اذا اردت ان تكون......؟

[hopsan]

اذا اردت ان تكون اب مجبوب ...اكتب اللى معاك لأولادك و اذا اردت ان تكون مجبوب اكتر سيب لهم البيت ...لأنك لو كسلت سينهى بك الأمر فى بيت العجزه ..فخودها من قصيرها و اعملها بنفسك ...يعنى بكرامتك افضل

[se_ Elsyed]

إذا أردت أن تكون مشهور

إكتب برنامج تعبير تلعن فيه سلسفيل أمريكا ...

إنضم للحزب الوطني وخدلك كورس رقص بالصاجات والشمعدان .

وإذا أدرت أن تكون مشهور قوي قوي إنضم للجنة السياسات

[ابو محمود]

والنبى المصرين دول زى العسل كلامهم سكر وضحكهم عمبر يارب تخلى مصر احلى واكبر .... انا ببقى سعيد كل مابدخل المنتدى لانى بغسل همومى وباخد اكسجين فى ريحة الجدعنة المصرية والود اللى مش لقية برة احنا اتغيرنا لية وعجبى مع خالص تحياتى

[Diab]

إن كان لابد تكون مشهور

يبقي لابد يكون لك دور

مش مهم يكون له لزوم

إن شاء الله تحلب حتي الطور

أيه رأيك في وظيفة ظابط

علي باب جريدة تقف وترابط :D

تقرا مقالة و تحبس صحفي

مين يستجري عليك و يغالط

ممكن صوتك صوت شكمان

طال بأذاه أنس و جان

فيديو كليب و بنت جميلة

و هوب في ليلة تكون فنان

زي شوبير ما كان واقف جون

أيام عدت كده وسنون

فجأة لقيته نايب في المجلس

وبقي مذيع في التليفزيون

و عجبي

حاجة كده من تأليفي علي ما قسم ( مع الإعتذار للشعر طبعا)

تم تعديل 2 يوليو 2006 بواسطة Diab

[nancy]

حلو الكلام يا دياب :D

[Diab]

شكرا يا نانسي :wub: أخجلتم تواضعنا

تم تعديل 2 يوليو 2006 بواسطة Diab

[بنت شعنونة]

حلوووووة جدا يا دياب

:)

ب تعتذر للشعر ليه بس؟

عاوزين نشوف من دا كتييييييييييييييير :D

قبطان الكلمتين بتوعك دول وجعوا قلبي اوي

بس للأسف واقعيين اوي

بس عندي سؤال على هامش الموضوع

لو والدك او والدتك راجل مسن وانت مسافر برا ها تتصرف وترعاه ازاي بجد؟

مش الفلوس ساعتها تبقى اهم من ولادك؟

:)

س س

انت عرفت قانون الصحافة الجديد والا لسا؟

حتى احنا ها نبطل نكتب يا سيييييييييييييييييين عشان هانروح في جيييييييييم و نووووووووووون بالضمة والمفتاااااااح كماااااااان :D

[hopsan]

بس عندي سؤال على هامش الموضوع

لو والدك او والدتك راجل مسن وانت مسافر برا ها تتصرف وترعاه ازاي بجد؟

مش الفلوس ساعتها تبقى اهم من ولادك؟

شوفى يا بنت شعنونه يا ست الكل

الحكايه مش كمياء ولا محتاجه تفكير او حتى تمحيص

الحكايه كلها تتلخص فى ( مثل ) و اللى يحسب الحسابات فى الهنا يبات

المثل بيقول ايه من زرع حصد

يعنى لو الواحد مننا ربى اولاده تربيه حسنه يبقى لازم يحصد ...و التربيه الحسنه مش مجرد كلام ..ده تعب و مجهود كبير ...و فاقد الشىء لا يعطيه ...يعنى لو معندوش القدره للتربيه الحسنه او لم يتمكن اهله من تريته شخصيا يبقى مش حيعرف يربى اولاده تربيه اللى تخليه مطمئن انه مش حيتبهدل لما يكبر

فحكايه المفاضله بين ان الأبن يختار الفلوس اهم من رعايه ابويه فى كبرهم لن تحتاج اكثر من جزء من الثانيه فى اتخاذ القرار ايا كان نوعه

فلا تلومى الإبن عن اى قرار اتخذه بل انظرى كيف تربى و عندها ستعلمين انه اتخذ القرار السليم

و قبل ما تناسب حاسب و كلمه حاسب دى معناها شوفى اهل الإبن كيف يعيشون و كيف يتعاملون و ساعتها اتخذى قرارك دونما خوف

انا اتكلمت كتير ....سورى ...برضون