للرجال فقط ...المرة دي بجد

[احمد هادي]

انا بصراحة يا جماعة محرج اكتر واكتر :wub:

لأن الكلام المره دي هيكون اعمق واتقل :wub:

الكلام المره دي مش هيكون عن الجمال

لا .....

هيكون عن تأثيره

يعني بصراحة كده عن تأثير الجمال من عدمه عن العلاقه الخاصة بين الرجل والمرأه mfb:

يعني من الآخر كده اي ست تدخل فهي بتدخل علي مسئوليتها الشخصيه

وانا مش مسئول بأي شكل عن الصدمات اللي ممكن تتعرض لها

انا حذرت ,.......

وانتو حرين

الموضوع زي ما قلت عن تأثير الجمال علي العلاقة الخاصة

هل هو عامل مؤثر وحيوي

ولا زي الانجليز ما بيقولو

all the cats are black in the darkness

وافهمو انتو الباقي

وبحذر تاني

الموضوع ده فعلا للرجاله بس B)

طبعا انا عارف ان كلنا هنلتزم بحدود معينه في الكلام لأن الموضوع مش سهل -_-

وأظن عيب قوي لما نعيب علي هالة سرحان وبعدين نقع احنا في الغلط :excl:

تم تعديل 16 مايو 2006 بواسطة احمد هادي

[Tafshan]

و الله يا عم هادى الموضوع ده كبير :excl:

المهم .. نحاول نرد بتحفظ :wub:

فلنفترض انك كنت عايز نجيب عربية معينه و قعدت تحوش عشان تجيبها و جبتها فعلاً ... ح تنبسط منها قد ايه ؟؟؟ شهر ؟ اثنين ...و بعدين بيبقى ركوب العربية دى ... عادى

فلنفترض انك ما حوشتش و جبت عربية برضو زيرو بس مش على مزاجك ... كيا بريد مثلاً :wub: ... و بعد شهر لو اثنين ... بيبقى ركوب العربية دى برضو عـــــــــــــادى

اذاً مع الوقت بيعمل التعود حالة من الاستقرار تخلى القمر عادية جداً و تخلى القردة برضو عادية جداً ..

انت عارف ... الجواز ده عامل زي الكحك بتاع العيد ... مرشوش عليه سكر ناعم من فوق ... لو عملت زي العيال الصغيرة و اهتمت بس انك " تلحس " السكر اللى فوقه ح تلاقى الكحكاية ما تتاكلش ... لان الاصل هو الكحك مش السكر ...

سيبك بقى من السكر و خليك في الكحكاية و اهتم انها تكون محشية دين و مودة و رحمة ... هو ده اللى بيدوم

بس خلاص mfb:

[محمود الشاعر]

عمنا طفشان اسلوبك راقي

بس انا عاوز احكي لك حكاية كنت فى حديقة الحيوان من كام سنة مع الاولاد وشفت اتنين عواجيز بس بجد زهلت من مستوى الرقي فى العلاقة و كمية الحب اللي بنهم صدقني عرفت ان الشكل والسن مش هما الاساس لو بتحب أكلة معينة هتزهق منها بعد كام سنة مع الاعتزار للتشبيه تفتكر ايه اللي بيخلي في جاذبية و رغبة الشكل ولا الحب لو بنتكلم بجد يبقى اكيد الحب لو بنهزر طبعا كلنا نفسنا فى صوفيا لورين

[Cleo]

... كيا بريد مثلاً ...

أنا ماشوفتش الجملة دى نهائى عشان الموضوع ده للرجال فقط :excl:

[مهيب]

فى واحد كده ..

مش فاكر اسمه .. يمكن زهقان ..

أو مخنوق ...أو زعلان ..

حاجة كده ..

متنكدة ..

كان فى مرة كتب كلام ..

موزون تمام ..

وقال كتير ..

كتير كتير ..

عن العرايس و عن الحرير ..

أو الكوريشة ..

أو الفورير ..

اقروا معايا ..

كلامه الخطير ..

عروسه حلاوه

في السوق حكاية

مالهاش نهاية و لا بداية

مدهونه بوية

و منديل بأوية زينت العرايس

القلب سكر ..

ملفوف كوريشة احمر و اخضر

نادت عليا و ناديت عليها ..

قلت يا بويا عايز عروسه

ابويا قال لى .. ما تأخذش اللى

الدبان عليها عمال يعف

الفرح ساعة لما تأكلها

و ابقى قابلنى لما تخف

زقيت ابويا و مديت ايدية

و قعدت اكل في العروسه

وجعتلى بطنى .. صدقت ابويا

و على الدكاترة عمال الف

و عرفت ان القلب حنضل

مدهون ببوية عشان تبيع

حتى الكوريشة كانت رخيصة

و الماركه سكه و اللون فظيع

ندمت ايوه .. على الاكل لأ

ندمت بس عشان حلمت

و كنت فاكر لما ح اخذها

القلب ينظف و يبقى سكر

ما كنتش اعرف ان اللى قبلى

في الاصل وسخ و القلب عكر

بكيت كثير من غير دموع

و رسمت ضحكه منورة

ما عدش ينفع الرجوع

او لحظه ابص فيها وراء

[nancy]

يا احمد انت مصر تغظنى لية يا بنى كدة بتحجر على اراء الستات تحب نكتب موضوع عكسى للستات :wub:

عموا انا عجبنى اسلوب طفشان سواء فى العرض ( رغم اعتراضى على نقط ) او فى الشعر الى كاتبة قبل كدة

كليو مش حنرد لحد .. لما نشوف اخرتها اية :excl:

[MZohairy]

ياحمد فكرتني بالمثل الهندي اللي بيقول

بدلا من شراؤك بقرة فمن الأرخص و الأريح شراء كيلو حليب طازج يوميا !!

متشتمنيش يا كليو لو سمحتي..... :excl:

[se_ Elsyed]

زي ما أتفقنا أو تم تعريف من قِبل الكثيرين بإن الجمال موضوع نسبي ...

بمعنى إن القرد في عين أمه غزال ..

يعني واحده مراته ما تتشفش ( بالنسبة لناس تانيين ) لكن في عينه هي مارلين مونرو لإنه بيحبها .. يبقى بالتأكيد هايبقى في منتهى السعادة معها ..

وواحده تاني غاية في جمال الشكل ومن الأخر صاروخ .. لكن زوجها مش مقتنع بها ومتجوزها تخليص حق .. يبقى هاتكون في عينه شكل نوال السعداوي وممكن يعلق عليها يافطهة بتقول " ممنوع الإقتراب " ..

إذا هي مسألة حب وتفاهم في الأول والأخير ولا علاقة بالجمال في ذلك .

عقلي الباطل بيقولي : أحمد هادي نهايته قربت .. وغالباً هاتبقى زي نهاية نجم الدين أيبك في فيلم الناظر صلاح الدين .

[عصفور طاير]

(خير النساء التي إذا نظرت إليها سرتك وإذا أمرتها أطاعتك وإذا غبت عنها حفظتك في نفسها ومالك) (حديث شريف)

قال لك إذا نظرت إليها إيييه؟

يعني لازم برضه يكون فيه حاجة تسر.

وبعدين في اعتقادي المسألة دي ليها علاقة كبيرة جدا بالراجل نفسه.. يعني لو عنيه فارغة، يبقى إن شاء الله لو متجوز مارنيل مورنو (مع تحيات القصري)، مع الوقت هايشوفها ماسخة، وهايعجب بأنوثة عيشة الكيلاني.

