أكفل زملكاوي .. يكفيك شر البلاوي

[se_ Elsyed]

أنا قررت يا رجاله بدء حملة تبرعات موسعة تحت شعار " أكفل زملكاوي في بيتك "

وهاحاول أنسق مع بنك ناصر الإجتماعي - بتاع معاش السادات - ونفتح عندهم حساب لإستقبال التبرعات ..

وكمان خصصنا رقم تليفون من أبو زيرو 900 عشان مكالمات المواساة وريعه هايخصص لهذا الغرض .. والرقم هو 0900 ست ستات .

وكمان عملنا خط للإس مسات برضوا لنفس الغرض والرقم هو 0666666.

فلا تبخل يا أخي الكريم في مساعدة إخوانك بأي شيء تجود به .....

وخلي بالك من شعارنا وهو

" أكفل زملكاوي في بيتك "

[نورية]

اممممم :rolleyes:

طيب الحمد لله ... مش راح اشيّل حد همى لانى خلاص حولت من الزمالك للاهلى و لله الحمد

وصلتنى رسالة ع الموبايل النهاردة بتقول

(( قرر السيد الدكتور احمد نظيف رئيس الوزراء تحويل نادى الزمالك الى ................نادى فيديو))

[DARWEEN]

لا يا عم ... أنا ممكن أكفل أي حد

بس يكون

بعقله

:rolleyes: :lol: :P :huh:

[yasovinas]

انا ؛؛؛؛؛ واعوذ بالله من قولة أنــــــــا

هكفل زملكاوي وعياله كمان معاه بس يكون من سكن جده بالسعودية وتكون فيه علامه مميزة يعني ضربة مطوه قرصة ناموسة ودان غريبه خلاص هكفلة واسكنه عندي في البيت وكمان هجيب له مدربين واخصائيين نفسيين يحاولوا يعالجوه يمكن يرجع عن اللي في دماغه

[ATHENA]

انا ؛؛؛؛؛ واعوذ بالله من قولة أنــــــــا

هكفل زملكاوي وعياله كمان معاه بس يكون من سكن جده بالسعودية وتكون فيه علامه مميزة يعني ضربة مطوه قرصة ناموسة ودان غريبه خلاص هكفلة واسكنه عندي في البيت وكمان هجيب له مدربين واخصائيين نفسيين يحاولوا يعالجوه يمكن يرجع عن اللي في دماغه

انا زملكاوية عايزة كفيل و الأقربون للرابطة اولى يا ياسر :rolleyes:

بس صحيح حصل ايه عشان الزمالك يتكفل؟ هو خسر حاجه :P .اصلي كنت بمتحن و مش دارية باللي حصل

توضيح شوية لو سمحتم :lol:

[Cleo]

أنا إسمى زيزو :)

أنا زملكاوى من زمان ;)

مدير النادى بتاعنا مرتضى منصور :lol:

بنتغلب فى كل لقاء مع الأهلى من أكتر من سنة :rolleyes:

النادى بتاعنا مرفوع قضية عليه ويمكن أرضه تتصادر :huh:

هتساعدنى؟؟ :P

اتبرع ولو بجنيه :P

[ATHENA]

أنا إسمى زيزو ;)

أنا زملكاوى من زمان :P

مدير النادى بتاعنا مرتضى منصور :lol:

بنتغلب فى كل لقاء مع الأهلى من أكتر من سنة :rolleyes:

النادى بتاعنا مرفوع قضية عليه ويمكن أرضه تتصادر :P

هتساعدنى؟؟ ;)

اتبرع ولو بجنيه :)

لالالالالالالالالالالالالا وقفة بأه هنا :P

بيني إنتمائك الكروي يا أستاذة قدام الملأ كده و إكشفي الحقيقة بعدين تعالي لمي تبرعات لنادينا العريق :huh:

[مسافر زاده الخيال]

انا زملكاوي في مصر للابد........................ومعلش يامشجعي الزمالك الصبر ولا زلتم الاعلى كعبا فلقد فزتم على الاهلى في النهائي 6 صفر من قبل فهل يستطيع الاهلى فعلها ولو بعد مية عام؟

ان مشكلة الزمالك اساسا نفسية فلقد استطاع الاعلام الرهيب بث الروع في نفوس الزملكاويين بانهم ضعفاء واقل من الاهلي وقد نجح هذا الاعلام نجاحا باهرا...................

