اذا اردت ان تكون......؟

[بنت شعنونة]

مشهورا..

اذا اردت ان تكون مشهورا.. فما عليك سوى..:

انك تصحى الصبح وتقول انا بــــــــهـــــــائي..

انك تنكش شعرك وتقول .......... انا عاوز اشيل اسم ابويا واحط اسم امي؟؟

ان تذهب في رحلة الى شرم الشيخ وستصبح مشهورا في الحالتين ( حــــيــــا او مــــــيــــــتــا؟؟!!)

انه يكون اسمك ايمن او اسم ابوك نور!!

انك تكون بتتكلم في المحظور... سواء سياسيا او جنسيا او دينيا!!!

انك تكون ......... مختل عقليا؟؟!!

والبقية تأتي.. :angry2:

[khedr]

طيب لو اسمي تامر

ما ينفعش...!!!!!!!

[مصريه بالكويت]

ممكن اكون قاضى شريف .........................واقول الحق .

ممكن كمان اروح لجاد شويرى .................يعملى فيديو كليب .(بس انا صوتى مش حلو) بس برضه هكون مشهوره

[yasovinas]

طيب ولو لبست طربوش في وسط ميدان التحرير

او لو لبست نظارة شمس ورحت للمصوراتي صورني

طيب لو كنت بنت وقلت ان س س اتجوزني عرفي وبعدين ضحك علية واخد منى الورقة

طيب لو شربت البشر كوووولهم شربة خروع وقلت لهم معايا مش هتقدر تفتح عنيك

او اذا بقيت رئيس نادي وكل يوم ارفع قضية على اي حد في مصر الحروسة ما عدا حسني واولاده طبعا

طيب اذا قلت ان انا بفسر الاحلام واني بعالج الربو والسرطان والبري بري وحتى الزهايمر بالعلاج الروحاني وقلت ان انا معايا دكتورة

وللحديث بقية ؛؛؛ان كان في العمر بقية

[nancy]

بحب موضعاتك يا شعنونة

طيب لو قلت انا نانسى عجرم تفتكرى اشتهر برضة :o

[مصرية الهوى]

بسيطة ...

البسي من غير هدوم .. واطلعي ارقصي في الفيديو كليبات ..

واتجوزي مدير أعمالك عرفي ..

وتوته توته خلصت الحدوته ..

[محمود الشاعر]

انك تشتري مرركب وتكب عليه السلام

انك تمسك مجلس أدارة جريدة قومية

أنك تكون مدير اتوبيسات عامة

و الاحسن من ده كله

تبقى مدير عام مراجيح مولد النبي

[واحد تاني]

بعد اذن شانا هستخدم المساحة دى عندك

للجزء التاني من اذا اردت ان تكون......؟

مبدعا .....

والناس تقول انك مثقف

وحداثي

و كاتب تجريدي

اكتب كلام زى ده *....

"تتصببين عرقاً في كل مرة يبدأ فيها هذا الهوس المثقل بترنيمة تعمدت ثم رحلت.

يخترق مسام ذاكرتي ذلك الألق المتناثر كحبات النور الخدرة في وريد نسيت فن البحث عنه في غابات الصقيع.

تذكرين كيف كانت تبدو تلك المروج هناك, و كيف كانت تشتهينا المسافة بين ظل وردتين, كل وردة تسكن في أطراف مدينة, تتبادلان الظل كلما اشتاقتا لتذكر تلك الترنيمة.

عبث الصمت يضاجع موت الحفيف الأخير, لآخر ورقة تبقت من شجرة الأمنيات, حيث اختبأنا صغاراً, و تمنينا في الصبا, و تَلامَسنا كما خيوط الذهب التي تقلد شمساً تنعس في علبة حلوى.

الزر الثاني من معطفي سقط أمس, و أنا أحاول الخروج من بين رموشك للمرة الثالثة بعد المائة.

و أنتِ مضطرة.. يا ...... (تووووت) تجيبي إبرة و فتلة عشان ترجّعي الزرارين إلى مكانهم الطبيعي."

* النص من احدى المدونات

[بنت شعنونة]

:rolleyes:

والله كلامكم كله صح

محمود الشاعر عجبوني قووووووي اختياراتك :huh:

نانسي

دا انتي تتخطفي مش تشتهري بس :ninja:

واحد تاني.. فعلا كلامك صح..

نكمل...

اذا اردت ان تكون..............مـــخــــتـــــل عـــــقــــــلـيــا.......

اقتل ناس كتير واخفي حتت من اجسامهم؟؟

ادخل كنيسة واصرخ ب اعلى صوت وقول ......... أنــــــــــــا مــــســــــــلــــــم!!

ادخل مسجد وانت مربي دقنك ولابس قصير!!

اسأل ظابط المرور انت واخد رخصتي ليه؟؟!

اطلب علاوة او اجازة.... سياااااان..!!

و اخيرا.....

اركب في عربية السيدات في المترو... فتحصل على اللقب!؟ :blink:

[محمود الشاعر]

بعد اذن شانا هستخدم المساحة دى عندك

للجزء التاني من اذا اردت ان تكون......؟

مبدعا .....

والناس تقول انك مثقف

وحداثي

و كاتب تجريدي

اكتب كلام زى ده *....

"تتصببين عرقاً في كل مرة يبدأ فيها هذا الهوس المثقل بترنيمة تعمدت ثم رحلت.

يخترق مسام ذاكرتي ذلك الألق المتناثر كحبات النور الخدرة في وريد نسيت فن البحث عنه في غابات الصقيع.

تذكرين كيف كانت تبدو تلك المروج هناك, و كيف كانت تشتهينا المسافة بين ظل وردتين, كل وردة تسكن في أطراف مدينة, تتبادلان الظل كلما اشتاقتا لتذكر تلك الترنيمة.

عبث الصمت يضاجع موت الحفيف الأخير, لآخر ورقة تبقت من شجرة الأمنيات, حيث اختبأنا صغاراً, و تمنينا في الصبا, و تَلامَسنا كما خيوط الذهب التي تقلد شمساً تنعس في علبة حلوى.

الزر الثاني من معطفي سقط أمس, و أنا أحاول الخروج من بين رموشك للمرة الثالثة بعد المائة.

و أنتِ مضطرة.. يا ...... (تووووت) تجيبي إبرة و فتلة عشان ترجّعي الزرارين إلى مكانهم الطبيعي."

* النص من احدى المدونات

حرام عليك لو كان اللي انت كتبته بتاعك و بوظته فانت حر لكن لو مش بتاعك يبقى حرام عليك

لو انت مش بتحب نوع معين من الادب و الفن عموما مش معناه أن رأيك هو اللي صح انا عن نفسي لقيت روح شاعر عبقري فى اللي مكتوب صحيح محتاج شوية تظبيط ( حتى لو كان هو مين ) لكن لكل شاعر هفوة

بنت شعنونة لو دخلت عربية الستات فى المترو مش هيقولوا مختل عقليا هيقولوا حاجة تانية

أذا اردت أن تكون روش

انكش شعرك و غرقه جل

البس تي شيرت قصير يبين بطنك

البس بنطلون وسقطه

الوح لسانك واتكلم بقرف

أدخل المكان فارد عضلاتك وانت عارف مسبقا انك هتتخانق هتتخانق

يا سعاد .... يا سعاد ...... انا انضربت يا سعاد

[واحد تاني]

محمود يا عزيزى

هدي نفسك الموضوع مش مستاهل تحرم وتحلل ....

لأن الحلال بين والحرام كذلك بين, مش دا موضوعنا

الحياه ابسط من كده

والكلام ده مش انا اللى بوظته

كاتب الكلام هو نفسه اللى طلب الابرة والفتله

ما هو ميصحش يعنى يقعد كده من غير الزرارين بصراحة....

