جمال فى امريكا

[عمر عباس]

نقلا عن الجزيرة اليوم الثلاثاء 16/5

قال فريدريك جونز المتحدث باسم مجلس الأمن القومي في البيت الأبيض إن جمال نجل الرئيس المصري حسني مبارك زار واشنطن يوم الجمعة واجتمع لفترة وجيزة بالرئيس الأميركي جورج بوش.

وأوضح جونز أن جمال مبارك اجتمع كذلك خلال زيارته القصيرة لواشنطن والتي ركزت على "أعمال خاصة", بمستشار الأمن القومي الأميركي ستيف هادلي. ولم يكشف جونز عما دار في الاجتماع بين جمال وهادلي.

واكتفى المتحدث الأميركي بالقول إن الرئيس الأميركي حمل نجل الرئيس مبارك "أغلى أمنياته لوالده". الجدير بالذكر أن بعض الأوساط السياسية في مصر تتنبأ بأن يتولى جمال رئاسة مصر في حال تنحي والده عن السلطة.

..............

يمكرون ويمكر الله والله خير الماكرين

المكر بمعنى التدبير والحيلة

[sayed_ossman]

وعلشان كده وزارة الداخليه بتحزر النهارده من اى تجمع سوف يكون مخالفا للقانون

انتو خليتو فيها قانون - شكل الديكتاتور الصغير جمال مبارك راح ياخد الاذن من امريكا - اصله هو وابوه ميقدروش يتحركو غير باذن من رؤسائهم فى البيت الاسود

هى العماله فى دمك انت وابوك

ربنا يخلصنا منكم

[khedr]

خليه يتفسح

واحد في المانيا وايطاليا

والتاني في امريكا

تعبانيين

تعبانيين

بس اللي نفسي افهمه هو بيقابل الناس دي بصفته ايه

علي اساس انه امين لجنه السياسات وده يطلع ايه في الحكومه

والا بيقابلهم بصفته نجل (بالجيم) الريس

ام بيقابلهم بناء علي قراءه للمستقبل

اللي يفهم يفهمني او يبقي يقابلني

[عمر عباس]

ا ترى مين دفع تكاليف الرحلة ..... من دم الشعب المسكين ...

انا سمعت انه تم توبيخه فى البيت الابيض ....

مش معقول طبعا ...

عموما انا متوقع ان امريكا تاخد قفا تانى كبير علشان بتعتمد عليه

بكره نفرح ..... لازم ربنا هيتدخل ... لما يكون الامر اكبر مننا ربنا بيتدخل ...

بأمارة غزوة الخندق ... فاكرين كان الامر اكبر من المسلمين

[علي البدري]

طبعا كلام الحزب الذي نشره إن الوريث زارالكونجرس وأعضاءه كلام فارغ ...... لأن رويترز قالت إنه قابل مستشار الأمن القــــــــــــــــــــــومي و وزيره الخارجيه ونائب الرئيس الأمريكي وأثناء المحادثات مع النائب دخل بوش وسلم علي جمال ...... السؤال لماذا ذهب الي البيت الأبيض ؟ هل كل من يذهب لأمريكا يذهب هناك ؟؟ هل يخرج بوش من مكتبه للسلام علي الوريث بدون أن يكون هناك شيء ما يدبر لمصر ؟؟؟ ما معني بيان الداخليه اليوم ؟؟؟؟ لماذا الزياره لم تعلن إلا اليوم بعد 4 أيام ؟؟؟؟؟ من هو حتي يجتمع مستشار الأمن القومي الأمريكي معه ؟؟؟؟ هل الحاج بتعنا عند زيارته لألمانيا وبعد الكشف الدوري عليه أعطي الأطباء تقرير بقرب نهايته ؟؟؟؟؟؟

تم تعديل 16 مايو 2006 بواسطة علي البدري

[ابو حلاوه]

-

قلنا ميت مرة الباشا الكبير عايز المعلم مش الصبي بتاعه

- العفو يا باشا انا زي ما باقولك المعلم بعافيه شويه السن بقي .......... هو هيأخره ايه عن الباشا الا الشديد القوي

- انت حر .. استلقي وعدك بقي .... انت بتعملوا اللي في دماغكم تستاهلوا اللي بيحصلكم

- تفتكر يا خواجه الباشا زعلان اوي المرة دي ...... يعني هيصدغلنا و نروح و خلاص و لا الموضوع اكبر من كده

- انت بتسهبل يا يالا ...... الباشا قال للمعلم ييجي .... بعتك انت ......من الاخر لما الباشا يقول لواحد منكم ييجي لازم ييجي علي ملا وشه

- ما اكدبش عليك يا خواجه .. الباشا الكبير ايده طرشه و المعلم خلاص بقه عضمه كبيرة مش زي زمان

صوت من بره " ايه ده ما جاش و بعت الصبي بتاعه "

طراخ طريخ طروخ

معلهش يا باشا ... ابوس ايدك يا باشا ... هو اللي قالي يا باشا ........ انا لو اعرف ما كنتش جيت يا باشا

- بص يالا تفز تقوم من هنا ترجع بلدكم و انت عارف ان عايز ايه مش هاكرره تاني

- خلاص يا باشا من غير ما تقول يا باشا انا عارف و هاقول للمعلم ان الدرس وصل

[mohameddessouki]

نقلا عن الجزيرة اليوم الثلاثاء 16/5

قال فريدريك جونز المتحدث باسم مجلس الأمن القومي في البيت الأبيض إن جمال نجل الرئيس المصري حسني مبارك زار واشنطن يوم الجمعة واجتمع لفترة وجيزة بالرئيس الأميركي جورج بوش.

وأوضح جونز أن جمال مبارك اجتمع كذلك خلال زيارته القصيرة لواشنطن والتي ركزت على "أعمال خاصة", بمستشار الأمن القومي الأميركي ستيف هادلي. ولم يكشف جونز عما دار في الاجتماع بين جمال وهادلي.

واكتفى المتحدث الأميركي بالقول إن الرئيس الأميركي حمل نجل الرئيس مبارك "أغلى أمنياته لوالده". الجدير بالذكر أن بعض الأوساط السياسية في مصر تتنبأ بأن يتولى جمال رئاسة مصر في حال تنحي والده عن السلطة.

..............

يمكرون ويمكر الله والله خير الماكرين

المكر بمعنى التدبير والحيلة

ادعوا له....ادعوا له.... (..... ...... ..... )