ياجمهور الزمالك طالما وضعتم في بالكم ان البطولة هي الفوز على الاهلى ستظلون تجرون وراء السراب .........لكن البطولة هي نيل الكأس او الدرع ومباراة الاهلى مجرد ثلاث نقاط (الا في الادوار النهائية)

وهذا هو تكتيك الاهلي (هو معيشكم دور الرعب والله) تذكروا سوبر افريقيا في جنوب افريقيا ؟

انظروا لمشاركة الاهلى في كأس العالم للاندية (حيث لا اعلام موجه لصالح الاهلي ) الاهلى بدون الاعلام ليس بالفريق القاهر ابدا ابدا ابدا ماذا فعل به اتحاد جده(رغم ارهاقه وعدم تحقيقه بطوله محليه)ولم يفز ابدا على اتحاد جده في مباراه رسميه

والدليل كذلك خوفه شبه الدائم من المشاركة في البطولات العربية ...........لماذا؟

لمعرفته ان الاندية هناك (رغم احترامها وتقديرها للاهلي والزمالك وهما يستحقان ذلك) لا يجعلون منه عفؤيتا وبعبعا لا يقهر

يازملكاويين ابدأو موسمكم الجديد لهدف البطوله واعتبروا ان مباراه الاهلى ثلاث نقاط فقط

وسيعود الزمالك نادي المهالك

وشكرا

[Cleo]

وسيعود الزمالك نادي المهالك

:rolleyes:

[الطيار المصرى]

انت بتقول سيعود الزمالك نادى المهالك.....

و انا بقول سيظل الزمالك نادى متهالك.... :lol:

و يا راجل بتتكلم عن مرة كاس السوبر...........

طب اتكلم محلي الاول............شوف الزمالك خده كام مرة و الاهلي خده كام.........و الكاس...............

عشان نكون علي بلاطة........فرق مصر كلها ماتنفعش تلعب برة...كلها فرق محلية.......لا تلعب علي كاس عالم للاندية و لا حتي كاس عمدة نيويورك............

فخليك محلي احسن..........

دى كانت القمة 97....احنا غلبناكم 33 مرة منهم......اللهم لا شماته يعنى...وربنا يزيد ويبارك للاهلى وعقبال القمة الجاية ان شاء الله

الطيار المصرى.....( ثانوية عامة....لا تعليق :ph34r: )

استفسار...امتى الزمالك غلب الاهلى ستة اساسا؟؟؟؟؟؟؟؟ مع العلم ان عبدالمنصف(ابو قصة)شال من الاهلي بس 13 جول فى خمس ماتشات..

[se_ Elsyed]

شكراً لجميع مُحبي عمل الخير الذين تفاعلوا مع الحملة

---

دة إس إم إس وصلنا من الشاعر الزملكاوي " حسن زُقلط " وهو كاتب قصيدة مطلعها بيقول

" زملكاويٌ أنا وسأظل إلى الممات --------------------- أُهزم وأُقهر وأبكي في سُكات

شكراً للأخ الشاعر زُقلط وسيتم تحويل رسالتك إلى مؤسسة " SOS "

-------

وده إي ميل وصلنا من المعلم هريدي الدوكش تاجر الملوحة المشهور بيقول فيه

" بهذا أُعلن تبرعي بزلعتين ملوحة للاعبي نادي الزمالك "

شكراً للملعم هريدي .. ومش جديدة عليك فياما كانت لك وقفات مُشرفة جنب النادي وخصوصاً في ماتش 6/1 .. وما ننساش ساعتها مرمغتك للنادي بكميات هايلة من الملوحة والفسيخ النبراوي وكمان البصل والليمون .

للتواصل مع المعلم هريدي .... Haridy_Eldoksh@yaboooy.com

-------

ودي رسالة قصيرة وصلتنا من الأنسية " سونا " بتقول فيها

أنا إسمي سونا .. وأنا في ثانوية عامية السنة دي .. وندراً عليه لو نجحت وجبت مجموع يدخلني معهد عبدو باشا ( السوروبون حالياً ) لأولع دستتين شمع على روح النادي .

- طيب يا ست سونا .. بالتوفيق إن شاء الله .. مش هاتبقى هزيمة وسقوط .. وأنا عارفك ساعتها ممكن تروحي تولعي في مرتضى منصور بنفسه .

