القتل بغرض "الرحمة"

[maksoof]

المساعدة على الإنتحار Assisted suicide أو قتل الرحمة mercy killing أو زى ما بيسموها Euthanasia موضوع بقاله سنين بيناقش فى معظم الدول الغربية و طبعا زى أى موضوع تانى فيه اللى بيؤيده و فيه اللى بيعارضه.

الموضوع بيختص بالمرضى اللى مرضهم مالهوش علاج و خاصة اللى وصلوا لآخر مراحل المرض و بيتعذبوا فبيطلبوا إنهاء حياتهم بدل المعاناة فى إنتظار الموت.

يعنى بمعنى آخر - الواحد منهم بيقول: أنا مش عايز أتعذب و أفضل إنى أموت.

فى نظر الدين (الإسلام - المسيحية أو اليهودية) هل اللى بيقوم بمساعدة المريض على الإنتحار يعتبر إنه إرتكب جريمة قتل علما بأن دى هى رغبة الضحية و هو اللى طلبها بنفسه؟

و هل المريض (من الناحية الدينية أيضا) يحمل ذنب إنه ورط إنسان تانى فى إرتكاب جريمة قتل؟

و هل يوجد فى القرآن أو السنة أو أى مرجع إسلامى أو مسيحى أو يهودى ما يحلل طلب الإنتحار خوفا من العذاب؟

[سيزيف]

الاخ العزيز مكسوف

ان القتل الرحيم ظهر لاول مره - فى صورته التى تقصدها - فى الولايات المتحده على قدر ما اعلم و كانت حادثه لزوجه قتلت زوجها الذى كان مصابا بمرض ميئوس من شفائه و يعانى الاما مبرحه

و قتها - منتصف الثمانينات على ما اعتقد - صدم العالم و انقسم الناس- هناك - بين متعاطف و متحامل والى الان و القضيه لا زالت متداوله خاصه مع تكرار تلك الحوادث فى دول اوروبا بل سعت بعض الدول الى تقنين القتل الرحيم

اما عن الدين

فالاكيد ان جميع الاديان السماويه لا تعترف بالقتل الرحيم

لانها تحرم ازهاق الروح لاى سبب من الاسباب

كما انها تحرم الانتحار ايضا

و غنى عن البيان ان القانون المصرى لا يعترف بالقتل الرحيم