وروح الشاعر العبقري اللى طلعت لك من كلامه دى كانت مجرد شبح

وهو بنفسه هيقولك الكلام ده..... شوف كده كلامه

"هذا النص (باستثناء السطر الأخير) مهدى إلى جميع من يحترفون فن الهراء و التغريب الذي يحبون تسميته إبداعاً, و لغة حداثة..

هذا النص مهدى إلى الواهمين الذين احترفوا الوهم فأوهموا كثيرين- ممن هم على استعداد لتصديق الوهم- بأن هذا الوهم هو تجليات شاعرية تجريدية تتحرر من قيد النمطية و السطحية لتلامس المناطق ما وراء الطبيعية و لتتحول إلى آلهة ميثولوجية تحاكي منتهى الدفق التذوقي لدى الكائن البشري. ثم يصدق الواهمون وهمهم, و يبدأون في وهم التجلي!! فن صفصفة الكلمات التي تحمل غموضاً و (تتويهاً) هو لعبة حرفية.. حرفة صنع قاموس (مختلف) و جديد, و من ثم ياتي دور التباديل و التوافيق لصنع اللغة.. المعنى يبقى مختبئاً في (****) القائل..والقائل سعيد بكل تلك التفسيرات لنصه.. لن يتفق اثنان على نفس المعنى.. كل سيفسره كما يحب أن يتوهم..أو لنقل.. كما يحب أن لا يبدو غبياً لم يفهم.. كلوحة سيريالية كاذبة.. قام صاحبها بسكب الألوان من (جردل).. فبدت كما شاءت الاقدار لها أن تبدو..

ملاحظة: أعتذر لكل من صدقوا (أثناء قراءتهم الأولى) أن النص يحمل أي معنى.. كنت أحمل (جرادلاً) من الكلمات (الملونة) و أصبها على لوحة بيضاء فارغة.. شكراً لتفهمكم..

ملاحظة أخرى: الإبداع و الحداثة و الفن الصادق.. لا علاقة لهم بما جاء في هذه التدوينة.. و لا عزاء للمزيَفين!

ملاحظة أخيرة: اللي على راسه بطحة يحسس عليها (لا مؤاخذة)."

انتهى كلامه ... رحمه الله

اسف يا شانا على التعطيل نرجع تاني لموضوعنا ......اذا اردت ان تكون......؟

[محمود الشاعر]

واحد تاني

شكرا يا عم أنا بحسس على البطحة أهه مبسوط

عموما شكرا يا ريس على ( لا عزاء للمزيفين ) وعلى فكرة انا مش ههرب واقوللك أني كنت بهزر بس لو سمحت فى صورة اتكتبت حلوة جدا ممكن تقرأها بهدوء

كيف كانت تشتهينا المسافة بين ظل وردتين

انا عن نفسي عجباني

بس يا واحد تاني من غير خناق ولا زعل الشعر مش مجرد كلام حلو أو كلام غير مفهوم ومش هعرف احط تعريف للشعر

عموما فى ناس كتير اتوهموا انهم شعراء نتيجة الدجل الشعري و الثقافي الموجود ويمكن اكون انا كمان منهم ايش عرفني أو عرفك

معلهش على المقاطعة بس و النبي يا واحد تاني مين اللي كتب الكلام ده انت ولا واحد تاني

[واحد تاني]

صديقى الافتراضى محمود الشاعر....انت انسان محترم وذوق كمان

بس انا مش فاهم ليه اعتبرت الكلام موجه ليك تحديدا

فكرة الموضوع اننا نعمل (زووم) على صور معينة بنشوفها حوالينا ومش عارفين نبلعها

وعموما يا سيدى هات راسك ابوسها .... مفيهاش بطحة اهه وزي الفل

بس يا واحد تاني من غير خناق ولا زعل الشعر مش مجرد كلام حلو أو كلام غير مفهوم ومش هعرف احط تعريف للشعر

عموما فى ناس كتير اتوهموا انهم شعراء نتيجة الدجل الشعري و الثقافي الموجود ويمكن اكون انا كمان منهم ايش عرفني أو عرفك

