كلام فارغ...

[بنت شعنونة]

اوقات احس اني سعيدة.. ومن كتر السعادة احن للأحزان!!

اوقات احس اني وحيدة.. ومن كتر الوحدة انسى الأمان؟

اوقات احس اني يتيمة.. ومن كتر اليأس افتكر اللي كان!

اوقات احس اني كئيبة.. ومن كتر البؤس.. اضحك كمان؟؟

يااااه

اوقات..

اوقات كتير اقول خلاص

هيا دي النهاية وما فيش ملاص

مش ناوية اكمل ولا اتكلم خلاص

ولا ناوية احس ولا اتألم ... خلاص

أوقـــات...!

أوقات احس اني اقوى من الريح

واني عود اخضر جريح

لكن في نفس الوقت صريح

ومن كلمته استمد قوته بدون تجريح

وان العقل كله في قلمي بدون مديح

واني في شطارة بياع سريح

ومهارة الطير في التسبيح

واناقة الجرّاح في التشريح...!

أوقات؟؟!

لكن يمر الوقت ويعدي

والاقي كل حاجا بتتغير من بعدي

ناس تقدر على بعدي

وناس تهوى بعدي

وناس تخبطك وتعدي

وناس تجرح وتهدي

وناس تداوى و تندي

وانا زي ما انا..؟

اوقات..

اوقات الظلم يكون انسان

والجرح يكون سطر في بنيان

والقتل يكون حرف ع الجدران

والدمعه تكون روح انسان

والضحكة تمن من الأتمان

اوقات حجات كتير وحشة

بتكون في الأصل حاجات حلوة

وعجبي :(

[khedr]

الله علي دي اوقات.....

بس العنوان ده مش كلام فارغ

بل كلام مليان

مليان اوقات صدق الانسان مع نفسه

مليان اوقات تأمل مع الدنيا والكون

مليان اوقات تخلو بها مع كل الجمال

مليان اوقات مع الحب والاحترام والتقدير