أكفل زملكاوي .. يكفيك شر البلاوي

[Cleo]

إلى رجال البر و الإحسان :wub: .... سي السيد و ياسو و " كليو :wub: "

الزملكاوى ده بالذات الأفضل تكفله فى إصلاحية الإحداث مش فى بيتك :excl:

[واحد تاني]

أخي الفاضل مازن الدسوقى

ربما يكون الرد أوقَع عندما يأتي من زمالكاوي زيك (و هو أنا :wub: )

الموضوع يا سيدي الفاضل فكاهي 100% كما جرت العادة قبل و بعد أي لقاء للفريقين و لا يخرج عن هذا الإطار على الإطلاق.. لذا أرجو ألا تعتبر فيه اي إساءة أو تجريح و يكفي أن تنظر أعلى الصفحة لتجد أنه في باب "دعوة للأبتسام " mfb:

الراجل دا فعلا طلع ذوق ويستاهل 6 صفحات ترحيب حقيقى (ايد رافعة قبعة ووش بيتلفت يشوف في حد اهلاوي خد باله)

و لك عليّ يا سيدي لمَّا نكسب الأهلي (مش عارف إمتى :excl: ) هاعمل موضوع نلم فيه تبرعات للأهلوية

كويس انه قال الجملة دي (مش عارف إمتى :wub: )

انت من الاحرار يا موديست

[disappointed]

.

أنا قررت يا رجاله حملة تبرعات موسعة تحت شعار " أكفل زملكاوي في بيتك "

وهاحاول أنسق مع بنك ناصر الإجتماعي - بتاع معاش الساادات - ونفتح عندهم حساب لإستقبال التبرعات ..

وكمان خصصنا رقم تليفون من أبو زيرو 900 عشان مكالمات المواساة وريعه هايخصص لهذا الغرض .. والرقم هو 0900 ست ستات .

وكمان عملنا خط للإسمسات برضوا لنفس الغرض والرقم هو 0666666.

فلا تبخل يا أخي الكريم في مساعدة إخوانك بأي شيء تجود به .....

وخلي بالك من شعارنا وهو

" أكفل زملكاوي في بيتك "

إن كنت نسيت اللى جرى نجيب لك الدفاتر تنقرى.... و سبحان العاطى الوهّاب من بعد الشبشب و القبقاب

:blush: :)

'Nov 21 2003, 01:09 PM' post='98478']

يقام اليوم في الساعة التاسعة بتوقيت القاهرة اللقاء المرتقب بين قطبي الكرة المصرية الزمالك والأسماعيلي يـيه قصدي الزمالك والأهلي ( زلة لسان أصل الأهلي اليومين دول أصبح قطب سالب لا يولد كهرباء على الأطلاق )

ويقام اللقاء وسط ترقب وخوف الجماهير الأهلوية المنكسرة الحزينة خشية أن تقع الفأس في الرأس ويتسك الأهلي قد 10 أو 15 هدف ....

دعوات الجميع بأن يخرج اللقاء ولو حتى تعادل علشان الناس الغلابة اللي نصهم جالهم الضغط والنص التاني خرج هائماً على وجهة ولم يعد حتى الآن ...

منك لله يا حسن يا حمدي انت والخطيب وإبراهيم المعلم يا سبب البلاوي كلكم ....

و بعد المباراة :

الحمد لله جت سليمة ... واحد صفر بس

.

:angry2: :blink:

تم تعديل 18 مايو 2006 بواسطة disappointed

[se_ Elsyed]

إن كنت نسيت اللى جرى نجيب لك الدفاتر تنقرى.... و سبحان العاطى الوهّاب من بعد الشبشب و القبقاب

أنا مش فاكر إنت بتتكلم عن إيه ؟

وبعدين أنا ماشي بمقولة الشاعر الجاهلي " عمرو بن دياب " التي قال فيها ( ما بلاش نتكلم في الماضي ... ده الماضي ده كان كله هباب ... وما دُمت بالنتايج دي أنا راضي ... يبقى ليه نقلع الشبشب ونلبس القبقاب )

طب أنا راضي ذمتك يا وليد ... وعارف إنك ما بتكدبش .. لإن اللي بيكدب بيروح الإستاد وبيحصل فيه بعيد عن السامعين :)

أول ما الزمالك إترزع جونين في 3 قائق - ودي عمرها ما حصلت - .. قولتش في عقلية بالك دي هاتبقى ليلة طين وهانشيل دستة وهاتبقى فضيحتنا بجلاجل ؟

قول ما تتكسفش ده اللي موجودين إخواتك يعني ... وبعدين الزمالك أدمن الهزايم رايح جاي من الأهلي.. ومحلي وأفريقي ...

لدرجة واحد زي أبو تريكة بقى كل ماتش يلعبوا يروح رازعهم أجواز وأفراد اللهم إلا مباراة الدور الأول السنة دي ...

[زعلان]

و فوجئنا بالأولاد الأهلاويه الصغننين بيحتفلوا ازاى .......و الله العظيم طالعين على صفايح الزباله الكبيره وواقفين فى الشارع يحدفوا اكياس الزباله من الصفيحه على العربيات اللى ماشيه :angry2: :blush:

ايوه صحيح امبارح احتفلت انا :wub: وياسو وسي السيد :D وطفشان وهومر في صندوق زبالة :blink: وقلعين ملط وبنزعرت -_-

بعد ما المعلم طلعنا بدري من الورشة احتفالا بالفوز الساحك :)

[Blue_mind]

طب أنا راضي ذمتك يا وليد ... وعارف إنك ما بتكدبش .. لإن اللي بيكدب بيروح الإستاد وبيحصل فيه بعيد عن السامعين

أول ما الزمالك إترزع جونين في 3 قائق - ودي عمرها ما حصلت - .. قولتش في عقلك بالك دي هاتبقى ليلة طين وهانشيل دستة وهاتبقى فضيحتنا بجلاجل ؟

:happy: ;) :D ......رهيبة الحتة دي...... بجد بطني وجعتني من الضحك

انت مهندس يا س.س؟؟ :ph34r:

تم تعديل 19 مايو 2006 بواسطة Blue_mind

[se_ Elsyed]

<_< :ph34r: :huh: ......رهيبة الحتة دي...... بجد بطني وجعتني من الضحك

انت مهندس يا س.س؟؟ :huh:

مرحب كابتن بلو

شد لك كُرسي وتعالى ريحي

بس الأول ... إنت معانا ولا مع الناس التانيين ؟

[Diab]

للرفع بمناسبة إقتراب المذبحة الكروية لنادي الزمالك بيد النادي الاهلي كالعادة

والذي سيوافق عيد الأضحي المبارك

والحدق يفهم :rolleyes:

[رمضان]

يا جماعة ما يصحش الزملكاوية اخوانا برده

على فكرة انا متوقع ان الزمالك يعمل حاجة في ماتش السبت مع بطل الابطال الاهلي وشكل الزمالك محضر مفاجأة للاهلي وهيتغلب 5 صفر فقط

ملحوظة : حراس مرمى الزمالك بيتهربوا من اللقاء تفتكروا ليه ؟

[se_ Elsyed]

أرجو مراعاة أن الموضوع في باب الإبتسام

لذلك لابد أن نتحلى بروح الجدية وبالتالي يتبعها مراعاة شعور إخواننا الزملكاوية اللي في ازمة حقيقية ولازم ناخد بإيدهم للخروج من تلك الازمة

والأخذ بيدهم يكون عن طريق مراعاة أصول الذبح الشرعي ... يعني مش عشان إحنا في أول يوم العيد الكبير نقوم نخلص عليهم صعقاً بالكهربا أو نعلقهم من عراقبهم - ماحدش يسألني يعني إيه -

