الخفايا المبهمه و دليل نجوم الرمرمه

[Cleo]

معلش انا مش باحب الايس كريم بس لو هف عليا يبقى موفينبيك بس نوع الكراميل

انا زيك يا كليو بحب لما انزل القاهرة لازم اتغدى مرة فى العهد الجديد ومرة فى فلفة

يا نونا أيس كريم موفنبيك ده عامل زى دوا الكحة كله ألوان ومكسبات طعم ماتحسيش بطعم الفاكهة ولا اللبن فيها خالص :wub:

العهد الجديد ماليش فيه غير ورق العنب بالكوارع بس... بس بيكون أحلى ورق عنب ممكن الواحد ياكله فى حياته و

أطعم من البنبونى :angry2:

فلفلة ما جربتش الغدا فيه الحقيقة بس جربت عنده الفول (مش قد كدة) إنما الطعمية بتاعته مستوية وحلوة :P

[se_ Elsyed]

انت هناك من ايام ما كان خالد لسه امير ؟ وشارع العزيزية على البحر ؟

يعني بالصلاتو عالحبيب الراجل ده بيتكلم في حاجات يمكن من 40 سنة

واحد تاني

إوعى يكونوا نقلوا شارع العزيزية وحدفوه جوه بعيد عن البحر ؟

[se_ Elsyed]

إفتكرتك إمبارح بكل خير والله يا طفطف

كنا خارجين إمبارح بالليل وكان معايا أخويا الصغير ولفيف من الأصدقاء العُزابيه

فأقترح علينا المقروص نروح منطقة في جنوب الرياض إسمها " المنفوحة " ..

ليه يا عم ماحنا كده كويسين ؟

قال هافكركو بمصر وجو مصر وأكلكوا .... ّّّّ ّ ّ ^ ّ ّ ّ سمين ّّّّ ّ ّ ^ ّ ّ

أنا عن نفسي قلت له سمين إيه وتخين إيه يالا .. إنت عايز توديني في داهيه وبعدي ن الساعة 12 دلوقت والحاجات دي ممكن تموت الواحد وهو نايم وما يحسش أساساً إنه مات إلا الصبح لما يجي يصحى وما يعرفش .. فيبقى مات سُكيتي ...

المهم كان لديه من الحُجج والبراهيم ما أقنعنا به .... وروحنا معاه ونطقت الشهادتين و ضربنا السمين ياطفطف - أنا شربت عشيييييش يا سعاد -

للمعلومية .. السمين ده وهو أكله شعبية مصرية عبارة عن لحمة راس وممبار ولسان ومكونات أخرى مجهولة المصدر وبعدين كل ده بيتحمر في قليل من السمن مع كثير من الدهن اللي مستخرج من الحيوان المقتول

وعاديك يابني على اللي حصل لي ... الظاهر خلاص الواحد سلم نمر ومابقاش قد الحاجات دي وبقى كبيرة قوي علبة زبادي منزوع الدسم ..

ومع إني أطفئت نار هذا السمين ببضع اكواب من الشاي أبو نعناع .. مع رشة بسيطة من السفن آب ( يارب الدكتورة سهيلة ما تاخد بالها ) إلا أنني مازلت أعاني من أثارها الجانبية حتى الآن وحاسس إني أكلت حجر من بتوع الرصيف .. وإنه تحرك حتى جثم على قلبي وما بقيتش أخد نفسي

وأدي أخرة اللي يسمع كلام العيال ...

وأديني بقى يا عم وصفة الزبادي في الخلاط

[Tafshan]

فيك الخير يا س س انك افتكرتنى ... :wub:

بس مش كنت تفتكرنى برغيف معاك :P

و بعدين بتعيب على السمين و انت واكل في " المنفوخة " يعنى تفتكر الاسم ده جه من فراغ :D

على العموم السمين معروف بيتهضم بسرعة جداً ...

في اقل من 72 ساعة ح تبقى زي الفل :wub: و بعدين انت عملت غلطة جامده جداً ...

بيبس و سفن بعد السمين mfb:

طبعاً ما يعملوش حاجه ..

الحل هو الشاى الصعيدي الحبر اللى فيه 30 معلقة سكر و حبذا لو كنت من المدخنين و خبط لك معاه حجرين معسل قص او سلوم ايهما اقرب ... ثم تستلقى على ظهرك مع قرائة المعوزتين 1500 مرة و ح تبقى عال العال و لا كأنك عملت حاجه :)

طفشان الموس

حلاق صحة

[se_ Elsyed]

إنتوا بتقول فيها

والله يا عم أنا لحد دلوقت تعبان جداً

وزي ما يكون عندي حاجات كثيرة متلخبطة ومش عارف أضع إيدي على الخلل فين بالظبط

لكن أنا هاخاد كلمتك بتاعت الـ 72 ساعة دي وأنتظر

[واحد تاني]

شوف يا استاذي الفاضل س س

انا شايف انك لازم تفرمت وتنزل ويندوز من جديد :)

[se_ Elsyed]

شوف يا استاذي الفاضل س س

انا شايف انك لازم تفرمت وتنزل ويندوز من جديد :)

طب أعمل باك آب من الحاجات الموجودة؟

ولا نقطة ومن أول السطر ؟

------------------------------

عارف يا واحد ياخويا

ده كلام بجد بقى

الواحد بيدفع ثمن حاجات كثيرة كسبها في حياته .. وده على حساب صحته

وأسف قوي على اللغوصة في موضوع طفطفش باشا المانيسترلي الشهير بملك الكرشه

زمان وأنا في إعدادي وثانوي كانت مدرستي على بُعد حوالي 6 كيلو من البيت وبالرغم إها في طريق الأتوبيس ومترو الأنفاق كمان

لكن مرات قليلة جداً اللي الواحد كان بيروح المدرسة بالمواصلات .. مش لفقر أو حاجة .. ابداً

لكن الواحد كان لسه بصحته .. وكنا مجموعة من الجيران وزملاء الدراسة أيضاً .. فكنا ناخدها رغي في رغي لحد ما نوصل المدرسة وولا بنحس بطول المسافة

وكانت وجبتنا المُفضلة هي إننا نحود على الفرن ونشتري عيش فينو - صامولي بالخليجي :blink: - سخن ملهلب لسه في الصاج .. وبعدين نشتري فلافل من المطعم مع بعض الدُقة - ملح بتوابل مشكلة - مع إستعارة بعض الطرشي البلدي من المطعم - فري أوف تشارج - ونعمل ساندوتشات وكل واحد يضرب له تلات أو أربع أرغفة بالمستريح ...وكان طعم الساندوتش ده ألذ من أكل خروف محشي زي أبو جهل

أما الآن فمع العمل المكتبي ... والرحرحه .. والسيارة .. والتكييف ... فأصبحت يا سيدي الفاضل أجيب جاز لو أكلت طعمياية .. أو أكلة سمينة .. أو شيء دسم بشكل عام

هــــيه دنيا وما فيش حاجة يابني بتفضل على حالها على رأي خالتي أطاطا

[واحد تاني]

الواحد بيدفع ثمن حاجات كثيرة كسبها في حياته .. وده على حساب صحته

:

:

أما الآن فمع العمل المكتبي ... والرحرحه .. والسيارة .. والتكييف ... فأصبحت يا سيدي الفاضل أجيب جاز لو أكلت طعمياية .. أو أكلة سمينة .. أو شي دسم بشكل عام

هــــيه دنيا وما فيش حاجة يابني بتفضل على حالها على رأي خالتي أطاطا

اعتذر برضه عن اللغوصة فى موضوع طفشان بس ربما اللى هقوله يخدم قضية الرمرمة

عزيزي س س انا رغم اني بتعامل مع مستويات الرفاهية المختلفة اللى حضرتك ذكرتها دي بس انا الحمدلله ممكن ادوس معاك فى طعمياية (اللى هي فلافلاية يعني) او حاجة دسمه زي ما تفضلت وبدون مشاكل والحمدلله ...

السر فين بقى ... انك تواظب على الرياضة ... جرب حضرتك كده تروح النادي 3 ايام فى الاسبوع تدخل فيهم الجيم او تنزل البيسين وتفضل رايح جاي ... وبعدين وانت مروح بقى عدي على اول بتاع معجنات يقابلك :) اضرب من عنده مناقيش لحم ... على اساس انك تنام خفيف :blink: ... وانت هتدعيلي :huh:

[nancy]

علشان صحتك بشكل عام متتعبش اهم حاجة ان تلغى العشاء بقدر المستطاع

ولما تحب تاكل حاجة قوية كدة تكون على الغدا او قبل الساعة 7 مساء

وكمان الرياضة مهمة فى مصر سهل تروح جيم والايروبك فى كل مكان

انما لانة صعب فى السعوديية فعلى الاقل لازم يكون عندك سير تمشى علية كل يوم

مش اقل من نص ساعة برضة حتعمل فرق

مع انى اعتقد ان فى الرياض فية جيم للرجال وكمان فية للسيدات

انما احنا مكتفين بالسير بس لحد ما يخترعوا اى حاجة تانية عندنا

ومعلش هى الرمرمة حلوة بس مضرة جدا

مع الاعتزار للموضوع الفاتح للشهية دة

بس الى حيحصل بعدها صعب اوى <_<

[Tafshan]

انتم ح تقلبوها غم ليه <_<

الاكل مهما كان ثقيل و صعب الهضم بيتهضم مع اللمه الحلوه ... لو لاحظنم ما فيش مداخله من المداخلات كانت بتقول بأكل لوحدى .. لازم الشله و اللمه و القفشة .. هو ده اللى ناقص لأتمام عملية الهضم ... ما علينا

و لا يهمك يا س س ... بعد كده و انت رايح المنفوخة ابقى عدى عليا :angry2:

[Tafshan]

تذكرت هذا الموضوع .. او ربما اشعر بالحنين ..

[Tafshan]

بما انى نازل مصر الخميس اللى بعد اللى جاي .. ايه اخبار نجوم الرمرمه الجدد ؟؟ فين ابناءنا الطلبه الرمرامين يجو يظبطونا :closedeyes:

[se_ Elsyed]

أنا على العهد يا طفطشاوي ..

انا نازل كمان قريب بإذن الله ... وسنُعيد أمجاد الرمرمة ... وفول وطعمية وضرب نار للصباح الباكر يا معلم ...

طفطش ... تيجي ماتش الاهلي والزمالك عشان تضرب في موديست معانا ؟

قول آه وأخليك تنسق مع دكتور الشامي اللي هاييجي لنا من إسكندرية برضوا في إكسبريس تلاتة وربع يحضر الماتش ويديها السكة على طول ....

واهو بالمرة ممكن نجيب عدة الرمرمة معانا نضربها أثناء سير المباراة

في نهائي الكأس العام الماضي بين الاهلي والزمالك ... ما كنتش إتغديت ولسه بأضرب إيدي في أول لقمه في البيت لقيت عديلي بيتصل بي ويقولي : جاي معانا الماتش يا ريس؟ فقلت له : ماتش إيه يا معلم ده فاضل ساعة بالظبط ... فقال لي عيب .. كلمة السر كوسة ... واحد صاحبة ظابط هو اللي كان واقف بينظم جماهير الزمالك ... المهم ما صدقت وخدنا بعضينا جري ..... وإحنا في ميدان الحجاز قلت له حود على بتاع الكشري اللي هناك ده أضرب لي طبق في السكة أحسن أنا على عضم بطني من الصبح ..... واخدت الكشري معايا ومعاه الحلو رز بلبن ... لكن أنا في عيب خطير قوي يا طفطش .. لما بأكون بأتفرج على ماتش ومن شدة الأعصاب ما بيجليش نفس لأي حاجة ..

وحيث إننا روقناهم 4-3 ... فأحتفلت بفتح زجاجة كشري مع قطرات من الرز أبو لبن ......... إحتفالاً بهاذوها المناسبة ..

ها ... جاي يا مان ؟

[se_ Elsyed]

بالمناسبة يا طفوش ...

بما إنك الراعي الرسمي لمؤتمر الرمرمة العام ....

هو الموضوع ده مقصور على الاكلات والحلويات بس ... ولا ممكن مشروبات أيضاً ؟

عشان نتكلم عن مشروب الطاقة الكهروكميائية ألا وهو " الحلبسة " اللي بالفرنساوي يعني حمص الشام ؟

رد علي قبل ما تنزل مصر وتندهك النداهة

[Tafshan]

طبعاً يا باشا .. و بعدين مودست واعدنى اشوفه من 4 سينين و كل مره يفلسع منى .. بعت لك رقمى في مصر .. ابقى كلمنى .. انا نازل يوم الخميس اللى جاي ( مش بكره)

طبعاً الموضوع موضوعك .. و تكتب اللى انت عايزه .. في انتظار الحلبسه ..

[se_ Elsyed]

يا كلاسيكيات ... يا

[ozoozo]

والله حرام عليكم

ماحسيتش بوجع الغربه غير بعد ماشفت الموضوع ده

[الباشمهندس ياسر]

والله حرام عليكم

ماحسيتش بوجع الغربه غير بعد ماشفت الموضوع ده

فعلا ... فيه نعم مش بنحسها الا و احنا بعيد

[engmido]

حد عايز يدلنا على اماكن تانى او يحكيلنا على مغامراته فى المطاعم

[الغريب]

وده كمان للرفع