-----

وده ميسد كول وصلنا من الحاجة شوقية الدمنهوري

وبتقول " أنا متبرعه بفردة حلق من بتوعي لدعم نادي الزمالك وشراء لعيبة من فوق القفص "

- شكراً يا حاج شوقية وربنا يديكي الصحة والعمر لحد ما تبيعي فردة الحلق التانية عشان نشتري القفص كله يمكن ربنا ينفخ في صورتهم وياخدوا كاس دورة رمضانية حتى .

-------

ودي رسالة من مجهول وشكله طفل صغير لإن الخط مش واضح وبيقول فيها

" أونكل ثين ثين .. أنا إسمي هيثم . وأنا بأحبك وأحب الأهلي قوي قوي يا عمو .. لكن بابا زملكاوي متعصب .. ولما بيعرف إني بأتفرج على ماتش للأهلي وأشجع أونكل أبو تريكه .. بيروح معلقني في الثقف ويقعد يضربني بعصاية المقشة .. وأنا مش عارف أعمل إيه "

- يا حبيبي يا هيثم يابني ... معليش يابني إستحمل عشان رسالتنا ... وأبوك الظالم ده منه لله . بس حاول تسمع كلامه .. وما تبينش فرحتك قدامه .. وأبقى أتفرج يا سيدي على الماتشات إن شالله في الحمام بعيد عنه "

-------------

أخر رسالة مُسجلة وصلتنا كانت في منتهى الغرابة ..

فهي عبارة عن ورقة فاضية بس مبلولة .. والله أعلم دي مبلولة إيه .. بس هانبقى حسني النية وهانعتبرها دموع .. وطبعاً الرسالة دي من واحد زملكاوي مقهور ..

-------

إلى اللقاء بعد الفاصل

وما تنساش شعار حملتنا

" أكفل زملكاوي في بيتك "

[Modest]

إلى رجال البر و الإحسان :wub: .... سي السيد و ياسو و " كليو :lol: "

نحن أسرة مكونة من 5 أفراد

زمالكاوية منذ نعومة أظافرنا

حاولنا التخلص من هذا الداء منذ وصول مرتضى منصور إلى الحُكم و لم نستطع

نسألكم مد يد العون .. نسألكم مد يد العون

فقط إلى أن يرحل مرتضى منصور

يمكنكم استثناء الزوجة من هذا الطلب لإنها مالهاش في الكورة لكن العيال مالهمش ذنب .. مالهمش ذنب .. مالهمش ذنب

نتمنى أن يلقى طلبنا هذا أهتمامكم و لكم جزيل الشكر على حسن إصغائكم :ph34r:

مرفق مع الطلب بحث اجتماعي صادر عن مديرية الشئون الاجتماعية بميت عقبة يؤكد صدق كلامنا

ملحوظة: برجاء بحث هذا الطلب في سرية تامة وعدم نشر إسمي على الملأ حرصاً على سمعة أولادي و مستقبلهم :wub:

[se_ Elsyed]

نتمنى أن يلقى طلبنا هذا أهتمامكم و لكم جزيل الشكر على حسن إصغائكم :ph34r:

رجاء إلى أعضاء لجنة التبرعات

أرجو إرسال زلعة ملوحة بشكل عاجل إلى الأخ ********* ( حُذف الإسم لضمان السرية )

[Farida]

ما تفرحش قوى كده يا س س امال لو ما كنتوش بتغلبوا بالحكام و بعرق جبينكم كنت عملتم ايه .......

انا و الأسرة اضطرينا ننزل بعد الماتش على طول لظروف طارئه و طبعا الأهلاويه ماليه الشوارع و فوجئنا بالأولاد الأهلاويه الصغننين بيحتفلوا ازاى .......و الله العظيم طالعين على صفايح الزباله الكبيره وواقفين فى الشارع يحدفوا اكياس الزباله من الصفيحه على العربيات اللى ماشيه :ph34r: :lol:

جوزى اشار فقط الى هذه النقطه بخبث و قال للبنات شايفين الأهلاويه بيحتفلوا ازاى و من ساعتها لما حد من الأقارب الأهلاويه يقولوا لهم ها مش ناويين تسيبوا الزمالك يقولوا طبعا لأ كفايه ان انتم بتشجعوا برمى الزباله على الناس :wub: :wub:

تم تعديل 16 مايو 2006 بواسطة Farida

[se_ Elsyed]

ما تفرحش قوى كده يا س س امال لو ما كنتوش بتغلبوا بالحكام

قصدك الحكام الإسكتلنديين ؟

وعندك يابني عدد واحد زلعة ملوحه للدكتورة فريده والعائلة الكريمة ... مش هايجيينا أعز منهم .

[Farida]

قصدك الحكام الإسكتلنديين ؟

لأ و انت الصادق الحكام اللى بيطردوا اللعيبه فى اول الشوط التانى على غلط اتعمل بعد انتهاء الشوط الأول ....اللى يغيظ انكم لو بتلعبوا حلو كده بتدفعوا للحكام هنا ليه ......

بخصوص الملوحه امى بتسلم عليك و بيتقول لك ممكن نمشيها رنجه اصل الملوحه دى اكله اهلاوى :ph34r:

[omar al masry]

ال بقولو الزمالك يقدر يلاعب الفرق الاجنبية ويغلبها و ان الاهلى بيكسب بالحكام

الله يرحم بيبو و بشير و بعدها الفضيحة سيسه وبشير فى متش فرنسا

و مساهمة منى فى الحملة فانا بتقدم بطلب من السيد وزير المواصلات بتوفير خط اتوبيس

من جون الزمالك لحد جون الخصم نظرا لعدم لياقة لاعبى المغفور له فريق المسالك وليس المهالك

تنويه........................................!!!!!!!!!!!

اعلن مرتضى منصور سحب التبرع للحكومة الفلسطينية نظرا للشائعات بان اسماعيل هنية اهلاوى

عاوز يعمل فيها رجل البر والاردان ال

بالمناسبه فى مصطلح فى الكورة بيطلق عليه 7 ده لما اللعيب بيلم لعيب تانى على شكل حرف 7

و لكن لاعبى الزمالك اضافو انجاز اخر وعلى راسهم كبير الجزارين مدافع الزمالك محمود محمود

بدل ما يعملها 7 عملها 17

[مصرية يعني مصرية]

بسم الله الرحمان الرحيم

السلام عليكم و رحمة الله و بركاته

نبث هدا النداء إلى أهل البرء و الإحسان و ان الله لا يضيع اجر المحسنين.

الأعمال الإنسانية

من سنة لأخرى، يتزايد اهتمام مؤسسة س س الأهلية بمساعدة ضحايا الكوارث الزملكاوية ليأخذ بعدا أكبر

علاوة على توزيع المؤن الغذائية والألبسة على الفئات المتضررة بمختلف جهات الجمهورية(القاهرة، الإسكندرية المحلة…)، انكبت المؤسسة مؤخرا على

نهج سياسة التبرع بالمدن والقرى المتضررة

بعض صور التبرعات

_ تأمين التدخل السريع والفوري لإنقاذ وإيواء الفئات الزملكاويةالمتضررة وتزويدها بالمؤن الغذائية

_ المساهمة في تقوية التغطية الصحية للمتضررين من جمهورهم و مسؤوليهم عبر تجنيد وتعبئة فرق من الأطباء

_توفير الأدوية والمستلزمات الوقائية الخاصة بمعالجة النادي وحماية الأفراد من الأوبئة

_سد الحاجيات الأساسية: الأفرشة والألبسة و المواد الغذائية و الأدوات المدرسية...

_ المساهمة في أعمال التنظيف والوقاية لتفادي انتشار الأوبئة

_ مواساة المتضررين وأهالي الضحايا

عن مديرالرابطة السيد س س

[مازن الدسوقى]

هكذا اصبحت اخلاق المصريين

لانستطيع ان نفرح دون تجريح الاخر .....

[Modest]

هكذا اصبحت اخلاق المصريين

لانستطيع ان نفرح دون تجريح الاخر .....

أخي الفاضل مازن الدسوقى

ربما يكون الرد أوقَع عندما يأتي من زمالكاوي زيك (و هو أنا :wub: )

الموضوع يا سيدي الفاضل فكاهي 100% كما جرت العادة قبل و بعد أي لقاء للفريقين و لا يخرج عن هذا الإطار على الإطلاق.. لذا أرجو ألا تعتبر فيه اي إساءة أو تجريح و يكفي أن تنظر أعلى الصفحة لتجد أنه في باب "دعوة للأبتسام " :wub:

و لك عليّ يا سيدي لمَّا نكسب الأهلي (مش عارف إمتى :excl: ) هاعمل موضوع نلم فيه تبرعات للأهلوية mfb:

و بعدين ناخد الغلَّة كلها لنفسنا -_-