يعني عايز تخلص يبقى ضربة واحده وإرزعهم 5 عالسريع وخلص الموضوع

يا خوفي يا بدران أحسن يتعادلو وتبقى فضيحتنا بجلاجل

بس أهو إحنا بنوضحك وكبره انام على جنبي واتفرج على إنبي والعينة هاتبان

[بنت النيل]

هى كلمه هقولها وامشى :rolleyes:

لو دامت لغيرك .............. ما وصلت اليك

زملكاويه للابد

[se_ Elsyed]

هى كلمه هقولها وامشى :rolleyes:

لو دامت لغيرك .............. ما وصلت اليك

زملكاويه للابد

بالظبط

الله ينور عليكي

هو ده اللي عايزين نوصله من هذوها الموضوع

فبإختصار يا إخوان كل قرش هاندفعه لزملكاوي يتيم هايقعد لنا في صحتنا وعافيتنا كأهلاويه

فتبرع يا اخي الأهلاوي ولا تبخل

تبرع ولو بمُدرب أو رئيس نادي

ولا تنسوا إخوتكم الزملكاوية الثكالى في العيد

واللي هايدبح خرفان ما ينساش يتبرع بالفروه لأي زملكاوي تقيه من حر البرد لإن الجو بقى تلج نار

او كما قال الشاعر

" ويمين وشمال .. وشمال ويمين .. العب مُصارعة وأركب مراجيح .. وأنط حبال "

والله انا باحب الزملكاوية لإن من غيرهم ماكوناش نلاقي حد نوضحك عليه

واحد

إتنين

تلاتة لحد ستة

[MZohairy]

كان زمان الماتشات دي ليها طعم خاص جدا عشان فيه احتمالات فوز و تعادل و هزيمه

دلوقتي الواحد زي مايكون بيتفرج على الإعاده لماتش الأهلي غلب فيه كالعاده

[se_ Elsyed]

أرجو من الإخوة الرياضيين المهتمين أن يُشاركوا بفاعلية وبأفكار بناءه معنا لكي ننهض بهذا الصرح العظيم

يعني مثلاً

إخواننا اللي قاعدين في أوروبا .. ممكن يعملوا صناديق صغننه ويكتبوا عليها

Ekfol Zamalkawi Program ( Donate wenta tedkhol el Paradise)

[بنت النيل]

الاخ سى سيد

ياترى بصفتك مشرف فى هذا المنتدى هل ترى ان ما يكتب ويقال فى هذا الموضوع الذى لا يهدف الى شىء

يصح ان يقال وان يكتب ؟؟؟ بحجه دعوة للابتسام للاسف هذا ليست دعوة للابتسام ولكن دعوة للتريقه ولسخريه فارغه

ولا هو بقى نظام المواضيع فى المحاورات

وفين القائمين على هذا المنتدى من مشرفين ولا هى مواضيع الاعضاء فقط اللى مسموح انها تغلق او تحذف

ياريت تعيد النظر فى اللى بيتكتب بصفتك مشرف وليس عضوا ستجد الامر مختلف ;)

[عبده بيه]

جميل اننا نضحك مع بعض وبدون عصبية وبدون النيل من اي نادي او شخص بعينه برافوا للرياضي روح وفعل ورؤية

[Diab]

بنت النيل مشاركة بتاريخ اليوم, 04:37 PM

الاخ سى سيد

ياترى بصفتك مشرف فى هذا المنتدى هل ترى ان ما يكتب ويقال فى هذا الموضوع الذى لا يهدف الى شىء

يصح ان يقال وان يكتب ؟؟؟ بحجه دعوة للابتسام للاسف هذا ليست دعوة للابتسام ولكن دعوة للتريقه ولسخريه فارغه

ولا هو بقى نظام المواضيع فى المحاورات

وفين القائمين على هذا المنتدى من مشرفين ولا هى مواضيع الاعضاء فقط اللى مسموح انها تغلق او تحذف

ياريت تعيد النظر فى اللى بيتكتب بصفتك مشرف وليس عضوا ستجد الامر مختلف

-ممكن أرد يا س س

-اتفضل

-شكرا. بصي يا بنت النيل الهدف من الموضوع فكلهي لا أكثر طب ما انا أغلب أهلي في البلد زملكاوية وبنقعد نقولهم الكلام ده مبيزعلوش وبيخدوا الموضوع بضحك

أنا صحيح أهلاوي بس بحب الزمالك لأنهم مصريين وحبايبنا

مرة أبويا أخدني نادي الزمالك مع أني أهلا وي

كان اول تمرين لأحمد الكاس

بس كنت مستمتع جدا

[بنت النيل]

-ممكن أرد يا س س

-اتفضل

-شكرا. بصي يا بنت النيل الهدف من الموضوع فكلهي لا أكثر طب ما انا أغلب أهلي في البلد زملكاوية وبنقعد نقولهم الكلام ده مبيزعلوش وبيخدوا الموضوع بضحك

أنا صحيح أهلاوي بس بحب الزمالك لأنهم مصريين وحبايبنا

مرة أبويا أخدني نادي الزمالك مع أني أهلا وي

كان اول تمرين لأحمد الكاس

بس كنت مستمتع جدا

ياعزيزى

احنا دايما بنقول كلام من غير مايكون فعل

هو اللى بيحب حد يخليه فى موضوع للسخريه والتريقه

اما عن حكايه الاهل فده لانكم اهل يعنى محدش هيزعل من التانى مثلا

لكن طبيعى هزعل من صديق او جار او عزيز من هذه الافعال ولا ايه ;)

ياعزيزى هناك فرق كبييييييييير بين المرح والضحك والسخريه والتريقه والغلط

طيب خليك متابع وشوف اللى هيتكتب ويتقال وياعينى لو واحد حبيبك اوى يعنى وجاتله فرصه ذى دى على طبق من ذهب ياسلام ربنا يعين س س فى بسط الاعضاء فى المحاورات

--------------------------------------------------------------------

انامش عارفه احنا بنعمل فى بعض كدا ليه ايه اللى هنستفيده لما نستفز بعض ونوقع نفسنا فى الغلط

انتوا عارفين يمكن اللى هقوله ده بعيد عن الموضوع شوية :

هقول ربنا يخلى لنا مبارك ويطول فى عمره لان الراجل ده لو مات اتفرج ساعتها على المصرين وهى بتاكل فى بعض اكل ومفيش واحد فيهم متفق مع التانى والكل عوز يمشى اللى هو شايفه

[MZohairy]

ياأختي الفاضله

صلي على النبي

الراجل بيهزر وفاتح الموضوع في باب دعوه للإبتسام

واللي خلاه يسخر من الزمالك انه اصبح كذلك

واللي خلاه يسخر من الزمالكاويه انهم بيشجعوا من يستحق الدعاء لا التشجيع ;)

كل سنه وانتي طيبه

[نانو]

أرجو من الإخوة الرياضيين المهتمين أن يُشاركوا بفاعلية وبأفكار بناءه معنا لكي ننهض بهذا الصرح العظيم

يعني مثلاً

إخواننا اللي قاعدين في أوروبا .. ممكن يعملوا صناديق صغننه ويكتبوا عليها

Ekfol Zamalkawi Program ( Donate wenta tedkhol el Paradise)

ايه كانت ايام العز والهنا ...كل ما الزمالك يغلب جوزي يكافئني عشوه بره ;) ذكريااااااااااااتون

س س يا اخويا

ينوبك ثواب فيا ....نفسي اتعشي بره بقه بقالي 3 سنين ما شوفتش غدوه ولا عشوه بره :ph34r:

كده حرام ....عدوهالي و لو مره

ده انا اخر مره اتعشيت فيها بره لما كنت جاعده في شوقتي في ميامي في مصرنا الحبيبه ما كنتش لسه عتبت ابواب الكويت حتي