مشتبه بهم؟!

[بنت شعنونة]

قرأت وسمعت بعضا مما سأكتبه وحبيت اشرككم معايا فيه..

قرأت..

من المكروه الذي يصل الى درجة التحريم قول كلمة "حرام عليك" في مضمون الكلام ودا عشان انت كدا ممكن تحرم حاجا حلال او العكس ف انت كدا تشرع من جديد...!

من المحرمات قول كلمة ..

" لو انطبقت السما على الارض ما ها اعمل كذا او كذا .. الخ"

لآنك بذلك تكون تحديت الخالق في احدى صور يوم القيامة ..!

سمعت في احدى الكاسيتات الأسلامية

ان التسمية ب اسماء

كريم.. او استخدامها كصفة لا يجوز!!

بمعنى استعمال اسم من اسماء الله ك اسم من اسماء البشر لا يجوز..!

" مع اني كنت فاكرة "الـــ " التعريف دي تعطي صفة الألوهية وتنفيها عما سواها...!

و للحديث بقية... :angry2:

[khedr]

من الامور الكثيره هذه الايام.....

اختلطت كثيرا مفاهيم الحلال والحرام

ولكن يرزقنا دائما الله بالذي يوجهنا الي الصح والصيحيح

بارك في كل من يري الصح ويدل اخوانه عليه

[nancy]

الناس الى بيقولوا الكلام دة بيفتوا من غير علم يعنى كلمة حرام عليك مفهاش حاجة

لانك مش المفتى مثلا وبتحرمى دى مجرد كلمة

وكلمة تنطبق السما على الارض دة تعبير مجازى انك مش حتعملى كدة تحت اى ظرف

والتعريف بال يعنى اسماء الله غير كدة لا

وفية كمان بيقولوا حرام تقولى لجوزك يابابا او يقولك يا ماما ال كدة تبقوا متحرمين على بعض

وان حد يسمى ايمان وحد يسال عليها فتقولى مافيش ايمان فى البيت

كل دة كلام فارغ وناس معندهاش حاجة مهمه تقولها

[بنت شعنونة]

والله يا نانسي حتة الأسماء دي محتاجة شوية بحث عشان نعرف المظبوط لأني مش متاكدا منها

انما كلام الراجل اقنعني في موضوع تنطبق السما ع الأرض

يعني هوا الكلام خلص؟؟ :huh:

انا عن نفسي بطلت اقولها

ها الف لفة واجيبلكم بقيت الكلام :rolleyes:

[dr/alfa]

بارك الله لكي اخت /بنت شعنونة

بس لو تقوليلنا من اللى سمعتيه من الشيوخ ........ مفيهاش حاجة

[bogy]

يا دكتورة شعنونة مش ربنا سبحانه وتعالى سمى الرسول عليه الصلاة والسلام رؤوف رحيم؟ والاتنين دول من أسماء الله الحسنى! وفي سورة يوسف قال سيدنا يوسف عن نفسه: "... إني حفيظ عليم". وطبعا هنا ملاحظين إن التسمية من غير الألف واللام.

وكمان لو الاسم بيطلق على البشر العاديين زي كلمة الملك فلان الفلاني ومعروف طبعا إن الملك ده بيكون ملك لبلد أو عدة بلاد ومش بمعنى الملك اللي هو اسم من أسماء الله الحسنى طبعا!! وزيها برضه لقب العزيز اللي هو كان عزيز مصر في وقت سيدنا يوسف، ومعروف إن ده لقب زي الملك ومش معناه معنى العزيز اللي في أسماء الله الحسنى.

وده مش معناه إن ما فيش أخطاء في كلامنا اليومي، بالعكس ده في أخطاء كتيرة، زي اعتمدت على الله وعليك!! ده احنا زارنا النبي!! أنا اتوكلت على الله وعليك!! والنبي!! وحياة النبي!! وغيره وغيره :unsure: