مين الحكم؟

[بنت شعنونة]

ناس كتير قوي ب تنصب نفسها حكام على غيرهم

اعتقد الكل كدا تقريبا

تحكم على شكل ومظهر وتصرفات وحتى سلوك ودين الأخرين..

لو بصيت لنفسك فجأة دلوقتي

ياترى هل انت بتحكم على الناس برضه؟

وحكمك دا بيبتدي امتى؟ من اول نظرة؟ والا اول كلمة؟ والا بعد فترة؟

هل تعلن حكمك امام الناس ومش مهم المحكوم عليه يحس ب ايه لو وصله كلامك؟ والا ب تحتفظ بحكمك لنفسك والا ممكن تتبادله مع المقربين؟

نسبة نجاحك ك حكم قد ايه؟

السؤال الأهم

هل من حقنا اننا نحكم على غيرنا؟

والا دا غلط؟ :rolleyes: :huh:

[khedr]

كلامك في محله تماما

ولكن الحكم علي الاشخاص قسمين

الاشخاص العاديين

الذين نتعامل معهم يوميا فلابد من التريث حتي نتعامل معهم في مجالات الحياه حتي نحكم عليه

اما الشخصيات العامه

فهناك كما تعلمي اتجاهات كثيره

وفيه اراء انك اذا عملت في المجالات العامه فلا بد من ضريبه

وقد تكون هذه الضريبه

ولكن اطلاق الحكم والتشهير و فرض رأي بعينه هو ده المشكله في ذلك

ما تتفهميه انت الان قد لا افهمه انا ........وما يروق لي ليس بالضروره يروق لكي

[بنت شعنونة]

كلامك صح يا استاذ خضر

لكن اعتقد ان المجتمع ادا نفسه احقية انه يحكم على الغير ببعض المدلولات وبقت زي المسلمات معدومة التغيير؟

زي 1+1=2 مثلا!!

يعني كمثال

امبارح عمرو اديب كان بيسأل عن موضوع بيع الجامعه الأمريكية للسفارة الأسرائيلية

وطلب منه احد المشاهدين الأتصال بسفير اسرائيل لكنه رفض

بصراحا استغربت جدا؟

مع انه نحن من يحتاج لسماع رده؟

هنا حكمت على الراجل وكلامه قبل ما اسمعه لأن لدي خلفية عن امثاله

لكن ما عنديش خلفية عن الراجل نفسه؟؟

مثال تاني

يقولك بنات الطب محترمات لازم

لكن بنات كلية اداب او تجارة ربنا يستر علينا

!!!!!!

شيء غريب

مرة اتعرفت على واحد خريج تجارة مصر اصرار غريب جدااااااا انه يتجوز دكتورة

ولما سألته ليه

رد عليا بمنتهى الصراحا او الوقاحة مش عارفا اخنار مين

وقال

عشان الطب كلية صعبة وعاوزة مذاكرة طوووول الوقت ف البنت ما عندهاش وقت "تصيع" برا مع اي ولد او في الرحلات

لكن تعالي شوفي بنات كليتي مثلا صايعين طول السنة

!!!!!!!!!!!!!!!!!!!

الصراحا ذهلت من حكمه المبني على اساس خرافي تقريبا

لكن اهو حكم وهوا مقتنع بيه

هل ممكن نغير قناعتنا الشخصية تحت مسمى اعطاء الفرص

والا هل القناعات العامة دايما صح

زي مثلا

البنت ما تتجوزش مطلق عشان العيشة السودا

او رفض المجتمع ان بنته تبقى زوجة تانية عشان المشاكل المحتمه!!

احنا مين في دول؟ :ph34r: :lol:

[bogy]

شوفي يا دكتورة شعنونة

بما إن سيادتك دكتورة وسيدة العارفين :lol: الموضوع اللي أثرتيه ده عرض من أعراض المرض مش المرض نفسه. احنا في مجتمعاتنا في خلل فظيييييييييييع في القيم والمفاهيم في كلللللللللللللل حاجة!!! يعني تلاقي الناس مش بتخرج خارج دائرة شخصيتها وتجاربها الذاتية. يعني مثلا واحد شخصيته بيغضب بسرعة، فلما حد يقول أدامه كلمة تحتمل أوجه معاني كتيرة مثلا، يحس إن الشخص ده غلط وإنه لازم يغضب منه، في حين إن الشخص نفسه هو اللي فيه عيب الغضب وهكذا كل حاجة!!

الناس كمان في عصرنا ده بقت تحت تأثير إعلام خربااااااااااااان وقيم أسرية معدووووووووومة وجهل مركب وأنانية وحب للذات على حساب القيم والمبادئ وعلى حساب شعور الآخرين!!!!!!!!!!!!!!

وكل اللي ذكرتيه ده عن بنات تجارة وآداب والكلام الأهبل بتاع الراجل ده كله أعراض للمرض مش المرض نفسه، لأننا لو كنا كويسين كنا هانفكر بطريقة سليمة وموضوعية!!!!!!!!!!

يا ترى عندك علاج بقى للمرض؟ :ph34r:

[بنت شعنونة]

معنى كدا اننا ما عندناش شخصية مستقلة واننا ما شيين مع التيار؟.

يمين يمين شمال شمال؟

ماحدش عنده قناعات خاصة فيه او مباديء بناء على تجربة

زي اللي بيعيشوا حياتهم اعتمادا على الأمثال الشعبية؟

يبقى احنا كمان زيهم؟ :huh: