الخفايا المبهمه و دليل نجوم الرمرمه

[sentmentality]

بجد مش عارف اقوللك ايه قلبت عليا المواجع

بس بصراحة عاوز احلي .... مش هسيبك إلا لما تكملها و تخلينا نحلي

ايه رايك .... المالكي .... رز بلبن و حركات ... و للا بليلة من عربية في اخر جامعة الدول

[زعلان]

زعلان اية هو الكشرى الاسكندرانى وبالكبدة

انا اعرف الكشرى الاسكندرنى الى بيتعمل بالعدس الاصفر ومعاه سلطة خضرة بالبصل

واعرف الكبدة الاسكندرانى انما الاتنين مع بعض ازاى

الكشري ابو كبده هو طبق اسكندراني وهو اضافة كبدة اسكندراني حريفة فوق طبق كشري عادي ابو عدس بجبة ( وقفطان)

اما الكشري الاصفر فهوشيء اخر

والمجدرة لفظة تطلق على كل عدس سواء اسمراو اصفر طبخ مع الرز وحيدا

[nancy]

اشكرك على التوضيح يا زعلان بس مقدرش اكلة دة صعب اوى

طفشان من فين فى اسكندرية السحلب بالموز دة انت بتتكلم على حاجات عمرى ما سمعت عنها

سنتمانتل فية فى الابراهمية فى الاخر محل اسمة صابر بيعمل رز باللبن بالايس كريم والمكسرات

دة الى عندة حاجات تتحط تحت بند الحلو

[yasovinas]

اللي عايز ياكل كبده على حق من اسكندرية هم محلين لا ثالث لهم

ا رومه على محطة المطافي بجوار قسم المنشية

2 وهبه في بحري

الكشري الاصفر او الاسكندراني لا يوجد في محلات الاكل ولكنه صناعه محلية منزليه اسكندرانيه واكثر ما يميز الكشري الاسكندراني هو كثرة العدس الاصفر فيه بعكس الكشري المصري حالياً على الاقل والذي تحول الى رز ومكرونه ورشة عدس على وش الطبق

فاكهة اللحوم يا نانسي اكيد اكلتيها قبل كده بس عندنا بنسميها الحلويات

الحواوشي يا طفطف يا صاحبي اكله سكندرية الاصل وليست قاهرية

بالمناسبة يا طفطف عثرت على مطعم ماكولات مصريه هنا في ابو ظبي بيعمل كبده اسكندراني ما حصلتش منتظركانت والوعلول ومن يرغب من ابناء الرابطه

[واحد تاني]

من اباطرة الكبدة في اسكندرية كمان عندك:

- كبدة (صيصا) بالابراهيمية

- (عمو فؤاد) بمحرم بك (مازال عربة متنقلة للان رغم الاقبال عليه)

- وأكيد (الفلاح) اللى يعتبر تاني مرحلة فى السهرة بعد فيلم فى سينما أمير و لازم بعده تشرب خروب (أمال).

والحلو بعد كده عند (الشيخ وفيق) في الانفوشي واللى تحول من عربة متنقلة الى محل محترم تاكل عنده احلى (ام علي) وممكن (كسكسي) كمان.

لو بتحب الايس كريم يبقى (عزة) وممكن (مكرم) فى الانفوشي أو (صابر) فى الابراهيمية زي ما قالت نانسي.

الحواوشي له عدة مخضرمين انما لو عاوز حاجة مختلفة جرب (جزارة شهاب) فى جليم.

للباحثين عن الحرية من ابنائنا فى الخارج:

في دبي جربت فتة اللحمة الضاني بالخل والتوم عند (فتافيت) وكانت لابأس.

اما عن الاكلات المصرية مجتمعة فى مكان واحد وحول العالم يبقى (مطاعم جاد) بفروعة من ابوظبي وحتى كوكب اورانوس.

[زعلان]

للباحثين عن الحرية من ابنائنا فى الخارج:

في دبي جربت فتة اللحمة الضاني بالخل والتوم عند (فتافيت) وكانت لابأس.

.

فتافيت رجع فتح تاني ولا لسه قافل وهل له فروع اخرى غير الي قدام الخور

[yasovinas]

للباحثين عن الحرية من ابنائنا فى الخارج:

في دبي جربت فتة اللحمة الضاني بالخل والتوم عند (فتافيت) وكانت لابأس.

.

فتافيت رجع فتح تاني ولا لسه قافل وهل له فروع اخرى غير الي قدام الخور

مش فتافيت دا اتقفل من مده سنتين تقريباً ؛؛؛؛؛ وبعدين يا عم واحد تاني لماذا تغافلت ابو شقرة في ابو ظبي؟؟؟!!! ؛؛؛؛ اعترض بشده بل واشجب واستنكر هذا التجاهل التام لهاذوك المناضل الكبير من اجل بلوغ المتعه المصريه لابنائنا في الخارج ؛؛؛؛؛

توقيع ياسو ابن فيناس (ابو لقمة)

عضو منظمة التحبيش التقدمية الوحدوية للنضال ضد التيك اواي والكنتاكي

تم تعديل 25 مايو 2006 بواسطة yasovinas

[se_ Elsyed]

ما كانش العمش يا س :wub:

سقطت من نظري :blink:

ما تظلمنيش يا طفاطيفو ..

الزروووف كانت أكوى مني ( وش عماد حمدي في فيلم مش فاكر إسمه )

أومال لما تعرف إن رمرمتي بقى كانت رمرمة بؤيئي بس

يعني عمري ما جربت أقف أكل على عربية فول ولا كده - كبده - اللهم إلا مرة واحده في أسكندرية من 3 سنين كده

وده عشان الباراستيج ما يتهزش ..

لدرجة الولا أخو مراتي الصغير لما شافني راح قايل لي " إيه ده يا آبيه سين سين .. إنت بتعرف تاكل زيينا كده من على العربيات ؟ "

بس لما بأنزل مصر بأشتري شاندوشتات فول بالزيت الحار من على العربية مش من المطعم .. وأروح أكلها في البيت في الخباثة ...

أما كبده ، سمين ، تخين .... نووووو واي

معليش يا طفطف ياخويا .. إستحملني

بس أنا معاك على الخط برضوا في التحدث عن الرمرمة ... ورُب مُتحدثٍ خيرٌ من مُجربٍ ... وعجبي

سؤال تاني الراجل بتاع الهريسة والبسبوسة والحركات اللي في إسكندرية واللي أشهر من المحافظ نفسه .. إسمه " محمد حسين ولا أحمد حسين .. ولا مش واحد من الإتنين دول ؟ "

بالمناسبة ... ممكن أضع في الدليل عندك هنا لينكات للرمرمة في الرياض ؟

[واحد تاني]

مش فتافيت دا اتقفل من مده سنتين تقريباً ؛؛؛؛؛

لأ من سنة واحدة بس ....

اما بخصوص ابو شقرة يا سيدى ف انا لا اجرؤ طبعا على تجاهله ... انما موضوع طفشان اللى احنا حاليا بنقوم بهاذوها التعدي السافر عليه بيحكي عن نجوم الرمرمة ودا طبعا غير نجوم اف ام اللى ابو شقرة منهم ...

ليك عليا لو نازل الصيف دا اعزمك فى فرع لوران ع البحر عشان بتاع سموحة مش اد كده... وطفشان يبقى يعزمنا فى فرع جامعة الدول او اللى فى الميرغني

س س

اسمها هريسة (احمد حسنين) بفروعها المختلفة من فيكتوريا لباكوس ... احذر التقليد علبته لونها اصفر اما هريسة (اولاد رزق) ودى درجة اقل علبتها المميزة لونها ازرق.... اما بقى لو بتتكلم ع الهريسة اللى بجد عليك وعلى (طلعت)

تم تعديل 25 مايو 2006 بواسطة واحد تاني

[عادل أبوزيد]

الأمر يتطلب دعوة مؤرخ محاورات المصريين السيد وايت هارت لأنى أتذكر موضوعات قديمة إحتوت على كثير من الغزل فى أماكن الرمرمة فى مصر.

و أذكر أنى فتحت موضوعا هو رمرمة الدكاترة يمتنعون, أكل من على قارعة الطريق

و الصورة لعربة فول متكاملة فى طريق مصر إسكندرية الصحراوى و لطبق سمين على الرصيف فى وسط القاهرة .

بالنسبة للحواوشى فهو فى القاهرة بدأ قبل الستينيات فى سوق التوفيقية بالقرب من أوله من ناحية الإسعاف و رغيف عادى به لحم مفروم مع قدر كبير من التوابل و يدخل الفرن و يلغلف بورق جرائد ، و لكنى أتصور أن أصل رغيف الحواوشى هو العيش باللحم الذى تشتهر به الإسكندرية حيث - كان - يمكنك بخمسة ساغ و نص تعمل رغيف يكفى فيلا و تأكله و لا تستطيع إلا شرب الشاى و النوم كنت تذهب للجزار و تعطيه الخمسة ساغ و نص فيقوم بقطع قطعة من اللحم الشمبرى وزنها خمسين درهم ( يعنى ثمن أقة) و يفرمها و يفرم معها بصلة و بعض الخضرة و التوابل الحريفة و يقوم الجزار بعد ذلك بأخذ هذه الخلطة إلى الفرن البلدى المقابل له و يقوم بفردها على رغيف عجين ثم يغطيها برغيف عجين آخر ثم يقوم بثقف الرغيف العجين الآخر حتى لا ينتفخ عند النضج و يطلب من الخباز تسويتهم فى الفرن ...... ثم تأخذ أنت الرغيف و ... و ......

[yasovinas]

ليك عليا لو نازل الصيف دا اعزمك فى فرع لوران ع البحر عشان بتاع سموحة مش اد كده... وطفشان يبقى يعزمنا فى فرع جامعة الدول او اللى فى الميرغني

انا نازل اول يوليو وهشبط في هذا الوعد يا واحد تاني ومش هقبل اي عذر منك او انك تدعي انك واحد تاني غير الواحد التاني اللي كتب هذا الكلام

عموما انا كان قصدي على ابو شقرة اللي موجود هنا في ابو ظبي مش بتاع مصر وللعلم ليس بينهم اي رابط غير الاسم فقط

استاذ عادل ابو زيد واضح انك ولا مؤاخذه رمرام قديم وخبرة في تاريخ الحواوشي والعيش باللحمه تحياتي لذوق حضرتك الرفيع

بس واضح جدا ان طفشان نجح في اثارة شهيتنا جميعاً للرمرمه ،،،، هانت كلها شهر وشهير واعيش في بحر من الرمرمة

[سمـ مصر ــا]

بصرحة ياطفشان موضوعك ممتع جداً

اية الحلاوة دى ياجماعة انا جعت وحسة انى نفسى أنزل مصر حالا

ياريت ياجماعة بنظام تحطوا لية عناوين محلات الرمرمة بترتيب وخصوصاً فى القاهرة والاسكندرية

وخصوصاً محلات لحمة الرأس والسجق وفواكهة اللحوم المحمرة

الأجازة قربت الحقونى بيها

تم تعديل 25 مايو 2006 بواسطة سمـ مصر ــا

[واحد تاني]

انا نازل اول يوليو وهشبط في هذا الوعد يا واحد تاني ومش هقبل اي عذر منك او انك تدعي انك واحد تاني ..

الله يحييك طال عمرك ... انت وأي واحد تاني :blink: كمان يشرفنا ... هكون في اسكندرية بعدك باسبوعين بمشيئة الله.

ياللا نرجع بقى للكلام عن الرمرمة قبل طفشان ما ييجى يرش ميه

[Tafshan]

للعلم فقط ...

انا بأتكلم عن نجوم الرمرمة القاهريين .. و طبعاً كلكم احرار لو اتكلمتم عن نجوم المحافظات و الدول الصديقة ;)

اللي عايز ياكل كبده على حق من اسكندرية هم محلين لا ثالث لهم

ا رومه على محطة المطافي بجوار قسم المنشية

2 وهبه في بحري

الكبده الاسكندرانى لا يعلى عليها في اسكندرية ..و اضيف على الاثنين بتوعك واحد مش عارف اسمه في البطاش جنب خروب كلية الطب .. اشي خيال يا ناس B)

من اباطرة الكبدة في اسكندرية كمان عندك:

-للباحثين عن الحرية من ابنائنا فى الخارج:

في دبي جربت فتة اللحمة الضاني بالخل والتوم عند (فتافيت) وكانت لابأس.

اما عن الاكلات المصرية مجتمعة فى مكان واحد وحول العالم يبقى (مطاعم جاد) بفروعة من ابوظبي وحتى كوكب اورانوس.

يا عم واحد تانى انت بتقول عن ناس قفلت و كانت مقلب كمان :D

لو عايز فته معتبره .. روح على ابو شقرة بتاع دبي في شارع آل مكتوم ... و لو روحت يوم الجمعة بيعمل اوبن بوفيه هايل

ما كانش العمش يا س :)

سقطت من نظري :angry2:

وده عشان الباراستيج ما يتهزش ..

معليش يا طفطف ياخويا .. إستحملني

هات لك براستيج استيراد بداله من بورسعيد :P

يا س س يا خويا على رأي الشاعر القديم : العمر لحسه :)

طب بالذمه اجازه من غير رمرمه يبقى طعمها عامل ازاي ؟؟؟

مش فتافيت دا اتقفل من مده سنتين تقريباً ؛؛؛؛؛

لأ من سنة واحدة بس ....

اما بخصوص ابو شقرة يا سيدى ف انا لا اجرؤ طبعا على تجاهله ... انما موضوع طفشان اللى احنا حاليا بنقوم بهاذوها التعدي السافر عليه بيحكي عن نجوم الرمرمة ودا طبعا غير نجوم اف ام اللى ابو شقرة منهم ...

ليك عليا لو نازل الصيف دا اعزمك فى فرع لوران ع البحر عشان بتاع سموحة مش اد كده... وطفشان يبقى يعزمنا فى فرع جامعة الدول او اللى فى الميرغني

س س

اسمها هريسة (احمد حسنين) بفروعها المختلفة من فيكتوريا لباكوس ... احذر التقليد علبته لونها اصفر اما هريسة (اولاد رزق) ودى درجة اقل علبتها المميزة لونها ازرق.... اما بقى لو بتتكلم ع الهريسة اللى بجد عليك وعلى (طلعت)

انا مش نازل تانى السنه دى :(

الى جميع القلوب الرحيمه الاسكندرانية الاشاوس ... انا عايز هاريسه :(

الأمر يتطلب دعوة مؤرخ محاورات المصريين السيد وايت هارت لأنى أتذكر موضوعات قديمة إحتوت على كثير من الغزل فى أماكن الرمرمة فى مصر.

و أذكر أنى فتحت موضوعا هو رمرمة الدكاترة يمتنعون, أكل من على قارعة الطريق

و الصورة لعربة فول متكاملة فى طريق مصر إسكندرية الصحراوى و لطبق سمين على الرصيف فى وسط القاهرة .

بالنسبة للحواوشى فهو فى القاهرة بدأ قبل الستينيات فى سوق التوفيقية بالقرب من أوله من ناحية الإسعاف و رغيف عادى به لحم مفروم مع قدر كبير من التوابل و يدخل الفرن و يلغلف بورق جرائد ، و لكنى أتصور أن أصل رغيف الحواوشى هو العيش باللحم الذى تشتهر به الإسكندرية حيث - كان - يمكنك بخمسة ساغ و نص تعمل رغيف يكفى فيلا و تأكله و لا تستطيع إلا شرب الشاى و النوم كنت تذهب للجزار و تعطيه الخمسة ساغ و نص فيقوم بقطع قطعة من اللحم الشمبرى وزنها خمسين درهم ( يعنى ثمن أقة) و يفرمها و يفرم معها بصلة و بعض الخضرة و التوابل الحريفة و يقوم الجزار بعد ذلك بأخذ هذه الخلطة إلى الفرن البلدى المقابل له و يقوم بفردها على رغيف عجين ثم يغطيها برغيف عجين آخر ثم يقوم بثقف الرغيف العجين الآخر حتى لا ينتفخ عند النضج و يطلب من الخباز تسويتهم فى الفرن ...... ثم تأخذ أنت الرغيف و ... و ......

استاذ عادل واضح انك صاحب خبره واضحه في مجال الرمرمه ..

اللمحه التاريخية بتاعة الحواوشى دى اول مره اسمعها .. ما كنتش اعرف انه اسكندرانى :(

في انتظار وايت هارت ليدلى بدلوه في هذا الموضوع الحرش

بصرحة ياطفشان موضوعك ممتع جداً

اية الحلاوة دى ياجماعة انا جعت وحسة انى نفسى أنزل مصر حالا

ياريت ياجماعة بنظام تحطوا لية عناوين محلات الرمرمة بترتيب وخصوصاً فى القاهرة والاسكندرية

وخصوصاً محلات لحمة الرأس والسجق وفواكهة اللحوم المحمرة

الأجازة قربت الحقونى بيها

الحقيقة هو ده الهدف من الموضوع ... اخترت احد عادات المصريين الملحة كمدخل لنتغزل في بلدنا الجميل ...

عناوين المحلات موجود في المداخلات .. لو محتاجه لوصف اكثر لمحل معين قولى

[Tafshan]

السندوتـــــــــش الكبيــــــــــــــر : ســـــــ 30 ـــم

ليس بأختراع مصري و لكنه تطوير مصري 100 % ... رغيف فينواز 30 سم يحتوى على كل ما تطوله يدك من مواد قابلة للاكل مكوناً وجبه متكاملة مشبعه .. اول من تعرفت عنده على هذا السندوتش كان موكا في شارع الخليفة المأمون - مصر الجديدة .. و اشتهر بتقديم سندوتشات الفول و الطعمية !! : كان لديه سندوتش شهير اسمه ديناميت و هو عبارة عن فول على طعمية على بتنجان مخلل على طحينه .. و كان ديناميتاً حقاً ، فقد كان ينفجر بصخب داخل الامعاء محدثاً انتفاخاً مدوياً و حالة من الاشباع تدوم لأكثر من يوم .. و بجانب الفول كان يقدم الكبده الاسكندرانى و المخ و الى آخر الوجبات الشعبية المعروفه بالاضافة الى الهمبرجر و هوت دوج و الدجاج البانية ... و كالعادة .. عندما ينجح محل في تقديم شئ ما يبدأ الجميع في تقليده فظهر مؤمن و غيره و لكن الاخير كان اقوى و بدأ في محل خلف الميريلاند حيث اماكن الانتظار الواسعة و بالتالى اصبح اكثر شهرة و بدأ افتتاح باقى فروعه بعد ان افتتح فرع ميدان لبنان و حقق نجاحاً شديداً ..و لكن مستواه هبط للغاية في الفترة الاخيرة ...

السندوتش الكبير فرض نفسه على قائمة مأكولات جميع مطاعم الفاست فود و انتشر الى حد التهديد للتوكيلات (الفرنشيز) الاجنبية للاطعمه مثل كنتاكى و ماكدونالز و غيرهم ... و تفوقت عليهم من حيث الحجم و الطعم كما هو الحال مع محلات مثل كوك دوور و "وصايا " و الغريب ان مثل هذه المحلات نجحت في عمل سلسلة محترفه و استطاعت ان توفر المعرفة المطلوبه للتوسع دولياً و لكن لا اعرف ما سبب عدم حدوث مثل هذا الانتشار ...

و للحديث بقية ....

