وأنا بأذاكر ....!!

[مصرية الهوى]

طبعاً كلكم عارفين إن الفترة دي هي فترة تجييش الجيوش وحشد الحشود وسن السيوف والمطاوي ..

عشان هنحارب إسرائيل ( وعشان ادافع عن عمرو اللي طلع لي في البخت ;) )..

حربنا هتكون بالعلم طبعا ً .. لان العلم بيعتبر سلاح ...

بقولك ايه .. متخلصي يا بنتي وتخلصينا وتقولي انتي عايزه ايه ..

على بلاطة كده ..

اتفرجوا عليا وانا باذاكر .. طبعا مش أنا أنا :lol: ..

آثار ومخلفات الحرب .. وأنا بأذاكر :D

على فكرة المكتب كده بيعتبر مرتب شويا ;)

من زاوية تانية .. عشان برضه تشوفوا الهدية اللي جتلي الاسبوع اللي فات ;) ;)

دي بقى .. لما بمل من المكتب واقرر اني اذاكر على السرير .. ده معناه ان الوقت هيمشي ..

مقابل كل 10 دقائق مذاكرة ساعة و10 دقائق نوم :wub: ..

والكمبيوتر والتليفون حاجات مقدرش استغنى عنها .. الا بقوة السلاح .. اللي بتيجي قبل الامتحانات باسبوع تقريبا .. لما القوات المسلحة تقرر انها تدخل لساحة المعركة وتصادر الحاجات دي غصبن عن اللي خلفوني :D

ودعواتكم ..

عشان انا زهقت بجد ...

19 سنة مدارس مش معقوووووووووووووول :wub: :P

[yacho]

اهى الصوره التالته دى حبيبتى .. انا يا مصريه ما كنتش اعرف اذاكر غير عالسرير

لو قعدت على مكتب انام وازهق.. احس كده بحراره وخنقه .. لكن عالسرير احلى

مذاكره وحياتك بس على ايامى ماكانش الكمبيوتر اللى بيصادروه كان الراديو

بس تعملى ايه عمرهم ما صدقوا انى مابعرفش اذاكر غير والراديو شغال.

ربنا يوفقك وتخلصى .. بس بكره الايام دى حتوحشك قوى زى ما وحشتنى .

[khedr]

يامصريه يابنتي(وش زكي رستم في فيلم نهر الحب)

بلاش تضيعي وقتك في الكلام ده

الواحد لازم يشغل عقله في اللي يفيده

احنا جايبن لك الكمبيوتر علشان تعملي لنا برامجيات واشياء مفيده

مش كل شويه داخله علي الجماعه دول اللي اسمهم المصريين

قومـــــــــــــــــــــــــــــــــــــــــــــــــــــــــــــــــــــــــــــ

ـــــــــي ذاكري

[سهيلة]

مصرية حبيبتى اولا اوضتك حلوة اوى

ثانيا نعكشة مكتبك تجنن فيها شبة من مكتبى اصلو لو مرتب معرفش اذاكر

ولما تلاقية مرتب معناة حاجة من الاتنين

انى خلصت مذاكرة او ما ذاكرتش وكنت قاعدة سرحانة او بلعب ف اى حاجة

اما بالنسبة لمذاكرة السرير دى دلع يعنى لما اكون مليت بقى وعاوزة انام اروح هناك وقال اية عشان ضميرى ما يوجعنيش اقوم اخد كتاب معايا

كدة وكدة يعنى

من زاوية تانية .. عشان برضه تشوفوا الهدية اللي جتلي الاسبوع اللي فات

مصرية الهوى مشاركة بتاريخ اليوم, 08:16

PM

جيجى فين الهدية وحياتك الواحد طالع من الامتحانات موش شايف قدامو

[nancy]

بما انك شيفانى تيتا انا حاغتت

اولا بتقولى 19 سنة مذاكرة اية يا جيجي بتحسبى الحضانة يا ماما ولا ريحتى كام سنة فى النص :angry2:

وبعدين دى اوضة بنات ( زى ما بقول لبناتى)

بس احيكى على انك حطة العلم وطنيه يا جيجي

بس سيبك انت شخصيتك زى اوضتك كلها حاجات مختلفة ولذيذه زيك

[مصرية الهوى]

اهى الصوره التالته دى حبيبتى .. انا يا مصريه ما كنتش اعرف اذاكر غير عالسرير

لو قعدت على مكتب انام وازهق.. احس كده بحراره وخنقه .. لكن عالسرير احلى

مذاكره وحياتك بس على ايامى ماكانش الكمبيوتر اللى بيصادروه كان الراديو

بس تعملى ايه عمرهم ما صدقوا انى مابعرفش اذاكر غير والراديو شغال.

ربنا يوفقك وتخلصى .. بس بكره الايام دى حتوحشك قوى زى ما وحشتنى .

Yacho يا حبيبتي ازاي بتذاكري والراديو شغال ...

ده أنا لما بسمع دبيب نملة مبعرفش أذاكر :blink:

أنا حاسه فعلا ان الايام دي هتوحشني .. أنا بحب الدراسة والكلية .. بحب فيها وقت المحاضرة والنقاش مع الدكاترة والتقارير والبحوث اللي بنعملها والتعب اللذيذ والسلالم اللي نطلعها وننزلها والحر والبرد وكل حاجه جوا الكلية .. لحد أيام الامتحانات .. ويجيبولي كتاب ويقولولي ذاكري مبحبش كده ابداااااااا ..

يامصريه يابنتي(وش زكي رستم في فيلم نهر الحب)

بلاش تضيعي وقتك في الكلام ده

الواحد لازم يشغل عقله في اللي يفيده

احنا جايبن لك الكمبيوتر علشان تعملي لنا برامجيات واشياء مفيده

مش كل شويه داخله علي الجماعه دول اللي اسمهم المصريين

قومـــــــــــــــــــــــــــــــــــــــــــــــــــــــــــــــــــــــــــــ

ـــــــــي ذاكري

ماشي يا عم خضر ..

أنا قااااااااااايمة أذاكر اهووووه ... حتى هنا كمان بيقولوا قومي ذاكري

:blink:

مصرية حبيبتى اولا اوضتك حلوة اوى

ثانيا نعكشة مكتبك تجنن فيها شبة من مكتبى اصلو لو مرتب معرفش اذاكر

ولما تلاقية مرتب معناة حاجة من الاتنين

انى خلصت مذاكرة او ما ذاكرتش وكنت قاعدة سرحانة او بلعب ف اى حاجة

اما بالنسبة لمذاكرة السرير دى دلع يعنى لما اكون مليت بقى وعاوزة انام اروح هناك وقال اية عشان ضميرى ما يوجعنيش اقوم اخد كتاب معايا

كدة وكدة يعنى

من زاوية تانية .. عشان برضه تشوفوا الهدية اللي جتلي الاسبوع اللي فات

مصرية الهوى مشاركة بتاريخ اليوم, 08:16

PM

جيجى فين الهدية وحياتك الواحد طالع من الامتحانات موش شايف قدامو

سهيلة ..

ده من زوئك يا حبيبتي ..

أنا مبعرفش اذاكر الا كل حاجه حواليا تبقى منعكشة عشان اعرف اركززززززز mfb:

خلصتي امتحانات ( وش وحده هتحسدك -_- )

أنا لسا كمان أسبوع وهأبدأ ...

ادعيلي وأنا اديكي الهدية اللي عندي :D

بما انك شيفانى تيتا انا حاغتت

اولا بتقولى 19 سنة مذاكرة اية يا جيجي بتحسبى الحضانة يا ماما ولا ريحتى كام سنة فى النص mfb:

وبعدين دى اوضة بنات ( زى ما بقول لبناتى)

بس احيكى على انك حطة العلم وطنيه يا جيجي

بس سيبك انت شخصيتك زى اوضتك كلها حاجات مختلفة ولذيذه زيك

نيجي بقى لتيته نانسي العسوووولة :P ..

بصي يا تيته أه أنا حاسبه الحضانة .. مش بصحى الصبح غصب عني وأروح لحد الظهر وأرجع وأنا تعبانه صحيح انه كنا بنقضي الوقت لعب وجري .. بس لازم نحسبها من مشوار الحياة والدراسة ..

شفتي الوطنية اللي عندي أهم حاجة العلم وسارعي للمجد والعلياء :blink:

طيب كويس انك قلتي ان اوضتي تعكس شخصيتي .. متعمليش زي وحده صاحبتي بتقولي اوضتك يا جيجي كيوت خالص وبنوتية اوي .. حاسه ان صاحبتها وحده رقيقة اوي وهادية اوي .. وانتي بصراحة شقية ومندفعة وجريئة :blink: .. قلتلها يا بنتي دي تعكس حاجات جوايا انتوا مش شايفينها :angry2:

[عصفور طاير]

يا سلام يا جيجي فكرتيني بشارع خمسة (شانز عليشة) عند جامعة البنات، والكراسي المكسرة والمباني القديمة للجامعة.. يا سلاااام ..

كانت أيام وحشه جدا في الحقيقة.. أنا عمري ما حبيت المذاكرة ولا الدراسة، ولا اللي بيذاكرو ولا اللي بيدرسوا.. :blink:

حاجة تعيسة جدا ربنا يعينك عليها.. وأسوأ ما في الدراسة المذاكرة، وأسوأ ما في المذاكرة المواد اللي مالهاش لزمة اللي بيكملو بيها المنهج، وأسوأ ما في المنهج الالتزام ، وأسوأ ما في الالتزام الامتحانات، وأسوأ ما في الامتحانات النتيجة، وأسوأ ما في النتيجة إنك تطلعي بمواد، وأسوأ في إنك تطلعي بمواد إنك هاتزودي مواد السنة اللي بعدا، وأسوأ ما في إنك هاتزودي السنة اللي بعدها إن السنة اللي بعدها هاتبقى خنيقة أكتر، وأسوأ ما في إن السنة اللي بعده هاتبقى خنيقة أكتر إنها أصلا خنيقة............ وتستمر الخنقة لغاية ما تخلصي، دا طبعا غير خنقة الجواز بعد كده.. يعني بصراحة إنتو ضحايا في الحياة دي..... حاولو تعيطو على أد ما تقدرو mfb:

أنا بصراحة لو منك تسيبي الدراسة وتفتحي محل فول وتميس. :angry2:

قومي ذاكري قومي.. ربنا يصبرك :blink:

تم تعديل 14 مايو 2006 بواسطة عصفور طاير

[nancy]

ادة انت غلبت زهيرى فى تهدية النفوس بقيت استاذ

كدة البنت تذاكر ازاى دة انت حطمت معنويتها

:o

[مصرية الهوى]

من غير ما توصي يا عصفور ..

اهوووه

والفول والتميس جايين في الطريق ..

بس اخد الشهادة الاول علشان أحطها في إطار جميل وأعلقها على الحيطة ..

بس انت عرفت الشانزليزيه اللي في عليشة ازاي :o اكيد قريت بنات الرياض ؟؟

متخفيش يا نانسي ..

أنا عارفه مصلحتي كويس خبرة 19 سنة في السجون قصدي المدارس ..

[عصفور طاير]

برافو عليكي يا جيجي.. فعلا قريت بنات الرياض، وعلى فكرة دي رواية عبقرية فعلا.. والبنت اللي كاتباها (رجاء الصايغ) فعلا متميزة ولها أسلوب جذاب للغاية رغم الهجوم اللي اتهجمته، لكنها بجد جريئة ومبدعة.

مش هاتقومي تذاكري بأه :o

[se_ Elsyed]

جتنا نيلة في حظنا الهباب :o

مكتب وأوضة وسرير ريش نعام

ده انا لو كان عندي الحاجات دي وأنا صغير كنت زماني بقيت إينشتين زماني ...