كلام جميل .... وكلام معقول

يعنى متفقين والحمدلله .... ولمعوماتك الشخصية انا من هواة الحداثة وما بعد الحداثة وال (Deconstruction) كمان وبحب التجريب (مش التغريب) ولو تحب نتناقش اكتر فى الموضوع ده يا سيدى خلينا فى الخاص او نفرد له موضوع لوحده وانا معاك واكيد من غير خناق وربنا مايجيبش زعل....تحياتي :ph34r:

ياللا بقى نرجع لموضوعنا..... اذا اردت ان تكون......؟

[محمود الشاعر]

انا اسف للمرة الاخيرة على مقاطعة الموضوع بس كان لازم أحي صديقي الافتراضي العزيز على كرم اخلاقه و زوقه فى الرد

تحية ليك وحب خالص

شكرا

أما أذا أردت أن تكونصاحب شركة ناجح

اجر مكتب قانون جديد و انشر اعلان فى الجرايد واعمل مقابلة بخمسة جنية ( طبعا الغلابة كتير شوف هتلم كام ) ؟؟؟؟

أشتري منتجات فات ميعاد صلاحيتها بتراب الفلوس من زبالة أوروبا و بعها باسعار فى السحاب ( طبعا العبط كتير ) ؟؟؟؟

أشتري حاجات من الصين بتبوظ بعد ربع ساعة وبعها رخيص و الصيانة بأضعاف أضعاف السعر الاصلي

هات موظفين غلابة و مرمت بكرامتهم الارض

[nancy]

حلو صديقى الافتراضى دى

من محمود وواحد تانى ( مش عرفة اسمة ) مين مين ياربى :wub:

:wub:

اطلعوا من موضوع شانة لحسن تزعل يابتوع الافتراضى

هه اذا اردت ان تكون

امشى عكس الاتجاة فى اى حاجة :excl:

[بنت شعنونة]

اذا اردت ان تكون...

زعلان من شخص اخر...

ف ادخل موضوع شعنونة واتصالحوا هناك!!!!!!!!!! -_- :o :blush:

[المدهش]

في مصر الآن إذا أردت أن تكون مشهوراً أو صاحب منصب أو نفوذ فعليك الانضمام إلى لجنة السياسات بتاعة جمال مبارك..وإن لم تستطع فعلى الأقل احرص على الظهور بأي شكل في أي برنامج من برامج التليفزيون مش مهم تقول ايه المهم الناس تشوفك في هذا الصندوق السحري الذي يضفي أهمية على من يظهر فيه ليس بالضرورة يستحقها ..وأنا أعددت برامج تليفزيونية من قبل وأعرف أن المعدين يستسهلون ، فما أن يظهر شخص في التليفزيون ويتكلم في موضوع ما حتى يسارعون إلى السعي وراءه ويستضيفونه في برامجهم ليقول أي شئ وكل شئ ..وعلشان كده فيه ناس تحس إنهم متعينين في التليفزيونات كضيوف..يعني واحد مثلاً زي الدكتور ضياء رشوان وهو باحث سياسي مجتهد في مركز الدراسات بالأهرام طلع مرة في الجزيرة واتكلم عن جماعات الاسلام السياسي ومن يومها ..لو فيه أي عمل ارهابي وقع حتى في كوالالمبور يجيبوه ويقول البقين بتوعه..وهكذا ناس كتير جداااا..يعني لو عايز تبقى مشهور ابحث عن معد برامج وخليه يستضيفك في برنامج وبعد كده هتلاقي نفسك مقرر على الناس في البيوت وتطلع لهم مش بس من التليفزيون لكن يمكن مع المياه من الحنفية !!

[واحد تاني]

اذا اردت ان تكون...

فاهم حاجة .....

اعتذر <_<

واوعى تهوب هنا تاني :huh:

اعتذار :ph34r:

ومش متكلم تاني :huh:

[بنت شعنونة]

واحد تاني

ولا يهمك :)

انا كنت بهزر

المهم تكونوا اتصالحتوا بس :P :lol:

[أحمد عمر]

بس أنا بالفعل مشهور

اعمل ايه؟