أكفل زملكاوي .. يكفيك شر البلاوي

[ELSHAMY]

طمنتنا اللهي يطمن قلبك يا دكتور عقده ... يعني بالبلدي كده فاضل له قد ايه ويفيص ؟

فاضل له ماتشين...

دعواتكم...

[kokomen]

للرفع ...

بمناسبة الهزيمة الزملكاوية المُذلة من نادي الأوليمبيك الإسكندراني ..

الإسكندرانية دول طلعوا أبو احمدات بحق وحقيق

أيووووووووووووووووووووووه

تحية لرجال الأنفوشي البواسل ... يعني دكتور شامي . يعني أبو محمد كبير الاهلاوية بمحرم بيك ... يعني مدام سلوى أختنا الكبيرة وسيدة المحاورات الأولى .... يعني أخويا وحبيبي واحد تاني ( أبو عمر ) .. يعني أخويا ياسو ( أبو عمر ) في غيابه ..... وسمعني يا عم واحد وعشرين طلقة .. وبعدين أي موال حزين ...

موديست .. مستني منك ميسد عشان أعرف إنك حي

أحنا إسكندرانية .... بنشجع الأوليمبي لأنه نادي أسكندراني أصيل وكان يوم من الأيام في عهد الفريق سليمان قائد القوات البحرية

بينافس أقوى الفرق وكان الأهلي بيعمل للأوليمبي ألف حساب ... وأحنا إسكندرانية برده بنشجع الزمالك اللي حرق دمنا لكن

في النهاية زيتنا في دقيقنا كما يقول المثل الإسكندراني ... يعني زملكاوي و أوليمباوي وإتحاداوي وحرس حدوداوي في نفس الوقت

:rolleyes: :o ;)

[se_ Elsyed]

لووووووووووووووووووووووووووووول

لأ ده كده نكفلهم قوي قوي قوي ونعطف عليهم بما تجود به انفسنا

الزمالك اتغلب من فريق درجة تالته اسمه " بني عبيد "

شيء مُخزي وغير مسبوق ولم يحدث في تاريخ النادي العريق

خدوا الكام معلومة دول

1- الى ان انتهت المباراة لم يكن احد من المعلقين يعرف اسم المدير الفني لبني عبيد ... طلع واحد دكتور تربية رياضية غير معروف وبياخد 3 الاف جنيه مرتب شهري .. يعني لا مؤخذه يساوي اجر دقيقة واحده من اجرة السمكري اللي اسمه اجوجو ابو 40 مليون جنيه مصر !!!!!

2- اغلى لاعب في بني عبيد ثمنه

5 الاف جنيه .... آه والله .. يعني بياخد مرتب ييجي 400 ج في الشهر ويبوس ايده شعر ودقن ... وعبد الواحد السيد لسه اول امبارح شيك واحد بمليون جنيه

3- نادي بني عبيد يحتل المرتب الثالثة في دوري الدرجة التالتة

التالتة

ويحتل المقدمة فريق مركز شباب ابو كبير اللي شال اول امبارح من المقاولين 6-0 .... يبقى الثالث المفروض يشيل كام ؟

بجد

حاجه تقرف

[Mohamed Fayek]

ياعم سين سين .... أهلى مين بس برده حنشجع الزمالك وماتزعلش ياموديست إلاهى الكلام اللى جاى يحرق دمهم

دول ناس رخمين قوى على قلبى

الأهـــلــــى وكل اللى يحــــــــــبه

من خــيبتـــه بيخســـر ويخـــبى

يتعـــادل ويقـــول مش ذنــــبــه

بيجــــيب العــــيب ع الحكـــــام

وبيـــزعـــل لو يــــوم يتــــــلام

ماهو دايمـاً وياه الكــــــــوســة

وحكومة ودولــــة وإعــــــــلام

مسنود م الدلتـــا وم الـــوادى

وحكومة تــزلزل فى بــــلادى

لو يوم مكروه مسك أو سوء

على طول ع الريس حتنـادى

ماأنــا عارفك بتحب تـــــلاوع

وف وقت الجد تروح خــــالع

لو يوم حاكموك بتزيد فى نواح

وبصوت الظلم تروح راقــــع

[se_ Elsyed]

شوفوا بقى الزملكاوية اللي زي العسل اللي ضربينها شوز وما بياخدوش الأمور على صدرهم ..

موديست هاريني إسمسات من أمبارح ..

وأدي عينه

" بيقولك إن فلول بني زملك بيعدوا العُدة والعتاد وسيأخذون من كل رجل قبيلة ويزحفون نحو مضارب بني عبيد ليقتلوا رجالهم ويستحيووا نساءهم وينفخوا ناشئيهم لكي لا تقوم لهم قائمة مرة أخرى عقاباً على مرمطتهم للاعبي بني زملك في مباراة الأمس "

" هناك مسابقة جوائزها سمينه .. وهي عبارة عن سؤال من المفاش كرومبو ...

