للرجال فقط ....لو دخلتن ستندمن !!!

[النسر المصري]

بسي انا معاكي بس ده مش تعميم

رشدي اباظة ايه وعمر الشريف ايه انت ماشفتيش صورة النسر فى اجمل من كدة

الله يكرمك ياستاذ محمود ياشاعر

بس انت تقصد انهي صورة :rolleyes: :lol:

اللي قبل الخبطة ولا اللي بعدها :P

[المدهش]

المشكلة يا أحمد إنك اعتمدت على نجمات السينما في الحكم ..ومعظم النجمات زمان كانت أصولهن أجنبية ..يعني ميرفت أمين أمها اسكتلندية ..وكذلك نجلاء فتحي فيها عرق أجنبي..وقبلهما مريم فخر الدين أبوها مجري، ونفس الحكاية ليلى فوزي وحتى شادية أصولها تركية ..أما الآن فالموجود إنتاج محلي ميه في الميه ..لكن قل لي يعني مش عاجبك رقة منى زكي ..وفتنة سمية الخشاب ..وجمال نيرمين الفقي ..وخفة دم حنان ترك"أعتبرها خليفة سعاد حسني..أما اذا كنت تبحث عن الألوان فعندك كثير..ونفس الحكاية بالنسبة للرجالة..لأن السينما قلبت كوميدي والشكل الجميل مش مطلوب في الكوميديا من أيام الريحاني واسماعيل ياسين..لكن الجيل ده برضه فيه جانات حلوين يعني عندكم يا بنات وسامة أحمد عز ورجولة أحمد السقا وغيرهم ..يا سيدي المشكلة إن نسبة الجمال زادت بشكل مؤذي ..والملابس ضاقت زيادة عن اللزوم ..إسألني أنا لسه راجع من مصر من أسبوعين..إنت بس اللي باين عليك ما دققتش كويس.

[زعلان]

المصرية باة بتكون على بعضها حلوة زى طريقة كلامها انها لماحة او دمها خفيف او جدعةاو طريقة لبسها حلوة

عندي اعتراض على طريقة لبسها حلو ... 90% منهن زوقهم في اللبس فظيع ومرعب أحينا وكلهن بيلبسوا من عند نفس بتاع البالة حتى لو جايبه الهدوم من باريس فام حنفي مراة عبده البواب ما بتفرقش عن الدكتورة بكيزه مدرسة الاقتصاد

نادر لما أشوف بنت مصرية أنيقة :ph34r:

[yasovinas]

اولاً الموضوع موضوع رجالي ويتكلم عن مستوى الجمال في حريم مصر ايه اللي دخل كووول الحريم دول هنا

ثانيا كليو بحرفنه وموهبه فطريه مصممه تحول الموضوع من تحليل لجمال بنات مصر الى تحليل لرجولة ولاد مصر ودي موضوع مش محتاج نقاش ولا امثلة من نوعية سوسو اهرش لي في ظهري وسوسو طرقع لي صوابعي بتوع مصر الجديده والسبع عماير ؛؛؛؛ حضرتك عايزة تقارني وتتكلمي عن الراجل المصري شوفيه في مصر القديمه والحسين والسيده والحلميه وعين شمس وكمان روحي شوفيه في كل محافظات مصر المحروسه من اسكندرية لغاية اسوان يبقى كلامنا هنا ان الاغلب الاعم في رجال مصر هو الراجل الجدع الشهم اما ذلك المخلوق الذي يبحث عن راتب زوجته او خطيبته فهي قله وفي الغالب بيكون من نوعية ابن امه ،،،

نرجع لمرجوعنا ولموضوعنا جمال بنات مصر

كما قلت في مداخله سابقه الحكاية مش جمال شكل يعني شعر اصفر وعيون خضرا وبشرة بيضا لا ابدا الجمال الخارجي ,,,,وهو مطلوب ايضا لمن يدعي غير ذلك ,,,, هو جمال الشكل والتناس اوالتناغم وجمال الروح لا يمكن ان يكون موجود الا وينعكس على المظهر الخارجي لا نبحث هنا عن نجلاء فتحي او زبيده ثروت بل نبحث عن سعاد حسني وهي طبعا ليست فائقة الجمال عامة بل انها في المستوى العادي للجمال ,,,, المطلوب يا ساده هو عودة المرأة المصريه الى الانوثة {شوية انوثة يا ابناء حواء} الانوثه تعني الهدوء في الطبع الصوت المنخفض الحياء في الكلام "ولو مصطنع " الانوثه يا ساده وكلامي للحريم يعني ابتسامه خفيفة ظريفة عند الكلام نظرة هاديه خطوة رزينه الانوثه تعني تناسق في اللبس انا لا اطلب ان تلبس الفتاه المصريه البدي واللي من غير هدوم ابدا ولكن اطالب بملابس حشمه ولكنها شيك وجميله نظرة واحده على المجتمع المصري في السبعينات وبداية الثمانينات وحتى على المرأة العامله في ذلك الوقت او على فتيات الجامعه او على سيدات المجتمع ورواد النوادي

اما ما نراه في 85% من حريم مصر الان لفه ايشارب او بواقي الستارة اللي غيرتها في الصالون حوالين راسه كما لو كانت لفه راس بتلو وجايباها من عند الجزار

فستان بدون اي ملامح ومعاه كيس بلاستيك مستعمل من خمسين سنه وفي الغالب بيكون اسود من بتوع الزباله وطبعا لو شايله شنطه ودي كانت زمان من علامات الرشاقه والموضه والاناقه تلاقيها شايله مخلة من بتوع الجيش ولونها مثلا بني وهي لابسه فستان ازرق وحتى لونها البني جربان وباهت من كتر ما اتحرق في الشمس

الست تلاقيها واقفه على موقف المشروع وبتجري في المارثون تسبق الراجل علشان تلحق كرسي قبل غيرها وما فيش مانع انها تغمز الراحل اللي سبقها على باب الميكروباس كتف قانوني تقلبه على قفاه وممكن تطلع المشروع معتمده على راسة او على ظهرة في الصعود للميكروباص

وطبعا اسلوب الكلام والرد والمعامله وخصوصا من الموظفات الحكوميات الفاتنات فحدث ولا حرج

نانسي ، كليو ، اخريات الكلام ليس على نسبه ال5% من بنات حوا العاملات في شركات استثمار او الشركات الاجنبيه اننا نتحدث عن الاغلبيه الطاغيه من بنات مصر

[Tafshan]

مين اللي قال ان الرجالة بقت وحشة

اه صحيح :lol:

هو يعنى عشان الواحد عنده شوية تواضع يتفهم كده :ph34r:

ده الطلب على الرجالة المصريين اكوام اكوام اكوام .... و في الفَسَحة كمان :wub:

[MZohairy]

ثالثا الوش بس بتاع هيفاء الباقى ميخصهاش نهائىىىىىىى)

ياشديد أوي يا نانسي :lol:

أموت أنا في دقة الملاحظه :wub:

متهيألي ده كمان مش جسم محمود صح؟ :ph34r:

[محمود الشاعر]

بسي انا معاكي بس ده مش تعميم

رشدي اباظة ايه وعمر الشريف ايه انت ماشفتيش صورة النسر فى اجمل من كدة

الله يكرمك ياستاذ محمود ياشاعر

بس انت تقصد انهي صورة :excl: :wub:

اللي قبل الخبطة ولا اللي بعدها :wub:

لا يا باشا طبعا اللي قبل الحادثة أنا اقدر

بس بصراحة صورتك بعد الحادثة أجمل عموما انت شفت صورتي

الاخت نانسي الصورة ايوه من زمان علشان هيفاء وهبي من حبها لجمالي نشرتها فى كل الصحف والمجلات والنت

أعمل ايه اتجننت من شكلي

mzohairy

تقصد أيه ده مش جسمي هو علشان جسمي رياضي هتغير بقى

جميع الاخوة والاخوات

فعلا أحنا اصبحنا فى مصر نفتقر الى الذوق السليم فى اختيار الملابس وما يلائم المكان والزمان

وهذا نتيجة لعدة اسباب

انخفاض مستوى المعيشة و المرتبات مما يجعل الشخص يشتري ما يستره بدون النظر عن الذوق

انخفاض مستوى الزكاء الاجتماعى مما يجعل الشخص يرتدي أي شيئ فى أي وقت

انخفاض الاحساس بالجمال فنرى من يقدر على الشراء يشتري ما هو غالي دون النظر عن جمالية الشكل أو الملابس أو الملائمة مع الشخص

عدم الاحساس بالخجل و انخفاض مستوى الحياء العام فترى الشاب أو الشابة يلبسون المحزق والملزق والذي يشف و يرف ويبين ميغطيش

[nancy]

فعلا يا ياسو

الناس فى مصر مش بتلبس الى يناسبها وخصوصا فى الناس المطحونة مع ان الناس فى الستينات كانت بتشتغل وبتتعب وعندها حس وطنى وهموم عالمية كمان بس كانوا بيلبسوا ويقروا ويسمعوا موسيقى

دلوقت كلة بيلبس الى يلاقية موضة حتى لو وحش علية

زهيرى

شفت انا اجيب الحاجات دى وهى طايرة بس مش عوزة افسر اكتر لحسن يتكتب تم الغاء عضوية نانسى

وبعدين يا محمود لو دى صورتك

اوعى تورينا وشك ابدا وخيلك فى العالم الافتراضى احسن

يا نسر

انت مش معايا فى كل كلامى لية؟؟

وبعدين انت فين ياعم محدش سمعلك حس

مش مناخيرك خفت ولا حواجبك علت عليك :excl:

طفشان ونبى ما تتواضع وحط صورتك وخلصنا :wub: كل واحد يقولى متواضع متواضع

ولا ماتفتحوا موضوع وكل واحد يحط صورته وخلاص زوهيرى ونسر

حطوا صورتهم والى كان كان

يلا مين الشجاع الى يحط صورتة :wub:

[محمود الشاعر]

شكرا يا اختي العزيزة نانسي

ما كنش العشم

حاضر انا هحط صورتي الحقيقية

بس المشكلة ان مفيش مصوراتي عاوز يصورني

اعمل ايه

[nancy]

لا يا محمود احنا اصحاب

وبعدين مفيش داعى لموضوع الصور دة

اتعظ من الى حصل لعمرو

ربنا يرجعة بالسلامة