استفسار حول الغاء العضوية؟

[maxpayne_007]

اريد ان الغى العضوية باسم"maxpayne_007" وتغييرها الى اسم اخر والتسجيل بعضوية جديدة ,فماذا أفعل؟؟

[عادل أبوزيد]

اريد ان الغى العضوية باسم"maxpayne_007" وتغييرها الى اسم اخر والتسجيل بعضوية جديدة ,فماذا أفعل؟؟

ما هو الإسم الجديد الذى تريده ؟

[maxpayne_007]

اريد ان الغى العضوية باسم"maxpayne_007" وتغييرها الى اسم اخر والتسجيل بعضوية جديدة ,فماذا أفعل؟؟

ما هو الإسم الجديد الذى تريده ؟

الاسم الجديد هو "egyptian idiot"

[سيزيف]

فى الواقع ان نفس السؤال يشغلنى

خاصه بعد تعليق الاستاذ عادل على احدى مداخلتى طالبا - ومعه الحق - اختيار اسم سهل نسبيا

و السؤال هو :

هل ممكن تغيير الاسم ام انه يجب التسجيل باسم جديد ؟

[se_ Elsyed]

الاسم الجديد هو "egyptian idiot"

أنت بتتكلم جد ؟

طب أنا بأسجل إعتراضي على الأسم ده ..

أي نعم إنت حُر في إسمك .. لكن ممكن تشيل كلمة إجيبشان .. وبعد كده إعمل ما بدالك

[عصام]

الاسم الجديد هو "egyptian idiot"

أنت بتتكلم جد ؟

طب أنا بأسجل إعتراضي على الأسم ده ..

أي نعم إنت حُر في إسمك .. لكن ممكن تشيل كلمة إجيبشان .. وبعد كده إعمل ما بدالك

كلام موزون أوافق عليه

[maxpayne_007]

الاسم الجديد هو "egyptian idiot"

أنت بتتكلم جد ؟

طب أنا بأسجل إعتراضي على الأسم ده ..

أي نعم إنت حُر في إسمك .. لكن ممكن تشيل كلمة إجيبشان .. وبعد كده إعمل ما بدالك

هوا انا قلت عايز اغيره يبقى "egyptian is an idiot" ولا "egyptian idiot"

على العموم مش مهم

ياريت تيجى على قد الغاء العضوية وخلاص

واهى المنتديات على قفا من يشيل !

[وليد صفوت]

براحتك يا استاذ ماكسبين ... لو عاوز تلغى العضوية و بس انت حر طبعاً ... و على رأيك المنتديات على قفا من يشيل ...

بس ابقى خد الباب وراك ....

سلام عليكوا :)

[عصام]

واهى المنتديات على قفا من يشيل !

يا سلام .. إيه الرقى دا؟ :)

تم تعديل 18 مايو 2006 بواسطة عصام شوقى

[محمود الشاعر]

السادة الاعضاء أول ما سجلت فى هذا المنتدي وضعت أسم للتجربة و بعد فترة قررت تغيره فبعثت برسالة الى أدارة المنتدى أطلب تغير اسم التسجيل من كذا الى كذا وتم فى خلال ساعة أو اقل

لا داعي لالغاء العضوية يكفي ارسال رسالة بالاسم الجديد هذا فى حالة كونك عاوز تغير الاسم بس

أما ان كنت بتهرب من حد وعاوز محدش يعرف انك انت انت فمتخشش بالاسم الجديد خالص وسجل من اول وجديد اما ان كنت عامل عملة وخايف نعرفك يستحسن متخش خالص سواء باسم قديم او جديد وعلى راي وليد خد الباب وراك

[maxpayne_007]

واهى المنتديات على قفا من يشيل !

يا سلام .. إيه الرقى دا؟ :)

اعتذر عن هذا الاطراء ان كان قد سبب ضيقا لاحد ولكن تذكر يا استاذ "عصام شوقى" انك ايضا كان لك تعقيبا"راقيا" قبل هذا التعقيب تنصحنى فيه بالاكتفاء بلقب المعتوه والبقاء فى المنتدى واعتبرتها مداعبة طريفة منك لا أكثر ولكن على أى حال أعتذر مرة عن هذه العبارة .

لكن وبصراحة منذ البداية كنت أريد الغاء العضوية والانسحاب بهدوء ولكن خفت أن يظن أحد أن لى مشكلة شخصية مع أحد الاعضاء أو أننى أكره هذا المنتدى لهذا طلبت فقط تغيير الاسم والتسجيل بعضوية جديدة وكنت أنوى عدم المشاركة مرة أخرى بهذه العضوية ليس كرها فى المنتدى وانما رغبة خاصة فى الانسحاب من السياسة عموما وأعتقد أن لى الحق فى ذلك ، لكن يبدو أننى يجب أن أقبل الايادى و الأقدام لكى أخرج بسلام من هنا

تحياتى للجميع

[عصام]

ولكن تذكر يا استاذ "عصام شوقى" انك ايضا كان لك تعقيبا"راقيا" قبل هذا التعقيب تنصحنى فيه بالاكتفاء بلقب المعتوه والبقاء فى المنتدى واعتبرتها مداعبة طريفة منك

ماحصلش يا أخى العزيز ..

لأنك كما قرأت المداخلة قبل التعديل فقد قرأها بعض الزملاء أيضا .. ولن أكرر ما ذكرته فيها لأنها بالفعل قد تم تعديلها .. ومعنى أنك قد تقبلتها على أنها مداعبة طريفة فهذا يؤكد أنها لم تحتو أى إهانة .. كلها كانت من كلماتك .. :) ولما أحسست أن مداخلتى المقتبسة من كلماتك ليست لائقة قمت بتعديلها على الفور .. عموما تقبل اعتذاى

هذا اولا .. اما ثانيا فلا أدرى من اين جاءك شعور أنه يجب ان تقبل الأيادى للخروج "سالما" من هنا ..؟

يا عزيزى المسألة بسيطة .. مرحبا بالجميع .. ووداعا مصحوبا بالأسى لمن يصر على الرحيل..!!

[وليد صفوت]

اعتذر عن هذا الاطراء ان كان قد سبب ضيقا لاحد ولكن تذكر يا استاذ "عصام شوقى" انك ايضا كان لك تعقيبا"راقيا" قبل هذا التعقيب تنصحنى فيه بالاكتفاء بلقب المعتوه والبقاء فى المنتدى واعتبرتها مداعبة طريفة منك لا أكثر ولكن على أى حال أعتذر مرة عن هذه العبارة .

لكن وبصراحة منذ البداية كنت أريد الغاء العضوية والانسحاب بهدوء ولكن خفت أن يظن أحد أن لى مشكلة شخصية مع أحد الاعضاء أو أننى أكره هذا المنتدى لهذا طلبت فقط تغيير الاسم والتسجيل بعضوية جديدة وكنت أنوى عدم المشاركة مرة أخرى بهذه العضوية ليس كرها فى المنتدى وانما رغبة خاصة فى الانسحاب من السياسة عموما وأعتقد أن لى الحق فى ذلك ، لكن يبدو أننى يجب أن أقبل الايادى و الأقدام لكى أخرج بسلام من هنا

تحياتى للجميع

لأ بس يكفى انك ما تغلطش فى حد قبل ما تنسحب يا استاذ ماكسبين ....

مش لازم يعنى تزم فى اى حاجة عشان تبرر لنفسك الإنسحاب .... يكفى انك تعترف لنفسك بأنك لا تملك الإرادة الكافية و كفى ....

سلام

[maxpayne_007]

ماحصلش يا أخى العزيز ..

لأنك كما قرأت المداخلة قبل التعديل فقد قرأها بعض الزملاء أيضا .. ولن أكرر ما ذكرته فيها لأنها بالفعل قد تم تعديلها .. ومعنى أنك قد تقبلتها على أنها مداعبة طريفة فهذا يؤكد أنها لم تحتو أى إهانة .. كلها كانت من كلماتك .. :) ولما أحسست أن مداخلتى المقتبسة من كلماتك ليست لائقة قمت بتعديلها على الفور .. عموما تقبل اعتذاى

هذا اولا .. اما ثانيا فلا أدرى من اين جاءك شعور أنه يجب ان تقبل الأيادى للخروج "سالما" من هنا ..؟

يا عزيزى المسألة بسيطة .. مرحبا بالجميع .. ووداعا مصحوبا بالأسى لمن يصر على الرحيل..!!

تعقيبك السابق بالفعل كان يحتوى على اهانة ووصفتها أنا بالمداعبة الطريفة من باب المجاملة حتى لا أشعرك بالاضطرار الى الاعتذار خصوصا بعد تعديله ، ولكن على أى حال اعتذارك مقبول

ثانيا ان لم يكن واجبا أن أقبل الايادى للانسحاب فلماذا لم تلغى العضوية من أول طلب وعلى حد علمى أنك مشرف عام فى المنتدى وماذا تنتظر ؟؟

[محمود الشاعر]

maxpayne_007

لحظة من فضلك الكل كان بيهزر معاك

وانا شايف انك مكبر الموضوع والمسئلة مش مستهلة يا اخونا كل واحد فينا عنده اللي مكفية و زيادة مش ناقصة الحتة اللي الواحد بيهرب فيها من الدنيا ومن اللي حواليه يلاقى فيها خناق و ناس بتزعق وتفهم بعض غلط

عمنا وليد الراجل مغلطش فى حد هو فهم غلط ثم احنا كلنا اكبر من كده هو حر فى تغير اسمه

او انه يسيب المنتدى بس احنا المفروض برضه روح المسامحة والود تسود وتكون هى العامل اللي بيجمعنا مش بيفرقنا

ملاحظة احتمال يكون الموضوع له ابعاد اكبر من كدة معرفهاش لو حد يعرفها يتكرم ويعرف العبد لله اللي ميعرفش حاجة

[maxpayne_007]

لأ بس يكفى انك ما تغلطش فى حد قبل ما تنسجب يا استاذ ماكسبين ....