س : من الذي أطاح بالزمالك من كأس مصر في دور الـ 32 :

1- نبيلة عبيد

2- عاطف عبيد

3- بني عبيد

.......

مش بأقولك ... باحبك يا موديست

[Modest]

مش بأقولك ... باحبك يا موديست

و آخرة الحب ده إيه :lol:

[مسافر زاده الخيال]

انا حاسس ان (الناس التانيين)ارسلوا طابور خامس من زماااااااااااان عشان يستخبي بين الزملكاويين عشان يجيبو عاليها واطيها على انهم زملكاويين عشان يبقوا هما وحدهم في الكمه!!!!!!!!!!!!!! :lol: اكيد

[Diab]

يا دماغك يا س س

كنت عارف منين ان الزمالك هيعملها هههههههه

http://www.masrawy.com/News/Egypt/Sports/2010/november/9/alzamlek_bank.aspx

نادي الزمالك ينشىء حسابا خاصا بأحد البنوك لتلقى التبرعات

نادي الزمالك ينشىء حسابا خاصا بأحد البنوك لتلقى التبرعات

اضغط للتكبير

جماهير نادي الزمالك - رويترز

* احفظ الخبر

* اطبع

* أضف تعليق

* ارسل

11/9/2010 1:56:00 AM

القاهرة - أ ش أ

أعلن المستشار جلال إبراهيم رئيس مجلس إدارة نادى الزمالك أنه تم الاتفاق خلال اجتماع مجلس إدارة النادى مساء الاثنين على إنشاء حساب خاص باسم النادى بأحد البنوك لتلقى التبرعات من محبى النادى وجماهيره.

وأعرب ابراهيم عن تمنياته بتكاتف جميع محبى النادى والتعاون سواء بالتبرع أو بالتفكير فى إخراج النادى من محنته بدلا من التفرغ لتوجيه الانتقادات.

وقال إبراهيم فى تصريح عقب اجتماع مجلس إدارة النادى اليوم "سيتم توجيه خطاب الى الجهة الإدارية للحصول على الموافقة على هذه الخطوة وبعد الموافقه سنبدأ التنفيذ بعد تكوين لجنة ثلاثية من أعضاء مجلس الادارة للمتابعة"، مرحبًا بأي جهد أو مساعدة خاصة بعد أن فوجئنا بحجز إداري من التأمينات وتمكنا من تدبير مبلغ نصف مليون جنيه وسددنا المبلغ وتم الاتفاق على تقسيط مبلغ اخر لتفادى الحجز.

وأكد أنه لا يعرف سببا واحدا لمن ينتقد المجلس بسبب التبرعات سواء من إعلاميين أو من أبناء النادى وكنت اتمنى بدلا من الانتقاد أن يلتف الجميع لتقديم العون خاصة فى ظل المطالب المالية الملحة التى تؤرق المجلس.

وقال إن الزمالك حصل على مبلغ مليون و200 ألف جنيه من اتحاد الكرة من مستحقات البث التليفزيونى و100 ألف جنيه من أحد رجال الاعمال ومبلغ مماثل من المستشار مرتضى منصور، وهناك محاولات من النجم هانى شاكر لتنظيم احتفال كبير يخصص لصالح النادى، وتوجه بالشكر لكل المحاولات، مؤكدا أن الاحتياجات المالية كبيرة سواء بالنسبة لفريق الكرة أو الالتزامات الأخرى.

[عمرو ياسين]

انا اسمعلاوي وعايز اشارك في حمله الزمالك وبقول لولاد عمي اسماعيليه بيتكو م وتشرفوها في اي وقت وربنا ما يحكم عليكو اهلاوي

[Ahmed Anwer]

أدفعوا يا زملكاوية

ناديك يناديك

أدفعوا عشان شيكابالا يتفسح في مارينا

و عشان حسام و ابراهيم يكونوا مستقبلهم

بدل متجيبوا خروف العيد و لا تتبرعوا لمستشفي 75375

ادفعوا للاعيبة الكورة الغلابة

حرق الدم مش بالساهل

[AhmedSalim]

السلام عليكم ورحمة الله وكل عام وانتم بالف خير وصحة

مع إحترامى لكل الرياضين و المشجعين والمتعصبين كمان

هو خلاص خلصنا كل مشاكل البلد و الفقراء الى فيها وبيدور على تبرعات لنادي الزمالك

علشان يجدد ل شيكا و هيكا و اخواتهم والله للاسف الموضوع ده بصراحة حرق دمى بعيد عنكم

يعنى ايه مدرب مثلا ياخد راتب راتب شهري يفوق راتب 1000 مواطن و يسكن فى فندق و ماالى ذلك

والله بلدنا فيها خير عظيم بس للاسف موش عارفين ايه الاوليات والضرويات المهمة