full medicaid coverage

Such as

Health Plus

I do not have enough experience to walk you through the details though, sorry

Try Google, you will find all the information you want

Salam

[اسود وتعالب وارنب]

ياجماعة يامهاجرين انتو هاجرتم وادري الواحد لو تهقان ومفيش امل وعاوز يهاجر الي امريكا كندا ايه الطريقة مع العلم اني انسه غير متزوجه وعمري 41 عاما بس خالص علي راي السوريون وصلت معي لهون ( الانف )

[ihabso]

الرجاء من أخواننا المصريين أن يحولوا هذا الأستفسار الي : " كل ماتريد أن تعرفه عن أمريكا "

أن أي معلومة أو نصيحة أو خبرة حول هذا الموضوع - حتي وأن بدت لصاحبها غير مفيدة أو منطقية أو ...... ؛ - قد تكون ذات فائدة عظيمة لايدركها لأخ غيره محتاج إليها - الرجاء الأستفاضة في شرح كل مافي وسعكم أن تخبروه لأمثالنا الذين علي وشك الهجرة لأمريكا - و الله يبارك لكم .

[علاء زين الدين]

حيث أن لديك أولاد. نصيحتي أن تتريث إن لم يكن السفر ضرورة حتمية لتوفير العيش. إذا قررت العودة يوما ما وقد أصبح أولادك مراهقين وشبانا ستصبح العودة صعبة للغاية. أما إذا كان لابد من السفر، فكر في التخطيط للعودة قبل أن يكبر الأولاد.

وبرغم المشاكل التي يحكيها البعض عن الجاليات. فنصيحتي البحث عن الجالية العربية بما فيها المصرية بالطبع. وإن كنت مسلما ابحث عن سكن قريب من مركز إسلامي ومدرسة إسلامية للحفاظ على هوية الأولاد ودينهم. وكن مستعداً لإنفاق المال على المدارس الإسلامية ولو على حساب مستوى أكاديمي أقل، لأن المدارس العامة المجانية مهما كانت جيدة علميا تفسد الأولاد إلا من رحم ربي وسيتفاوتون فقط في درجة الفساد. الحديث يفترض أنك مسلم بالطبع .. أما إن كنت قبطيا فالأصدقاء الأقباط يستطيعون أن يفيدونك في تحقيق نفس الهدف.

ونسأل الله التوفيق لنا ولك.

تم تعديل 28 مايو 2006 بواسطة علاء زين الدين

[hopsan]

عزيزى اللى عايز يهاجر

مش عاوز اكون بالنسبه لك نقطه سوداء قبل ما تنوى على السفر او حتى اثبط عزيمتك و ان كنت مصر فعلى الأقل فكر مره و خمسه عشر مره قبل الإقدام على مغامره مثل دى ....خصوصا لو عندك اولاد

انا واحد لسه راجع طازه من هناك غير آسف على امريكا و اللى فيها و انا اللى بقول برضه البلد لسه فيها نفس بس مش زى الأول ...معروف عنها انها بلاد الفرص و ممكن مره واحده تمسك اول مليون فى ايدك بعد سنه

و ممكن يكونو 60 – 150 مليون فى ثانيه واحده و ممكن تعيش هناك مش قادر تدفع ايجار الفواتير اللى بتقسم الضهر حتى فى بعض الأحيان ممكن تستغنى عن فواتير التدفئه فى عز البرد علشان توفر ..... و ممكن تمسك وظيفه محترمه و تقول هى دى الحياه

لو كنت لوحدك ما تكبدت عناء الكتابه و انما لما قرأت ان ليك اولاد حيسافرو معاك ..احسست بأن ذنبهم فى رقبتى لو لم اكتب لك و ادعوك لا لشيىء غير انك تتريث و تفكر بعمق بعض الشيىء فطبعا انت لا ترضى ببهدلتهم ....و طبعا ممكن ميحصلش ...بس معطيات الغربه صعبه للغايه ..يعنى مافيش حد ممكن يساعدك لأن الدقيقه هناك لها تمن و محدش فاضى لحد ..يعنى ممكن تلاقى حادث شنيع و متلاقيش حد واقف يساعد او حتى يتفرج غير الشرطه فقط اللى تحتل المكان

امريكا بلد اكثر من هايل فى الفسح ..او لو معالك قرشين حلوين و عايز تطلع ربح قد ربحيه البنك عشر مرات تجد هذا الكلام فى امريكا ..انما انت يا ابن الحلال لسه حتروح تشوف الدنيا ايه علشان تشتغل تبقى مصيبه و البطاله هناك دلوقتى اكثر من الأول بكثير جدا جدا ...العرب و المصريين بالعافيه يلاقى شغل و يقبل بأى وظيفه فقط علشان يعيش ده غير نظرات الناس هناك و ليهم نظره فى الشخص اللى قدامهم ..و اول ما يشوفك و يسمع منك كلمتين يقولك على الفور انك من الشرق الأوسط و حتى لو فيه وظيفه تناسبك يديها لواحد مكسيكى او باكستانى او حتى سيخى ولا يديهالك انت ...زمان كان الواحد اللى مش عاجبه شغله يسيبه قبل ما يفكر يتشغل تانى لأن تقريبا الوظيفه التانيه مستنياه دلوقت الحال اتغير تماما و كل واحد خايف على نفسه و خايف يفقد شغله لحسن يكمل بقيه الشهر من غير اكل و يتلطم عند معارفه و صحابه

...اهم ما فى الموضوع ..رغم ان شهادتى دوليه و 90% من اهلى فى امريكا و حاصل على الجنسيه من 18 سنه و تقريبا معنديش مشكله غير المرض البطال اللى عندما يترجم يسمى الحنين للوطن ....و هى دى مشكلتى فى بلد الغربه و ظللت اعانى منها حتى عودتى ..اذكر اغنيه فيروز اللى بتقول فيها ..راجعين يا هوا راجعين ..اصاب بحاله شجن غريب و اكاد ابكى ..و على ايه ده كله ؟؟؟....اينعم انا هنا اكاد اكون وحيد مع اسرتى بس احساسى بالغربه معدوم ....انا مش حدخل معاك فى تقنيات لأن كل واحد هناك دخل امريكا بطريقه مختلفه و لكن هناك شيىء واحد كلهم و بلا استثناء سواء اللى راح بغرض الدراسه وبلعته مغريات الحياه هناك و هناك من هاجر من الأقباط ايام السادات و لعنو مصر و اللى فيها و هناك من هبشه قرشين و قاعد متنعم فيها و بعضهم صرفهم على ملذلته و يتمنى يرجع و مش مشكله على السجن بس يرجع و كثير و كثير ...بس الشيىء الوحيد اللى يجمعهم هو احساسهم بالغربه و تزيد الغربه لما تلاقى نفسك من المنبوزين ( الكلام ده فى بعض الولايات والتى تكون نسبه ذوى الرقبه الحمراء و الكاوبوى متوفره ) المهم حنينك لبلدك لا يعادله حنين

و الله كان معايا واحد فى الطياره كان قاعد ساكت طول الرحله و لما نزل ارض المطار لم تتمكن قدماه على حمله و سقط على الأرض و اخذ يبكى بهستيريا و يقبل ارض المطار بطريقه جعلت المصريين القادمين يتأثرو بما فعل

نصيحتى و هى اخيره .......بلدك اولى ...بلدك اولى بيك و بأولادك

مع التحيه

[ihabso]

لسه حتروح تشوف الدنيا ايه علشان تشتغل تبقى مصيبه و البطاله هناك دلوقتى اكثر من الأول بكثير جدا جدا ...العرب و المصريين بالعافيه يلاقى شغل و يقبل بأى وظيفه فقط علشان يعيش ده غير نظرات الناس هناك و ليهم نظره فى الشخص اللى قدامهم ..و اول ما يشوفك و يسمع منك كلمتين يقولك على الفور انك من الشرق الأوسط و حتى لو فيه وظيفه تناسبك يديها لواحد مكسيكى او باكستانى او حتى سيخى ولا يديهالك انت ...زمان كان الواحد اللى مش عاجبه شغله يسيبه قبل ما يفكر يتشغل تانى لأن تقريبا الوظيفه التانيه مستنياه دلوقت الحال اتغير تماما و كل واحد خايف على نفسه و خايف يفقد شغله لحسن يكمل بقيه الشهر من غير اكل و يتلطم عند معارفه و صحابه .....

و تزيد الغربه لما تلاقى نفسك من المنبوزين ( الكلام ده فى بعض الولايات والتى تكون نسبه ذوى الرقبه الحمراء و الكاوبوى متوفره ) المهم حنينك لبلدك لا يعادله حنين

نصيحتى و هى اخيره .......بلدك اولى ...بلدك اولى بيك و بأولادك

مع التحيه

شكراً للنصيحة - أريد أن أعرف الولايات اللتي تقصدها بالتحديد .. والعكس .. ماهي أفضل الولايات لاستقرار المصريين في رأيك؟ - وسؤال شخصي شوية: هل بعد مارجعت مصر وشفت الأوضاع حالياً والفرق الواضح بينها وبين أمريكا أقتصادياً و.... و.... "حقوق أنسانياً " :wub: مازلت علي رأيك ؟ قول بصراحة . وياريت أراء ومشاركات أخري مؤيدة أو معارضة من اللي فعلاً موجودين أو ذهبوا لامريكا وعارفين ظروف المهاجرين ليها كويس ... يعني خبراتكم العملية .. شكراً وخليكو كرماء في الرد زي بتوع كندا :wub:

[hopsan]

شكراً للنصيحة - أريد أن أعرف الولايات اللتي تقصدها بالتحديد .. والعكس .. ماهي أفضل الولايات لاستقرار المصريين في رأيك؟ - وسؤال شخصي شوية: هل بعد مارجعت مصر وشفت الأوضاع حالياً والفرق الواضح بينها وبين أمريكا أقتصادياً و.... و.... "حقوق أنسانياً " مازلت علي رأيك ؟ قول بصراحة . وياريت أراء ومشاركات أخري مؤيدة أو معارضة من اللي فعلاً موجودين أو ذهبوا لامريكا وعارفين ظروف المهاجرين ليها كويس ... يعني خبراتكم العملية .. شكراً وخليكو كرماء في الرد زي بتوع كندا

الولايات اللى بقصدها و اللى هى تنظر للغرباء بعين الريبه و اللى ايضا يقل فيها عدد المهاجرين من اى صنف هى ولايات الوسط الجنوبى او الصحراويه امثال اريزونا رغم ان بها مصريون ....( اخى يقطن بها ) و معرفش ليه طالما هما مش مبسوطين و لسه قاعدين فيها ( اريزونا تعد فيها اكبر جامعات الدنيا ..يعنى بلد علم صحيح و كمان ارخص ولايه تاخد منك ضرايب ) و زى ما فيها صحرا تلاقى فيها كمان ثلوج و سياحه جليديه على سفوح الجبال

اما احلاها فهى لوس انجلس ..اللى انا جاى منها ...احلى ما فيها الفرجه حتى الناس اللى هناك معتبرين نفسهم قابلين للفرجه بس متطولش الفرجه على الناس احسن ده ممنوع هناك وتسمعلك كلمه مش ولابد و اكثرالولايات تحصيلا للضرائب

المهم تقدر تستحمل الفرجه او عقلك يتقبل تتابع و توالى و ايقاع التغير السريع فيها ..انا مقدرتش استحمل

افضل ولايات يستقر فيها المصرين هما ولايتان اولهما نيويورك حيث معظم اهلى فيها او جيرسى فهى مملوؤه بالمصريين و نسميها احيانا بالعتبه لكثره المصرين ...و طبعا سمعه الولايه مش ولابد لأن المصرين فيها واخدين راحتهم

و بعد ما رجعت و بدون تردد اقول انا ضيعت كتير من عمرى بره مصر و صحيح انا رجعت لإزعاج رهيب و الباعه الجائلين و الزحام الغير قابل للتطور و الزباله اللى فى الشارع و الشحاتين و العمارات اللى مش باين فيها اى شكل معمارى او حتى تنسيق و اللى بيطلع اسؤ من اللى اتبنى يعنى خد عندك 50 سنه كمان مظهر غير حضارى و السيارات اللى بقالها 50 سنه و متهالكه و الرتابه و الإيقاع البطىء جدا و سيطره وتحكم البوليس و اللى مالوش فى القياده واخذت وقت طويل حتى أتأقلم على البلد و كووووول اللى بتقول عليه لا اعتبار له عندى سواء فرق اقتصادى او حقوقى انسانيا اللى بالبنط العريض ...فهناك ستجد انتهاك اكبر وهو امتهانك انت لنفسك فى حاله خروجك بره مصر و تذكر تلك الجمله ( انا ايه اللى عملته فى نفسى ...و عليا بإيه من ده كله ) يمكن انا غلطان و ياريت اكون غلطان

تم تعديل 22 يونيو 2006 بواسطة hopsan

[New]

الاخ الفاضل ihabso

ظروف كل واحد فى الهجرة بتختلف ... الظروف دى بتتحكم فيها عوامل كتيرة اهمها توفيق ربنا وبعد كده تيجى مؤهلات الشخص من لغة وشهادة مطلوبة وقدرة على التكيف فى المجتمع الجديد...

لو لغتك مش ولابد حاول تحسنها دايما... لو شهادتك غير معترف بها او مش حيكون دخلك كويس لو اشتغلت بها حاول الحصول على شهادة اخرى او شهادة اعلى... والنقطة دى مهمة جدآ.. حاول برضه انك تتعلم القيادة لان الرخصة مهمة جدآ..

افضل اماكن للاقامة ده سؤال صعب الاجابة عليه نظرآ لكبر الدولة... بس بشكل عام فى نظرى ابدأ فى مدينة تلاقى فيها شغل وفيها مواصلات عامة وخاصة المترو

زى: New York , Boston, Chicago, Philadelphia, San Francisco, Los Angeles

اكبر تجمعات للعرب حتلاقيها فى New York وبعدها (Dearborn (Michigan وبعدها New Jersey

[ihabso]

أرجو لو حد من الأخوة عنده خبره ( يعني يقيم هناك أو زارها) عن الحياة في Los Angeles (سكن - عمل - مواصلات - مدارس -تأمين صحي ...... آي حاجه) يتكرم مشكوراً بنقل هذه الخبرة .

[الحازم حسن]

أستاذ ihabso

كل اللي أقدر افيدك بيه من معلومات في الموضوع ده هوه ان حضرتك لازم تسافر لوحدك الاول وبعدين تبعت للأسرة بعدين في فترة تكون من حوالي 9 أشهر إلى سنة لان السكن هناك خاصة في نيويورك غالي جداً لي صديق هناك سافر عن طريق اللوتري من حوالي 3 سنين إلى نيويورك وكانت معاه أسرته ويعمل هناك بشركة مصر للطيران أول ما وصل كان بياخد مرتب بياخد مرتب 1400 $ وساكن في شقة ب 900 $ (الارقام دي ممكن متكونش دقيقة أوي لأن الكلام ده كان من فترة ومش فاكر بالزبط لكن كنسبة وتناسب تقريبا مزبوطة) لدرجة انه فكر يرجع بعد فترة .. يبقى للزم حضرتك تروح لوحدك الاول لحد ما تعرف الوضع وتستقر وبعدين تحصلك العيلة وبالتوفيق

[Lembic]

أستاذ ihabso

كل اللي أقدر افيدك بيه من معلومات في الموضوع ده هوه ان حضرتك لازم تسافر لوحدك الاول وبعدين تبعت للأسرة بعدين في فترة تكون من حوالي 9 أشهر إلى سنة لان السكن هناك خاصة في نيويورك غالي جداً لي صديق هناك سافر عن طريق اللوتري من حوالي 3 سنين إلى نيويورك وكانت معاه أسرته ويعمل هناك بشركة مصر للطيران أول ما وصل كان بياخد مرتب بياخد مرتب 1400 $ وساكن في شقة ب 900 $ (الارقام دي ممكن متكونش دقيقة أوي لأن الكلام ده كان من فترة ومش فاكر بالزبط لكن كنسبة وتناسب تقريبا مزبوطة) لدرجة انه فكر يرجع بعد فترة .. يبقى للزم حضرتك تروح لوحدك الاول لحد ما تعرف الوضع وتستقر وبعدين تحصلك العيلة وبالتوفيق

يا عم الحازم بياخد مرتب 1400 فى نيويورك فى الشهر؟ صعبة جدا بصراحة .. عموما يمكن يكون 1400 كل إسبوعين على أساس إن المرتب بيصرف كل إسبوعين يعنى تقبض 26 مرة فى السنة. عموما لو 1400 فى الشهر فأحسنلة يشوف شغلانة تانية يعنى لو إشتغل فى محل بيتزا حيعمل أكتر منهم. بجد.

[Lembic]

شكراً جزيلاً ٍRiham & Arabisc

كيف إعمل Medicaid?وماذا يكلف ( لأسرة 4 أفراد) وهل يغطي الكشف والأدوية وأي أجراءات طبية أو عمليات لاقدر الله ؟

سمعت أن الMedical insurance بيكلف مبلغ كبير شهرياً لدرجة أن بعض الأمريكان أنفسهم اللي عملهم لايوفر لهم هذا ضمن مميزات عملهم لايستطيعوا أن يدفعوه لأنفسهم وتتراكم عليهم الديون لو عملوه - أمبارح كنت أتفرج علي برنامج " أوبرا"( Oprah Winfrey) مستضيف أمريكان ( مولدين أمريكان مش حتي مهاجرين) و يعملوا في وظائف حول 7 - 9$ في الساعة ولايستطعون إعاشة أسرهم (بعضها كمان أسر صغيرة يعني أم وبنتها فقط - راجل لوحده وهكذا ) أو علي الأفضل كما قال أحدهم أنهم بالكاد يعيشوا " Pay cheaque to pay cheaque " وقالت أوبرا أن حوالي 30% من الأمريكان يقتربون من حدود الفقر هذه . آيه حقيقة الموضوع ياجماعة؟ ياريت حد يستفييـــــــــــــض في الشرح زي جماعتنا الجدعان بتوع كندا مابيشرحوا ويحكوا وينصحوا عن كندا - من فضلكم.

يا باشا سيبك من كلام سبعة وتسعة دولار فى الساعة ... الكلام ده للى معندوش skills تماما. أنما واحد تانى عنده شهادات فى الكمبيوتر أو مهندس أو حتى محاسب من غير CPA يعمل أكتر من كده. وحكاية 30% يقتربون من حدود الفقر فده كلام سليم ولكن لسببين أساسيين :

1. حدود الفقر هنا فى أمريكا غير حدودها فى مصر.

2. أكثر من 50% من الشعب الأمريكى معهوش ثانوية عامة أو بالأصح جاهل ومكملش تعليمه وهذه حقيقة من معيشتى هنا أكثر من 20 سنة.

نصيحتى فى أمريكا الفرص كثيرة جدا لمن يريد أن يجتهد .. وطبعا لازم يكون كل شي قانونى وأهم أهم شي أن تأتى بمفردك الأول حتى تظبط امورك وبعدين تحضر أهلك. شهر ستة شهور سنة أنت وحدك القادر على معرفة متى تأتى بهم وكل حالة تختلف عن الآخرى.

ربنا معاك.

[الحازم حسن]

الكلام ده على مسئولية صاحبة يا لمبي يمكن الراجل برضه بيخزي العين الله أعلم -_-