القرار الأخير

[henka]

القرار الأخير

القرار الأخير ولا عوده فيه , ده كل اللى كان بينا إنسيه , وامشى فى طريقك وأنا فى طريقى , ودورى على الحب الحقيقى , وفى أى لحظه إحتاجتى شىء ولو تعبتى فى الطريق , إرجعيلى و اعتبرينى , أخ ليكى أو صديق , فى أى لحظه تحتاجيه , هتلاقيه, بيمدلك دايما إديه

القرار الأخير ولا عوده فيه , بلاش تحدى , بلاش تعندى , فى كلمه لسه أخيره عندى , هو لو بيحب ادى يكفى إنه حب بعدى ,بلاش تعندى , أنا ممكن أكون زيك غشاش , أنا ممكن أنول أعجاب العالم , أنا ممكن أخلى العالم عنى ما يستغناش , بس أنا راح أكسب كل العالم , وأخسر روحى ونفسى , ودى حاجه طبعاّأنا ماقبلهاش , وأنا لو كرهتك أقول كلام معسول , والكل يعرف إنى إنسان صريح وجدى , وضميرى بيوجهنى , وفى كل الإحتمالات أرفض أكون موزع إبتسامات , وعمر الحب عندى , مهما كان رخيص ومادى , بلاش تعندى

أغفرلك ...... لا أسمحلك ...... لا , أنا مش نبى ولا إله

أغفرلك ...... لا , كتير حذرتك .. كتير أنذرتك .. ولحسن حظى بعينيا شفتك وإنتى معاه , خيانتك ليا أدام عنيا , كما لو كانت صوره مرئيه ,تجسد فيها كل الماّساه , بلاش إلحاح ..ضميرى إرتاح .. دموعك ديه دموع تمساح , إنتى إيه ؟ مبتفهميش .. قلت لك مبحبكيش , معرفتك إنتحار , وحبك إنتحار , يا غاويه تكونى دايما .. شىء ملفت للأنظار , طبيعتك مش عاديه , غريبه وعشوائيه , مش أد المسئوليه , وفى غايه الإستهتار , بشوفك كل مادا , مسلوبه الإراده , بتاخدك أى عاده , وما بتخديش قرار ... معرفتك إنتحار

[khedr]

سيدي ...كلمات تحمل الكثير

ولكن كان ردنا هو القليل

فعذرا لتأخرنا ...باننا نشد علي يدك

ونقول لك مرحبا بك معنا في بيتك وبين اخوانك

[henka]

يسعدنى الانضمام اليكم

وكلمه صدق انت اسلوبك قمه فى الرقى والتحضر واشكرك على ردك الجميل

[ابن بلد]

henka

واضح انه بداخلك

مشروع شاعر عاميه او كاتب اغانى كويس

تمنياتى بالتوفيق والاستمرار

[henka]

اخى ابن البلد اشكرك فى البدايه على تشجيعك لى واحب اقول ان الكلام ده كله من الواقع

شرفنى مرورك

[مصرية يعني مصرية]

:)

جميل جدا ما كتبت أخي ......أتحفنا كمان بكلامك الحلو

و مرحبا بك

[sendrella119]

اديني بس نمرة تليفونها

وانا حا اكلمهالك هوي................

اهلا بيك معانا

شرفتنا ......نورتنا :)

[nancy]

حلوة اوى ياhenka

لما قريتها حسيت انها تنفع اغنية لفريق MTM

نفس طريقة اغنيهم

اهلا بيك معانا

[henka]

شكرا ليكى مصرية يعنى مصرية على ذوقك

نانسى اشكرك على المجاملة اللطيفة

سندريلا شكرا على المرور بس تفتكرى انها تستاهل الواسطة :)

[عطر الجنة]

اقصوصة جميلة باسلوب اكثر جمالا ..

باب البيت ما زال مفتوح ..

ينتظر حرفك ..