السفاره الأسرائيليه في ميدان التحرير ؟؟؟

[علي البدري]

نشر الأهرام يوم الجمعه مقال لفاروق جويده عن بيع الجامعه الأمريكيه بميدان التحرير الي السفاره الأسرائيليه ...وعليه تنقل إسرائيل سفارتها من الدور العالي بمبني بجوار كوبري الجامعه الي قلب القاهره .....وقالت الجامعه الأمريكيه بالقاهره إنها نقلت جميع كلياتها خارج القاهره وهي تريد بيع المبني القديم لأنها ليست في حاجه إليه..... وأول من عرض شرائها هي إسرائيل .....فهل تتم صفقه البيع ...وهل توافق الحكومه المصريه علي مكان هذه السفاره في قلب القاهره.... وهل أمريكا سوف تضغط علي مصر لعدم الوقوف في وجه هذه الصفقه......

تم تعديل 14 مايو 2006 بواسطة علي البدري

[أسد]

أعتقد .. لأ ...

والأسباب كثيرة جداً ..

فاختيار السفارة في أعلى مبنى مرتفع ليس لعدم توافر مواقع أخرى في مصر ..

ولكنه لدواعي أمنية بحتة ... بكل تأكيد ..

هذا بالإضافة .. إلى أنه مهما كان مستوى غباء السلطة في مصر .. أو مهما كان مستوى عداءهم للمصريين ..

أعتقد أنها لسه ماوصلتش لكده ..

وبرضه هما محتاجين ألا يعطلوا المرور في ميدان التحرير ..

ومحتاجين الميدان مفتوح مش مقفول ..

وللعلم .. الموضوع من الناحية الأمنية لأي سفارة ..

لا يصلح ..

[khedr]

أميل الي رأي الاخ الكريم اسد اكثر

ولكن احيانا الغباء الحكومي يصل الي مرحله لا تعرف هذه الاشخاص كيف تفكر

ولكن الاسرائليين ليسوا بالغباوه التي تضعهم في ذلك المكان الحيوي الغير ملائم امنيا

[se_ Elsyed]

ومين قال إن الصهاينة لو أتقدموا بعرض شراء هايستخدموا المبنى كسفارة ؟

هما عايزين يكون لهم موطيء قدم دائم في مصر وإن شالله يعملوا المبنى " مسمط " حتى

أهم حاجة تبقى زي " مسمار جُحا "

وسبحان الله هذا هو الفرق بين دولة عندها كرامة ودولة حكومتها بتتعمد مرمطة كرامتها في الأرض

أمريكا أقامت الدنيا وأقعدتها لما شركة دبي لإدارة الموانيء رسي عليها العرض لإدارة بعض الموانيء الأمريكية ... في دولة بتتشدق بإنها رائدة الإقتصاد الرأسمالي الحر في العالم ... لحد ما أجبروهم إنهم يتنازلوا عن الصفقة ....

ومصر بتبيع ممتلكاتها لكل من هب ودب من كل جنس ولون .. بغض النظر إنها ممكلوكة للغير ولكنها في النهاية على أرض مصرية ....

أصل ما ينفعش يا جماعة نيجي بعد أكثر من ربع قرن نعلم حسني مبارك يعني إيه كرامة ويعني إيه سيادة ... ما ينفعش وفات الميعاد .

[khedr]

أهم حاجة تبقى زي

" مسمار جُحا "

عمي الكبير

هل تعتقد ان هما لسه بيدوروا علي مسمار

انا متهيأ لي انهم بنوا عمارات

واحتلوا شركات ان مكانش بالاشخاص بالعلاقات والتعامل

ياسيدي ربنا يستر علي البقيه الباقيه

لحسن اليومين بتوع الواحد لما ربنا يطول في عمره

اخرته بتبقي تخاريف في اخرتها

الله يرحمك با ابور قيبه

[se_ Elsyed]

عمي الكبير

هل تعتقد ان هما لسه بيدوروا علي مسمار

انا متهيأ لي انهم بنوا عمارات

واحتلوا شركات ان مكانش بالاشخاص بالعلاقات والتعامل

مانا عارف يا خضر ... بس زيادة الخير خيرين .. وخلي بالك الجامعة الأمريكانية موقعها مميز وبتبص على النيل .. يعني ممكن يقعدوا فوق السطح ويدلدلوا رجلهم - على رقبتنا كمان -