مش لازم يعنى تزم فى اى حاجة عشان تبرر لنفسك الإنسحاب .... يكفى انك تعترف لنفسك بأنك لا تملك الإرادة الكافية و كفى ....

سلام

طب شاورلى كدة على الناس اللى غلطت فيهم :) ومع ذلك أنا آسف لأى واحد حاسس انى غلطت فيه

تانى حاجة بلاش أستاذ دى عشان أنا لسه مكملتش 19 سنة

وبعدين يعنى ايه " تبرر لنفسك الانسحاب " هو الخروج من المنتديات ده خلاص بقى فعلة شنعاء تستحق التبرير والاعتذار والندم ؟! وتأكد ياعزيزى أن هذا القرار نابع من ارادة قوية وأنا لم أخرج من الجنة مثلا لكى أشعر بالندم والبؤس..!!

[se_ Elsyed]

يا أخونا الكريم maxpayne_007

مثلما قال لك الأخوة .. مرحباً بكل زميل جديد يُثري المكان ...

وإذا كنت سجلت بنفس الإسم وتريد أن تنسحب لأسباب شخصية لا يستطيع أحد أن يناقشك فيها .. فيكفي ألا تدخل بنفس الإسم .... وهناك فرصة للتسجيل بإسم أخر ومن ثم ماحدش هايعرف إنك كنت فلان الفلاني اللي كان موجود قبل كده .....

ونقطة الخلاف معك كانت لإختيارك لإسم يُسيء لنا جميعاً كمصريين مش لك وحدك

فهل ترضاها على نفسك إنك تدخل منتدى وتلاقي واحد إسمه " مصري مغفل " أو " مصري أحمق "

طب ليه وعشان إيه ؟

حتى لو لم تقترن الصفة بجنسية ..

فأنا عن نفسي لا أقبل أن أتحاور أو أسمع كلام من شخص مسمي نفسه " المغفل .. أو الأحمق "

وبعدين هي قلة أسامي ؟

وبعدين بدل ما الموضوع أخد صفحتين وكثير من الوقت .. إسمحي لي أقولك

قوم ذاكر لإنك شكلك في ثانوية عامة أو في بداية المرحلة الجامعية .. وبالتالي فأعصابك مشدودة ... وإوعى أشوفك تتفرج على مباريات كاس العالم كمان .. وإحنا هانبقى نحكيلك على الماتشات حصل فيها إيه :)

[وليد صفوت]

طب شاورلى كدة على الناس اللى غلطت فيهم :) ومع ذلك أنا آسف لأى واحد حاسس انى غلطت فيه

بس كده ؟ من عينيا الاتنين

واهى المنتديات على قفا من يشيل !

وأنا لم أخرج من الجنة مثلا لكى أشعر بالندم والبؤس..!!

و دى اسمها سخرية يا " عزيزى " لو ماكنتش تعرف .....

وبعدين يعنى ايه " تبرر لنفسك الانسحاب " هو الخروج من المنتديات ده خلاص بقى فعلة شنعاء تستحق التبرير والاعتذار والندم ؟!

واضح انى قولت انك تبرر لنفسك ... يعنى تدى لنفسك سبب كافى لترك عالم المنتديات مش تبرر لينا احنا !! و بعدين زى ما قلت عاوز تمشى انت حر عاوز تستمر معانا اهلاً بيك الموضوع مافيهوش اى داعى لأى إعتذار او ما شابه .

وتأكد ياعزيزى أن هذا القرار نابع من ارادة قوية

فعلاً فعلاً .... انا متأكد من كده طبعاً :angry2:

سلام

[عصام]

ثانيا ان لم يكن واجبا أن أقبل الايادى للانسحاب فلماذا لم تلغى العضوية من أول طلب وعلى حد علمى أنك مشرف عام فى المنتدى وماذا تنتظر ؟؟

حاضر .. سمعا وطاعة

بناءا على طلب حضرتك تم توقيف حسابك لدينا ..

تحياتى

[كعبول]

يا أخونا الكريم maxpayne_007

مثلما قال لك الأخوة .. مرحباً بكل زميل جديد يُثري المكان ...

وإذا كنت سجلت بنفس الإسم وتريد أن تنسحب لأسباب شخصية لا يستطيع أحد أن يناقشك فيها .. فيكفي ألا تدخل بنفس الإسم .... وهناك فرصة للتسجيل بإسم أخر ومن ثم ماحدش هايعرف إنك كنت فلان الفلاني اللي كان موجود قبل كده .....

ونقطة الخلاف معك كانت لإختيارك لإسم يُسيء لنا جميعاً كمصريين مش لك وحدك

فهل ترضاها على نفسك إنك تدخل منتدى وتلاقي واحد إسمه " مصري مغفل " أو " مصري أحمق "

طب ليه وعشان إيه ؟

حتى لو لم تقترن الصفة بجنسية ..

فأنا عن نفسي لا أقبل أن أتحاور أو أسمع كلام من شخص مسمي نفسه " المغفل .. أو الأحمق "

وبعدين هي قلة أسامي ؟

وبعدين بدل ما الموضوع أخد صفحتين وكثير من الوقت .. إسمحي لي أقولك

قوم ذاكر لإنك شكلك في ثانوية عامة أو في بداية المرحلة الجامعية .. وبالتالي فأعصابك مشدودة ... وإوعى أشوفك تتفرج على مباريات كاس العالم كمان .. وإحنا هانبقى نحكيلك على الماتشات حصل فيها إيه :blush:

اولا شكرا على مرورك واهتمامك

هاقول تانى ان الاسم مش معناه "المصرى مغفل" وانما "مصرى مغفل"

وليس بالضرورة ان يكون الاسم معبرا عن شخصية صاحبه وانا مش شايف نفسى مغفل وفرحان بهبلى وعايز اسمى يبقى

"مصرى مغفل" كدة رخامة ، ولكن اخترت الاسم كاسقاط ساخر على واقع المواطن المصرى ونظرة الاخرين ليه سواء من

حكومة أو من غيرها بمعنى اوضح انا شايف ان النظام الحاكم فاكر المواطن المصرى مغفل ومش فاهم حاجة وبالتالى

اختيارى للاسم جاء من باب المحاكاة الساخرة لنظرة النظام له وكنت أنوى-فى حالة بقائى - وضع مشاركات تثبت نسبيا

عكس هذه النظرة من باب اعطاء انطباع بان "المصرى المغفل" فاق وبدأ يتكلم ...... ها وصلت ولا لسه ... لا اهانة

للمصريين ولا يحزنون ..!! وسأضرب لك مثالا اخر بسلسلة كتب شهيرة تسمى "complete idiots guides" وهى سلسلة تعليمية تبدأ مع

القارئ من تحت الصفر ولهذا سميت ب"دليل المعتوهين" وللعلم فان هذة السلسلة تحقق مبيعات هائلة فى امريكا ومختلف

أنحاء العالم ولم يعتبر احد القراء مثلا أن العنوان يحمل اهانة او تقليل من شأنه رغم اسم الكتاب الذى قد يبدو صادما

للبعض الا ان القارئ يعلم من البدايه انه مجرد اسم طريف وهى طريقة تستخدمها دور النشر لجذب القراء ...، لهذا التمس

العذر لكل من فهم الاسم بطريقة خاطئة ...، وبعد موضوع الانشاء ده سيكون من الحماقة التسجيل بهذا الاسم والعوض

على الله وع العموم أنا خلاص سجلت باسم جديد وبروح جديدة ان شاء الله .

الفاضلان "وليد صفوت" ،، "عصام شوقى"

اعتذر لكما عن كل ما ترونه اساءة فى حقكم أو فى حق المنتدى وأقدر انفعالكم النابع من حبكم الواضح للمنتدى ولكن اكرر

مرة أخرى ان رغبتى فى الانسحاب لم تكن كرها للمنتدى ولا لأحد من أعضاؤه ولكنى قلت انها رغبة فى الانسحاب من هذا

المناخ عموما وبالفعل فقد قمت بالخروج من منتديات اخرى تدور موضوعاتها فى نفس السياق خلال الايام الماضية وكان

"محاورات المصريين " آخر هذه المنتديات نظرا لتنوع ابوابه وثراء محتواه ...وربما كنت عصبيا ومتوترا بعض الشئ

بالامس فصدرت منى بعض الاطراءات التى ترونها سخيفة وغير راقية ...لهذا اكرر اعتذارى مرة أخرى وأدعوكما لنسيان

كل ما سبق وفتح صفحة جديدة خالية من بقايا كره أو أحكام مسبقة بالرفض وتصيد الاخطاء .

صافى يا لبن -_- :o :)

واعتذر لمشاركتى فى اعطاء الموضوع أكبر من حجمه .

تحياتى للجميع