وفي الحقيقة إن أفضل حاجة لغالبية الرجالة وللستات كمان، لإنها ها تضمن لهم الاتنين حياة مثيرة ومتنوعة هوه التعدد، لأنه من غير أي مواربة يتناسب مع تركيبة غالبية الرجالة.. :excl:

يالله.. أنا قلت اللي فيها والأمر لله.. وطبعا الستات هيبدأوا يشتموا ويضطهدوني، لكن الراجل قالكم من البداية إن الموضوع ده للرجال فقط. :wub:

[yasovinas]

لو الكلام على الحياة والعشرة يعني البيت وانك كل يوم هتصطبح بيها وهتتمسى بيها وهتتعامنل معاها يبقى جمال الروح له الاولويه ولكنها ليست اولويه مطلقه لان برضه جمال الشكل له بعض الاولويه وخصوصا اننا عايشين في مجتمع متفتح وبنشوف من كل الالوان والانواع والاشكال فيبقى ضروري وغصب عن اطخن طخين هيحصل نوع من المقارنه ولو في اللا وعي لذلك فمن الافضل ان تكون هناك نسبة 30% على الاقل تخللي الراجل القنوع المستسلم لقضاء الله وقدرة ان يرضى بهذه النسبة

اما لو كان الكلام عن الحياة الزوجية فاظن ان المثل الانجليزي فيه بعض الصجق خصوصا مع مرور الوقت

[Cleo]

اما لو كان الكلام عن الحياة الزوجية فاظن ان المثل الانجليزي فيه بعض الصجق خصوصا مع مرور الوقت

طب ابقى هاتلينا ب2 جنيه وخللى الخواجة يتوصى :)

[Cleo]

كليو مش حنرد لحد .. لما نشوف اخرتها اية :wub:

العكس يا حبى..لابد من قمع الثورة فى مهدها :ph34r:

متشتمنيش يا كليو لو سمحتي..... :huh:

يتقطع لسانى يا باشا :)

بس ممكن أعمل زى بتوع الحزب الوطنى فى الانتخابات ;)

[نورية]

مسألة الجمال دى مقاييس... لكل عين و عقل مقياس خاص بهم....

يعنى اللى تشوفها حلوة غيرك يشوفها وحشة..

يعنى الراجل اللى اختار زوجته دة من الاول شايفها ايه؟؟؟ لو شايفها بعينه و قلبه انها مش حلوة يبقى اتجوزها ليه؟

والله فعلا الانسان مش بشكله..ولا اختيار الزوج لزوجته بيتم عن طريق الشكل (دة بالنسبة للناس العاقلة)... لان فيه هناك معايير و مقاييس تانية خاصة بتخلى الانسانة دى حلوة ولا وحشة.... فيه حاجة اسمها (قبول).. راحة نفسية... تقارب افكار...رعاية... حنان ... تفاهم...عطاء... كل الحاجات دىبتخليك شايف زوجتك احلى امرأة فى العالم....انها ملكة متوجة على نساء العالم جميعا....اما اللحظات الخاصة بين الزوجين فهى لحظات تمر سريعة و هى تعبير عن حبهما لبعض...و تبقى الحياة اليومية.. التى تمر بطيئة ..بمشاكلها بحلوها و مرها... و فيها لا بينفع جمال ولا وحاشة...فقط مواصفات الزوجة و شخصيتها هى الحاسمة فى مثل هذه المواقف....

فكرتونى بشعر و ماحدش يسألنى مين كتبه عشان انا ماعرفش

حبيبتي ان يسالوك عني يوما

فلا تفكري كثيرا

قولي لهم بكل كبرياء

يحبني..يحبني كثيرا

حبيبتي

ان عاتبوك يوما

كيف قصصتي شعرك الحريرا

وكيف حطمت إناء طيب

من بعد ماربيته شهورا

وكان مثل الصيف في بلادي

يوزع الظلال والعبيرا

قولي لهم

انا قصصت شعري

لان من احبه ..يحبه قصيرا

حبيبتي ان اخبروك اني لا املك المال والقصورا

وليس عندي في يدي بضع جنيهات تكف عنك تقلب الدهورا

قولي لهم بكل كبرياء بانك حبي الاول والاخيرا

كفاني بانه يحبني كثيرا

وسامحيني لانني احبك كثيرا

[eastsoul]

سيبك بقى من السكر و خليك في الكحكاية و اهتم انها تكون محشية دين و مودة و رحمة ... هو ده اللى بيدوم

طفشان كلامك فعلا جميل و انا متفقه معاك فيه ... يا ريت الناس تفكر كده ‏

[Tafshan]

فى واحد كده ..

مش فاكر اسمه .. يمكن زهقان ..

أو مخنوق ...أو زعلان ..

حاجة كده ..

متنكدة ..

الله يخايك يا فندم :)

http://tafshan-gedan.blogspot.com/2006/03/...0815024181.html

[nancy]

احمد معلش الموضوع دخل على سكة تانية خالص

لو عوزهم يقولوك رايهم الحقيقى اوى خليها على الخاص

لان الوحيد الى اتكلم كان طفشان وحولها عربيات انما الباقى قالك نسبى والعشرة

ومش دة الرد الى انت بدور علية

الخلاصة

الجمال مواصفات فى دماغ كل واحد ملهاش دعوة بالتعود

يعنى كل الرجالة المتجوزة بيشوف ستات تانين فى اى مكان وفى دماغة مش للمدام بيقول ولهى حلوة

مبيقولش نسبى ولا تعود

انما نقول اية الكلام حاجة والفعل حاجات تانية خالص :)

[زعلان]

و الله يا عم هادى الموضوع ده كبير :)

انت عارف ... الجواز ده عامل زي الكحك بتاع العيد ... مرشوش عليه سكر ناعم من فوق

هو حضرتك كنت شغال فين قبل كده في فرن ..

طب والكلام الي عمال تصدعني بيه ليل نهار وعن حريتك المسلوبة وتحكمات الحكومة

[عشمان خير]

[fontبعد التحيات والطيبات

الموضوع المطروح هام .. خاصة لمن لم يتزوجوا بعد.. لكي يحذروا ..وانتبهوا أيها السادة العزاب:

نعود للموضوع :تأثير الجمال على العلاقة الخاصة بين الزوجين..

الجمال نسبي.. طبعا..

الجمال مطلوب .. ولكن!!

الإشكالية الكبرى أن هذا الجمال الذي يعيره الكثير من الرجال الأولوية المطلقة.. لن يجدي في بيت غاب عنه الانسجام الروحي أو العاطفي.. أو غاب عنه النظام.. أو غابت عنه القيم والتربية.

طيب ازاي حيغيب.. وأنا بجوار الأمورة؟؟ .

ده لسان حال واحد سطحي ويقولك: ( ده انت لما تصطبح بالوش الجميل ده يبقى نهارك نادي وأبيض وزي الفل).

صحيح.. لا شيء أحلى من الجمال!!! ولكن أي جمال هو؟؟ جمال الشكل أم جمال الروح ؟ ثم أي التأثيرين أقوى وأدوم ؟؟

مؤكد أن كل واحد منا له مشاهدات ومعايشات .. من واقعها أقول: إن أغلب من انحازوا في اختياراتهم للشكل دون الموضوع خسروا.. ولم أر واحدا ممن ظفر بذات الحسن والغنج والدلال ( مغفلا باقي الاعتبارات الجوهرية) إلا نادما أو خاسئا وهو حسير.. حتى وان لم يبح أو يترجم ما يعتمل بمكنونه من شعور..والندم يزداد مع تقدم العمر, وضمور الرغبة.. ونفاذ السكر ( البودرة الناعم) من البسكويت حسب تشبيه العزيز:( طفشان).

الاختيارات المبنية على أسس شكلية دون مراعاة للجوهر تصلح لأشياء كثيرة.. ليس من بينها الزواج.. تصلح لأحد أفلام المقاولات التي تنساها بمجرد المشاهدة.. هذا إن وافتك القدرة على استكمالها..وذلك لافتقادها للهدف والمضمون ومقومات البقاء التي تخلد الأعمال القيمية فقط.. وذلك بحكم السنن الكونية التي تحتم اضمحلال المخزون الاستراتيجي للسكر والرحيق والرغبة التي مع التراكم العمري وما يعتري الحياة من تقلبات ومفارقات... بل يحدث أحيانا أن ينقلب السحر على الساحر.. فإذا بمن جاهد ليتحصل على فاتنته لا يطيق نظرا اليها .. أو العكس.. حيث أن المبدأ في النهاية واحد.. باعتبار أن هناك فتيات ونساء يقبلن الرجل لمجرد وسامته وشياكته .. أو أنتفاخ حافظته... الخ الاعتبارات الشكلية

وخلاصة ما أقوله: إن جمال الروح والأداء هو الأساس الداعم لأي حياة مستقرة.. فان جمع الله إليه جمال الشكل ووسامته.. فتلك نعمة أخرى تستحق شكر واهبها.. وان لم يحدث.. فركزوا أحبائي على الظفر بذات الخلق والدين.. فتش عمن تربي أولادكما كما تحب وكما يجب..وابحث عمن تكون لك درعا واقيا عند تقلب الدهر وصروفه.. ولا تفعل كمن فتش عن عمارة يشتريها واضعا في حساباته مواصفات المنطقة و الطراز المعماري الفريد واهتم بالديكورات والمحسنات الشكلية.. ومغفلا أهمية الأساسات واشتراطات السلامة..فاشترى تحفة للناظرين.. لكنها آيلة للسقوط بمن فيها وعليهم.. ابحثوا أولا عن الأساس الذي يحفظ العمارة.. واعلموا أن بإمكان السكان أن يطوروا ويحسنوا ويبدلوا ويضيفوا إليها مع الأيام ما يتمنون ..

وليعلم الجميع أن كل امرأة تتمتع بجانب خفي من الجمال الحسي وان كان غير منظور.. فتش عنه واعثر عليه.. واسعد به مع جمال الروح لأن ربك لا يجمع بين عسرين قط.. والعبرة بالرضى وفلسفته.. التي هي أساس السعادة في شتى مناحي الحياة

وفق الله الجميع

=Arial]

[بنت شعنونة]

الرجل = العقل

المرأة = القلب و العاطفة

وبالتالي ف الرجل كائن حسي بمعنى انه شغال بحواسه الخمسة وبس عشان دي اللي بتوصل للعقل عكس المرأة اللي شغالة بقلبها

وفي العلاقات الخاصة اي تجديد في اي من الحواس الخمسة بما يتناسب واهواء السيد الرجل ها يبقى حاجة فللي اوي :huh:

عكس المراة اللي بتهتم بالعاطفة الجياشة اكتر من الجمال اللي بتتكلموا عنه..

وبالتالي وبما ان الرجل "عيل" كبيييييييييير فهو يحب التجديد في كل ما يتعلق بحواسه

زي ما بيحب الحماس كمان

يعني برفان جديد

قصة جديدة

ضحكة جديدة

كلمة جديدة

اي حاجا ها تعمل تاثير قوي معاه

امال سموها غريزة حيوانية ليه!!! :wub: :)

[yasovinas]

لا حول ولا قوة الا بالله بقوا اكتر مننا في الموضوع

اسمع يا احمد بعد كده لما تكون عايز تتكلم مع الرجاله بس قول موضوع خاص لبنات حوا مش هيدخلوا عليه واحنا ساعتها نتكلم براحتنا واللي عايز يقلع الـ------- شراب يقلعه براحته

افففففففففففففففف

وبعدين احنا بنسال عن رؤية الراجل في موضوع معين لم نهاجم بنات حوا يعني ايه بقى مبرر الهجوم اللي كل بنت من بنات حوا شاناه على الرجاله ده يا ساتشير دا انتوا قلبكو كاروهات اسود في كحلي :huh: