فى القطار

[achnaton]

كان فيه زمان قطار فى مصر أسمه قطار المفاجأت .. بيطلع يوم الاثنين .. يوم شم النسيم .. ومفيش حد من الركاب يعرف وهو بيحجز القطر ده رايح فين .. والكلام مش زمان قوى .. ما اعرفش ياتى لسه موجود .. ولا راح ..زى اللى راح .. والقطار ده بيفكرنى بحكاية عبد الموجود ..تحبوا تسمعوها .. توكلنا على الله ..

عبد الموجود ركب القطار فى يوم من الايام .. كانت اول مره له .. بعد ما تعب من ركوب الحمار .. ولانه كان فى الواقع زى الغريب .. ركب فى عربية من عربات الدرجة الاولى الشيك .. إنبهر عبد الموجود ..ومدد على الكنبة الجلد الوثير .. وشويه وعدى عليه الكمسارى .. وجده مغمض عينه أوهكذا يبدو .. قفل باب الديوان .. وحياه قبلها بسلام .. واعتبر نفسه انه شاف التذكرة .. عبد الموجود تملكه العجب ..دا انا دافع خمسين قرسش فى التذكرة .. وقالت لشبك التذاكر تذكرة درجة ثالثة .. اوحتى السبنسة ورا .. المهم اوصل البلد والدنيا منوره .. واعتقد عبد الموجود ان الحظ معاه ضرب .. وقعد فى سبنسة موظفى السكة الحديد .. شويه .. وخبط باب الديوان .. ودخل جرسون معاه صنية شاى .. شرب عبد الموجود واستمتع .. وماكاد ينتهى من شرب الشاى .. حتى استأذن الساعى مرة اخرى بطرقة خفيفة .. وسأل عب الموجود تحب حضرتك سمك وجمبرى .. ولا كباب ونيفه .. عبد الموجودانبهر .. وصرخ من الفرح وطلب كباب .. خالص وبلاش النيفة .. عشان تبقى الأكله خفيفة .. وسأل بكام .. قال الساعى دا تبع التذكرة ياباشا .. ويكفينا رضاك ..

أكل عبد الموجود وشبع ..وكبس عليك النوم ..فنام .. يحلم بالولدين والمدام .. واللقاء السريع عندما يصل القطار الى محطة الوصول .. وصل القطار وهو لازق فى الكنبة ومش دارى .. ووقف فى اربع محطات بعد ذلك .. وعبد الموجود لازق .. دخل عليه الكمسارى .. وناظر القطار .. ومعاهم الساعى .. بيسأل حضرتك نازل فين .. نشوف من فضلك التذكرة .. وجدوها درجة تالثة .. ومحطة الوصول راحت .. يعملوا ايه .. يكلموا السواق ازاى عشان الراكب ينزل ولو فى السداح .. عبد الموجود سمع الترتيب .. وانهم حيرموه فى الطريق .. خلع الهدوموربط نفسه فى الشباك .. وحرك الكنبه تجاه الباب .. ومنع دخول آى غريب .. واقطر ماشى على السريع .. لأخر محطة فى ميناء بعيد .. وعبد الموجود بيقول لنفسة فاتتنى محطة النزول .. وخسرانه خسرانه .. نأكل سندوتش الفول ..

ومازال القطر ماشى .. وعبد الموجود مش دارى .. وبكرة نكمل

تم تعديل 16 مايو 2006 بواسطة achnaton