أكفل زملكاوي .. يكفيك شر البلاوي

[Diab]

طيب بلاش مش هأتكلم أهو سااااااااكت خالص

أهوة

أهوة

:D :wub:

ما ساكت اهوة

[Scorpion]

كام ؟؟؟ 2 صفر ... برضه ...

أفففففففففف ...

ابو الزمالك عالمختلط في يوم واحد .....

هو كل مرة .. كل مرة .... ايه القرف ده ....

و احنا من موقعنا ده بنهني الأهلي و كل الأهلوية و دايمآ كده علي طول ان شاء الله ... من قلبي يا سي السيد صدقني .. ان شالله أعدم حماتي ...

أوعي وشك

تعالي يا موديست عايزك في كلمة .. ما هو احنا لازم نشوفلنا حل مع العالم دي ...

[مسافر زاده الخيال]

امتى اشوف الزمالك يفوز على الاهلي (احبطت بصراحة)

المسألة نفسية يا زمالك

متخليش (رهبة الاهلي تهدك)

وان شاء الله ح تحقق كاس مصر

[Modest]

تعالي يا موديست عايزك في كلمة .. ما هو احنا لازم نشوفلنا حل مع العالم دي ...

أخي الحبيب سكوب :cry:

باكتب لك من مصحة قريبة من البيت .. الناس هنا ممتازين بصراحة و المعاملة عندهم ممتازة خصوصاً دكتور "عقدة" مدير المصحّة.

الراجل كتّر ألف خيره بقاله حوالي أربع سنين بيستضيفني في مواعيد معروفة مقدماً .. تلاقيه باعت عربية المصحّة و 4 تمرجية علشان يكتفوني و ياخدوني أقعد معاهم شوية على ما ابقى حلو كده و مش فاكر حاجة خالص :lol:

امبارح الراجل اتصل بالعيال بعد الماتش رد عليه الواد كريم قال له خلاص بابا نزل بعد الماتش و جاي لك على رجليه المرة دي يا عمو و مش ضروري تتعب نفسك و تبعت لا عربية و لا تمارجية و لا دياولوا.

لو تحب احجز لك معايا في نفس العنبر انا في الخدمة .. ده عنبر (ج) بتاع الحالات الخطرة و د. عقدة عامل للحالات دي خصم هايل اليومين دول :rolleyes:

بعد إذنك بقى علشان معاد جلسة الكهربا

[Modest]

و احنا من موقعنا ده بنهني الأهلي و كل الأهلوية و دايمآ كده علي طول ان شاء الله ... من قلبي يا سي السيد صدقني .. ان شالله أعدم حماتي ...

و أنا كمان من أعماق أعماق قلبي باهنّي كل الأهلاوية و خصوصاً سي السيد حبيبي و ابن حبيبي :rolleyes:

(وش واحد كذّاب) :lol:

[Modest]

امتى اشوف الزمالك يفوز على الاهلي (احبطت بصراحة)

المسألة نفسية يا زمالك

متخليش (رهبة الاهلي تهدك)

وان شاء الله ح تحقق كاس مصر

إنت جبت الخلاصة يا مسافر :rolleyes:

المسألة فعلاً "نفسية"

مع تحياتي من داخل مصحة د. عقدة :lol:

[إيزيس]

باكتب لك من مصحة قريبة من البيت .. الناس هنا ممتازين بصراحة و المعاملة عندهم ممتازة خصوصاً دكتور "عقدة" مدير المصحّة.

الراجل كتّر ألف خيره بقاله حوالي أربع سنين بيستضيفني في مواعيد معروفة مقدماً .. تلاقيه باعت عربية المصحّة و 4 تمرجية علشان يكتفوني و ياخدوني أقعد معاهم شوية على ما ابقى حلو كده و مش فاكر حاجة خالص :lol:

امبارح الراجل اتصل بالعيال بعد الماتش رد عليه الواد كريم قال له خلاص بابا نزل بعد الماتش و جاي لك على رجليه المرة دي يا عمو و مش ضروري تتعب نفسك و تبعت لا عربية و لا تمارجية و لا دياولوا.

لو تحب احجز لك معايا في نفس العنبر انا في الخدمة .. ده عنبر (ج) بتاع الحالات الخطرة و د. عقدة عامل للحالات دي خصم هايل اليومين دول :rolleyes:

تصدق بالله الدمعة فرررت من عيني بس لي عندك عتاب صغننون

ماكانش لازم كريم يعرف الحقيقة علشان الولد ما يتعقدش كان ممكن تقولوا له بابا رايح يهني عمو سين سين و مسك فيه يومين أو أي أسبابن ملفقتن زي بتاعة عبوهاب في

مجنون ليلي مثلا بابا راح يجيب حطب علشان يشعل الزمالك نارا

أوكي يا قيس خللي بالك من نفسية العيال الله لا يسيئك

فاعل خير

[رحاب]

مبرررررررررررررررررررروك للاهلى وانا مستعده اشارك فى الحمله بتعتك دى واكفل زملكاوى

تفتكر

يستاهلوا :rolleyes: :lol:

بحبك يا مصر

[مزاميزو]

الأخت قرنفل

مفيش قلق على ولاد الأستاذ موديست لأنهم على ما يبدو تابوا واعترفوا بذنب باباهم وبقوا أهلاوية

عشان كده الأستاذ موديست مش قلقان على مستقبلهم ولا خايف على حد يجيله الضغط والسكر والأمراض ايلي بتيجي نتيجة تشجيع الزمالك

وربنا يجعل كلامنا خفيف عليهم

[إيزيس]

معلش يا مزاميزو يا أخويا لكن ده أبوهم و الدم عمره ما يبأه أبيض

[se_ Elsyed]

يعتذر الناقض الرياضي الكبير في السن كابتن سين سين عن التواجد معكم هذه الأيام لإن لاب توبه بعافيه وجاله المرض البطال الإسبوع اللي فات ولسه بأحاول أعمل له عملية إعادة تأهيل وعلاج طبيعي ( آه يا تورلوبي ياني )

ولكن هاتروحوا مني فين يا زملكاوية ..

أنا وراكم والزمن طويل

وإلى أن نلتقي لكم ألف تحيه ..

ورجاء للاخوة الأهلاوية ... بالراحة عالزملكاوية .. ده الضرب في الميت حرام

وحدوووووووووووووووووووووه

[مزاميزو]

لا إله إلا الله

ما دايم إلا وجه الدايم

[se_ Elsyed]

للرفع ...

بمناسبة الهزيمة الزملكاوية المُذلة من نادي الأوليمبيك الإسكندراني ..

الإسكندرانية دول طلعوا أبو احمدات بحق وحقيق

أيووووووووووووووووووووووه

تحية لرجال الأنفوشي البواسل ... يعني دكتور شامي . يعني أبو محمد كبير الاهلاوية بمحرم بيك ... يعني مدام سلوى أختنا الكبيرة وسيدة المحاورات الأولى .... يعني أخويا وحبيبي واحد تاني ( أبو عمر ) .. يعني أخويا ياسو ( أبو عمر ) في غيابه ..... وسمعني يا عم واحد وعشرين طلقة .. وبعدين أي موال حزين ...

موديست .. مستني منك ميسد عشان أعرف إنك حي

[ELSHAMY]

للرفع ...

بمناسبة الهزيمة الزملكاوية المُذلة من نادي الأوليمبيك الإسكندراني ..

الإسكندرانية دول طلعوا أبو احمدات بحق وحقيق

أيووووووووووووووووووووووه

تحية لرجال الأنفوشي البواسل ... يعني دكتور شامي . يعني أبو محمد كبير الاهلاوية بمحرم بيك ... يعني مدام سلوى أختنا الكبيرة وسيدة المحاورات الأولى .... يعني أخويا وحبيبي واحد تاني ( أبو عمر ) .. يعني أخويا ياسو ( أبو عمر ) في غيابه ..... وسمعني يا عم واحد وعشرين طلقة .. وبعدين أي موال حزين ...

موديست .. مستني منك ميسد عشان أعرف إنك حي

ده أقل واجب يا أبو عمر

ده الأولمبى كانوا بيفكروا انهم يبيعوه لنادى الكروم و يعملوا نادى جديد اسمه " الكرومبى "... لكن العملية اتلغت بعد هذا النصر المبين...

ربنا يستر بس و ما ينزلش درجة تانية...

[se_ Elsyed]

ده الأولمبى كانوا بيفكروا انهم يبيعوه لنادى الكروم و يعملوا نادى جديد اسمه " الكرومبى "...

شديد التعليق ده يا دوك

اتاري الأوليمبيك من ساعة الإسم الجديد وهو نازل نفخ في المنافسين وأولهم الزمالك .

بس الحمد لله إن الماتش خلص إمبارح ومافيش لعيب إتأور

بس صعبان عليه عبد الواحد السيد اللي شبكته إتحشت 3 أجوان اكتر من اللازم

تفتكر يا دكتور إيه الخلطة اللي إستخدمها مشير عثمان إمبارح وكسب بها ؟

وهل في فعلاً كوسه من الحكم بتاع إمبارح وعشان كده بالرغم من إن الأوليمبيك كان بيلعب عشر لعيبة بعد طرد لاعب كسب الزمالك العملاق ؟

انا شخصياً متوقع مستقبل مبهر للأولمبي لو إندمجوا مع الكروم .. لإن فريق الكروم عنده وفرة في محصول ورق العنب اللي بيبقى هايل في المحشي

اتمنى الزمالك يشوف حله لمشاكله دي .. ويسوي مشاكله ديهيت على نار هادية لإن القرارات الإنفعالية غالباً ما بتبقى شايطه ونُص سوا ولا تؤدي إلى نتايج .

مش عارف ياربي الزمالك هايلاقيها منين ولا منين !!!!!!!!!!!!!!! .. السنة اللي فاتت جربوا الفرايد تشيكن وإتاكل من كل فرق الدوري وكان الموضوع كومبو خالص .. السنة دي غيروا للكرومبي وبرضوا عمالين يتحشوا إجوان من هنا وهناك بكل الألوان .... وشالوا منصف جابوا وحيد .. ألدو قال مانتوش نافعين ...

تفتكر يا دكتور وجبات الماك اللي بييجي معاها بطاطس وكاتشب ممكن تعمل حاجه والفريق يطلع التالت حتى السنة دي ؟

[ssmaly]

مع انى غير مهتم بالكره بتاتا(غريبة مش كدة) ولكن التعليقات كانت جميلة مفلفة جامد

[alaashabana]

::: دعاء مصري مطحون :::

اللهم أنقذنا من نفسية الز ملاء.. وغباء الأصدقاء

اللهم ارحمنا من استبياع الجيل الجديد..

وحرائق السكة الحديد

واستقصاد كل مدير.. وندالة القرايب

الصغير منهم والكبير

اللهم أغثنا من كل عميل .. ومن فواتير موبينيل

اللهم أرحمنا من تشريفة عربيات المسئولين ,

وزحمة الشوارع في كل حين

وسحب الرخص في كل كمين.. من الغلبان مش م المتين

اللهم أهدى لنا سواقين الميكروباص

والمدير البصباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..

وشر شلل البنات.. ولؤم الستات

وغباوة الحموات

والمينيمم تشارج كافيهات..

وهيافة الصحف والمجلات

وقطع الحرارة فجأة عن التليفونات وقت الزنقات

والمدارس اللي بتطلب تبرعات بالألافات

ووقــــوع السيــرفـــر وقفلـــة السايتـــات

اللهم ارفع مستوى الزمالك ..

لمستوى انبى والحدود.. أو حتى مستوى أسمنت أسيوط

أو أرسل يارب عليهم صاعقة..

بدل ما يخلونا نموت ..

اللهم سدد أقساطنا .. وضلل عنا مآمير الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف انتخابات البلد من لعبة المراجيح

اللهم ارحمنا من الاكتئاب مرض العصر والشباب

واحمي يارب سماء مصر من سحابة الهباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية..

وكل شاب بوظيفة وشقة وعربية

اللهم أحرق الـ 0900

واضرب الحرامية بالحرامية

ونجح أي طالب في أي كلية

حتى ولو كان في التربية الموسيقية

آآميين آآآمين

[Modest]

موديست .. مستني منك ميسد عشان أعرف إنك حي

أنا زعلان .. لألأ .. أنا مقهور منك يا سي السيد :blink:

بقى يا راجل تسيب أخوك في الحالة دي و ما تكلفش نفسك حتى و تعدي على عم عبده الفكهاني و تجيب نص كيلو جوافة و تيجي تزورني في المصحة؟ :sad:

بعد انتهاء مباراة الأوليمبي مباشرةً أُصِبت بحالة هياج شديدة و كسرت البيت كله و دخلت على أوضة الولاد جبت كل الكور بتاعت الواد كريم و قطعتهم إرباً إرباً وسط بكاء يقطع القلب من الولد .. هي الكور بتاعتي مالها يا بابا؟ هي علشان مدورة زي الكورة اللي الزمالك إتغلب بيها؟ طيب هاتلي كور مربعة و بلاش كور مدورة مادام انت زعلان من الكور المدورة .. و الجيران إتلموا و واحد فيهم كتر خيرُه إتصل بصديقي الدكتور عقدة اللي كتر خيره برضه بعت لي العربية لغاية البيت كالعادة في هذه المناسبات.

لألأ ماكانش العشم يا سين سين .. ماكانش العشم :cry:

أسيبك دلوقتي بقى عشان معاد جلسة الكهربا :blink:

أخوك موديست

عنبر 6 - الحالات الخطرة

مصحة د. عقدة

[ELSHAMY]

أنا الدكتور عقدة المشرف على علاج المريض مودست و هذا هو نص التقرير المبدئى عن حالته :

- بالكشف المبدئى على المريض اتضح اصابته بحالة غريبة من الرغبة فى تحطيم أى حاجة مدورة أو مكورة....مما تسبب فى مشاكل عديدة فى المستشفى... :sad: :blink:

- عند وصول المريض فى الطوارىء كان يكرر جملة: "ليه الأولمبى يلبس أحمر ......ليه الأولمبى يلبس أحمر"

- عند تحليل الدم كانت النتيجة ارتفاع شديد فى كرات الدم البيضاء أم خطين حمر...و اختفاء تام لكرات الدم الحمراء... :blink:

- أقر المريض بعدم رغبته فى التصييف فى اسكندرية و ضواحيها العام القادم...

وادارة المستشفى اذ تأسف على هذه الحالة المتدهورة للمريض لا تملك الا رفع أكف الضراعة و تتمنى له سرعة العودة الى محبيه......

ملحوظة: ترسل التبرعات لأدارة المستشفى...بس بلاش برتقال عشان بيفكر المريض بالكورة...

[se_ Elsyed]

طمنتنا اللهي يطمن قلبك يا دكتور عقده ... يعني بالبلدي كده فاضل له قد ايه ويفيص ؟