[مصرية الهوى]

برافو عليكي يا جيجي.. فعلا قريت بنات الرياض، وعلى فكرة دي رواية عبقرية فعلا.. والبنت اللي كاتباها (رجاء الصايغ) فعلا متميزة ولها أسلوب جذاب للغاية رغم الهجوم اللي اتهجمته، لكنها بجد جريئة ومبدعة.

مش هاتقومي تذاكري بأه :o

اه فعلا انا جدا عجبني أسلوب رجاء في روايتها ..

بس بجد الرواية دي صدمتني فعلا ..

ليا عليها تعليق كتير .. هأبقى أقوله ان شاء الله لما دماغي تفضى واروق ..بعد الامتحانات ..

بس برضه مش هأقووووم اذاكر .. بقالي 3 ساعات قافلة على نفسي ..

مش من حقي اشم شويه محاورات وماسنجر الله :happy: !!!

جتنا نيلة في حظنا الهباب <_<

مكتب وأوضة وسرير ريش نعام

ده انا لو كان عندي الحاجات دي وأنا صغير كنت زماني بقيت إينشتين زماني ...

ههههههههههههههههههههه

بابا بيسمي مكتبي مكتب رئيسة الوزراء ..

بس اينشتاين ايه يا عم ..

هو لو اينشتاين كان حاسس بالراحة بقى اينشتاين :angry2:

خليها على ربك ..

[عصفور طاير]

'مصرية الهوى':

اه فعلا انا جدا عجبني أسلوب رجاء في روايتها ..

بس بجد الرواية دي صدمتني فعلا ..

ليا عليها تعليق كتير .. هأبقى أقوله ان شاء الله لما دماغي تفضى واروق ..بعد الامتحانات ..

ماليش دعوة.. قولي دلوأت :o

[مصرية الهوى]

طيب ماشي ياعصفور هأقولك بس متعيطش <_<

أنا بصراحة اتصدمت بالرواية .. ليه ؟؟

عشان أول مرة أعرف انه فيه ناس في السعودية عايشين كده ..

يمكن عشان المجتمع السعودي مجتمع مغلق .. فمحدش يعرف حاجه عن الناس التانيين اللي في غير مستواه ..

يعني مثلا الطبقة المخملية في المجتمع زي الأمراء والا رجال الاعمال الكبار اوي ..

محدش يعرف حاجه عنهم وعن طريقة حياتهم ..

وكمان بحكم اني من الطبقة المتوسطة العادية وبرضه عايشة في بلد صغيرة وهادية.. فلاحة يعني ..

كل الناس اللي حواليا في نفس مستواي .. نفس تربيتي .. نفس حياتي ..

عمري ما قابلت حد من الهاي كلاس في المجتمع ..

فمكنتش عارفه حاجه ابدا عن حياتهم ..

ورجاء الصانع برضه قالت في الرواية .. انها بتتكلم عن طبقتهم ..

ولما سمت الرواية بنات الرياض مش تقصد بنات الرياض كلهم ..

وفعلا مش كل بنات الرياض كده .. اقولك كده يعني ايه ..

انا اللي اتفاجأت فيه بصراحة ..

زي مثلا لما قعدوا بيشربوا ويسكي عادي جدا ..

والا سديم لما كانت رايحة لندن لوحدها وتقابل فراس وعادي جدا ..

والا ميشيل لما كانت عايزه تتجوز ابن خالها الامريكي ومش في بالها انه مسيحي ..

يعني حاجات كتيرة اتفاجات فيها ..

طبعا غير موضوع الصحوبيات اللي في نظرهم حاجه عادي جدا .. وكل وحده ليها بوي فريند ..

عشان كده انا اتفاجات لانه ده مش في تربيتي خالص ولا في المجتمع اللي انا عايشه فيه ..

وكنت فاكره انه كل السعودية .. بس الرواية كشفت المستور ..

بس طبعا فيه حاجات كتيرة في الرواية .. فعلا تحصل في السعودية ..

بس الحاجة اللي غاظتني انها كانت بتتكلم عن قمرا اللي اصلها قصيمية زي ماتكون بتتريق عليها ..

بشكل عام اسلوب الرواية كان حلو ..

بس انا شايفه انها اخدت اكبر من حجمها .. يمكن عشان الموضوع عن بنات السعودية باعتباره موضوع محدش تكلم عليه قبل كده بالتفصيل وبالجرأة اللي اتكلمت بيها رجاء ..

طيب انت ايه رايك في الرواية :o ..

وفهمتها ازاي اصل اغلب الحوار باللهجة المحلية ؟؟

[عصفور طاير]

طبعا كلامك عن المفاجأة في الرواية يعتبر بالفعل أهم ما يميزها.. لأنها بالفعل صدمت ناس كتير بموضوعها، وكشفها للحياة الخاصة للطبقة المخملية المذكورة، وللتركيبة النفسية والاجتماعية لهذا المجتمع الخاص.. دا بالنسبة للموضوع.. أما بالنسبة للشكل فكان بنسبة كبيرة جدا موفق ومبتكر ومناسب تماما للموضوع، لأنها اختارت صيغة السرد على لسان واحدة من البنات الأربعة، والسرد ده بيتم من خلال جروب على النت، يعني شيء أشبه بالمنتدى، وده برضه يتناسب تماما مع الشخصية اللي بتسرد الأحداث وعن صديقاتها بطلات الرواية، وكان كل فصل من الرواية بيبدأ بعرض المداخلات والتعليقات على حكاياتها، ولم تغفل هي أيضا توقع رد الفعل على الرواية من خلال المداخلات التي ساقتها، والتي كانت تعبر عن رفض واستغراب واستياء أحيانا من المداخلين على إن ده ممكن يكون بيحصل في أحد مجتمعات السعودية.. وكمان كان أسلوب الراوية (اللي بتحكي يعني) يتسم بالشقاوة والدلع والجرأة الشديدة، وده برضه يتناسب تماما مع البنات الأربع المذكورات في الرواية، يعني مافيش تناقضات بين الخط النفسي والسلوكي للشخصيات.. أما عن العمل الأدبي ذاته، فبالفعل رجاء الصايغ قدرت تقدم أسلوب غاية في الجاذبية والرشاقة وخفة الدم، يعني قدرت تسرق اللي بيقرأ هذا العمل لمعرفة التفاصيل واكمال الحدوتة ومتابعة الأحداث بشغف شديد.. وده على الأقل اللي حصل معايا.

أما عن موضوع القصيمية الي انت قلتيه، فبطلي تعصب القصمان ده.. الله <_<

هيه طبعا بتتكلم من منطلق مجتمعهم المنفتح، مش كرجاء، لكن كواحدة من بطلات الرواية المنفتحات جدا.. لكنها بشكل عام قالت عن بنات المناطق والأقاليم الأخرى أنهم لطاف وجذابات وطيبات، لكنهن منغلقات فعلا ومحافظات للغاية..

دا يا ستي رأيي باختصار شديد.. فأنا من مشجعي هذه الرواية بشدة، لأني من مؤيدي فكرة الصدمة في حد ذاتها، لأنها تحرك المياه الراكدة.. أما عن اللهجة فأنا مؤكد أفهمها لأنها ما كانتش مغرقة تماما في المحلية لهذه الدرجة.. وبعدين أنا أي حاجة عن المجتمع السعودي بتستهويني جدا، وأنا دائم البحث في أغواره، حتى علوم القبايل.. وعندي صحاب سعوديين من عرعر إلى شرورة.. وبيني وبينك ناوي أعمل كتاب عن المجتمع السعودي.. ولو عندك أي حاجة ممكن تفيدني يبقى كتر خيرك.

مش كفاية الوقت اللي ضيعتيه دا كله وتقومي تذاكري بقى؟ :o

قوووومي :angry2:

[nancy]

هو انت يا عصفور تفضل تحكى وتسهيها وبعدين تفتكر ان عندها امتحان تقومها تذاكر :o

اشكركم على حكاية الكتاب دة حاجيبة اكيد حالاقية هنا ولما اخلصة حاقولكم راى فية

لان حاتكون اول مرة اقراء لكاتبة سعودية موضوع سعودى كمان

[eastsoul]

ربنا معاكي يا مصرية ... شدي حيلك في المذكرة

[مصرية الهوى]

أقوم ازاي ....

فيه حد بعد كلامك ده يقوم .. يا راجل ده أنت طلعت حكاية :angry2:

أنا فعلا معاك مؤيدة على طول الخط لكاتبة الرواية على فكرة اسمها رجاء الصانع مش الصايغ :happy: دول عيلة ودول عيلة :ph34r:

يعني بأيدها إنها تكتب عن الحياة اللي هي عايشاها .. وبصراحة كانت حركة جدا غبية وسخيفة في نفس الوقت منع تداول الرواية في السعودية الا من تحت الطربيزات .. انا مش عارفه ايه التخلف من العبقري اللي طلع القرار ده .. واغلب السعوديين جابوها من البحرين والامارات والا لبنان ..

بس فعلا زي ما قلت اسلوبها دلوع وجريء وشقي .. وطريقة ردها على ايميلات الناس وخصوصا اللي عارضوها كانت جميلة جدا من غير الدخول في مناقشات عقيمة مع المعارضين ..

بس توصل لحد القصمان .. أولع فيها :blink: :huh:

لا بجد انا بهزر متفتكرش اني متعصبة للدرجة دي ..

بس اللهجة كانت نجدية بحت يعني .. اذا كنت فهمت كل الكلمات يبقى انت خابز السعودية وعاجنها :)

وبالنسبة للكتاب اذا كنت بتتكلم جد .. اكيد اني هافيدك بحاجات كتير بصفتي بنت سعودية قصيمية :sad:

طيب ممكن اسأل انت ساكن في اي حته هنا ؟؟

والا من اسرار الدولة :o

بس برضه مش هأقوووم <_<

ولو شلت مادة ذنبي في رقبتك -_-

[عصفور طاير]

يا ستي الصانع الصايغ، أهم كلهم حرفيين والسلام :D

لكن موضوع منع الرواية دي أنا مش متأكد منه لأني شفته بنفسي في مكتبة جرير بجدة (ما طلعتش أسرار دولة ولا حاجة)، يا إما يكونوا صادروه بعد ما نزل السوق.. مش عارف.. وبعدين إيه الجرأة اللي انتي فيها دي (العبقري والغبي والكلام الصعب ده)..

عييييشيييي :huh: (تقدري تعتبري دا تهديد)

بس بجد لو تقدري تفيديني فعلا يبقى كتر ألف خيرك.. وخصوصا إنك قصيمية، والناس دول بالذات محيريني فعلا، وهابقى أقول لك ليه، بس لما تذاكري شوية كمان عشان نانسي بدأت توخز لي ضميري (كويسة توخز لي دي؟) :rolleyes:

وبعدين يا نانسي أنا مخلص وفاضي,, يعني أقعد أتفرج على التليفزيون، أخرج مع أصحابي، أقرا، ألعب، أنااااام.. كل الحاجات دي أعملها براحتي.. مخلص وماوراييش حاجة.. لكن الدور والباقي على اللي عنده مذاكرة وقافل على نفسة ومحاصر :ninja:

لا حول الله يا رب.. ماعلش يا جيجي، حاولي تقومي انتي تذاكري وسيبيني براحتي أنا أصفح النت وأعمل مداخلات، ولو تعبت هاقوم أنام شوية. :blink:

ياللا

[مصرية الهوى]

مااااااااااااااشي :rolleyes:

استنى عليا لاخر الشهر ..

ان ما نتفت لك ريشك وقصقصتلك جناحاتك :huh: :ninja:

مبقاش انا جيجي :blink: