زواج الانترنت هل هو مكتوب على ورقة طلاق

[المدهش]

زواج الانترنت هل هو مكتوب على ورقة طلاق ..وهل يمكن أن تتحول علاقة صداقة عبر الانترنت إلى علاقة حميمية تصل إلى الزواج ..وهل هذا النوع من الزواج المبني على علاقة من خىل الشبكة العنكبوتية يمكن أن ينجح أو يدوم أم أنه زواج محكوم عليه بالفشل..وهل سبق لك أن خضت تجربة حب عبر الانترنت ..ولماذا لم تنتهي هذه العلاقة بالزواج؟!..

[بنت شعنونة]

زيه زي اي زواج

لو توفر فيه الصدق بيكون احسن من الزواج العادي كمان

لأنه مبني على العقل مية في المية وبعيدا عن المؤثرات الأخرى من مشاعر واهواء وشكل وغيره وغيره

المهم يكون الطرفين صادقين بدون زيف ساعتها ها تلاقي انه العقول هيا اللي بتتجاوب مع بعض ودا افضل اكيد

المشكلة بقى كم الصدق اللي ع الشبكة كااااااااااااااام في المية اصلا؟؟؟ :wub: :huh:

[nancy]

انا شايفة ان النت زى اى مكان

وخصوصا لو ناس فى موقع محترم وفية حوار جيد

بتعرف افكار الشخص وهو مش بيفكر انة يلفت نظر حد

بعد كدة حصل توافق يبقى جميل

طيب مامعظم الناس بتتجوز بطريقة الصالونات من حد حتى متعرفش اية فى دماغة اصلا

انا مع اى حيز محترم للتعارف

ولو مكنتش متجوزة مكانش عندى اى مشكلة انى اتجوز من النت عادى

بس لما دخلت النت كنت اتجوزت قبلها يمكن ب 6 سنين كمان

[White heart]

يااااااااااااااه يا عزيزى المدهش ....

موضوعك دة فكرنى بموضوع جاد قديم هنا فى المحاورات ....

الموضوع كان عبارة عن طلب تقدم به أحد الزملاء الأفاضل للزواج من إحدى الزميلات .... يعنى إحدى النماذج الجادة اللى إتكلمت عنها العزيزة nancy ....

تحياتى

تم تعديل 18 مايو 2006 بواسطة White heart

[المدهش]

انا فعلا قرأت موضوع طلب الزواج من شعنونة يا مستر "وايت هارت" ومش عارف ماذا تقصد بربطك له بموضوع زواج الانترنت..هل هو دليل على نجاح هذا النوع من الزواج أم فشله..ويا ريت أعرف من شانا هيه ليه رفضت عريس الانترنت..إذا لم تكن كما تقول ضد المبدأ نفسه..معلهش يا جماعة نوروني علشان فيه واحدة قريبتي معروض عليها الزواج من واحد اتعرفت عليه من النت.

[سهيلة]

انا من رايي ان النت موقع للتعارف فقط

يعنى تعارف مبداى لمواصفات شخص لشخص اخر

طبعا بشرط وجود الصدق اللى طبعا موش هيبقى اكيد

لو المواصفات دى كانت مريحة للطرفين هتدى توافق مبداى بينهم

لازم يتم المقابلة للتاكد من صحة المواصفات اللى اتقالت دى وهيحصل قبول ولا لاا كمان

لو شرط الصدق والقبول وجد

يبقى زواج ناجح بالطبع زى اى زواج وبصراحة انا شوفت حلقة ف برنامج تليفزيونى عن الموضوع دة

وجابوا نموذج لزواج ناجح جداااا من ع النت

[بنت شعنونة]

استاذ وايت هارت و استاذ المدهش

اخي الغالي علي سوس وهو صاحب الموضوع اللي تفضلتوا بنشر الرابط بتاعه قد اصبح رب اسرة الأن

وانا كمان اتجوزت وبقيت ربة اسرة

ولا اعتقد ان ظهور هذا الموضوع على السطح مرة اخرى سيسعد ايا من الطرفين خصوصا ان زوجي يقرا المحاورات "رغم علمه بالموضوع من قبل"

وفتح الموضوع للمناقشة بهذه الطريقة الجدلية اعتقد انه فيه استباحة لخصوصية عضوين دون استأذنهم على الأقل!!؟!!!

ارجو منكم حذف الرابط وتغيير المداخلتين

اتمنى تكونوا فهمتوني

ملاحظة هامشية لأخي sos انا تكلمت بلسانك على اعتبار ان الراي واحد ان شاء الله ف اغفر لي التطفل...

تحياتي للجميع