[واحد تاني]

موضوع الساندوتش ابو 30 سم ده فكرني بمحل (HERO) فى سموحة وده فتح فى نهاية التسعينات 98 او 99 بس الجديد فيه بقى انك بتشتري من عنده الساندوتش بالمقاس ...

كان عنده ساندوتشات 7 انش وساندوتشات تانية 14 انش ...بس دا مكانش تبع الرمرمة

اما عن الديناميت بقى يا سيدى فلو نزلت اسكندرية قول لهم انا عاوز سيد (سواريخ) اوعى تنطقها صواريخ ولاد الحلال هتدلك عليه فى حي الجمرك عند باب 10 وده بقى تاكل عنده احلى متفجرات ...

فول بالسواريخ

سدق (اللى هو السجق) بالسواريخ

فول بالسجق بالسواريخ ... مخ ... كبده ... كلاوي ... اسماك

وغيرها من الساندوتشات الصاروخية

وعنده كمان (السكلانس) والسكلانس فى علم الرمرمة هو خليط من حاجتين لم يتفق البشر من قبل على خلطهم مع بعض... السكلانس المميز عنده الجمبري مع سبيط

ملحوظة: تأكد من وجود الساقع امامك على الترابيزة قبل البدء فى الاكل

يا عم واحد تانى انت بتقول عن ناس قفلت و كانت مقلب كمان :P

لازم يعنى تحرجنا :P ما قلنا انه كان لا بأس...

عموما يا سيدى خد عندك واحد فاتح بس مش رمرمة هتلاقيه فى الصناعية فى الشارقة ... اسمه سمكمك

لازم تكون رحته ... تخصص اسماك ويا عينى على الاوبن بوفيه بتاعه فى رمضان.

[Tafshan]

عموما يا سيدى خد عندك واحد فاتح بس مش رمرمة هتلاقيه فى الصناعية فى الشارقة ... اسمه سمكمك

لازم تكون رحته ... تخصص اسماك ويا عينى على الاوبن بوفيه بتاعه فى رمضان.

سمكمك رمرمره :huh:

واضح انك متواضع جداً في علم الرمرمه :unsure:

عايز رمرمه حقيقية .. روح دوار الساعة في الشارقة ... و في منتصف الدوار ح تلاقى محل مصري - تعبان- خش من جنبه يمين ... ح تلاقى على الشمال مخبز المنوفية : عيش مصري بلدى (معدل وراثياً :ph34r: ) و جنبه محل كبده و مخ بانيه مصري جداً جداً ... وامامه مباشرةً محل سمك بيشوى و يقلي على الطريقة المصرية ...

اي خدمه B)

[Modest]

طفطف حبيبي :unsure: .. أنا متأكد إنك بتحبني و مش هاترفض لي طلب

ياريت جنب اسم كل مطعم من اللي ذكرتهم .. تكتب لنا إسم أقرب مستشفى

[se_ Elsyed]

طفطف حبيبي :unsure: .. أنا متأكد إنك بتحبني و مش هاترفض لي طلب

ياريت جنب اسم كل مطعم من اللي ذكرتهم .. تكتب لنا إسم أقرب مستشفى

إبعد إنت عن الموضوع ده يا موديست عشان ما تتعورش

[yasovinas]

طفطف حبيبي :angry2: .. أنا متأكد إنك بتحبني و مش هاترفض لي طلب

ياريت جنب اسم كل مطعم من اللي ذكرتهم .. تكتب لنا إسم أقرب مستشفى

إبعد إنت عن الموضوع ده يا موديست عشان ما تتعورش

يتعور مين يا س س انا متاكد انه بيعمل غسيل معده على السماع بس يا عم دي ناس سيسي بيسي خالص يعني موديست لو ضرب ساروخ من بتوع سيد سواريخ يبقى انتهى وتكون دي نهاية فرقة حسب الله الموسيقية موديست الله يخليك انت كبيرك واحد بجلز ولا برنجلز ولما تفك مش هتسك :angry2: